[$ستار$]

الجزيرة الرياضية تُعطل بث بطولة اليورو عبر التليفزيون المصرى
وتطلب 10 مليون جنيه لاذاعة البطولة عبر القنوات الارضية المصرية !!

[osamasaad]

طيب و ايه الجديد ما انا قلت قبل كده ان لا يمكن التليفزيون يذيع المباريات حتى ارضيا لان المطلوب فى الحقوق مبلغ مهول يصل الى 200 مليون دولار لكن الجزيرة تقدر عليها زى ما هو معروف و مش هاقول غير ان الجزيرة بطلبها المبلغ " التافه " ده من مصر انها بتبيع لها البطولة بسعر " رمزى " يعنى ما يساوى مليون و نصف المليون دولار تقريبا
المسالة مش هنا خالص المسالة فى اللى حصل قبل كده و انا كنت عارف لان الاتحاد الاوروبى عرض على اعضاء اتحاد الاذاعات الاوروبية نقل البطولة من 4 سنوات فقط مقابل 25 مليون دولار على ان تسدد بالتقسيط فوافقت جميع التليفزيونات المشتركة باستثناء القنوات العربية و طبعا ارتفع التمن دلوقتى الى 350 مليون دولار و هو رقم مستحيل يعنى التليفزيون ينسى المنافسة و يكتفى باذاعة كاس العرب من السعودية و معاها شوية اعلانات علشان الجماعة بتوع القطاع الاقتصادى ينبسطوا
انت عارف لو كان المسئولين بالتليفزيون عندهم نظرة بعيدة كانوا وافقوا على العرض لانه كان يتضمن اذاعة المباريات عبر القنوات الفضائية كمان
طيب تقدر تقول لى ازاى اسرائيل هاتنقل المباريات و مجانا كمان زى ما عملت فى كاس العالم انا عارف الاجابة طبعا و مش عايزة شطارة لكن مهما كانوا اعداءنا بيفكروا فى خمسين سنة جاية و هم كانوا ضمن اللى وافقوا على عرض الاتحاد الاوروبى من اربع سنوات
طيب اسمع دى كمان البطولة اللى جاية فى فرنسا الاتحاد الاوروبى هايعرضها على الاعضاء فى اتحادات الاذاعات الاوروبية بشكل خاص اولا بثمن 40 مليون دولار تسدد على اربع سنوات و انت خمن بقى بس خلاص

[eljooker]

ربنا يعوض علينا

[dentist mahmoud]

شئ متوقع
لنااللــــــــــه

[$ستار$]

المشاركة الأصلية كتبت بواسطة osamasaad

طيب و ايه الجديد ما انا قلت قبل كده ان لا يمكن التليفزيون يذيع المباريات حتى ارضيا لان المطلوب فى الحقوق مبلغ مهول يصل الى 200 مليون دولار لكن الجزيرة تقدر عليها زى ما هو معروف و مش هاقول غير ان الجزيرة بطلبها المبلغ " التافه " ده من مصر انها بتبيع لها البطولة بسعر " رمزى " يعنى ما يساوى مليون و نصف المليون دولار تقريبا
المسالة مش هنا خالص المسالة فى اللى حصل قبل كده و انا كنت عارف لان الاتحاد الاوروبى عرض على اعضاء اتحاد الاذاعات الاوروبية نقل البطولة من 4 سنوات فقط مقابل 25 مليون دولار على ان تسدد بالتقسيط فوافقت جميع التليفزيونات المشتركة باستثناء القنوات العربية و طبعا ارتفع التمن دلوقتى الى 350 مليون دولار و هو رقم مستحيل يعنى التليفزيون ينسى المنافسة و يكتفى باذاعة كاس العرب من السعودية و معاها شوية اعلانات علشان الجماعة بتوع القطاع الاقتصادى ينبسطوا
انت عارف لو كان المسئولين بالتليفزيون عندهم نظرة بعيدة كانوا وافقوا على العرض لانه كان يتضمن اذاعة المباريات عبر القنوات الفضائية كمان
طيب تقدر تقول لى ازاى اسرائيل هاتنقل المباريات و مجانا كمان زى ما عملت فى كاس العالم انا عارف الاجابة طبعا و مش عايزة شطارة لكن مهما كانوا اعداءنا بيفكروا فى خمسين سنة جاية و هم كانوا ضمن اللى وافقوا على عرض الاتحاد الاوروبى من اربع سنوات
طيب اسمع دى كمان البطولة اللى جاية فى فرنسا الاتحاد الاوروبى هايعرضها على الاعضاء فى اتحادات الاذاعات الاوروبية بشكل خاص اولا بثمن 40 مليون دولار تسدد على اربع سنوات و انت خمن بقى بس خلاص

بس انت كدا معتش فى كلام بعدك لخصت كل حاجة

[mohamed yehai]

هو دة جزيرة المتوقع من الجزيرة

[بلال]

يا سيدى الفاضل هناك قنوات لا تعد ولا تحصى يمكننا مشاهده البطوله عليها وعلى كل الاقمار بدايه من القمر الاسرائلى الملعون الى 75 درجه شرق

[kingegy11]

لو القنوات العربيه اتحدت وهي الي حددت السعر خاصه ان المنطقه تعاني من كوارس اقتصاديه هيشتروا بمزاجهم !!!!!!!!!!!!!!!!!!!! طبعا ده كايوس ان العرب يتحدوا

[data2008]

وطبعا اقتصاد مصر لا يتحمل دفع فلوس فى الحاجات
الفاضيه دى

[egmagdi]

الحمد لله - البركة فى الشيرينج

[مهندس محمد عبدة]

يعينى على الفقير ياولدا

[اشرف النوبى]

أخى الفاضل قناة das ERSTE بتذيع الماتشات على الهوت بيرد مجانا وتردد القناة هو 11543 /V 22000

[osamasaad]

يا اخ اشرف
مع انى ما اقدرش استقبل الهوت بيرد حاليا بس اقول لك مستحيل يكونوا بيحطوا المباريات كلها على الهوت بيرد لان الاتحاد الاوروبى امر بغير كده و المفوضية الاوروبية هى اللى تشرف على الاتحاد الاوروبى و المانيا تتبع الاتنين فمستحيل يبوظوا حقوق ناس دافعة فلوس و ليها قنوات على الاوروبى يمكن بس يذيعوا ماتش او ماتشين من بتوع المانيا انما غير ده لا يمكن لا الالمانية الاولى و لا التانية مستحيل لان ده كله على استرا 19 شرقا بس القنوات اللى لا يمكن حد من خارج القارة الاوروبية يشوفوها دى فيه مناطق فى اسبانيا و قبرص مستحيل تلقط ارسال استرا الا باطباق 4 متر فما فوق و حتى القنوات الايطالية بيشفروا ارسالهم ساعة بث المباريات .. ممكن على اقمار تانية انما الاوروبى مستحيل

[ابوامين الفقى]

المشاركة الأصلية كتبت بواسطة osamasaad

يا اخ اشرف
مع انى ما اقدرش استقبل الهوت بيرد حاليا بس اقول لك مستحيل يكونوا بيحطوا المباريات كلها على الهوت بيرد لان الاتحاد الاوروبى امر بغير كده و المفوضية الاوروبية هى اللى تشرف على الاتحاد الاوروبى و المانيا تتبع الاتنين فمستحيل يبوظوا حقوق ناس دافعة فلوس و ليها قنوات على الاوروبى يمكن بس يذيعوا ماتش او ماتشين من بتوع المانيا انما غير ده لا يمكن لا الالمانية الاولى و لا التانية مستحيل لان ده كله على استرا 19 شرقا بس القنوات اللى لا يمكن حد من خارج القارة الاوروبية يشوفوها دى فيه مناطق فى اسبانيا و قبرص مستحيل تلقط ارسال استرا الا باطباق 4 متر فما فوق و حتى القنوات الايطالية بيشفروا ارسالهم ساعة بث المباريات .. ممكن على اقمار تانية انما الاوروبى مستحيل

شغاله كويس مفيهاش مشاكل ذاعت 4 ماتشات لحد دلوقتى

[محمد مهدي عبد الله]

Trt1 التركية علي ترك سات بتنقل المباريات وادمن اذربيجان كمان بتنقل بعض المباريات