[حمادة الشورى]

السلام عليكم ورحمة الله وبركاته
طلبات اخوتى الغاليين كانت كالاتى :

المشاركة الأصلية كتبت بواسطة mohamed75act

ياريت تجرب تشغل افلام من علي الفلاشه
وتقولي ايه اخبار جودة الصوره وايه الصيغ المدعومه
وهل الترجمه العربي شغاله كويس وهل في تقطيع لو حجم الفيلم كبير
جبته منين وهل فيه بحث اعمي blindscan
هل عندك اقمار تانيه ومشغل دايزك
وربنا يباركلك فيه

المشاركة الأصلية كتبت بواسطة data2008

طيب جرب كده خاصيه صوره داخل صوره
وجرب التسجيل من اكتر من قناه
وجرب الصيغ التى يقراها من الفلاشه
وجرب تركب ماوس وكيبورد وتشوف الكيبورد ومتصفح الانترنت
وحط شويه صور للمميزات دى الجهاز ده شكله هيموت الترومان خالص

المشاركة الأصلية كتبت بواسطة data2008

كمان جرب تشغل اليوتيوب على متصفح النت
يعنى ادخل موقع يوتيوب من المتصفح وشغل فيديو وشوف هيشتغل ولا لا

1- بخصوص الترجمة والاقمار انا عندى قمر واحد النايلسات وطبعا مش محتاج ترجمة لان الافلام مترجمة

2- بخصوص التسجيل من اكتر من قناة فيه موضوع فى المثبتات لاخى الغالى القبطان وطبعا لا يعلى عليه فى الشرح وادى الرابط بتاعه
http://www.masrawysat.com/vb/showthread.php?t=556397


3- بخصوص سؤال اخى محمد هل الجهاز يدعم البحث الاعمى ، نعم اخى العزيز يدعمه وادى صورة من كرتونة الجهاز فيها الخاصية من ضمن مزاياه blind scan وانا معلملك عليها بالسهم








4- بالنسبة لطلب اخى data2008 الدخول على اليوتيوب من الانترنت يعنى من صفحة جوجل انا دخلت ولكن بيطلب تحميل اصدار معين من الفلاش بلاير طبعا ماردتش اخاطر واعمل داونلود لاصدار مش متأكد من توافقه وادى صورته










5- بالنسبة لطلب اخى محمود تشغيل افلام ذات حجم كبير انا فعلا شغلت فيلم سجلته وانا فى الحج السنادى بصيغة mp4 وبجودة hd وحجم 2 جيجا واشتغل زى الفل وكمان بيشغل صيغة flv واعتقد كل الصيغ اللى بتشغلها الريسيفرات المحترمة وادى صورة منه






6-بالنسبة للفيس بوك انا دخلت بحسابى عادى اخر حلاوة وادى صورته







وكمان التويتر بس انا ماليش حساب فيه بس مايمنعش انى حملته وادى صورته









اما بقى القنوات اللى ماستعرضنهاش امبارح على ******* المجانى وشغالة زى الفل قناة الايه ار تى








وكمان ناشيونال جيوجرافيك







7- ونختم بطلب اخى data2008 تجربة الصورة داخل صورة انا جربتلك صورة لوحدها وبعدين صورتين جنب بعض وبعدين صورتين واحدة فى الواجهة والتانية فى الكورنر يا غالى















مع خالص تحياتى لاخوتى الاعزاء

[Mohamed_Amr]

الله ينور عليك اخى حمادة
موضوع رائع تسلم ايدك حبيبى
وبالنسبه لصورة ابو ظبى اتش دى هى شغاله
الان مجانا وايه التردد بتاعها
وبارك الله فيك

[mg9000]

بارك الله فيك

[حمادة الشورى]

المشاركة الأصلية كتبت بواسطة Mohamed_Amr

الله ينور عليك اخى حمادة
موضوع رائع تسلم ايدك حبيبى
وبالنسبه لصورة ابو ظبى اتش دى هى شغاله
الان مجانا وايه التردد بتاعها
وبارك الله فيك

ربنا يخليك ليا اخى الحبيب محمد عمرو ، ودى شهادة اعتز بيها من عملاق الدريك فى منتدانا وجميع المنتديات
بالنسبة لقنوات ابو ظبى هى مفتوحة مجانا طوال فترة بطولة ويمبلدون للتنس وحتقفل بعدها على طول
التردد v / 27500/ 12092
وعلى فكرة ميزة الجهاز ده فى البحث لوحده على الترددات انا محطتش اى تردد هو جابها لوحده ، شكرا لك اخى الكريم لنصحك ليا بالجهاز ده ، ربنا يجازيك خير

[data2008]

تعبينك معانا يا ريس .....
يعنى انت جربت mp4 و flv
جرب فيلم يكون عندك على الكمبيوتر اشهر صيغه افلام rmvb . avi.mpg
بس طالما شغل flv . mp4 هيشغل avi , mpg بش مش متاكد انه ممكن يشغل rmvb
دى كانت صعبه على رسيفرات كتير
الاخ محمد عمرو اتأخر فى الرد على تجربه السى سى كام
متعرفش هو فين شكله مش فى البيت
تاخد تجرب انت .................. لو ناوى ضيفنى على الفيس بوك
(رحمه نت)

[حمادة الشورى]

المشاركة الأصلية كتبت بواسطة data2008

تعبينك معانا يا ريس .....
يعنى انت جربت mp4 و flv
جرب فيلم يكون عندك على الكمبيوتر اشهر صيغه افلام rmvb . avi.mpg
بس طالما شغل flv . mp4 هيشغل avi , mpg بش مش متاكد انه ممكن يشغل rmvb
دى كانت صعبه على رسيفرات كتير
الاخ محمد عمرو اتأخر فى الرد على تجربه السى سى كام
متعرفش هو فين شكله مش فى البيت
تاخد تجرب انت .................. لو ناوى ضيفنى على الفيس بوك
(رحمه نت)

انا افضل اننا نستنى اخى محمد عمرو وهو ان شاء الله حيقولنا على التجربة ونتيجتها زى مابقولك كده انا بثق فى قراراته اكتر من ثقتى فى الجمعية التأسيسية .
اما بخصوص تجربة الملف بصيغة rmvb حدورلك على واحد بكره ان شاء الله واجربه واقولك لانك انت شايف دلوقت الساعة 1.15 والمفروض اصحى للشغل الساعة 6.30 ياغالى

[data2008]

الله يقويك ....................

[حمادة الشورى]

المشاركة الأصلية كتبت بواسطة mg9000

بارك الله فيك

ربنا يخليك أخى العزيز

[mohamed75act]

شكرا علي اهتمامك وردودك الوافيه يا استاذ حماده وانت كده طمنتي اكتر
وفي حاجه كمان ان ملاحظ ان قسم الدريك بعد ظهور الجهاز ده بقي نشيط قوي علي عكس الترومان اللي بقي نايم جدا ومفهوش غير مشاكل

[القبطان]

بالنسبة لصيغة rmvk
غير مدعومة للجهاز
والسيسيكام على الجهاز ممتاز
المهم السرفر يكون قوى وممتاز
وعلى الانجما 2 مفيش نتشة ولاتقطيع
لسكاى وتقبلوا وافر تحياتى

[الكلحى]

شكرا ع المجهود يا غالى بس انا عندى مشكله انا نزلت سوفت مراج للدريك واتلخبط حاله ومش عارف اعمل اه الرجاء من اهل الخبره افيدون ارجع الجهاز لاصله عشان السرفر يشتغل تانى

[aziz5165]

حتى الكرتونه معتقتهاش....
ياريت اغنية عبدالمطلب : اعطف ياجميل واسأل مره!!!!
ومبروك عليك الجهاز ومبروك علينا وجودك معانا

[ahmed_kotb333]

المشاركة الأصلية كتبت بواسطة aziz5165

حتى الكرتونه معتقتهاش....
ياريت اغنية عبدالمطلب : اعطف ياجميل واسأل مره!!!!
ومبروك عليك الجهاز ومبروك علينا وجودك معانا

امال ايه ده اخونا الحبيب ومهندسنا الجديد
نتمنى له كل التوفيق
وكفايه شهادته للدريك
كله ياحد بنصيحته

[حمادة الشورى]

المشاركة الأصلية كتبت بواسطة mohamed75act

شكرا علي اهتمامك وردودك الوافيه يا استاذ حماده وانت كده طمنتي اكتر
وفي حاجه كمان ان ملاحظ ان قسم الدريك بعد ظهور الجهاز ده بقي نشيط قوي علي عكس الترومان اللي بقي نايم جدا ومفهوش غير مشاكل

لا شكر على واجب اخى محمد ، ده انت غالى ، اما بالنسبة لتعليقك على نشاط القسم ، انا فى اعتقادى والصراحة واجبة النشاط مش راجع لظهور الجهاز ده ، الجهاز فى السوق بقاله 5 شهور والقسم كان نايم ومصحيش الا من حوالى شهر ونصف فقط لما اشتراه الاخ tati kamans وبدأ يعمل موضوعات فبدأت تنشط العملية شوية ولكن الحقيقة النشاط الفعلى للقسم ونقطة التحول بالنسبة للدريك فى اعتقادى فقط عندما اشترى كل من الحج صابر والحج محمد عمرو والاخ المحترم فتحى القبطان الجهاز ، وساعتها بس حصل الانقلاب

[حمادة الشورى]

المشاركة الأصلية كتبت بواسطة aziz5165

حتى الكرتونه معتقتهاش....
ياريت اغنية عبدالمطلب : اعطف ياجميل واسأل مره!!!!
ومبروك عليك الجهاز ومبروك علينا وجودك معانا

هههههههه عزيزى واخى المحترم عزيز ، تعليقاتك مش ممكن ، ومبروك علينا احنا واحد زيك بخفة ظلك وسرعة بديهتك