[harbe]

عايز اعرف ايه رايكم فى جهاز دريم بوكس 500 الفضى علشان انا منذ شهرين وانا ابحث عن اللون الفيرانى ولكن لم اجده فياريت كل اللى عنده الدريم اللون الفضى يوضح لنا مميزات وعيوب الجهازوهل يوجد به مشاكل .
ورمضان كريم على كل اعضاء مصراوى سات ومشرفين الدريم بوكس والامه العربيه والاسلاميه

[ابووحمد]

اخوي الكريم انا من 5 سنوات استخدم الدريم بوكس 500sالشهير وهو ممتازجدا من واقع تجربه وانا مقتنع به لان برامجه متوفره والدعم الفني موجود ولا يعاب الا اذا وجدت انواع منه غير جيده ففيه الصيني درجه اولى ويوجد ثانيه وثالثه هذا اذا رغبته ولم تفكر في hdوانا من المؤيدين لاستخدامه لوجود مميزات منها مثلا تركيب الصور بكل سهوله والتسجيل وحفظ المفضله وارجاعها وتركيب الاشتراك ولاتعد مميزاته بالمختصر كمبيوتر مصغر لوجود نظام لينكس لتشغيله -

[eldeepmoh]

جهاز رائع انا عندى الاصلى بتاعه من 2006 وجهاز قوى وله دعم مستمر ويعمل بامتياز على الشيرنج وان كان هواقوى الاجهزه بلا منازع ونظرا لعدم انتشار قنوات الاتش دى والسرى دى فهو اقوى جهاز حتى الان وليس به اى مشاكل اذا تم تركيب الصوره المناسبه له

[المعلم صديق]

الدريم الفضى المقلد يعمل عندى منذ اربع سنوات بدون مشاكل

[mhh_hamed]

والله الناس عمال تشكر فى الجهاز بس انا الصراحة من ساعة ما جبته وهو مطلع عينى كل شوية السوفت يقع ولو موقعش يبقى محتاج شحن فلاشة الصراحة كانت اكبر غلطة انى جبته او الله اعلم ممكن الجهاز نفسه اللى انا جبته بس هو اللى فيه مشكلة مش عارف لو حد يعرف مركز صيانة محترم فى باب اللوق يا ريت يدلنى عليه بس يكون مركز كويس مش اى كلام يعنى يعرف يظبطهولى تمام

[علاء90]

بصراحه اد ما هو حلو اد ما هو متعب ومقرف وزى الزفت ممكن البائع منه لله عطانى جهاز منيل زى الزفت الواحد زهق منه مشاكله كثير وجهاز يقرف انا لم ارى جهاز كل يوم عايز سوفت وتغييره باستمرار ويهنج على طول وعايز يتصرف عليه باستمرار بصراحه جهاز متعب جدا جدا جدا علاء90

[ashrafdishnono]

أفضل أنواع الدريم500s
وعن تجربة شخصية
الدريم فيراني اللون
مافيش سخونية
بروسيسور عالي جدا وممتاز
تيونر استقباله رائع
مافيش تهنيج
مساحة استقبال الريموت
يعمل الريموت من علي بعد
حوالي 10 متر أو أكثر
وريموته قوي جدا
لا يوجد أدني مشكلة فيه
علي الاطلاق
والعكس صحيح وينطبق علي
الدريم الفضي

هات الدريم الفيراني اللون
وانته مغمض

وتحياتي لك يا غالي
ورمضان كريم

[harbe]

الله اكرم يا استاذ اشرف انا بقالى شهرين بلف على الدريم الفيرانى كل محلات باب اللوق والشارع الضيق اللى ورا بتاع الجرايد ومش موجود غير الاسود والفضى قولى اعمل ايه.

[mhh_hamed]

طيب يا ريت يا جماعة فعلا حد يقولنا على محل نجيب منه الدريم الفيرانى ده ولا هو خلاص مبقاش بينزل منه ولا فى نوع تانى احسن منه نزل يا جماعة من الاخر كده انا عايز اجيب ريسيفر للشيرنج وانساه مش كل شوية مشكلة انا عندى ريسيفر استرا 9500 جايبه من 2003 بسم الله ما شاء الله عليه بجد حمار شغل فما فيش حاجة كده زيه برضه بس للشيرنج برجاء الافادة