[sherif elmasri]

ياريت اخواتنا يشرحولنا بالترتيب طريقة فحص الترانستور الفلات بالافوميتر الديجيتال لانى مفهمتش من المثبتات حاجة وياريت يكون الشرح سهل وبسيط عشان نقدر نوصل لمعرفة الترانستور التالف ويكون باسهل طريقة عملية مش عاوز كلام كتب ازاى اقدر احدد نوع الترانستور ومعرفة العيب لانة متوقف علية 90% من اعطال الاشارة وعايزين اخواتنا يشرحولنا وياريت يكون بالصور عشان انا تعبت من التدوير فى المثبتات ومفهمتش حاجة

[مهندس محمودعبدالحميد]

بص يا غالى انا هقولك على معلومه بسيطه ممكن من خلالها تعرف طريق قياس الترانزوستر صح وهى السليكون يقاس من اتجاه والاتجاه الاخر لا والترانزوستر عباره عن 2 سيليكون فى بعض وبيقيس على اتجاه واحد ايضا وان قاس على الاتجاهين يبقى تالف مع مراعاه ان فيه انواع كتير من الترانزوسترات ولكن طريقه القياس واحده ولكن يختلف حسب نوع الترانزوستر يعنى فيه ترانزوستر بيبدأ بحرف a وفيه بيبدأ بحرف c والاتنين قياسه واحده ولكن الترانزوستر a قاعدته الاساسيه بتقيس بسلك الافوميتر الاحمر والترانزوستر c قاعدته الاساسيه بتقيس بسلك الافوميتر الاسمر وهكذا

[sherif elmasri]

يعنى استاذ محمود تقصد فى الترانستور الى بيبدا بحرف a بثبت السلك الاسود على القاعدة واقيس على الطرفين بالمجس الاحمر والعكس صح استاذ محمود وعندى سوال لو وانا بقيس زى ماحضرتك بتقول وفى ترانستور ادانى على طرف صفارة يبقى تالف صح لو هو زى الدايود زى ماحضرتك بتقول وبرضو لو ادانى قراية لو عكست الاطراف يبقى فى ترشيح ويبقى برضو تالف زى الدايود لو عكست المجسات وادانى قراية وف حاجة كمان معلش انا عارف انى طولت عليكم لو على طرف مدينى قراية والطرف التانى مدينى قراية اعلى او الضعف يبقى تالف ولا اية واوقات لما بعكس بيدينى قراية على طرف واحد لوسمحت معلش يااستاذ محمود انا عايزك توضحلى الحالات الى ممكن يكون هو تالف فيها وتجاوب على اسالتى انا اسف فى التطويل عليكم بس انا نفسى افهم الموضوع عشان مقعش فى اخطاء قياس وكل سنة اونتم طيبين انشاء الله

[مهندس محمودعبدالحميد]

المشاركة الأصلية كتبت بواسطة sherif elmasri

يعنى استاذ محمود تقصد فى الترانستور الى بيبدا بحرف a بثبت السلك الاسود على القاعدة واقيس

لا يا غالى الترانزوستر اللى بيبدأ بحرف a تثبت السلك الاحمر على القاعده وتبدأ تقيس وبعد كدا كل الخطوات اللى انت وضحتها صح

[خالدعصر]

الله ينور ياكبير

[مهندس محمودعبدالحميد]

المشاركة الأصلية كتبت بواسطة خالدعصر

الله ينور ياكبير

وينور عليك يا غالى لكن الكبير هو الله عز وجل

[خالدعصر]

طبعا ونعم بالله

[sherif elmasri]

انا خلاص هتجنن الترانستورات بتبدا بحرف a ومش بتقيس الا العكس بثبت الاسود واقيس ياريت توضحولى مظاهر الاعطال كلها عشان اقدر احكم على الترانستور ان كان تالف ولا لا وامتى يكون سليم

[مهندس محمودعبدالحميد]

المشاركة الأصلية كتبت بواسطة sherif elmasri

انا خلاص هتجنن الترانستورات بتبدا بحرف a ومش بتقيس الا العكس بثبت الاسود واقيس ياريت توضحولى مظاهر الاعطال كلها عشان اقدر احكم على الترانستور ان كان تالف ولا لا وامتى يكون سليم

بص يا غالى قيس زى ما تقيس بالاحمر او بالاسمر مش فارقه لانك ممكن يكون مركب وصله الافوميتر معكوسه المهم ان الترانزوستر يقيس من اتجاه واحد وميكنش فيه ترشيح وطبعا كلامى على الترانزوسترات اللى بتبقى فى الرسيفر مش التليفزيون وفيه طبعا حاجات كتير شبه الترانزوستر وقياستها غريبه جدا ومش مهم تعرفها دلوقتى خليها بعدين