[solom]

السلام عليكم

لى صديق إشترى الجوكر 3 لإن الجوكر 1 بتاعه قفل ******* بعد السنة المجانية
وقال لى إنه سريع جداً عن الجوكر 1
من حجم السوفت بتاع 3 واضح إنه مش Linux
يمكن عشان كدة سرعته زى سرعة الأسترا ويمكن أسرع فى التنقل بين القنوات وسرعة فتح الجهاز

ياترى ممكن صورة للجهاز والمنيوهات بتاعته ومواصفاته ومميزاته وعيوبه
ومقارنته بالجوكر 1 ؟

لم أجد أى معلومات عنه هنا فى القسم!!
وماهو سعره؟ صاحبى جابه ب460
لكن سمعت انه نزل فى الاول ب350 صحيح؟

مع جزيل الشكر

[سيف ال]

السلام عليكم يا اخى بالنسبة الى v3لايعمل بنظام linux لذا السوفت الخاص به حجمة 3ميجا او اقل لذلك تجده اسرع من الجوكر v1وv2 والجهاز لسه جديد وسعره من 360 جنيه الى 460 جنيه والجهاز سئ جدا وv1وv2افضل منه بكثير وهذه بعض صور الجهاز

[solom]

الف شكر على الرد وعلى الصور القيمة
لكن ياريت نعرف ليه حضرتك بتقول إن الجهاز سئ جداً ؟
أنا جربته لقيت أنه فى الحقيقة أفضل من 1 فى حاجات كتير ومتقدم عنه
وهذه ملاحظاتى

1. الجهاز أسرع فى الفتح عن 1
2. التنقل بين القنوات أسرع بكثير عن 1
3. التنقل بين القوائم أسرع من 1
4. إجراء تسجيل لإرسال أى قناة يتم بسهولة أكثر ومن خلال خطوة واحدة - بينما فى 1 يتم فى أكثر من خطوة
5. فتح الفلاشة سريع جداً
6. بالضغط على أى فيلم يبدأ العرض فورى بعكس 1 الذى يتأخر
7. أقصى درجة نقاء للصورة فى 1 هى 1080i فقط بينما فى 3 تتفوق حيث تصل الى 1080p
8. 3 يعرض ملف ترجمة أى فيلم بلا مشاكل - أنا جربت الإنجليزى لسة مش عارف الترجمة العربى ظروفها ايه
9. 3 لا يهنج وثابت جداً فى الأداء بينما 1 ساعات بيهنج كتير
10. زر السهم لفوق اللى تحت INFO وزر السهم لتحت اللى بيتنقلوا بين قائمة القنوات فى 1 تحتاج الى الضغط عليه كل مرة تريد التنقل الى العشر قنوات التالية - بينما فى 3 يمكنك الإستمرار فى الضغط فيتنقل بصفة مستمرة مثله مثل باقى الريسيفرات فى الدنيا كلها
11. سعة 3 أكبر من الجهاز القديم 1 - فهو يسع 6100 قناة - 4000 تردد - 100 قمر

أما النقاط التى يتفوق فيها 1 عن 3 فهى من ملاحظاتى كالتالى

1. لا توجد خاصية الدخول على يوتيوب - لكن بما إن معظمنا عنده كمبيوتر وبما إن دة ريسيفر فمش فارقة الصراحة
2. شاشة 3 غير متحركة ولا تعرض إسم القناة مثل 1 بل تعرض رقم القناة فقط
3. شاشة 3 لا تعرض إشارتى قوة الإرسال مثل 1
4. عند عرض أى تسجيل أو فيلم من الفلاشة يبدأ العرض على زوم من تلقاء نفسه - أظن هذا عيب سوفتوير سهل إصلاحه فى الإصدارات القادمة بإذن الله - لكن حاليا سهل التغلب على ذلك عن طريق الضغط على ZOOM الأصفر ثم زر EXIT

ياريت لو حد لاحظ أى مزايا أو عيوب تانية أن يضيفها هنا من فضلكم
فى رأيى أن العيوب تافهة وغير جوهرية - لكن المزايا قوية وواضحة ومؤثرة
أخيراً جهاز جوكر سريع جداً وثابت وفى نفس الوقت رخيص - ولو فعلاً بيباع ب350 أو 360 يبقى هايل وكدة مفروض كل الناس تتوقف عن شراء 1 وتشترى 3 - أنا عن نفسى بإذن الله ناوى أشترى واحد لإن الجوكر1 عندى خلص سنته المجانية - وجوكر3 كدة ثمنه نفس تكلفة إشتراك سنة فى أى ***** - أو يزيد 100 جنيه بالكتير

[سيف ال]

الجهاز ليس سئ من ناحية السوفت وير لاكنه سئ من الهاردوير

[solom]

طب هل توجد أى عيوب هاردوير ظهرت على الجهاز؟
هل حدثت مثلاً أعطال؟
ماهى العيوب بالضبط من فضلك؟
وهل سمعت عن تلك العيوب أم حصلت معك شخصياً؟ لإن حضرتك عارف الإشاعات كتير خصوصاً لما ينزل جهاز لسة جديد فى السوق بيكون فيه تضارب فى الآراء
لكن الفيصل هو التجربة الشخصية - هل توافقنى؟

[سيف ال]

المشاركة الأصلية كتبت بواسطة solom

طب هل توجد أى عيوب هاردوير ظهرت على الجهاز؟
هل حدثت مثلاً أعطال؟
ماهى العيوب بالضبط من فضلك؟
وهل سمعت عن تلك العيوب أم حصلت معك شخصياً؟ لإن حضرتك عارف الإشاعات كتير خصوصاً لما ينزل جهاز لسة جديد فى السوق بيكون فيه تضارب فى الآراء
لكن الفيصل هو التجربة الشخصية - هل توافقنى؟

اوافقك الرائ تماماً وبعد تجربة وجدناه سئ وهذا رائ خبير الجوكر استاذ حمادة الجوكر

المشاركة الأصلية كتبت بواسطة أ/حــمــاده الــجــوكــــر

اولا الجهاز من ناحية دائرة الباور
هي نفس دائرة الباور بتاعة الاجهزة الصيني اللي تمنها في متوسط 90 جنيه

ثانيا من البوردة

الرامة مدمجة ليس لها ارجل خارج الايسي
الفلاشة 8 رجول وهي efecon زي بتاعة الدنجل الباراكليبس لكن باي دي مختلف وتم تجربتها علي gx اعطت لمبة حمرا بوضع البوت ولم ينفع-وذلك لان كالعادة في جهاز في الكرتونة جاي بووت وطبعا مفيش مرتجع

البروسيسور ن نوع ali وهو علي غير ما قال البعض فهو ضعيف
وحتي بالعقل كده بروسيسور الجوكر يتعامل مع سوفت لينكس ومساحته 30 ميجا وفي الاول كان 40 ميجا اما هذا فمع سوفت 3 ميجا فهناك فرق

باختصار من سيء لأسواء

ملاحظات

- في سوفت جديد غير الموجود في المنتدي لان الموجود بيفتح النت علي اجهزة واخري لا
-الدخول علي الاعدادت من صفحة usb -غريب جداَ
-السعر نفس الجوكر بالضبط ووالله اري انه لو بـ 40 % من السعر ده يبقي كسبان كتير
-سيتم رفع صور للبوردة الداخلية قريبا في اقرب وقت

[hmada_611]

طاب ياجماعة انتو عارفين ان مفيش دلوئتى ولا v1 ولا v2 فما العمل اية الحل

[adelgomaa]

موجود فرجن 2 في كل مكان

[m_elgokar2002]

تسلم الايادي

[solom]

مفيش حد هاجم الجهاز قال أى سبب معقول لرفضه الجهاز
الواقع ولاتجربة العملية أثبتت إنه جهاز ممتاز
معظم من أعرفهم تخلصوا من الجوكر 1 وإشتروا الجوكر 3
مش بس عشان إشتراك السنة - لكن كمان عشان الجهاز الجديد أسرع بمراحل عن القديم ولا يهنج ويفتح الفلاشة فى ثانية ويسجل بسلاسة
وفوق كل دة سعره أرخص
وعموماً شئنا أم أبينا فالسوق سيتجه الى الجهاز الجديد والسعر الأرخص حيفرض نفسه

[المقال]

كلام حلو كثيررررررررررررررررررررر

[amr nabil]

حبيبي افتح الجهاز وشوف ردائة البوردة
هاتلاقيها بوردة شعبي جدااااااااااا رخيصة الثمن والباور سبلاي بتاع الجهاز تعبان جداااااااااااااااااااااااااااااااااااااااااااااااا ااااااااااا

[tbsworld]

بدون مبلغه الجهاز تعبان جدا جدا جدا ومصيره هيبقى زى الجولد الاخضر لان usb خارجى انا اشتريته 450 وبعته 250 وشكرا --------------------------------------------------------------------------------


تحذير مني اليكم للجوكر v3 ان الجهاز دة من اسوء الاجهزة عن السابقين
لاسباب الاتية:
1-لايوجد يوتيوب ولا اكسترا موفيز ولا ويرليس
2-بطي جدا في فتح القنوات
3-بطي في القنوات العادية
4- استايل الجهاز سي جدا
5- شاشة الجهاز ارقام بس مش رقم واسم القناة مثلا v1-v2
6-الجهاز نفسة غير عائلة الجوكر في شكلة
7-الجهاز من الدخل البور بتاعة بور الاجهزة الصيني بظبط
8- وكثير جدا من الاخطاء والعيوب

[end_cut]

وكمان مصيبه كبيره ان الجهاز لا يدعم خاصية صوت الدولبي وما فيه بخيارات الصوت ac3 يعني قنوات اللي تبث صوتها بنظام دولبي يعرضها الجهاز صورة من غير صوت .

[علي مطر]

الجهاز ممتاز وسريع جدا وكل الكلام عن البوردة الصيني لاي نقص الجهاز حقه

فكل الاجهزة الان تصنع في الصين والبوردة صيني

ولم تظهر للان اعطال في الموذر بورد للجهاز 3 الجهاز ممتاز وانا شريت رسيفر 3

وممتاز وفتحته من جوة ومفيش مشاكل تذكر وسريع فبي الرام والمعالج

بالضبط مثل موذر اركب لها رام ddr1 ثم اصبحت ddr2 ثم اصبحت ايسرع ddr3

وكذلك الكيومكس فيرجن 3 احدثص واسرع وانصح الجميع بشرائه بدون خوف

فهو ممتاز جدا بالنسبة للجهزة قيرجن 1 و2 وتم معالجة العيوب السابقة

وانا بدي لعرف شو فايدة اسم القناة عواجهة الجهاز بالازرق وبالانجليزي؟؟؟