[MohamedYousri]

السلام عليكم جميعا

موقفي هو كالتالي و اتمني اني اقدر اشرحه بطريقه واضحه و سلسله تسهل عليكم مساعدتي اللي اتمناها تكون سريعه ...

انا مواليد 1986 و لسه متخرج دور اكتوبر 2011 كنت بسقط في الكليه وواخد السنه في سنتين يعتبر ... والدي 63 سنه و أخويا لسه طالب في كليه الطب جامعه عين شمس في الفرقه الخامسه و مواليد 1990

رحت سألت في مكتب التجنيد الظابط اللي جوه قاللي أعمل الورق بتاع الابن الوحيد بس هتزود عليه شهاده إثبات قيد لأخوك الطالب في الكليه بتاعته ....

الحمد لله خلصت الورق كله و معايا القيد العائلي من السجل المدني , شهادات ميلاد كمبيوتر ليا و لأخويا و لوالدي و لوالدتي , قسيمه الزواج للوالد و الوالده قديمه و كمبيوتر , بطاقه 7 جند علشان لسه مش عارف اسحب الملف من الكليه واخد الـ6 جند

اللي انا عارفه اني هاروح الهايكستب هاخد تأجيل مؤقت ...

ده أول تأجيل أعمله لأني لسه متخرج السنادي ... التأجيل ده هيبقي مدته قد ايه ؟؟
و انتهاء السبب بالنسبه للتأجيل ده هو تخرج اخويا من الكليه ؟؟
يعني بمجرد ما يتخرج علي طول المفروض اني اروح اسلملهم نفسي ؟؟؟
و بفرض ان اخويا هيدخل الجيش ساعتها انا هيبقي موقفي ايه ؟؟ هل هاخد تأجيل تاني كوني العائل الوحيد للأسره برضه ؟
و بفرض انه أخد إعفاء لأنه مريض بأنيميا البقول ( أنيميا الفول ) هل ساعتها هيبقي هو عائل الاسره و انا اللي لازم هدخل ولا هتبقي برضه متعلقه بسماع الارجاء الخاصه بدفعتي وانا و حظي ؟؟
وهل اذا كان سني اقترب من الـ30 و لم اذهب بعد زوال السبب أعتبر هارب ولا اقدر ادفع الغرامه ؟ ولا الغرامه لمن لم يقدم نفسه الي التجنيد بأي حال من الاحوال سواء كان تأجيل مؤقت او خلافه ؟ وهل يعتبر هروب ؟؟ ولا الهروب ده في حاله انه يتم قبولي للتجنيد و اسلم نفسي بعد كده ما ارجعش تاني مثلا ؟؟؟

الفرق بين الهروب و فقدان الدفعه مش واضح و دايما فيه لبس ...

شكرا جزيلا و اتمني الرد علي النقاط دي في اسرع وقت جزاكم الله كل خير

[احمد علي علي]

المشاركة الأصلية كتبت بواسطة mohamedyousri

السلام عليكم جميعا

موقفي هو كالتالي و اتمني اني اقدر اشرحه بطريقه واضحه و سلسله تسهل عليكم مساعدتي اللي اتمناها تكون سريعه ...

انا مواليد 1986 و لسه متخرج دور اكتوبر 2011 كنت بسقط في الكليه وواخد السنه في سنتين يعتبر ... والدي 63 سنه و أخويا لسه طالب في كليه الطب جامعه عين شمس في الفرقه الخامسه و مواليد 1990

رحت سألت في مكتب التجنيد الظابط اللي جوه قاللي أعمل الورق بتاع الابن الوحيد بس هتزود عليه شهاده إثبات قيد لأخوك الطالب في الكليه بتاعته ....

الحمد لله خلصت الورق كله و معايا القيد العائلي من السجل المدني , شهادات ميلاد كمبيوتر ليا و لأخويا و لوالدي و لوالدتي , قسيمه الزواج للوالد و الوالده قديمه و كمبيوتر , بطاقه 7 جند علشان لسه مش عارف اسحب الملف من الكليه واخد الـ6 جند

اللي انا عارفه اني هاروح الهايكستب هاخد تأجيل مؤقت ...

ده أول تأجيل أعمله لأني لسه متخرج السنادي ... التأجيل ده هيبقي مدته قد ايه ؟؟
و انتهاء السبب بالنسبه للتأجيل ده هو تخرج اخويا من الكليه ؟؟
يعني بمجرد ما يتخرج علي طول المفروض اني اروح اسلملهم نفسي ؟؟؟
و بفرض ان اخويا هيدخل الجيش ساعتها انا هيبقي موقفي ايه ؟؟ هل هاخد تأجيل تاني كوني العائل الوحيد للأسره برضه ؟
و بفرض انه أخد إعفاء لأنه مريض بأنيميا البقول ( أنيميا الفول ) هل ساعتها هيبقي هو عائل الاسره و انا اللي لازم هدخل ولا هتبقي برضه متعلقه بسماع الارجاء الخاصه بدفعتي وانا و حظي ؟؟
وهل اذا كان سني اقترب من الـ30 و لم اذهب بعد زوال السبب أعتبر هارب ولا اقدر ادفع الغرامه ؟ ولا الغرامه لمن لم يقدم نفسه الي التجنيد بأي حال من الاحوال سواء كان تأجيل مؤقت او خلافه ؟ وهل يعتبر هروب ؟؟ ولا الهروب ده في حاله انه يتم قبولي للتجنيد و اسلم نفسي بعد كده ما ارجعش تاني مثلا ؟؟؟

الفرق بين الهروب و فقدان الدفعه مش واضح و دايما فيه لبس ...

شكرا جزيلا و اتمني الرد علي النقاط دي في اسرع وقت جزاكم الله كل خير

فى جميع حالات الإعفاء المؤقت يزول الإعفاء بزوال سببه.. ويجب على كل من زال عنه سبب الإعفاء أن يقدم نفسه إلى منطقة التجنيد والتعبئة التابع لها فى خلال ثلاثين يوماً من تاريخ زوال السبب لمعاملته تجنيدياً بما يستحق فلو افترضنا ان السبب هو لحين تخرج اخيك من الكليه التي يدرس بها فعليك التقدم خلال ثلاثين يوما ومن الممكن الحصول علي تأجيل اخر بسبب انك العائل الوحيد لوالدتك ووالدك الذي تجاوز سن الستين ولايقدر علي الكسب وطالما ان اخيك مريض فلا يعتبر هو العائل الوحيد لعائلته ومن الممكن اثبات ذلك بشهادات مرضيه او شهاده الاعفاء من التجنيد بسبب المرض الذي يعاني منه .................................................. ......
وفي حاله تجاوزك سن الثلاثين ولم تقم بتسليم نفسك خلال ثلاثون يوما من زوال سبب الاعفاء المؤقت فأنت في حكم المتخلف وليس الهارب والحكم المتوقع هي الغرامه من 2000 الي 2500 جنيه مصري وبعد دفع الغرامه سوف تستلم ايصال بذلك وتذهب بعد عشره ايام لتحصل علي صوره من الحكم النهائي ثم تعود مجددا الي منطقه التجنيد ومعك اصل الحكم وصورتين منه وصورتين من البطاقه الشخصيه وترفقهم بملف يباع بمنطقه التجنيد لاستخراج الشهاده وسيعطي لك ايصال وتذهب بعد اسبوع علي الاكثر لاستلام الشهاده .

[MohamedYousri]

شكرا جزيلا علي ردك و علي اهتمامك ...

انا لسه هعمل الاجراءات ... هل لكون اخي عمره 22 سنه و مش قاصرمع العلم انه لسه بيدرس و فاضله سنتين و نصف في الكليه ما يبقاش ليا حق في الحصول علي التأجيل ؟؟ لأن في ناس قالتلي مادام اخوك 21 سنه يبقي خلاص انت كده ما ينفعش تعمل كبير عيله ! اقولهم يا جماعه ده لسه بيدرس و فاضله حوالي 3 سنين يقولولي لأ هو كده !ّ!! ولا ده كالعاده من الفتي بتاع الشعب المصري ؟؟؟!! لأن الموضوع ده قالقني جدا و مخليني متردد اني اروح الهايكستب ...

ف هل فعلا كونه وصل لسن 21 سنه او تعداه ليه علاقه بالموضوع ولا مادام بيدرس وانا اثبت فعلا انه لسه طالب مقيد بالفرقه الخامسه في كليته عن طريق شهاده إثبات قيد يبقي انا كده في السليم و امشي في كل الاجراءات طبيعي و عادي جدا بغض النظر عن سنه ؟؟....

[احمد علي علي]

المشاركة الأصلية كتبت بواسطة mohamedyousri

شكرا جزيلا علي ردك و علي اهتمامك ...

انا لسه هعمل الاجراءات ... هل لكون اخي عمره 22 سنه و مش قاصرمع العلم انه لسه بيدرس و فاضله سنتين و نصف في الكليه ما يبقاش ليا حق في الحصول علي التأجيل ؟؟ لأن في ناس قالتلي مادام اخوك 21 سنه يبقي خلاص انت كده ما ينفعش تعمل كبير عيله ! اقولهم يا جماعه ده لسه بيدرس و فاضله حوالي 3 سنين يقولولي لأ هو كده !ّ!! ولا ده كالعاده من الفتي بتاع الشعب المصري ؟؟؟!! لأن الموضوع ده قالقني جدا و مخليني متردد اني اروح الهايكستب ...

ف هل فعلا كونه وصل لسن 21 سنه او تعداه ليه علاقه بالموضوع ولا مادام بيدرس وانا اثبت فعلا انه لسه طالب مقيد بالفرقه الخامسه في كليته عن طريق شهاده إثبات قيد يبقي انا كده في السليم و امشي في كل الاجراءات طبيعي و عادي جدا بغض النظر عن سنه ؟؟....

اخي الفاضل حالات الحصول علي التاجيل المؤقت كثيره نذكر منها الحاله التي تنطبق عليك وهي :-
العائل الوحيد لأبيه الغير قادر على الكسب وكذا العائل لأخيه أو أخوته الغير قادرين على الكسب. ..... فهذه الحاله تنطبق عليك بما انك العائل الوحيد لوالدك الذي تخطي الستون عاما وغير قادر علي الكسب وكذلك اخيك الذي مازال طالب في كليه الطب فلا تستمع الي كلام احد لاننا بصدد قانون محدد
فعليك بالمبادره وتقديم اوراقك الي منطقه التجنيد وتوكل علي الله وعليك تقديم شهاده من الكليه التي يدرس بها اخيك مع باقي الاوراق التي ذكرتها
وتقبل تحياتي واحترامي.

[MohamedYousri]

المشاركة الأصلية كتبت بواسطة احمد علي علي

اخي الفاضل حالات الحصول علي التاجيل المؤقت كثيره نذكر منها الحاله التي تنطبق عليك وهي :-
العائل الوحيد لأبيه الغير قادر على الكسب وكذا العائل لأخيه أو أخوته الغير قادرين على الكسب. ..... فهذه الحاله تنطبق عليك بما انك العائل الوحيد لوالدك الذي تخطي الستون عاما وغير قادر علي الكسب وكذلك اخيك الذي مازال طالب في كليه الطب فلا تستمع الي كلام احد لاننا بصدد قانون محدد
فعليك بالمبادره وتقديم اوراقك الي منطقه التجنيد وتوكل علي الله وعليك تقديم شهاده من الكليه التي يدرس بها اخيك مع باقي الاوراق التي ذكرتها
وتقبل تحياتي واحترامي.

شكرا جزيلا و جزاك الله كل خير علي ردك و علي اهتمامك ...

بما ان ورقي كامل و الكمال لله وحده ان شاء الله الاسبوع ده هروح الهايكستب و اللي فيه الخير يقدمه ربنا ...

[MohamedYousri]

السلام عليكم

استفسار اخر ...

بعد الاعفاء المؤقت و زوال السبب و هو انهاء اخي للتعليم و تقديمي للورق بتاعي دون اي تخلف و في فتره الشهر المحدده بعد زوال السبب ...

هل لازم لازم لازم ادخل الجيش ساعتها ولا بيتم معاملتي كأني مستجد تماما له كل الحقوق و الاحتمالات بالحصول علي اعفاء طبي او تأجيل او دخول الجيش ؟؟؟

و هل ليها علاقه بموقف اخويا التجنيدي ساعتها ولا لأ لأنه ساعتها هيكون في سنه الامتياز و دي تأجله هو التجنيد لكن انا بمجرد ظهور نتيجه الفرقه السادسه و حصوله علي البكالوريوس المفروض اقدم علي ورقي ده الكلام اللي اتقاللي النهارده ان سنه الامتياز ما تدنيش انا تأجيل كبير عائله تاني

[احمد علي علي]

المشاركة الأصلية كتبت بواسطة mohamedyousri

السلام عليكم

استفسار اخر ...

بعد الاعفاء المؤقت و زوال السبب و هو انهاء اخي للتعليم و تقديمي للورق بتاعي دون اي تخلف و في فتره الشهر المحدده بعد زوال السبب ...

هل لازم لازم لازم ادخل الجيش ساعتها ولا بيتم معاملتي كأني مستجد تماما له كل الحقوق و الاحتمالات بالحصول علي اعفاء طبي او تأجيل او دخول الجيش ؟؟؟

و هل ليها علاقه بموقف اخويا التجنيدي ساعتها ولا لأ لأنه ساعتها هيكون في سنه الامتياز و دي تأجله هو التجنيد لكن انا بمجرد ظهور نتيجه الفرقه السادسه و حصوله علي البكالوريوس المفروض اقدم علي ورقي ده الكلام اللي اتقاللي النهارده ان سنه الامتياز ما تدنيش انا تأجيل كبير عائله تاني

اخي الفاضل لماذا كل هذه الحيره وسماع كلام الناس او الفتوي بدون علم كما قلت لك انت العائل الوحيد لاسرتك ومن الممكن والاكيد باذن ان يمتد لك التأجيل حتي بعد ان ينهي اخاك دراسته وكما قلت لك لا تجنيد بعد ان تتخطي سن الثلاثين وانت الان تبلغ من العمر 25 ..... علينا الان بأول خطوه والباقي سيأتي تباعا ان شاء الله وردا علي سؤالك حتي لو افترضنا والفرض خلاف الحقيقه والواقع انك دخلت الجيش بالقطع لك كل الحقوق التي يعامل بها اي شخص مستجد ولو هناك اي عذر مرضي لاقدر الله سوف يكون هناك قومسيون طبي لتحديد ذلك والحصول علي المعافاه بسببه وكل الحقوق الاخري سوف تحصل عليها ..... وكما قلت لك لو لم تتقدم بعد انتهاء او زوال سبب الاعفاء المؤقت وتخطيت الثلاثين لاتعتبر في حكم الهارب بل المتخلف عن النجنيد وسوف يتوقف الامر هنا علي محاكمه عسكريه تنتهي بدفع الغرامه .

[MohamedYousri]

شكرا جزيلا علي ردك و علي اهتمامك

المشكله في كليه الطب ان شهاده البكالوريوس بتبقي بعد السنه السادسه و المفروض انه بيبقي فيه لسه سنه الامتياز اللي هي السنه السابعه ...

اللي اتقال ليا في مركز الاتصال العسكري في الجامعه لما كنت بعمل ورق هناك انه اول لما اخويا تطلعله شهاده السنه السادسه بالنجاح يبقي انا معايا 30 يوم اقدم فيها نفسي للتجنيد لزوال السبب و هو انهاء اخويا للتعليم علي الرغم من انه لسه عنده السنه السابعه بتاعت الامتياز و اللي هيكون برضه هو متأجله الجيش فيها من الكليه بتاعته و دي اللي هتجنني !

ازاي يبقي هو ما خلصش لسه تعليم و فاضله سنه الكليه بتاعته بتأجلهاله وانا اكون مقدم ورقي للجيش لزوال السبب قبل منها بسنه كامله !!!

سنه الامتياز في كليه الطب موقفها ايه بالظبط في الموضوع ؟؟ هي دي اللي عاملالي المشكله دلوقتي و هو حاليا في الفرقه الخامسه يبقي انا هاخد التأجيل علي الفرقه السادسه و الامتياز ولا السادسه فقط ؟؟

هل طلاب طب عين شمس بيقدموا للجيش بعد السنه السادسه ولا بعد سنه الامتياز ؟؟ لأن برضه بيتقال ان انا لازم اشوف هو هيخش الجيش ولا لأ لو دخل يبقي انا افضل بره كبير عائله لو ما دخلش يبقي انا اروح اقدم ورقي !

المشكله ان كل واحد بكلمه و كل واحد برأي و في التجنيد ما بيدوش عقاد نافع ولا بيرضوا يردوا علي اسئله لسه هتحصل في المستقبل ردودهم علي الحاضر فقط لا غير !

[MohamedYousri]

السلام عليكم

اللي حصل كالآتي ...

رحت الهايكستب قدمت الورق و بعد الانتظار حتي الساعه 2.30 لقيت العسكري بينادي علي اسمي و قاللي ان الورق بتاعي وقف بسبب شهاده إثبات القيد بتاعت اخويا اللي معموله في الكليه لأنه مكتوب فيها انه مقيد في العام الدراسي 2010/2011 في الفرقه الخامسه و بالنسبالهم العام الدراسي ده خلص خلاص...

في حين انه في الواقع و في الكليه هو لسه هيدخل الامتحان الاسبوع اللي جاي و النتيجه تطلع في يناير لو نجح يبدأوا في سنه سادسه في اخر شهر يناير لأن الفرقه الخامسه و السادسه في طب عين شمس متصلتين ببعض و مش باينلهم اول من آخر و ينفع يعمل تأجيل للأمتحانات و مالهاش اي علاقه بالسنين الدراسيه الطبيعيه في كل كليات مصر !... هي الكليه نظامها كده لكن مش قادرين يقتنعوا بيه في الهايكستيب ..

دلوقتي انا اسمي عندهم علي الكمبيوتر ضمن طلبات الحصول علي اعفاء عائل الاسره لكن إصدار الشهاده متوقف علي اني اجيبلهم شهاده إثبات قيد من الكليه يقتنعوا بيها في الهايكستيب و عايزنها تبقي للعام الدراسي 2011/2012 و دي عمر ما الكليه هترضي تطلعهالي لأنه مقيد عندها في العام الدراسي 2010/2011 اللي لسه ما انتهاش !!!

لو انا ما رحتش خالص ولا قدمت الورقه ولا غيره ولا عملت اي حاجه تاني في الهايكستب ... موقفي الحالي يبقي ايه بالظبط ؟؟!!

غير السفر للخارج و التعيين في اي وظيفه ... ايه اللي يحتاج الموقف من التجنيد ؟؟ هل تجديد البطاقه يحتاج للموقف من التجنيد علما ان بطاقتي مكتوب فيها طالب و هتفضل ساريه لحد ما يبقي عندي 30 سنه و شهر لأني لسه مجددها من سنتين

[milano2010]

السلام عليكم ورحمه الله وبركاته
___________________
اريد معرفه موقفى من التجنيد انا حصلت على بكالوريوس تجاره جامعه القاهره هذا العام
ولى اخ اكبر منى الى الان بيدرس بالجامعه باقى له سنه بالجامعه وهو اكبر منى بسنتين ما موقفى هنا ؟؟
علما بان ولدى عمره 51 سنه ويعمل بشركه

[MohamedYousri]

السلام عليكم

عارف ان الموضوع قديم لكن حبيت اذكر اني الحمد لله كنت خلصت من الموضوع ده كله و اخدت شهاده تأجيل لكوني عائل شقيقي و لازم اسلم نفسي بعد 30 يوم من زوال السبب

المشكله بقه دلوقتي انا سألت عميد و عقيد في الجيش و الاتنين قالولي تسلم نفسك بعد سنه سابعه بتاعت اخويا بعد ما يتخرج خالص في حين انه في مركز الاتصال العسكري زي ما سبق و قولت اتقالي بعد سنه سادسه لأنهم بياخدوا شهاده تخرج لكن ما بياخدوش تصريح مزاوله المهنه غير بعد سنه سابعه ,, في شئون الاطباء اللي موجوده في الكليه الموظفه قالت اني اروح بعد سنه سابعه مش سادسه ...

الكلام متضارب جدا و كل واحد علي الرغم من انه في الجيش لكن بيقول كلام غير التاني ,,, 2 قالولي بعد سنه سابعه و الاتصال العسكري بتاع الجامعه هو اللي قال سنه سادسه ,,, بجد مش عارف اصدق مين فيهم و المشكله ان الموضوع ده موقف للواحد قرارات كتير و موقفلي حياتي كلها

[احمد علي علي]

المشاركة الأصلية كتبت بواسطة mohamedyousri

السلام عليكم

عارف ان الموضوع قديم لكن حبيت اذكر اني الحمد لله كنت خلصت من الموضوع ده كله و اخدت شهاده تأجيل لكوني عائل شقيقي و لازم اسلم نفسي بعد 30 يوم من زوال السبب

المشكله بقه دلوقتي انا سألت عميد و عقيد في الجيش و الاتنين قالولي تسلم نفسك بعد سنه سابعه بتاعت اخويا بعد ما يتخرج خالص في حين انه في مركز الاتصال العسكري زي ما سبق و قولت اتقالي بعد سنه سادسه لأنهم بياخدوا شهاده تخرج لكن ما بياخدوش تصريح مزاوله المهنه غير بعد سنه سابعه ,, في شئون الاطباء اللي موجوده في الكليه الموظفه قالت اني اروح بعد سنه سابعه مش سادسه ...

الكلام متضارب جدا و كل واحد علي الرغم من انه في الجيش لكن بيقول كلام غير التاني ,,, 2 قالولي بعد سنه سابعه و الاتصال العسكري بتاع الجامعه هو اللي قال سنه سادسه ,,, بجد مش عارف اصدق مين فيهم و المشكله ان الموضوع ده موقف للواحد قرارات كتير و موقفلي حياتي كلها

اولا / الحمد لله رب العالمين انك تخطيت العقبه الاولي .
ثانيا/ متي تنتهي شهاده التأجيل المؤقته التي معك وماهو السبب الذي دون فيها ؟ وكم سيبلغ عمرك بعدها ؟ .....وماالفرق انك تتقدم بعد السنه السادسه او السابعه ؟

[MohamedYousri]

المشاركة الأصلية كتبت بواسطة احمد علي علي

اولا / الحمد لله رب العالمين انك تخطيت العقبه الاولي .
ثانيا/ متي تنتهي شهاده التأجيل المؤقته التي معك وماهو السبب الذي دون فيها ؟ وكم سيبلغ عمرك بعدها ؟ .....وماالفرق انك تتقدم بعد السنه السادسه او السابعه ؟

شهاده التأجيل المؤقته مش مكتوب فيها اي مواعيد انتهاء ,,, مكتوب فيها بالظبط

إعفاء المذكور مؤقتا من اداء الخدمه العسكريه و الوطنيه كونه العائل لشقيقه المؤجل لسن 28 مقيد بالسنه الخامسه ك طب جامعه عين شمس بعد والده المتجاوز سن 60 و عليه تقديم نفسه خلال 30 يوم من تاريخ زوال السبب

انا مواليد 11/1986 يعني في شهر 11 اللي جاي ابقي 26 سنه

اخويا حاليا في الفرقه السادسه تنتهي في شهر 3 او 4 2013 و يبدأ الفرقه السابعه ( الامتياز ) و تخلص في شهر 2 او 3 2014

لو بعد سنه سادسه يبقي انا ساعتها سني هيكون في حدود 26 سنه و نصف و لو بعد سنه سابعه يبقي 27 سنه و نصف

الفرق في التقدم بعد السنه السابعه او السادسه هي سنه كامله من عمري او اكتر انا شغال فيها و الحمد لله انا شغلي كويس و مرتبي ممتاز الحمد لله و كل ده هيضيع ,,, اه طبعا كل حاجه فإيد ربنا و رزق من عنده سبحانه و تعالي بس برضه الواحد مش هيعيش في الدنيا بياكل و يشرب و خلاص لازم يبقي مخطط لنفسه هيعمل ايه

هتفرق اني الحمد لله جاهز و عندي استعداد اخطب و اتجوز في شهور قليله لكن الموضوع ده موقفلي كل حاجه و مخليني متردد في كل خطوه عايز اخدها

هتفرق انها لو بعد السنه السابعه و اموري مستقره و مش محتاجهم في اي حاجه يبقي هفضل بعيد عنهم لحد سن الـ30 و اروح ادفع الغرامه و خلاص

هتفرق كتير جدا بصراحه علي الاقل نفسيا حتي ,,,,

و المشكله بقه هنا ان لو بعد السنه السابعه يبقي احنا الاتنين هنروح نقدم ورقنا عادي ,, طيب هياخدوا مين و يسيبوا مين ؟؟؟ و لو هو مش داخل لعذر طبي زي انيميا الفول - ابن خالتي واخد بيها اعفاء قبل كده و هي وراثه عندنا في العائله - يبقي كده انا اكيد داخل داخل ولا برضه حظوظي موجوده اني اخرج ...