[UN01503]

السلام عليكم جميعا
عندى سوال لاحصاب الخبرة عندى ريسيفر استرا 10100
سمعت انة ممكن ان يفتح الشيرنج عن طريق ربط الرسيفر بالكمبيوتر وباستخدام برنامج معين ويفتح القنوات المشفرة هل ذالك صحيح ؟ وارجو شرح الطريقة
السوال الثانى
ما المطلوب اضافتة للرسيفر لفتح القنوات المشفرة سمعت عن الدنجل
هل يصلح مع الرسيفر وما هو المطلوب لعمل الدنجل علية وهل الدنجل يفتح القنوات بدون اشتراك وهل لة مدة معينة ويحتاج تجديد ؟
ارجو الرد
واشكر الجميع

[محمد الطوخى]

اخى الكريم بيفتح دونجل وده الاحسن لية لان الاسترا اثبت فشله فى الشيرنج

بس لازم يكون عندك نت لو عندك يبق المشكله اتحلت
فى دونجل بيتباع فى باب اللوق او العتبه اسمه دونجل نت بيركب مكان كبل السوفت من الخلف وبيخرج مخرج لاين تضع فية كبل النت وتستمتع
القطعه دى علية سرفر مفتوح من 6 اشهر الى سنه الثمن من 200 ج الى ج220

بس لازم تحمل سوفت الدونجل على جهاز الاول قبل عمل اى شيئ
ارفق بينات جهاز كامله ثم اضع لك السوفت المناسب لجهازك وشرح تفعيل الدونجل

[UN01503]

الف الف شكر يا استاذ محمد الطوخى لردك السريع
بس معلش هتعبك معايا انا بالفعل عندى adsl
انت قلتلى اشترى دونجل نت
ممكن اعرف دة عبارة عن جهاز بس بيركب مكان الكابل rs232
وهل لازم اشترى طبق جديد ولا هية القطعة دية بس ولو هشترى اى اضافات اخرى هتكون اية هية ؟
وهل لازم اوصلة بالكمبيوتر اثناء عمل الدنجل ولا لا ؟
حضرتك قلت لىان القطعة دية بتفتح ***** مجانى من 6 اشهر الى سنه الثمن من 200 ج الى ج220
طيب بعد انتهاء السرفر المجانى ازاى اجددة وهل لازم اشترى قطعة جديدة ولا اية ؟
انا الان خارج المنزل ولما اروح ان شاء اللة سوف ارفق بينات الجهاز كامله
وسانتظر منك الرد مع الشرح كيفية التركيب وهتعبك معيا معلش انا مبتدا فى موضوع الشيرنج دة فارجو الشرح بالتفصيل الممل
وان شاء اللة يكون فى ميزان حسناتك ومعلش هتعبك معايا

[محمد الطوخى]

اتفضل ياغالى دى صوره من قطعه الدونجل
بتتركب مكان الكابل rs232 من خلف الجهاز ومن غير طبق اخر ومن غير توصيل بالكمبيوتر لانه من شيرنج ده دونجل بتتركب فيها سلك النت مباشر وبها ترنس بيتركب فى الكهرباء

وبعد انتهاء السرفر لازم تجيب قطعه جديد
وفاتحه بقات art والجزيره على النايل وبقات كتير على الاروبى
وهى عندى الان فى المحل وبستخدمه الان

[UN01503]

هتغبك معيا يا استاذ مخمد
معلش اخوك جاهل جدا فى موضوع الرسيفر دة
انا عندى رسيفر استرا 10100
وقريت على المنتدى ان ممكن ينزلو ملف قنوات وتحديث للسوفت وير الجهاز
وفلاشة الجهاز و لودر السوفت والقنوات وانا بصراحة مش فاهم حاجة من كل الكلام دة
وكمان مش عارف ازاى ممكن الحجات دى تتعمل
هل فى شرح للمبتدائين خطوة بخطوة كل الى انا فهمتو ان الجهاز بتاعى
Model ID : SDF2E128
H/W Version : 2.32.00
S/W version : 1.01.2A
S/W Making Date : 2010/11/1
محتاج حد يساعدنى ويفهمنى اعمل اية علشان احدث الرسيفر واعملو سوفت وير حديث وازاى وانزل القنوات الجديدة من ملف القنوات علشان لما بعمل اسكان مش بينزل القنوات الجديدة مش عارف لية ؟
واية البرامج الى انا محتاجها هل عن طريق الفلاشة مباشرة ولا لازم اوصل الكمبيوتر بالرسيفر ولو هعمل كدة ازاى اوصلة اية اسم الكابل ؟ ارجو الرد بالشرح البسيط وياسلام لو فى صور تفهمنى
معلش اسف على الاسئلة الكثيرة
انا عارف انى بتقل عليك وربنا يجعلو فى ميزان حسناتك ان شاء اللة
وشكرا

[محمد الطوخى]

الاول ياغالى
اتفضل السوفت الدونجل واللودر والقنوات
قم بفتح اللودر واختار ملف السوفت او ملف القنوات عند الضغط على start في اللودر نقوم بفتح الجهاز من الزر الخلفي ثم يبدء التحميل وبعد الانتهاء انتظر بعدها شوية حتا يفتح تلقائى

السوفت

sdf2e128-13004F

ملفات القنوات

الأسترا 10000 و 10100
Astra 10000-10100 sDF2E128-232

شرح طريقة تمرير السوفت والقنوات لاجهزة القسم للمبتدئين

برنامج تحميل السوفت والقنوات

الكبل المستخدم



طريقه تحميل usb


طريقة تحميل وسحب ملف قنوات لاسترا 8800 z بالفلاشة مع اخيكم هشام

[UN01503]

ربنا يخليك يا استاذ محمد
الف الف شكر لمجهودك
انا نزلت السوفت وير على الفلاشة وركبت الفلاشة فى الرسيفر بعد كدة الرسيفر طلعلى رسالة ان فى تحديث للسوفت وير وانا دوست اوك بعد كدة هو عمل كل حاجة لوحدة وقالى ان التحديث تم دخلت على بيانات الجهاز لقتها اتغيرت وبقت
Model ID : SDF2E128
H/W Version : 2.32.00
S/W version : 13.00.4F
S/W Making Date : 2011/7/5
المفروض بقى علشان احدث القنوات اعمل اية ؟
وعندى سوال تانى معلش
انا عندى القمر الاوربى الهوت بيرد بس انا عمرى ما شغلتة
حبيت النهارضة ادور على القنوات المفتوحة الى بتنقل اليورو وعملت
automatic satalite search
بس بعد ما انتهى من البحث اكتشفت ان كل القنوات الى عندى على الهوت بيرد قنوات عربية معنديش ولا قناة اجنبية مش عارف اية السبب ؟
وانا اسف انى بتعبك معايا يا استاذ محمد ربنا يخليك لينا دائما

[محمد الطوخى]

نفس تحميل الملف القنوات هو نفس تحميل السوفت
ادخول فى نقل معلومات واختار نقل معلومات القناه
وحمل بس المهم تغير اسم الملف الى انجليزى عشان يتشاف ومرفق من قبل الملفات اكثر من قمر
وبعد كده اظبط اعداد الدايزك للاوربى من الرسيفرموضح بالصوره 1 او 2 او 3 او 4 لومجبش معاك اشاره هتحتاج فنى يظبط لك الطبق

ام بالنسبه القنوات المفتوحة الى بتنقل اليورو
البطولة مذاعة على القنوات المجانية على الهوت بيرد
ZDF تردد 11054 افقي 27500
Das Erste تردد 11541 عمودي 22000

[UN01503]

تسلم ايدك يا استاذ محمد انا نزلت ملف القنوات الى انت بعتهولى ونزلتو على الرسيفر
اخترت ملف القنوات نايل وهوت مسلم انجليزي سوال غبى هو اية الفرق بين قنوات المسلمين والمسيحين هل فقط ان الباقة بتكون بدون القنوات الدينية المسيحية او المسلمة بس كدة ولا هناك فروق اخرى ؟
على فكرة انا عملت حوار الدايزك الى انت قلتلى علية فى الصورة فى ردك السابق والاوربى اشتغل الحمد للة وقناة zdf اشتغلت وبجد يسلم ايدك والف الف الف شكر انا اتعلمت منك حجات كتير جدا ربنا يكرمك ان شاء اللة
انا اسف انا عارف ان انا تعبتك قوى معايا بس معلش الجهل وحش
واسف لازعاجك وربنا يكرمك يا استاذ محمد

[محمد الطوخى]

ملف مسيحي ياغالى يعنى ترتيب القنوات الدينية المسيحية فى الاول قبل القنوات العادية
ام الملف الاسلامى بيكون ملف ترتب القنوات المسلمه الاول قبل القنوات العادية
واى استفسار اخر انا تحت امرك فى اى وقت

[UN01503]

الف الف الف شكر يا استاذ محمد تعبتك معايا :)

[وسلى سات]

متابعة متميزة استاذ محمد

[سيد الضبع]

الف مليون شــــــكر

[ابورامى]

بارك الله فيك

[عادل مسعد]

يااستاذ محمد اريد شراء جهاز استرا hd يفتاح اوربت بدون نت وشكر جزيل