***** عاوز اجيب تلفزيون led ممكن اعرف المواصفات المفضله؟؟ }}*

برشلونى للابد · #1 2012/03/13, 07:43 PM

السلام عليكم
لو سمحتم انا ناول اجيب تلفزيون ان شاء الله
وعاوز اجيب من النوع led
وميزانيتى حوالى 4500
ومعروض عليا توشيبا 40 فى السعر دا كده
بس لما دخلت موقع توشيب لقيت كذا نوع وباسعار اقل واغلى فمش عارف ايه المواصفات الكويسه اللى ادور عليها
مع العلم انى جايبها عشان الماتشات بصفه اساسيه يعنى عاوز مواصفات مناسبه للكوره وكده

ياريت تفيدونى بخصوص انواع توشيبا او سامسونج عشان دول النوعين اللى بميل ليهم بصراحه ويكون فى حدود السعر دا
وشكرا

veeto2000 · #2 2012/03/13, 07:48 PM

هات سامسونج سيرس 5 منتهي الجمال والجوده وخصوصا في المتشات

برشلونى للابد · #3 2012/03/13, 08:01 PM

طب انهى موديل بالظبط منها وسعرها كام
وياريت تقولولى المواصفات اللى اركز عليها
عشان لو ملقتش الحاجات المطلوبه ادور على المواصفات نفسها فى توشيبا او سامسونج

ابوبكر_على · #4 2012/03/13, 09:54 PM

مبروك مقدما ياباشا
وبما انك هتشتريها اساسا عشان تتفرج على الماتشات يبقى انا رايى المتواضع انك تفكر بالبلاما
البلازما تتفوق جدااا فى سرعة الاستجابة للصورة المتحركة ودى ببتقاس بالهرتز ، يعنى الال اى دى بتكون حوالى من 100 الى 250 هرتز بالكتير انما البلازما بتكون على الاقل 600 هرتز
تانى حاجه جودة الابيض والاسود وده معناه جودة كل الالون ودى اسمها ال contrast ratio ودى فى البلازما نسبتها 1:2000000 اما الال اى دى بتكون 1:1000000 ، طبعا مستوى الالوان وسرعه الحركة فى البلازما لا تقارن بالال اى دى او الاال سى دى
وممكن تشوف الموديل ده فى البلازما Panasonic th-p42x30

ابوبكر_على · #5 2012/03/13, 10:02 PM

الموديل ده يابانى تجميع تايلاندى مش مصرى وضمان 5 سنين والسعر 3888 ، انا لسه مشتريها من 3 اسابيع وممتازة

التركي · #6 2012/03/14, 12:49 AM

اولا مع احترامي لمن قال البلازما افضل من الـ ld فهو مخطئ اكيد اعلي شئ حاليا بالساحه في كل شئ ال دي ومعاها ثري دي

افضل الانواع المتاحة بالسوق المصرية السامسونج وال اجي

والاتنين صناعه مصررررررررررررري

السامسونج افضل شوية هتجيب شاشة ld تتاكد من امرين انها تكون full hd 1080p

ودا اهم شئ ايا كان الموديل وفي نوع جديد سامسونج سمارت فيها وصلة نت ومميزات كتير

el_sherbiny33 · #7 2012/03/14, 01:15 AM

اخى الكريم الراى الصواب للاخ التركى كل كلمة كتبها مضبوط وتوكل على الله

eng : ahmed · #8 2012/03/14, 06:20 AM

انا عندى سامسونج 32 جميلة جدا

انصحك بالاتى

Samsung Series 5 LA32D550 32 = 3000 LE
http://www.egprices.com/product.php?id=12494

Samsung Series 5 LA37D550 37 = 4000 LE
http://www.egprices.com/product.php?id=10904

Samsung Series 5 D550 40 = 4500 LE
http://www.egprices.com/product.php?id=12504

امكانيات عالية جداا وFull HD و usb movie وأعلى كونترست موجود فى الشاشات

.

ابوبكر_على · #9 2012/03/14, 10:29 AM

احترم ارائكم ، وللمشترى حرية المقارنة والاختيار :)

Bayback · #10 2012/03/14, 01:42 PM

كلام مظبوط من الاخ ابو بكر نفس الكلام موجود على موقع السامسونج عاملين مقارنة بين البلازما وال lcd و led وومكتوب ان البلازما افضلهم فى الاكشن والمباريات والفديو جيمhttp://www.samsung.com/uk/article/le...ype=television

Bayback · #11 2012/03/14, 01:54 PM

بس هو فى شاشات بلازما 32 فل اتش دى ؟؟؟؟؟

ابوبكر_على · #12 2012/03/14, 02:33 PM

الاخ Bayback شكرا جزيلا

اقل حجم فى شاشات البلازما هو 42 بوصة ، وتقريبا لا توجد شاشة بلازما 42" فى السوق المصرى بامكانية Full HD1080 فى حدود السعر من 4000 الى 4500
الدقة المتاحة هى 1024X720 يعنى (720p) ، وبالنسبة للقنوات اللى بنتفرج عليها الدقة دى كافية جدا.

بالنسبة للاخ صاحب الموضوع: انصحك تنزل تسال فى المحلات برضو وانصحك ب Virgin Mega Stores لان الناس اللى هناك فاهمين كويس ، وانا كتبت لك اقتراحى بناءا على امكانياتك فى السعر ونوعية مشاهدتك للتلفزيون.

برشلونى للابد · #13 2012/03/14, 03:12 PM

شكرا ليكم جميعا على الاراء
وانا شخصيا مع الراى اللى بيقول ال دى افضل من البلازما ودا واضح بردو من السعر بينهم وعموما انا هروح كارفور او Virgin Mega Stores اسال بردو على الانواع والفروقات والاسعار
وبالنسبه للشاشه اللى عاوزها مش عاوز اقل من 40
وفيه ناس قالتلى السونى برافيا حتى لو lcd حتبقى اعلى من الانواع التانيه ايه رايكم فى الكلام دا؟؟
+
ياريت تقولولى المواصفات اللى ادور عليها بصرف النظر عن النوع لانى اكيد هدور على حاجه بالمواصفات دى فى سامسونج او سونى او توشيبا
فيايارت تقوليلى المواصفات اللى اقدر اجيبها كويسه يعنى الريفرش رات والكلام دا المفروض يكون كام

وانا متشكر جدا لكل اللى ردوا فى الموضوع

ابوخالد1970 · #14 2012/03/14, 03:33 PM

السلام عليكم
انظر اخي .........
ان اردت ان تشتري اي شاشه عن تجربه عليك بالسامسونج
وان اردت ان تشاهد افضل صوره Full HD1080 عليك ان تشتري مقاس ما فوق 73 بوصه لانه ما اقل .... لا يأتي Full HD

وبالنسبه لتسلسل الجوده في الصوره فهي ....
1 البلازما
2 lcd
3 led وهو اوضح صوره في جميع النواحي وخصوصا الـ Full HD1080
فأنا اكلمك عن تجربه فلدي شاشه 37 بوصه سامسونج led صناعة سولفانيا
فكنت قد شريت شاشه سامسونج 32 بوصه فقمت بارجاعها لانها ليست Full HD وبدلتها بشاشه lg 32 بوصه وقمت بأرجاعها ايضا لان صورتها رديئه ( مع احترامي لاصحاب الشاشات الـ lg ) حتى استقريت على هذه الشاشه

ملاحظه ... نوع الرسيفر وضووحوا والـ Full HD له دور كبير في الشاشه

ابوبكر_على · #15 2012/03/14, 03:52 PM

بص ياحبيبى
اولا المنافسة دلوقتى ما بين Plasma و LED
الـ LCD متفكرش فيها لان الLED هى عبارة عن شاشة LCD كريستال سائل ولكن مع اضاءة خلفية light embedded display

ثانيا حط المعايير اللى انت عايز تشترى الشاشة على اساسها
1- السعر
2- اسم الماركة
3- مهم جدا تسال عن الـ Refresh rate للشاشة اللى هتشتريها لان ده معناه سرعة استجاية الشاشة للصورة المتحركة عليها ولما بيكون النسبة صغيرة ده معناه انك هتشوف Motion Blur او حاجه زى خيالات فى الصورة سريعة الحركة
4- مهم جدا تسال عن ال Contrast ratio
5- اعتقد انك تكتفى بدقة عرض 720p ،لاسباب اولا مش هتلاقى شاشة LED او Plasma محترمة تكون FHD 1080p بالسعرده ، ثانيا الفرق غير ملحوظ اى لو المسافة بينك وبين الشاشة مناسبة ده غير ان القنوات بتاعتنا صورتها SD يعنى ضايعة ، ثالثا لو هتشغل ميديا عن طريق USB هتلاقى حجم فيلم بجودة 720p حوالى 7 جيجا بايت وصورته تحفة.
ثالثا الماركات المحترمة من الاغلى للارخص بتكون تقريبا كالتالى (سونى - باناسونيك - سامسونج - ال جى)
انصحك بVirgin لان كارفور هتلاقى فيه مندوبين من كل شركة ومحدش هيقولك الحقيقة الكاملة.
وربنا يوفقك وتختار حاجه مناسبة وترضيك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كنت عاوز اعرف رقم لاين تلفزيون صينى انترناشونال	ashbasha	صيانة التليفزيون	3	2022/09/04 10:34 PM
استفسار بخصوص تلفزيون صيني جنرال تك خطين ف الفيرت عاوز اعرف اول خطهم اي	اشرف حسن ابراهيم	صيانة التليفزيون	8	2020/02/13 03:46 PM
تلفزيون عاوز اعرف خطوط الميكور لانها اتقطعت اثناء خلعها وتركيبها عدة مرات	اشرف حسن ابراهيم	صيانة التليفزيون	25	2019/10/20 03:21 PM
السلام عليكم عاوز اعرف بديل ريموت تلفزيون ترونادو ultraslim21sf7xel	مكتب مريم	صيانة التليفزيون	3	2016/06/15 08:13 PM
مقارنة بين المواصفات المعلن عنها وبين المواصفات الحقيقية لدريك 7500hd	mido2011eng	فوريفر FOREVER	24	2012/10/16 12:34 AM