[الزينى010]

كنت اعمل فى شركه فى شهر 8 /2012 وتركتها للعمل فى وظيفه اخرى وعند ميعاد القبض فوجئت بانى قبضى موقوف وراتبى 145 فقط من اصل 1000 وبسؤالى عن السبب وجدت انهم عملين ايام غياب وانا كنت حاضر وموجود وعند رجوعى للمشرف اكد لى انه قدم للشركه يثبت انى كنت حاضر واذهب الى القسم وانا شاهد معاك مع العلم انه هو كمان ترك العمل ومش رضيين يطلعوا المسيرات اللى مقدمها هذا المشرف وبيظهروا لى حاجة تانيه خالص
ذهبت الى القسم وحررت المحضر واستدعوا المسؤليين فلم يستجب احد فقال لى الامين خلاص سيب تليفونك وكدة المحضر رايح النيابه فما الوضع الان وكيف احصل على راتبى واوراقى

[crackegypt]

هل هذه الشركه مؤمنه عليك في التامينات
ام لا
وطبعا من كلامك دي شركه قطاع خاص
شوف ياسيدي الفاضل حضرتك عملت جنحه هتاخد رقم احوال ثم رقم اداري وتعرض علي النيابه ومن ثم هناك طريقان لا ثالث لهما
الاول ان يقوم وكيل النيابه بالامر بيقضها جنح واعطاء القيد والوصف لها وتحديد جلسه لنظرها
الثاني ان يقوم بحفظ الجنحه
هنا يجدر الاشاره الي اهميه المتابعه
لا تامن لامين الشرطه لان ممكن المحضر يروح ووكيل النيابه ميطمئنش للملابثات ويحفظ الجنحه
يبقي لازم تتابعها علي الاقل يوم ويوم لحين العرض علي النيابه واثناء علمك بعرضها علي النيابه تقوم بعمل طلب لمدير النيابه باستجواب الشهود في المحضر
ان لم ياتوا سيحيلها لمحكمة الموضوع للتصرف
ان اتوا وشهدوا معك موقفك سيصبح قوي جدا وسيكون الحكم لصالحك بنسبة 95%
ممكن تسالني سؤال وتقولي لو اتحفظت اعمل ايه
في الحاله دي هتروح للمحامي العام وتقوم بتقديم تظلم في قرار الحفظ وبعدها سيقوم المحامي العام بالتاشير علي عرض المحضر وسيعرض عليه وفي الغالب هتنزل جلسه
ومتابع معاك الوضع ان شاء الله