[هشام سيد]

السلام عليكم ورحمه الله وبركاته

بجد مشكله عويصه ومش لاقيلها حل واللي هيحلهالي والله هيبقي ليه مني هديه قيمه

اولا انا عندي جهاز ig 740 وشغال عليه شرينج مدفوع زي الفل art + جزيره

ولما ظهرت اليومين دول قنوات الاوربيت طبعا عايزه جهاز hd روحت اشتريت كيوماكس999v2HD وصاحب المحل وراني عليه القنوات المشفره شغاله زي القشطه الـ art و جزيره ******* المجاني السنه روحت بالجهاز البيت شيلت السلك من ال ig وركبته في الرسيفر الجديد طبعا قبل مااوصله بالكهرباء ******* لايعمل ولا قناه شغاله وكل البيانات بتاعت ******* تمام وموصل سلك النت وقاري الايبي بس القنوات مش شغاله ونفس النظام اليوتيوب مش شغال برضه طيب ازاي ******* المدفوع شغال علي ال ig والسيرفر المجاني مش شغال علي الكيوماكس رغم انه شغال عند صاحب المحل للعلم الراوتر عندي في البيت مش واخد واصله يعني وهو راوتر tedata
وعلمت للراوتر مخصوص ريست وكونفجريشن من اول وجديد ونفس النظام ياريت والنبي حد يقولي المشكله فين لأني مش لاقي حاجه تاني اعملها واللي هيقولي الحل الصح والله هيبقي ليه هديه قيمه بس يكون من القاهره

يامسهل يارب نبدأ بأول حل ونشوف رأي الخبراء

[h000t]

اعمل اوتو ايبي للجهاز وها يشتغل معاك زى الفل

[هشام سيد]

اول مشاركه شكرا ليك وعملتها فعلا قبل ماحضرتك تقولها ومش نافعه
ياريت حل اخر

[زياد الشريف]

اخي الفاضل
اكتب الدي ان اس 1
8.8.8.8
الدي ان اس 2
8.8.4.4

[هشام سيد]

نجرب كلام مشرفنا الكبير لأن الحل ده ماجربتوش ونشوف النتيجه

[هشام سيد]

انا لما بكتب الارقام مش بيبقي نافع احط نقطه عشان ليها مساحه معينه
يعني مثلا كده 8.8.8.8 مش نافعه لازم تتكتب كده 8888

[h000t]

اخى اتاكد الاول ان السرفر مفعل او لا
ثانيا ممكن يكون هناك احتمال انك لازم تشغل سويتش بين الروتر وبين الرسفر يعنى ما تاخدش من الروتر مباشرتا احتمال قائم

[هشام سيد]

المشاركة الأصلية كتبت بواسطة h000t

اخى اتاكد الاول ان السرفر مفعل او لا
ثانيا ممكن يكون هناك احتمال انك لازم تشغل سويتش بين الروتر وبين الرسفر يعنى ما تاخدش من الروتر مباشرتا احتمال قائم

انا المفروض يااخي العزيز واخد الرسيفر من الراجل يقولي هيشتغل علي طول من غير مااعمل اي حاجه لأنه شغاله عنده هو وثانيا اعرف ازاي ان ******* مفعل ولا لأ

[mscadak]

اخى العزيزاضغط على F1 ثم 555 وشوف الجهاز هيعد عندك ******* ولا ايه وكمان هتظهر عندك حالة الاتصال ايه؟
بالاضافه انه السطر اللى فيه DNS موجود به ارقام
وان شاء الله ده لوشغال اضغط على F1+ 000 علشان تعمل enable لفك التشفير او اضغط عليها تانى لتأكيد ان جالك انه تم تشغيل فك التشفير

[h000t]

لو انت على سوفت سوبر يبقى منيو - تركيب- ضبط الشبكة- ضبط السرفر
ولو الخانة بتاعة ضبط السرفر مش موجودة يبقى عاوز تفعيل فقط دوس f1 000

[mscadak]

المشاركة الأصلية كتبت بواسطة هشام سيد

انا لما بكتب الارقام مش بيبقي نافع احط نقطه عشان ليها مساحه معينه
يعني مثلا كده 8.8.8.8 مش نافعه لازم تتكتب كده 8888

الاخ العزير لتغير DNS اعمل الاتى
1- F1 +555
2- اعمل تشغيل DHCP عن طريق الضغط على الزرار الاخضر
3- اضغط على الزرار الاحمر وهو بتاع ضبط IP
4-انزل بالسهم (ch-)من الريموت الى اسفل لغاية متوصل لل DNS1
5- اضغط ok
6- هتظهر شاشة زى الكيبورد اكتب من خلال الريموت الارقام اللى انتى عاوزه وليكن 8 وبعدين انزل بالاسهم لما تلاقى نقطة اضغط اوكى ثم الرقم التانى ثم اضغط على اوكى وهكذا
7-طبعا لمسح الارقام اضغط على الزرار الاصفر
8- وبعد ما تخلص خالص اضغط على الزرار الاحمر = موافق

طبعاانا عندى dns مختلف عن اللى الزميل بلغه ليك ومش عارف هل ده علشان الروتر ولا المفروض انك تكتبه
ذى ip اللى عندك بس تخلى اخر 3 ارقام 254
او تكتب بتاع tedata وهوه
168.121.128.134
168.121.128.135
جرب وانا متابع معاك ويا ريت تبلغنى

[هشام سيد]

دي الصوره اللي ظاهره عندي ياجماعه
وf1 +000 مفعله

[حج علي]

المشاركة الأصلية كتبت بواسطة هشام سيد

انا المفروض يااخي العزيز واخد الرسيفر من الراجل يقولي هيشتغل علي طول من غير مااعمل اي حاجه لأنه شغاله عنده هو وثانيا اعرف ازاي ان ******* مفعل ولا لأ

جرب كابل نت تاني ممكن العيب في الكابل او اعمل ضبط مصنع للرسيفر

[هشام سيد]

الكابل زي الفل يااخي وبقولك شغال علي ال ig عادي

[حج علي]

المشاركة الأصلية كتبت بواسطة هشام سيد

الكابل زي الفل يااخي وبقولك شغال علي ال ig عادي

عملت ضبط مصنع للرسيفر ولا لا