[الزملطعي]

الريسيفر خرج الباور عالي جدا وخصوصا خط ال 23 فولت بيجيب 43
وخط ال5 فولت بيوصل ل8 فولت
بس لما بشيل سوكت الباور من البورده الرئيسه الباور بيكون طبيعي والمخارج مظبوطه جدا
برجاء الافادة في هذا العطل

[حسين سعد]

نظف البورده أخى الكريم بالتنر جيدا وجففها بالهوت أير ومنها أيضا تعيد اللحامات على البروسيسور والرامات والفلاشه ومتابع معاك إن شاء الله

[الزملطعي]

بعد التنظيف واعاده اللحام علي المعالجات نفس المشكله

[حسين سعد]

طيب أنت راجعت على الخطوط كلها خط ال 3.3 جايب معاك كام
ويستحسن لو عندك دايره تانيه جربها على الجهاز

[احمد سمير]

تمام يا اخى
يجب التجربه على دايرة بور تانيه
أو تغيير المكثف الصغير اللى بجوار
اى سى البور وقيمته هى uf47/50v

[الزملطعي]

خط ال3.3 مظبوط
بس لما بقيس علي وضع الصفاره خط ال3.3 مع الارضي بيجيب صوت صفاره
كده يبقي بروسيسور
ولا فيه حل تاني

[الزملطعي]

معلومه كمان
القفله دي في دايره الباور مش في البورده الرئيسيه
هجرب دايره باور تاني واشوف مع حضراتكم

[islam_mohsen]

المشاركة الأصلية كتبت بواسطة الزملطعي

خط ال3.3 مظبوط
بس لما بقيس علي وضع الصفاره خط ال3.3 مع الارضي بيجيب صوت صفاره
كده يبقي بروسيسور
ولا فيه حل تاني

كدا بروسوسور ياغالي

[الزملطعي]

تم تغيير دايره الباور والجهاز يعمل بكفائه الان
الشكر موصول لكل من تابع العطل

[islam_mohsen]

مبروك ياغالي ولكن انا قولت لك بروسوسور علشان انت قولت في شورت خط ال3.3 مع الارضي في البوردة الرئيسية علي العموم مبروك ياغالي

[الزملطعي]

المشاركة الأصلية كتبت بواسطة islam_mohsen

مبروك ياغالي ولكن انا قولت لك بروسوسور علشان انت قولت في شورت خط ال3.3 مع الارضي في البوردة الرئيسية علي العموم مبروك ياغالي

اكيد ياباشا علشان كده انا رديت علشان اوضح ان الشورت في الباور مش في البورده وغالبا حضرتك مشوفتش الرد
متشكر جدا علي المساعده

[احمد سمير]

مبروك عليك جهازك يا اخى
وفى مثل هذه الاعطال
طبعا البروسوسر ماله ومال العطل ده
انا قولتلك عطل بور وبالخصوص فى المكثف
الصغير بجوار اى سى البور