[صبرى الخطيب]

عارفة يا ماما انا فين دلوقتي ؟؟؟
احنا بنلعب فوق في الجنة
احمد محمود دينا وسارة
خالد يحيي وسالي ومنة
أما يا ماما دي حلووووة بشكل
واخدين بالهم جامد منا
قبل ما نطلب حتي الأكل
كل الحاجة تيجي ادامنا

عارفة يا ماما انا مبسوط
كل اصحابي هنا ويايا
نص الفصل بتاعي معايا
وعندنا العاب حلوة عشانا
حتي يا ماما الشنطة بتاعتي
اللي اتهرست تحت القطر
عندي بدلها احلي واحلي
والكراسة السطر وسطر
حتي الكوتشي يا ماما كمان
كراسة الرسم وقلمي الجاف
حتي الالوان
كله يا ماما جديد فجديد
والقمصان وكمان مرايلنا

قولي لخالو صحيح اطمن
نورا معايا هنا فأمان
راح احميها زي ما كنت
بضرب اللي يغيظها زمان
انا مرضتش اسيبها يا ماما
لما ساعتها كات بتعيط
مسكت فيا وقعدت تصرخ
بس انا عمري ما كنت جبان
وفضلنا يا ماما كده في مكانا
فجأة لقينا روحنا ف جنة

رحلة يا ماما بس جميـــــلة
حتي الداد معانا كمان
اوعي تخافي يا ماما علينا
ده احنا طلعنا فأحلي مكان
قولي لبابا انه هيوحشني
وانتي وستو واختي حنان
ولما تحبي يا ماما اجيلك
راح هيجمع حلم ما بينا
احضن فيكي وابوس فإيديكي
وارجع تاني اطير عالجنة

بس يا ماما كفاية دموع
اصل دموعك غالية عليا
وكل ما احسك قاعدة بتبكي
حاجة كبيرة بتوجع فيا
انا والله يا ماما كويس
قولي لقنديل و الريس
انا مش عايزه مكانه فلوس
قولي لكل الناس وجيرانا
ابني حبيبي خلاص فالجنة

[sherif2010]

جميــــــــــــــــــــــــــــــــــــــله

[عادل الجلاد]

انا لله وانا اليه راجعون

[gomma_sinbad]

يااخى الغالى

والله تاثرت من تعبيرات كلماتك

لدرجة انى تخيلت الطفل وهو يكتب رسالته لوالدته

وسمعت صوته وهو يتهجىء كلمات الرساله

وقد اسميتها - رسالة طفل من الجنة -

اشكرك ياغالى فهى اكثر من رائعة