[أم أنس المصرية]

السلام عليكم ورحمة الله وبركاته
بداية أشكر كل القائمين على هذا الجهد الكبير في هذا المنتدى النشيط .
ثانياً حدثت لي مشكلة مع ريسيفر hivion hd 9090x plus وذلك حيث أنني بعدما قمت بفتح الجهاز بثانية أو اثنتين فوجئت بالفيشة وهي تسقط من مكانها وفصل الجهاز وعندما وضعتها في مصدر التيار مرة أخرى وشغلت الجهاز ظهرت عندي هذه الصورة الغريبة





وعندما أضغط على أي زر في الريموت أو الريسيفر نفسه تظهر لي الصورة التالية



مش عارفة إيه المشكلة وإزاي أقدر أحلها يارب ألاقي حلها عندكم لأني عرضت سؤالي في كذا منتدى وما حدش جاوبني لغاية دلوقتي . ولو سمحتوا ياريت تكون طريقة الحل بالتفصيل لأني مبتدأة وأول مرة أتعامل مع الريسيفر وجزاكم الله كل خير .

[م / سمير محمد]

اولا اهلا بك اخت ام انس فى بيتك التانى مصراوى سات بيت كل العرب بين اخوانك بالمنتدى
ثانيا مشكلتك بسيطة جدا وهى ان الجهاز عمل ضبط مصنع وفقد القنوات الموجودة علية والحل اسهل مما يكون ولكن يتطلب بعض الاشياء اولا كابل تحديث ودة عليكى انتى اما الباقى على الله وعلينا وسارفق لك البرامج اللازمة والطريقة ولكن بعد كتابة بيانات الجهاز كاملة وبيانات الجهاز بتجيبيها من الضغط على زر menu من الريموت واختيار بيانات الجهاز والضغط على زر ok وكتابتها كما هى

[أم أنس المصرية]

ربنا يجازيك كل خير م/سمير ويبارك لك في وقتك ومجهودك يارب . ماشاء الله المنتدى هنا نشيط ولا يتجاهل طلبات الناس ربنا ينفع بيكم فيما هو طاعة لله اللهم أمييييييييين .
أنا عملت زي ما حضرتك قلت وطلعت بيانات الجهاز كالتالي :
الموديل id :
07f0a126
h/w نسخة :
1.16.00
s/w نسخة :
1.08.3a

بالنسبة لكابل التحديث ممكن حضرتك تقولي أجيبه منين وهل ينفع كابل ال hdmi ولا لأ؟ وربنا يبارك في حضرتك على اهتمامك .

[زياد77]

الكابل يباع بمحلات الدش
وهذه صورته


ثم بعد ذلك هذه المشاركه بها كل شىء عن تحديث الجهاز
http://www.masrawysat.com/vb/showthread.php?t=684

[أم أنس المصرية]

جزاك الله خيراً أخ زياد .
طيب أنا شغالة على لاب توب ومش لاقية فيه بورت ممكن تدخل فيه الوصلة دي فهل في كابلات للاب توب ولا إيه الحل ؟؟

[زياد77]

للاسف لم اتعامل مع اللاب
على ما اعتقد يوجد وصلات usp للاب

[محمد الطوخى]

الوصله المستخدمه لتحديث من خلال الاب توب


وهنا وصلة الاب توب

[اسامه حامد]

اما بخصوص السوفت تفضلي اختي

الملف الاول اللودر لتحميل السوفت

الملف الثاني ملف كلين لمسح السوفت القديم الي على الجهاز

ثم الملف الاخير السوفت

[أم أنس المصرية]

جزاكم الله خيراً أخ محمد الطوخي وأخ أسامة حامد وجعله الله في ميزان حسناتكم ولكني لا أجد الكابل في أي من محلات الدش في بلدتي . أنا من المنيا وسألت عنه فلم أجد له أثراً عندنا فهل له اسماً محدداً وفي حدود كم يتراوح سعره ؟ لأنني وجدت واحداً وأخبروني أنه بحوالي 70 جنيه فهل هذا صحيح لأنه لو كان صحيحاً فسأشتري رسيفر جديد أفضل .

[زياد77]

هو ايه اللى ب70 جنيه
وصلة التحديث الusp كبيرها 20 جنيه
والوصله العاديه التى ارفقت لكى صورتها من 5 الى 15
وخلي بالك الusp معاها اسطوانة تعريف
وبعدين لو فى استعداد للاستمرار فى هذه المهنه من الافضل كيسه عاديه
ووصلتها متوفره فى اى مكان
لك تحياتى

[مجدى ابوعطا]

المشاركة الأصلية كتبت بواسطة أم أنس المصرية

جزاكم الله خيراً أخ محمد الطوخي وأخ أسامة حامد وجعله الله في ميزان حسناتكم ولكني لا أجد الكابل في أي من محلات الدش في بلدتي . أنا من المنيا وسألت عنه فلم أجد له أثراً عندنا فهل له اسماً محدداً وفي حدود كم يتراوح سعره ؟ لأنني وجدت واحداً وأخبروني أنه بحوالي 70 جنيه فهل هذا صحيح لأنه لو كان صحيحاً فسأشتري رسيفر جديد أفضل .

ارسلى الجهاز الى اقرب مركز صيانه فقط ب10 جنيهات يتم حل المشكله

والجهاز احسن من الصينى الجديد الف وميه مره