[محمود رشوان]

طالب أبراهام أفى لوزون رئيس الاتحاد الإسرائيلى لكرة القدم الاتحاد الدولى "الفيفا" بمراعاة حالة العداء القائمة بين الدول العربية وإسرائيل قبل القيام بالتفتيش على المنشآت الرياضية فى قطر والتى تسعى لاستضافة كأس العالم 2022.

وتساءل لوزون كما ذكر موقع العربية نت، عن مصير المشجعين الإسرائيليين فى حالة فوز قطر بتنظيم كأس العالم، مؤكداً أنه فى حال السماح لهم بالحضور فسيكونون فى خطر نظراً للعداء الذى يكنّه العرب لإسرائيل "حسب قوله" وأن هذا سيكون عائقاً فى وجه المشجعين فى حالة تأهل إسرائيل أو عدم تأهلها.

واستشهد لوزون بما قامت به قطر من تخفيضها للتمثيل الدوبلوماسى الإسرائيلى فى بلدها قبل عام من الآن، وأن هذا سبب كافٍ للتصويت ضد تنظيمها لكأس العالم 2022، مؤكداً أن هناك اتحادات أهلية ستقف مع إسرائيل بصفتها عضواً فى الاتحاد الأوروبى، مشيراً إلى أن كأس العالم للجميع ولا يمكن منع أى مشجع أو مسئول من مشاهدة هذا الحدث العالمى على الطبيعة.

وذكر رئيس الاتحاد الأوروبى أنه قام بالاتصال بوزارة الخارجية القطرية للاستفسار عن وضع المشجعين الإسرائيليين: هل بإمكانهم دخول البلاد؟ وهل بالإمكان حضور مندوب الاتحاد الإسرائيلى لحفل الافتتاح؟ وكيف سيتم التعامل مع الجماهير الإسرائيلية وحمايتهم من الجماهير العربية والشعب القطرى؟ لكنه لم تصله أى إجابة حتى الآن من جانب المسئولين القطريين.

[خوليو_سات]

قال يعنى هما بيوصلوا لكاس العالم عشان يتكلموا

[اشرف حسين]

يا اخى ان شاء الله ف2022 تكون اسرائيل ازيلت من الوجود هما حيعملوا قلق من دلوقتى

[Hilly]

يا عمي فين اسرائل من كأس العالم

[hasbo25]

[esam_2020]

طب ماقطر صوتت ضد مصر عند تقديم استضافه كأس العالم 2010 المعروف بصفر المونديال
ثم اللى بقول انى اسرائيل مابتدخلش كأس العالم
طب ماهى مصر مابتدخلش كأس العالم
ياعم ولاتعيرهم ولا يعيروك
هههههههههههههههههههه
واقولك من الأخر مفيش دوله عربيه واحده تقدر تنظم كأس العالم

[MohamedNader32]

كلام الخ esam_2020صح

[hema 2010]

المشاركة الأصلية كتبت بواسطة mohamednader32

كلام الخ esam_2020صح

لا كلامه مش صح اللى يخلى جنوب افريقيا
اللى اقل منا فى كل حاجة تنظم كاس العالم
يخلينا احنا كمان ننظمه

[ahmed abdel azem]

المشاركة الأصلية كتبت بواسطة hema 2010

لا كلامه مش صح اللى يخلى جنوب افريقيا
اللى اقل منا فى كل حاجة تنظم كاس العالم
يخلينا احنا كمان ننظمه

أقل منك فى أيه بتتكلم على أغنى دولة فى أفريقيا على أنها أقل منا طيب إزاى؟

[gharebsalem]

ديه قطر تستضيف أسرائيل كلها لو كان ده فقط أستضافتها لكأس العالم

[احمد حربى]

ياعم قطر واسرائيل حبايب مش هيخسرو بعض علشان كاس العالم

[dyab]

الخطوورة اعزائي في سيطرة اسرائيل علي العالم و عدم نجاح اي دولة عربية في التقدم في اي مجال هو هدف عند اسرائيل
انتم تسخروا من الامر الآن
بس اسرائيل تتعامل مع الامر بجدية شديدة
و تذكروا عدم وصول وزير الثقافة المصري - رغم اعتراضي عليه - لمنصب باليونسكو
تعلموا يا اخواني
هما مابيلعبوش و احنا بنسخر من بعض
مش مهم أحب قطر و لا لأ---- مش مهم مين يوصل للنهائي --- المهم النجاح
مجرد وجهه نظر

[kaseem brrawe]

حوار يدل على ان اعضائنا الاحباب في عالم تااااااااني !

ولا حد فاهم حاجة !!

[dr_said]

ياجماعة الخير الهدف الرئيسى من ده هو الضغط على قطر لاعادة العلاقات الدبلوماسية كما كانت قبل حرب غزة واسرائيل عارفة انها مش هاتقدر تمنع حاجة زى دى لان العلاقات بين جنوب افريقيا واسرائيل كانت شبه مقطوعة قبل كأس العالم ولم يحدث اى شىء

[السيدعبدالعزيز]

هذه نغمه تقال قبل كل تصويت لكاس العالم ..