[ابوياسين1]

بسم الله الرحمن الرحيم
والصلاه والسلام علي أشرف المرسلين سيدنا محمد أفضل الخلق أجمعين
منذ أكثر من عشر سنوات وكان عالم الدش ده يعتبر حديث جائني طفل لا يتعدي عمره الأثني عشر عاما المحل وسألني سؤال غريب يفوق سنه السؤال كالتالي
أزاي بتيجي الصوره والصوت دي علي التلفزيون من الرسيفر ؟
بعد ما كنت منهمكا بإصلاح تلفزيون قديم أستوقفني السؤال فنظرت محملقا له دون جواب ؟ فعلا سؤال غريب بس سؤال فعلا قوي ممكن لو سألته لألاف الفنيين والله لا تجد الإجابه الصحيحه بس إحنا في مصر هنا كده بنعجن وخلاص
وعلي فكره كنا بالوقت ده نركب الطبق ال متحرك والثابت ونظبط الكلام دون معرفه حقيقيه بماذا يحدث أي لم نعرف بصراحه وعن جد بل وعن جهل كيف تصدر الصوره والصوت من الرسيفر
المهم أستدعيت من شركه ناشونال اليابانيه لمؤتمر بعد أن زاع صيتي بتوكيل الشركه بمصر الجديده بتعديل قمت به بالتلفزيونات بتاعتهم كان نتاجه مشاهده أفضل وإطاله عمر التلفزيون ومقاومته للكهرباء العاليه حتي لو دخله 300 فولت فطلبوني رغم صغر سني بذلك الوقت وكنت أصغر فني بذلك المؤتمر 20 سنه
و بالرغم أن المؤتمر عن التلفزيونات ومكوناتها وأعطالها فقد طرحت سؤالي هذا علي المؤتمر
كيف يعمل الرسيفر ؟
فخام صمت بالمؤتمر كله وطلب مني ـأحد البيابانيين بلطف عقد مؤتمر أخر مستضيفا أحد الكوريين للرد علي السؤال الذي طرحه طفل لا يتعدي عمره 12 سنه
أسف للتطويل عليكم بلا فائده بس علشان أعرفكم الناس دي بتفكر أزاي
أزاي يسيبوا طفل مثلي لا أتجاوز 20 سنه يقف ويرسم ويفهمهم حاجه في جهازهم بل ولا أخفيكم سرا لقد قامت الشركه اليابانيه بتقديم مذكره شكر وتقدير لي بذلك الوقت
كيف يعمل الرسيفر
بطريقه بسيطه أولا يقوم القمر الصناعي ببث إشارات كهرومغناطيسيه علي بعد معين وبؤره معينه وقوه معينه علي مدي معين من العالم ثم يقوم الطبق المثبت علي وضع معين بتجميع تلك الإشاره لبؤره واحده أللي عليها العدسه أو اللاقط اللي بيقوم اللاقط بالتغذيه من تلكم الإشارات الكهرومغناطيسيه وتكبيرها وتحويلها لإشارات كهربيه بعد خفض التوتر أوة الشوشره منها وبثها معدنيا للوحده الرئيسيه اللي هي الرسيفر
ثم يستقبل التيونر اللي هو بمثابه مترجم لتلكم الإشاره وتحويلها بعه تصفيتها عن طريق أي سي معين اللي هو بمثابه أبروم وينقل تلكم الإشاره إلي العقل المدبر اللي هو البروسيسور الذي يقوم بترجمتها بمساعده الرامه اللس هيا بتحدد سرعه القرائه وسرعه تلقي الأوامر من الفلاشه والبروسيسور أللي هو بالمرحله الأخيره يقوم بمساعده بعض المقاومات اللي حضرتك بتقول عليها مقاومات الفلات بنقل إشاره صوتيه إلي أي سي الصوت لتكبيرها وتنقيتها وبنفس الوقت يقوم بإرسال إشارات ضوئيه عبر القسم الأهم من البروسيسور أللي بنقول عليه تستستروم شابتر ينقلها أخيرا لبعض مقاومات الطبع لخرج الفيديو أخيرا
يجب عليك أخي الفني أن تعلم تلكم المعلومه المبسطه علشان تبقي أنت فاهم أيه اللي في أيدك
علشان تبقي برنس صح ومتسهمشي لما واحد يسألك ذي ما حصلي زمان
أسف مره أخري للتطويل عسي أن أكون أوصلتلكم معلومه بسيطه
سلام

[mohamed homos]

شكرا على معلوماتك
جزاك الله خير

[ابوياسين1]

المشاركة الأصلية كتبت بواسطة mohamed homos

شكرا على معلوماتك
جزاك الله خير

الشكر لله يا غالي

[haisom]

الكبير كبير

[3mhnd_10000]

شكرا على معلوماتك
جزاك الله خير

[ابوياسين1]

المشاركة الأصلية كتبت بواسطة 3mhnd_10000

شكرا على معلوماتك
جزاك الله خير

تحت أمرك يا غالي وعلي فكره إحنا بلديات