[bekh]

لم يكن لى نصيب فى زيارة الإسكندرية و أنا من المنصورة وقررت بمشيئة

الله زيارة إولى أنا و زوجتى مطلوب من أهل إسكندرية يساعدونى إزاى أستطيبع أتمتع بيوم كامل فى إسكندرية يعنى أروح فين أفطر فين أتغدى فين
أتعشى فين أزور إية عاوز أكبر قدر من المتعة أنا وزوجتى فى يوم واحد
وياريت تكون التكلفة وسطية يعنى لغالى أوى ولا رخيص أوى

شكرا للجميع

[حماده نوح]

انا اسكندرانى ..
من نعم الله عز وجل على انى اعيش فى تلك المدينة الساحرة ....

تنور اسكندرية يا غالى ..... فى اى وقت ..
من بحرى للمنشية من الرمل لسيدى جابر لسيدى بشر للعاصفرة لاى مكان تريده تستطيع ان تقضى اجمل الاوقات ..
طالما انت فى كنف اللون الازرق الصافى للسماء المفتوحة البعيدة تستطيع ان تبحر فى خيالك اينما تريد ..

تناول افطارك فى احد المطاعم الجميلة فى منطقة المنشية ... و اجعل نسيم الصباح يمر بك و انت فى قلعة قايتباى ...
تناول غداك عند مطعم سمكمك فى الانفوشي ...
و اقضى اوقات النهار فى حديقة الشلالات او عند كوبرى ستانلى او فى محطة الرمل
و لك حرية الاختيار فى الليل ..

على طريق الكورنيش فى جليم او سان ستيفانو او المعمورة

.................................................. ....................................
.................................................. ....................................

اخيك فى الله
حماده نوح

[مجدى (الضابط) كشك]

اخى العزيز انصحك بالقطار لان الاتوبيس بيخرجك بره المدينه ومن المحطه تذهب الى اى شاطئ كم ذكر لك الاخ وممكن تدخل اى شاطئ ويسلام لو ستانلى لان امامة توجد الكافيهات وباسعار رمزية مقبوله وممكن تنزل من الكافيه وتعدى للشاطئ عن طريق الانفاق المنتشره وممكن تتمشى على كوبرى ستانلى منظر خرافى وبحسد عليه اهل اسكندريه وممكن تتمشى بحظى الساحل الى ان تصل للقلعه ولن تحس باى مجهود نظرا لجمال الشاطئ وممكن مشى العكس وترجع تتمشى الى ان تصل شوارع وسط البلد فيها كافيهات ومطاعم منتشره وباسعار معقوله ايضا وفى دخول الليل انصحك تتمشى بشارع صفية زغلول ومنه الى شارع دنيال ومنه تصل لمحطة الرمل وترجع الى محطة مصر وايضا ترجع بالقطار وانصحك بالقطار حتى لو تملك عربيه لان النساء تحب التغيير ولو معك وقت متنساش الحديقه الدوليه توهان وجميله ايضا وايضا لو هاتجيب اى هدية لزوجتك يبقى المنشيه او سوق ليبيا (سوق الفتلة) وفى الاخير اسكندريه يعنى شاطئها كل وقتك التمشيه على هذا الكورنيش

[مدحت المعاون]

ربنا يبارك فيكم على خدمة الأعضاء ويارب تكون زيارة وفسحة سعيدة للعروسين وعقبالى يارب ياريت تدعولى بالزوجة الصالحة لأنى محتار بين عروستين أحدهما من المنصورة والثانية من أهل بلدتى وربنا يوفق كل مسلم لما يحبه الله سبحانه وتعالى ويرضاه

[منـــــى]

نحن الان فى اكتوبر
والبرد قادم
كنت اتمنى ان تكون الزيارة فى الصيف افضل

[bekh]

الأخت منى سمعت كثير عن سحر إسكندرية وخصوصا فى الشتاء شكرا جزيلا لجميع الأعضاء الكرام
والله العظيم إحنا شعب جميل أوى والله بس قدرنا نكون مظلومين دايما اللهم إرفع مقتك وغضبك عنا أمين شكرا مرة ثانية لجميع الأعضاء الكرام

[مفلس]

انصحك تروح القاهرة لان الاسكندرية دى ماتفرقش كتير عن المنصورة او اى بلد اقاليم وبصراحة اكتر انا رحت اكثر من مرة ولا يوجد بها غير البحر . روح لام الدنيا مصر,

[رضابوند]

اخى الفاضل عندك 3مواعيد قطار من المنصوره صباحا ومساءا ميعادين منهم الساعه 6.10 من المحله الكبرى والساعه 9.30 صباحا اعمل حساب 20 دقيقه قبل الميعاد يعنى 5.50 والساعه 9.10 والرجوع من الأسكندريه 2.20 وميعاد 6.20 وميعاد 9.20 وانصحك بيه وهو اخر ميعاد يوصل المنصوره 12 ليلا واتمنى لك يوم سعيد

[محمد ربيع الجمسي]

لااله الاالله محمدرسول الله

[حماده نوح]

المشاركة الأصلية كتبت بواسطة مفلس

انصحك تروح القاهرة لان الاسكندرية دى ماتفرقش كتير عن المنصورة او اى بلد اقاليم وبصراحة اكتر انا رحت اكثر من مرة ولا يوجد بها غير البحر . روح لام الدنيا مصر,

اخى العزيز مفلس
طبعا ام الدنيا مصر و مفيش حد يقدر ينكر كده ...
بس اللى غايب عنك ان اسكندرية بتبقى مليانة مصيفيين كتير جيين من كل حته عشان يستمتعوا بهوا البحر الجميل و عندهم استعداد انهم يعملوا اى حاجة عشان يقضوا ولو ساعة على البحر و بيبقى اغلبيتهم من ام الدنيا مصر

[مفلس]

ام الدنيا مصر وبسسسسسسسسسسسس

[ahmed2000]

تعال عنا على غزة وشوف اللي عمرك ما شفته من تدمير بيوت وقطع كهرباء حوالي 12 ساعة يوميا وبرده قطع للمية 24 ساعة يوم بعد يوم ومعيشة غالية وحاجات كتير ملفتة للنظر عمرك ما راح تنساها اهلا وسهلا فيك ببلدك الثاني غزة

[3eed]

وانت راكب اقطار سوف تمر على ام الدنيا مدينة ابوحمص

[ميدياجروب]

وعموما فيه عندك فى المنصوره مكاتب سياحيه كتير بتقوم برحلات لمدينه الاسكندريه الساحره باسعار مخفضه جدا.
اسئل عن ذلك.

[مفلس]

اللهم انصر اخواننافى فلسطين فننا لا نملك غير الدعاء