[walid_elfeqi]

ولنبدا علي بركة الله

الاعضاء الجدد اهلا وسهلا بكم على ارض الابداع الفضائى المصرى نورت اسمائكم سماء مصراوى سات نعلم أن اغلب المسجلين الجدد يبحثون عن معلومات بشأن الجوكر لأتخاذ قرار الشراء وأن اكثر ما يشغل بالهم هو خوفهم الشديد من ان يشترون جهاز ليس بجوكر فأيماناً منا فى مصراوى سات بتوفير كل المعلومات عن كيوماكس الجوكروبعد مشاركة لى عن معلومات فى غاية الاهمية عن الجوكر اتش دى .....
من هنا اضغط على ..... مصراوى سات

اليوم اقدم الى المسجلين الجدد شرح بالصور عن كيفية التعرف على أن ما اشتريه هو جهاز الجوكر وليس اى جهاز اخر وخصوصا بعد ما تردد عن ان التجار احياننا يتلاعبون بمشترين ليس لديهم الخبرة الكافية لآكتشاف الموضوع ... واليكم الموضوع

اولا : ما هو شكل الكرتونة التى يباع فيها الجهاز
للكرتونة شكل مميز وصور مميزة تجعلك تتعرف عليها بمجرد رؤيتها وهى بشكل التالى : ( صورة امامية للكرتونة )

( صورة جانبيه للكرتونة )

ثانيا : شكل الريموت الى هيطلع من الكرتونه

شكل امامى للريموت

شكل جانبى للريموت

ثالثا : التاجر هيخرج الرسيفر من الكرتونة عندما ستشاهده من اعلى سيكون بهذا الشكل

وده شكله من الواجهة الامامية الى طبعا لما نضع الفيشة فى الكهرباء فقد يكون لون الاضاءة اخضر أو ازرق

وده شكل الباب الى المفروض يكون مربوط بمسمار من الداخل المفروض التاجر يفك مسامير الجهاز من الخلف ويفك مسمار باب الكامة الامامية والجهاز بدون كامة مع وجود طلبية لعبد العال من الجهاز بكامة ولكن بنفس لون الكرتونة .

وده شكل الجهاز من الخلف

ودى صورة مقربة اكثر لشكل الرسيفر من الخلف

ايضا التاجر هيخرج ليك كارت الضمان وده شكله من الامام

وده شكله من الخلف

وستجد فى كرتونة الجهاز كتلوج الجهاز وشكله كدة

طيب هو الجهاز مش هاى ديفنيشن Fll HD مش المفروض يكون معاه كبل هاى دفينشين بيركب فى التلفزيونات ال سى دى الكلام ده صح فعلا وهو ده شكل الكابل

صورة 1 :

صورة 2 :

بس على فكرة فيه ناس بتقول ان فتحة لان النت مش دخلية زى السناتور والجولد دول بيقولوا فى حاجة بتتركب فى خلف الجهاز وبيتوصل فيها سلك النت صحيح الكلام ده .... ايوه صحيح واذا ملقتش القطعة دى موجودة انا بقول ليك متشتريش الجهاز وعايز تتعرف على شكلها وهى اسمها كونفرتة النت
ودى مجموعة صور ليها :

صورة 1 :

صورة 2 :

صورة 3 :

اخر حاجة هوصيك تشوفها على بودى الجهاز من الخلف هى علامة ضوئيه لابد انها تكون موجودة على الجهاز وهو ده شكلها

اعتقد تقدر تنزل السوق دلوقتى ومحدش يقدر يضحك عليك بعد الان وذلك لحرصنا الدائم على اعضاء المنتدى وعلى أموالهم ودائما ما نسعى الى دعمكم بكل جديد ويبقا أن نسودعكم الله متمنين لكم دوام التوفيق والصحة

[الزعيم توب]

مشكور اخ وليد دايما في خدمة الاعضاء

[rmbo]

جزاك الله اخي وليد ولي استفسار هل الجهاز بكامة ولا لأ وازاي اقدر اعرف اني جهازي بكامة

[walid_elfeqi]

فيه دفعة قيل ان عبد العال نزلها السوق وليها كامة بصراحة انا مشوفتهاش لحد الان اما بالنسبة لكونك تعرف ازاى لو فتحت الباب الامامى هتشوفت الكامة موجودة ولو فيه عندك كارت من اى صديق لك للجزيرة مثلا ممكن تجربها وتشوفها بس الى بيشترى الجوكر ميهموش انه يكون فيه كامة لأنه مش هيستخدمها لأنه فاتح المشفر على الشيرنج .

[rmbo]

الف شكر لك اخي وليدعلي سرعة الرد وهو ده اللي اتعودناه منك ولي استفسارهل المحلات الي ماتديش فاتورة للجهاز ده محلات نصابة ولا ده شئ طبيعي لان التاجر ما رديش يديني فاتورة وقاللي لو باظ ابقي ارجع بيه للمحل طب هوهيعرف ازاي ان الجهاز ده من عنده ولا لأ

[حمو17]

موضوع رائــــــــــــــــــع

تسلم حبيبى وليد باشـــا

[walid_elfeqi]

المشاركة الأصلية كتبت بواسطة rmbo

الف شكر لك اخي وليدعلي سرعة الرد وهو ده اللي اتعودناه منك ولي استفسارهل المحلات الي ماتديش فاتورة للجهاز ده محلات نصابة ولا ده شئ طبيعي لان التاجر ما رديش يديني فاتورة وقاللي لو باظ ابقي ارجع بيه للمحل طب هوهيعرف ازاي ان الجهاز ده من عنده ولا لأ

لأه هما مش نصابين جهاز بيتفك من أول يوم علشان يكشف اليواس بى علشان يعطى السوفت لأن الجهاز داخل مصر على انه جهاز عادى ومش بيدعم الشيرنج ناحية بيتهرب من المصنفات وناحية بيتهرب من دفع الجمرك طبعا ولأن الجهاز توكيله فقط فى الاسكندرية والوكيل مش عاوز يعمل وكاله فى القاهرة فكل الى بيبيع الجهاز يقولك مفيش ضمان بس اذا حصل حاجة هاتوا لينا طبعا وده كلام فض مجالس ويجب على عبد العال انه يتحمل مسؤليته تجاه عملاءه ولكن مش هتكلم على ضعف دعم عبد العال لعملائة لأن خدمة ما بعد البيع عند عبد العال = صفر وتقبل تحياتى .

[walid_elfeqi]

المشاركة الأصلية كتبت بواسطة حمو17

موضوع رائــــــــــــــــــع

تسلم حبيبى وليد باشـــا

منور يا حمو تقبل تحياتى ونورت يا أخى الفاضل

[kinghos]

انا عندى الجهاز ده وابنى مسكه ومسح كل الريسيفرات المشفرة من عليه ارجعهم ازاى والكلام ده بقاله شهرين
شكرا

[walid_elfeqi]

هو كان شغال على سوفت اية

[walid_elfeqi]

المشاركة الأصلية كتبت بواسطة kinghos

انا عندى الجهاز ده وابنى مسكه ومسح كل الريسيفرات المشفرة من عليه ارجعهم ازاى والكلام ده بقاله شهرين
شكرا

يا ريت حضرتك فاكر هو كان شغال على اى سوفت ولا لآه .

[أ/حــمــاده الــجــوكــــر]

شكرا لك حبيبى وليد بس الموضوع مكرر من قبل الاستاذ الكبير احمد البطل
بس برده شكرا يا غالى

[walid_elfeqi]

طريقة العرض مختلفة ولغرض مختلف اعتقد المشاركتين مختلفتين حبيبيى حمادة وشكرا ليك اخى الحبيب

[اشرف صيام]

مجهود رائع استاذ وليد
ودائما فى تألق

[walid_elfeqi]

المشاركة الأصلية كتبت بواسطة اشرف صيام

مجهود رائع استاذ وليد
ودائما فى تألق

بارك الله فيك اخى الفاضل وتقبل تحياتى