[ابوبوشكا]

السلام عليكم استاذ احمد على على
حضرتك انا عاوز اسال سؤال انا دلؤتى عامل غياب من الجيش من شهر 7 .2010 انا جيشى كان 3 سنين وكنت فاقد دفعتين كنت عاملت حادثه واتحكمت خدت 6 شهور انا قديت سنتين و 7 شهور المشكله انى انا اكبر اخواتى وابويا راجل كبير ومريض ومش شغال وعندى اخين واختين واحد لسه فى اعدادى والتانى هو واختى الصغيره فى ابتدائى وليا اخت تانيه انا اكبر منها وانا عندى 26 سنه.........وللعلم احنا معندناش ملك ولا حاجه ................دلؤتى انا لو سلمت نفسى ايه هيحصل معايه ..........ولو سلمت نفسى بعد التلاتين .....هيكون ايه موقفى

[waleed2010]

الى حين الرد من الاستاذ احمد
انت على هذا الوضع اذا سلمت نفسك الان حتأخد سجن ورفت من الخدمة والوضع العائلى لن يغير شىء
واذا لم تسلم نفسك سوف تنتظر حتى سن 36 وليس سن الثلاثين لانك عامل هروب وليس تخلف ولا ينطبق عليك قواعد التعامل مع السجلات العسكريه لانها تتعامل مع الهروب والغياب قبل 2005

[احمد علي علي]

المشاركة الأصلية كتبت بواسطة waleed2010

الى حين الرد من الاستاذ احمد
انت على هذا الوضع اذا سلمت نفسك الان حتأخد سجن ورفت من الخدمة والوضع العائلى لن يغير شىء
واذا لم تسلم نفسك سوف تنتظر حتى سن 36 وليس سن الثلاثين لانك عامل هروب وليس تخلف ولا ينطبق عليك قواعد التعامل مع السجلات العسكريه لانها تتعامل مع الهروب والغياب قبل 2005

رد موفق اخي الفاضل / الاستاذ / وليد ........ تقبل تحياتي واحترامي

[waleed2010]

المشاركة الأصلية كتبت بواسطة احمد علي علي

رد موفق اخي الفاضل / الاستاذ / وليد ........ تقبل تحياتي واحترامي

تقبل تحياتى استاذ احمد

[ابوبوشكا]

شكرا لردك استا ذ وليد ...........طيب انا لو سلمت نفسى دلؤتى هاخد حكم قد ايه.........كام مده العقوبه يعنى

[waleed2010]

المشاركة الأصلية كتبت بواسطة ابوبوشكا

شكرا لردك استا ذ وليد ...........طيب انا لو سلمت نفسى دلؤتى هاخد حكم قد ايه.........كام مده العقوبه يعنى

حسب تقدير المحكمة والملف الخاص بك ودفاعك

[Max Pain]

انا دلوقتي عندي 28 سنة وتم فصلي من الكلية ف العام الثالث للتجنيد وقدمت ورقي وكشفت واخدت لايق مع اني مريض نفسيا وعصبيا من 7 سنوات بمرض قاسي و عملت تظلم طبي بدون جدوي انا دلوقتي مش ناوي اروح يوم سماع السلاح و لا الترحيل لظروفي المرضية كده انا حيبقي ايه موقفي بالظبط ؟!

[waleed2010]

المشاركة الأصلية كتبت بواسطة max pain

انا دلوقتي عندي 28 سنة وتم فصلي من الكلية ف العام الثالث للتجنيد وقدمت ورقي وكشفت واخدت لايق مع اني مريض نفسيا وعصبيا من 7 سنوات بمرض قاسي و عملت تظلم طبي بدون جدوي انا دلوقتي مش ناوي اروح يوم سماع السلاح و لا الترحيل لظروفي المرضية كده انا حيبقي ايه موقفي بالظبط ؟!

كان من الافضل عمل مشاركة جديدة بموضوعك حتى تكون تحت بصر الاستاذة الافاضل
فى هذه الحالة تكون متخلف وليس هارب وعليك الانتظار حتى سن الثلاثين عاما وبعدها سوف تتعرض لمحاكمة عسكرية وتكون العقوبة غرامة ما بين 2000 و2500 جنية

[Max Pain]

شكرا يا استاذ وليد وسامحني لاني حتي ما اعرف ازاي اعمل مشاركة جديدة بس كان ليا استفسار تاني صغير هو لو حصل تعديل ف القوانين بعد تاريخ تخلفي حيتم التعامل معايا علي اساس القوانين القديمة ولا حيمشي علي القانون الجديد ؟! وجزاك الله خيرا

[waleed2010]

المشاركة الأصلية كتبت بواسطة max pain

شكرا يا استاذ وليد وسامحني لاني حتي ما اعرف ازاي اعمل مشاركة جديدة بس كان ليا استفسار تاني صغير هو لو حصل تعديل ف القوانين بعد تاريخ تخلفي حيتم التعامل معايا علي اساس القوانين القديمة ولا حيمشي علي القانون الجديد ؟! وجزاك الله خيرا

وفقا لما هو مطبق قانونا يتم تطبيق القانون الاصلح للمتهم
ولكن فى القوانين العسكريه نادرا ما يتم تعديل القوانين وانما قد يتم تغير بعض الاجراءات .

وبالنسبة لفتح مشاركة جديدة او كتابة مشاركة
انت لما تدخل فى اى قسم من الاقسام وقبل تصفح اى موضوع
تجد كلمة فى اعلى الصفحة جهة اليمين مكتوب فيها موضوع جديد
عندما تضغط عليها سوف تفتح لك صفحة بها العنوان واسفل منها مربع لكتابة الرسالة او الموضوع
عليك كتابة عنوان الموضوع ثم بعد ذلك تكتب الموضوع او الطلب او الاستشارة وبعد ذلك تضغط على (اعتمد الموضوع الجديد )
وبعد ان تعرف التعامل هكذا يمكن بعد ذلك تقوم بتعديل المشاركات وتستطيع ان تتعلم تكبير الخط واستخدام الالوان وهكذا

[Max Pain]

انا متشكر اوي ليك يا استاذ وليد وعلي ردودك واهتمامك وربنا يجعله ف ميزان حسناتك سؤال اخير بس واسف علي كثرة الاسئلة انا كنت عامل تظلم ف الحلمية والدكتور الله لا يكسبه مكشفش عليا تقريبا من اساسه واداني لايق واخدوا مني هناك ال110 ده ممكن يغيير موقفي ولا حاجة ؟! وجزاك الله خيرا

[Max Pain]

وهل ممكن التحريات تجيلي لحد البيت ؟!