[يوسف البحيرى]

السلام عليكم ورحمة الله وبركاته
تحية طيبه لأخ غالى محترم
انا اتعودت هنا فى مصراوى سات على الاحترام وبعتبر مصراوى بيتى مش بعتبرة مجرد منتدى لما أحب أجيب ملف او سوفت أجيبه منه زى كتير من الاعضاء ما بتعمل وانا بحاول على قد ما اقدر او معلوماتى المتواضعة انى اساعد لو بجزء بسيط فى خدمات مصراوى للأخوة الاعضاء .
اما بخصوص الملفات اللى انا عاملها وترتيبها الغريب اللى حضرتك رديت عليه باسلوب ساخر جدا فى الموضوع دة .

http://www.masrawysat.com/vb/showthread.php?t=914078
فهو انى بصفتى فنى دش وصاحب محل فى كتير من العملاء بتجيلى وتطلب منى انى ارتب لهم الاجهزة على حسب رغبه معينه .
بمعنى ان فى واحد بيطلب قنوات الاطفال بعد الدين
واخر يطلب أغانى وغيرة يطلب رياضة وغيرة يطلب أفلام او مسلسلات وهكذا ..... الخ الخ
لانى بتعب بعد ما أحمل الملفات للأجهزة من تعديل على الترتيب اللى حضراتكم عاملينه بمعنى انك مثلا بترتب الملف كالتالى :
قرأن + افلام + مسلسلات + اجنبى + منوعات + رياضة + اخبار + اغانى
و هكذا .
طيب العميل دائما على حق يعنى لما يجى يقولك انا عاوز الاغانى بعد القرأن تعمل ايه او الرياضة الاول وبعدين الاخبار وبعدين مثلا الاجنبى هتعمل ايه .
طبعا لازم تعمل الشغل اللى العميل عاوزة والا حيسيبك ويروح لمحل غيرك .
وهوه دة اللى انا عملته فى الملفات .
رتبت الملفات على حسب أزواق كل الناس
وحتى لو الملفات مكنتش عجبت حضرتك كان يكفى انك تكتب مغلق للتكرار وبدون سخريه من حد . اتمنى ان كلامى ميكنش ضايقك بس دى نصيحة من اخ لأخ والله أعلم بسنك وسنى ان كنت انت اكبر اوانا مش هتفرق لانى بجد بعتبرك كلكم أخوه لى سواء الكبار او الصغار
اتمنى مكنش طولت علي حضرتك .
وياريت متخلنيش أغير رأى فيك لأنى بحترمك وبحترم كل انسان له الشرف يكون عضو من اعضاء مصراوى سات . ولما حضرتك ترد على عضو أرجوك بلاش تسخر منه بالشكل دة وتحسسه انه ولا حاجة .
اسف مرة اخرى واتمنالك من كل قلبى دوام الصحة والعافيه .
والسلام عليكم ورحمة الله وبركاته .

[محمد الطوخى]

اخى الكريم انا اعلم جيداا مدى زعلك بس والله اللى اغلى من اى شيء انا اخطلت بى الامر
ملف قنوات 3 اقمار لاجهزة استرا eh الخاصة بشركة اليكترونيك هاوس بكل الايديهات

مع هذا الموضوع المرفق لانه فيرس الجهاز لى ونفس الملفات وفيرس البرامج اللى بشتغل بيه وانا حاليا على جهاز اخر وخت كوبى بصنعه من الملف واحد من اللى حضرتك رفعتهم وجربته ولقيته مفهوش مشكله واسف اخى على سوء الفهم

ام الموضوع الثانى اللى حضرتك اتكلمت عنه ده زعلنى جداا لان انا بتعامل مع الناس اللى فى المنتدى من اصغرهم لاكبرهم اخواتى ولا اقلل من شأن احد نهائيا ولا اسخر من احد وكل الاعضاء والطاقم الادارى بالكامل عرفين كده كويس مين محمد الطوخى وتعامله اذاى مع اى فرض فيهم
بس مش هقول اكتر من كده لان ربنا عالم بيه
واعمل موضوع جديد ياغالى وارفع الملفات تانى واسف ليك مره ثانية
تحياتى لك

المشاركة الأصلية كتبت بواسطة يوسف البحيرى

اتمنى مكنش طولت علي حضرتك .
وياريت متخلنيش أغير رأى فيك لأنى بحترمك وبحترم كل انسان له الشرف يكون عضو من اعضاء مصراوى سات . ولما حضرتك ترد على عضو أرجوك بلاش تسخر منه بالشكل دة وتحسسه انه ولا حاجة .
اسف مرة اخرى واتمنالك من كل قلبى دوام الصحة والعافيه .
والسلام عليكم ورحمة الله وبركاته .

[جمال عبد السلام]

والله انتم الاثنين اجمل من بعض ويدل على انكما شخصين رائعين ومحترمين
والاخ محمد الطوخى انسان رائع ويخدم بالمنتدى لوجه الله تعالى ونحتسب عمله فى ميزان حسناتة
وهذا ماعهدناه هنا فى ارض الابداع والاحترام مصراوى سات ادام الله عليكم الحب دائمااااااااا
وشكرا لهذا العتاب الرقيق الحضارى الذى يملئه المحبة والدفئ ....

[احمد دش 2]

بارك الله فيك

[يوسف البحيرى]

انا اسف يا غالى
واتمنى انك متكنش زعلان منى بس انا حبيت أوضحلك وجهة نظرى
والحمد لله انك مكنتش تقصد الموضوع بتاعى
بس خلى بالك بعد كدة يا مااااااااااان
شكرا على ردك الذى يدل على رقى أخلاقك
تقبل تحياتى

[يوسف البحيرى]

المشاركة الأصلية كتبت بواسطة جمال عبد السلام

والله انتم الاثنين اجمل من بعض ويدل على انكما شخصين رائعين ومحترمين
والاخ محمد الطوخى انسان رائع ويخدم بالمنتدى لوجه الله تعالى ونحتسب عمله فى ميزان حسناتة
وهذا ماعهدناه هنا فى ارض الابداع والاحترام مصراوى سات ادام الله عليكم الحب دائمااااااااا
وشكرا لهذا العتاب الرقيق الحضارى الذى يملئه المحبة والدفئ ....

شكرا يا غالى على مرورك
لك منى أرق التحية