[ايمن حماد]

وجه الشبه والاختلاف بين البنات والعربيات
لا يوجد وجه شبه بين البنات والعربيات والكلام القادم ليس اكثر نوع من انواع الضحك ( فالبنت هى النص الحلو )

وجه الشبه بين البنات والعربيات

• البنات منهم المحجبات ومنهم غير المحجبات والعربيات منها الكابورليه ومنهم المتغطى

• البنت لما تفضل تزعلها جامد تسخن وتحجر معاك زى العربيه لما تفضل تشد عليها تسخن منك وتعطل

• العربيه كل فتره عايزه تتروق علشان تعيش معاك البنت برده عايزه كل فتره هديه عشان تفضل شغاله وتمشى معاك

• العربيه عايزه متابعه عشان مترميش منك كده ولا كده البنت برده عايزه متابعه عشان مترميش منك كده ولا كده

• العربيات ازواق والبنات برده ازواق

• العربيات فيه منها على الزيرو وفيه المستعمل برده البنت ممكن تكون خام يعنى على الزيرو مصحبتش ابل كده وفيه منها مستعمل كانت مصحبه ابل كده

• ممكن تكون فى سكه سفر ومره واحده العربيه تعملها معاك وتعطل برده صحبتك ممكن تيجى فى نص الطريق وتسيبك

• العربيات محتاجه ألى يصرف عليها والبنت برده محتاجه ألى يصرف عليها

• علشان تكون العربيه بتاعتك لازم تدفع وعلشان تتجوز البنت لازم تدفع

• العربيه بتكتبلها عقد علشان تقول ان هى بتاعتك وبرده لما بتتجوز بتكتب عقد علشان تقول ان هى مراتك

• العربيات فى منها الوان والبنات برده ألوان

• كل واحد بيشترى عربيه على أد فلوسه وبرده كل واحد بيحب الواحده ألى ممكن يتجوزها على أد فلوسه

• العربيات فى منها ألى يريحك وفيه منها ألى يأرفك فى عشتك البنات برده فيه منها الى يريحك وفى منها ألى يأرفك فى عشتك

• فى عربيات تحبها لما تشفها من بعيد لكن لما تعرفها كويس تقول انك كنت غلطان البنات برده فى منها ألى تحبها لما تشوفها من بعيد لكن لما تعرفها تعرف انك كنت غلطان


• أحياناً تفضل تحب فى عربيتك حتى لما بتعجز وتقدم وبرده ممكن تفضل تحب فى مراتك حتى لما بتكبر وتقدم

• ممكن بابا يجبلك عربيه لما تتخرج من الجامعه وممكن بابا تانى يجوزك بنت بعد ما تتخرك من الجامعه

• بيقولوا ان العربيه بتلمك من تعب الشارع والرمرمه والبنت لما تتجوزها بتلمك برده من الشارع وتقعدك فى البيت وتخليك تبطل رمرمه

• عربيتك ممكن تسبها وبعد فتره تلاقى نفسك بتشتقلها والبنت برده ممكن تسبها وبعدين تلاقى نفسك بتشتقلها

• بعد ما تسيب عربيتك القديمه بتفتكر الأيام الحلوه ألى اضدها معاها وبرده لما تسيب صحبتك القديمه بتفتكر الأيام الحلوه ألى اضدتها معاها

• القانون بيسمحلك انك يكون معاك أكتر من عربيه والشرع بيسمحلك انك تتجوز أكتر من بنت

• لما تشترى عربيه جديده بعد كام شهر كده تبدأ تقولك هات علشان تصرف عليها والبنت برده بعد أول شهر من الجواز يبدأ مرض الهتهاااااااااااااااااااات ( هات وهات وهات )

• ممكن تجيب عربيه من مصر وممكن تجيب عربيه من بلاد بره برده ممكن تتجوز من مصر وممكن تتجوز واحده من بلاد بره

• عربيتك لو ضاعت البوليس بيدور عليها بعد 72 ساعه ومراتك برده لو ضاعت بدورو عليها بعد 72 ساعه

• بتعمل جمعيه مع أصحابك عشان تشترى عربيه وبتعمل معاهم برده علشان تتجوز حبيبتك

• لما بتروح تشترى عربيه بالقسط بيسألوك مرتبك كام ولما بتروح تتجوز بيسألوك برده مرتبك كام


وجه الأختلاف بين البنت والعربيه

• العربيه ممكن تجيب مكنيكى يكشف عليها أذا كانت فبريكه ولا لأ لاكن البنات زى البطيخ بتدبس على طول

• علشان تستلم عربيتك لازم يكون معاك تمنها وبس لاكن البنت لازم يكون معاك ( ش ش ش ) شابكه و شقه وشغلانه

• العربيه لما تزهق منها بتسبها بس بتاخد فلوس لاكن مراتك لما بتطلقها بتدفع انت فلوس ( مؤخر وغيره )

• العربيه تعيش معاك العمر كله بتصرف عليها هى بس لاكن البنت تعيش معاها العمر كله بتصرف عليها وعلى العيال وأحيانا على ابوها وأمها كمان


• العربيه لما بتكون جديده لما بتكون تعبان من الشغل بتقعد فيها وترتاح وأحياناً فى الصيف تشغل التكيف لاكن لما تكون متجوز جديد وترجع من الشغل بتأرفك وتقولك كنت فين وكنت بتعمل أيه

• العربيه لو فضلت راكب فيها انت وأمك وأخواتك على طول مش هتقولك حاجه لاكن مراتك لو أمك أعدت عندك يوم تسألك هى هتمشى أمتى ؟

• العربيه بتبقى عارف أيه السبب ألى مزعلها لاكن مراتك لا يمكن تعرف السبب هى قرفانه وخلاص

• العربيه ممكن تصرف عليها 5000 جنيه وتدلعها لاكن مراتك لو صرفت عليها 1000,000 جنيه ممكن ميكنش لسه عجبها وتقولك انت مبتدلعنيش

• لو عجبتك عربيه مع واحد صحبك ممكن تشتريها منه مستعمله لاكن مش ممكن تشترى مرات صحبك مستعمله

• لما بتروح تشترى عربيه من حد بيقلولك على عيوبها لاكن لما بتروح تتجوز محدش بيرضى يقولك على عيوبها بيسبوك تكتشف انت لوحدك

• لما تزهق من عربيتك وتحب تجددها بتبيعها وتدفع الفرق لاكن مراتك لما تحب تجددها بتدفع انت دايما بس علشان تطلقها وعلشان تجيب الجديده

• لما بتروح تشترى عربيه بتدفع وتمشى والعربيه بتمشى معاك غصب عنها لاكن لما تروح تتجوز بيكون معاك الفلوس لاكن ممكن يرفضوا او يفبلوا

• لما بتشترى عربيه بتكون عارف امكانيتها ايه لاكن لما بتتجوز انت بتكتشف الأمكنيات مع نفسك إذا كانت بتعرف تطبخ وتغسل ولا لأ

[@@@ محمد كمبيوتر @@@]

ههههههههههههههه
تسلم استاذى

[ايمن حماد]

المشاركة الأصلية كتبت بواسطة محمد كمبيوتر

ههههههههههههههه
تسلم استاذى

شكرا ياغالى على مرورك الرائع

[طه بغدادى]

تسلم استاذى الغالى

واصل ابداعتك