![]() |
|
البحث في منتديات مصراوى سات |
بحث بالكلمة الدلالية |
البحث المتقدم |
الذهاب إلى الصفحة... |
![]() |
|
أدوات الموضوع |
#1
|
|||||
|
|||||
![]()
الاستعمار العربي...بقلم الشاعر / عبد الرحمن الابنودي
لاستعمـــــار العــــــــربي كان لي أخ رفقا في السرا وفي الضرا وفي الثورة وفي الحلوة وفي المرة سنين وسنين نقول ونقول وما نبطلش جخ كان لي أخ نتحبس ما نقولش آه ننضرب ما نقولش أخ أحلي لحظات التعاسة علمتنا الزنازين وأحنا جاهلين في السياسة بس لينا في الحنين لأمل يكشف ظلومة المظلومين تقدروا تسمونا عشاق للمباديء كان لي أخ كنت أنا مؤمن بصدقه وهو مؤمن اني صادق المشاغبة...والمراقبة والقوايم السودا..والمنع السياسي الاتفاق عالثانوي وعلي الأساسي وحدت بيننا رطوبة الزنازين وأهلنا الفقرا اللي منهم مبعوثين والإساءة للأسامي والسلوك إحاطتنا بالشكوك والزمن إبن اللئيمة داخ ماعكرش تياب بحر المودات القديمة كل مالأحوال عصرتنا بقوة كل ما زادت أخوتنا أخوة القمر لما بيجي الليل مايبقاش هوه هوه عشنا شرفا نسعي وسط العتمه علي نور الغايات لما يثقبنا الزمن نصبح نايات نفخروا بروحنا ونعتز بأصالة جيلنا جيل الستينات عشنا شرفا قط ما أنينا من شيل الأمانة أو سعت بينا الخيانة وكنا ندرك كل حرف وموضعه فكلمة وطن كان رفيقي وكان شقيقي وكان طريقي وكان بريقي وكان يواسي في المحن قول ظبطني حزين علي شعب الكويت قال ده صوت مرشد صاحبكم بيطرش الخوف والعفن ده كلام ما يقولوا غير المرشدين فانظروا واستنتجوا ماذا فعل فيه أنا وف كافة المثقفين صــــــــــــــــــــــــدام حســـــــــــــــــــــين الوداع يا صوتي ما عدتش أصيل الوداع يا قلبي مانتاش قلب نيل الوداع يا طين بلادي يا مش جميل الوداع يا نيل أنا مش شاعرك ولا في إمكاني هز مشاعرك ياصعيد إلبس تياب عارك وعدد شاعرك الأسمر مخبي فصوته مرشد شاعرك أهو شال رايات الأغبيا إنهزم ..خان الأمانة وجاي يغني للأغنيا شعلة الثورة إنطفت لا تروي قلب...لا تضوي درب شاعرك جاهل ونفعي وابن كلب إنتزع منه الهويه والصفات المجانيه إستعيد الحب من صدر اللي حبوه واللي وشموا صوتوا علي صدرالزمن إمنعوا الصوت المريب ده يغني ثاني للوطن اللي بينافق الحكومة من خلال زيف القضية اللي بينافق الحكومة باتفاقه المفتعل زي ما بنزع ملامحه إنزعه أنا مش طايق أسمعه....صوته لعين اللي بيناصر الكويت رغم معرفته الأكيدة الحق فين اللي بيناصر التخلف رغم معرفته طريق الفجر فين إكرهوه...أو إقتلوه صاحبي لو في إيديه سلاح كان رماني قطعتين الوداع المر يا رفيقي اللي ما حصلتش ..حصلت والرسالة الواضحة وصلت يعني لأجل ماستردك تاني من تاني صديقي ورفيق باقي طريقي لازم اتخلي عن الرأي الحقيقي لازم اتخلي عن الوعي الحقيقي لازم اتخلي عن القلب الحقيقي لازم اتخلي عن الشعر الحقيقي لازم أتخلص بأيدي من بريقي لازم أرقص فوق بحور الدم ..أشرب لازم أعبر فوق أنين الخلق ..ماأتعب كلـــــــــــــــــــــــه مكســــــــــــــــــــب لازم أتسلي بأشلاء شعب أطفال شعب متنطور في ريح الأنتظار لازم أقلع هدمة الشرفا وأتستر بعار لازم أتغزل في كاسات المرار لحظة الظلم أبتسم لما اشوف الحق أغضب كلـــــــــــــــــــــه مكســـــــــــــــــــــب ألعن الأمريكي وأدين الحصار بس أمدح التتار واكتب الأشعار تدله في محبة كل من جر الدمار فليكن يا صاحبي هألجأ للغزل..والكلام المبتذل فليكن يا صاحبي نعقـــد إتفاق إني أنحاز في الصراع الصحي للأمة لمصلحة العراق أيـــــــــــــــــها الشعب العراقي هو زايل وإنت باقي قدر إزاي يقنعك تشرب دمائي قدر إزاي يقنعك تكشف ردائي شفت وجهك في صبيحة الأجتياح ماكنش وجهك ولا ده وجهك وانا ما أعرفش وجهك من غبائي كلكم شاربين في دنه ووجوهكم صورة منه العباد علي دين ملوكها في عقائدها وسلوكها العيون اللي شافتها عنيه نافرة وطافحة بالنفس العدائي كل جندي كان بيحمل عنجهيته كان بيتكلم بصوته كان بيكرهني بأصاله كان يجز علي السنان يطعن عيون طفل ببسالة يجرع المأساة لثمالة الثمالة يطلق الألفاظ قواميس الحثالة كنت جندي حرب مبعوث في مهمة ولا بتمارس الوضاعة بكل ذمة كلكم صدام يا صاحبي كلكم رئيسكم الشهم المرائي اللي يتبسم أمامي واللي متربص ورائي اللي داق الذل في إيران في بلدي عمل فدائي اللي باع الأمة في إيران نزل يسرق هدوم طفلي ودوائي أيها الشعب العراقي ياللي سكران من بكائي إبتسم للموت وياللا إحنا في الوقت الإضافي في آخر الدور النهائي أيها الشعب العراقي إلحق اللي باقي منك وإلا إسمحلي أقولك كله زايل ....هو زايل والسواد والظلم زايل والكويت هو اللي باقي وهي الرصاصة اللي إذا جاتلي تزغردلي لا هاصدها بكفي ولا هامنعها عن قتلي أنا مت لك ياما مين في أمتك ماتلي هي الليلادي ..بكرة أو بعده متأكد ان الضلام عالموت مبيتلي ...................وأذكروني أذكروني لما تصطادني الأيادي دون ما أصرخ أو أنادي لما أنزل للتراب الجاي منه في معادي بإبتسامتي البلها وأنا حاضن ترابي لما يعجن دمي شبرين من تراب أرض الوطن وأنا حاضن اللي خانوني......إذكروني إذكروني لأني كان ممكن أعيش وأبقي طاووس يختبي صوته القبيح في أحلي ريش بين طواويس الوطن الربيع يخضر أكتر في العطن أتصدر المحافل لابس البدله اللي بداري الكفن أتصدر المحافل وأنا قافل اي شباك عالضيا وأبقي سافل وأستخبي تحت لفتات الحيا .........المثقف......المجفف اللي فرعه مهما طاطا عمره ما يشبع تدني .................يا صديقي يسقط الجسد اللي بيزاحم طريقي واللي بيغرس خطايا في الخطايا نصحي عاليوم الجديد نلاقينا فقدنا حريتنا وتاجرنا من تاني بالنشيد تسقط الحرية من غير قصد في عالمنا البليد تسقط العزة....وأقنعة الكرامة الاحتراف قتل الهواية والشرف كما تعلمون شيء مش مفيد تسقط الحرية نتخلق باخلاق العبيد وفمعاصم كل أيد ينبت القيد الحديد لا طموح لأي فكر والوتر مايعدش بكر لا يعود للعفة ذكر والضمير يتباع في أسواق النخاسة بالوقية والمواقف بالدراهم والنجاسة بالروبية اللي طاهر يصحي خاين تصبح الجماهير زباين حاجة بدعة تسكت الأصوات لكن الأمة سامعة والقضية الإنسانيه تبقي سلعة وسط ده كله إذا قلت الحقيقة ............ ها تكرهوني ولسنتكو يشوهوني هكذا قال المغني ثم غني بصوتي...دمّع من عيوني لما يعجن دمي شبرين من تراب ارض الوطن إذكروني إحنا عصافير الزمن ده اللي حافظة كل فرع وكل وردة واللي بتزقزق قلوبها فلحظة واحدة للوطن قتلونا باللي حاصل متعونا بالسلاسل الأمان والضحكة مش هايعودوا واصل بعد مالشققا خانونا إحنا عصافير الزمن ده اللي حافظة كل فرع وكل وردة الوطن كان حلمنا وكنا بابه الوطن ده اللي حلمنا بضحكته وهو فاكرنا بعذابه اللي ما وراثنا الا الدمع في قراية كتابه الوطن عبقري العالم في تنويع البلادة واللي بيعذبنا فحضوره وغيابه ساعة نتمرغ في صدره وساعة نلعن أبو اللي جابه الوطن الكلمة دي العذاب اللي بنوره بنهتدي العذاب ما نقولش أخ ده وطن ده ولا فخ أوصفك يا وطن بأيه بالنبات الغض يتغزل في مناشير الجرادة الليلادي ولا بكرة الصبح تصطادني الرصاصة البدن يرجع لأصله تراب وماء الرصاصة لأني فاشل في المداهنة لأني كاذب في النفاق دون ما أسأل ليه بموت من دون جميع الأصدقاء أنطرح وافرد دراعي دون ما أسأل عن السبب أو الدواعى ربما لأني قصدت لكن فشلت أبيع لساني قطعه قطعه ربما لأني رومانتيكي وعواطفي لسة خرعة الديابة العبقرية أصدقائي وفنهم ساعات بنوره يطفي فني اللي واثقين من غناهم وأنا يرعبني الغني ساعة ما غني كلهم قلبوا قلوبهم غيروا وشوشهم وقولهم ضحكوا علي جهلي وسابوني هكذا قال المغني وكأنه مد أيده إستل صوتي وقاله عني وسرقها من ضلوعي ودسها فصدقه الجنوني لما أعداء النزاهة يبندقوني أوعوا تنسوا شهقتي وتمشوا بدوني أوعوا بالصمت المليل ترعبوني تتركوا اللي هيزرعوا الموت في ترابكم من ترابكم ينزعوني وإغفروا خيبتي القوية إغفرولي تفاهة الموته عشان خيبة القضية لــموا خلقاتي عليه...لـملموني وانتو بتقولوا عليه المغني إبن الغبيه اللي فاشل في المداهنه واللي خايب في النفاق مات مايعرفش شهيد شعب الكويت واللا العراق لـما بفخر بالديار أو بغني للصغار ليه بحس فصوتي رنة لاتجار ليه بحس بصوتي.. مش صوتي.. كأنه مستعار قد ما يحافظ المغني علي صوتّ قد ما يفحت تراب قبره ويسعي نحو موته وتنعدم فيه قدرته علي الحوار إنما عالم نعيشه والبطل فينا اللي يعرف مطرحه في قلب جيشه هكذا قال المغني قد ما ننورها هي مضلمه قد ما نعلمها مش متعلمه كل ليله بايته مظلومه وهي الظالمه قد ما نحجمها تفلت ملاطار يا صديقي.. الوطن ما خبزش عيشه والتاريخ لو مش كلام نرفض أبوه .....نرفض نعيشه ......السلاح من صنع بره .....والكلام من صنع بره ......والهوي البارد في بيتي ..صنع بره لا نسجت الهدمه علي نول الخشب ولا إيدي بتبني بيتي ....جلابيتي ...عمامتي...حواديت الصغار الحلاوه حلوه مره ....شغل بره أيه يهم إن عشت في عالي القصور أو قضيتها أغمس الكسره في زيت أيه يهم إن مت من أجل البشر ولا سبت الديب يصرخ و اتغابيت أو نسيتها أو اتناسيت أيه يهم إن دورت أغني للعراق أو أغني للكويت .....الشهاده مجانيه والبطوله نفحات إستعراضيه والمعاناه حجة العاجز وعجز الانكسار بافترض ليه إني شخص عام ما بمثلشي شخصي وانا عارف إن أمري كله شخصي هكذا قال المغني اللي كان معجب بفني وكأنه أخدها مني ودسها فصدقه الجنوني غني لـما قاللي غني غني ويايا بدوني لـما يعجن دمي شبرين من تراب أرض الوطن لـما أحضن وانا قصدي أتحضن لـما يرحل صوتي خارج الزمن لا اشتريكوا..ولاتبيعوني ولا جرنال الصباح يخرق عيوني في قلوبكم إدفنوني وإذكروني.....إذكروني ..............وقال الزعيم حكايتنا مفهومه ..حكايتكوا ليه فوضي قيادتنا متهومه منكو بحجج بارده ما كانش لاحكومه هنا ولا معارضه ولا سيارات بتسير ولا طيارات بتطير لا سوق ولا تجار لا برلـمان صاخب ولا برلـمان هادي لا سفن ولا مطار ولا سيما ولا نادي ولا شوارع زفت..بأرصفه ومواسير ولا خزانات ميه ..بتتملي بمواتير ولا محلات دهب ولا محلات حرير ولا كانش فيه صب واي ولا مطعم تيك اواي ولا بشر ماشيين ولا بشر ساكنين وإذا قالوا فيه دور نشر فعلي سبيل الفشر ما كنش فيه مقاهي أو سنيمات أو ملاهي أو نهضه مسرحيه مليانه موهوبين لا قبس ولا رأي عام ولا وطن و سياسه كله ده كان كلام ولا كانش فيه رياسه ولا مواطنين ولا فرق كوره وجوان لها عارضه حكايتنا مفهومه حكايتكوا ليه فوضي وجيوشنا متهومه منكو بحجج بارده ماكنش لا حكومه هنا ولا معارضه جبتوا الكلام ده منين ناس أغبيا جدا ومخهم محدود ماكنش لا فيه وطن ولا علامات حدود وماكنش فيه جامعات ولا أولاد أو بنات ولا مستشفيــــــــــــــــــــات تستقبل المولود إنتوا خلقتوا وهم وإديتولوا إسم وهوه مش موجود وكتبتوه بالغلط لونتولوا اليفط ورسمتوه بالورود وهوه مش موجود وغنتولوا كتير وكتبتوا عنه كتير بحب مش محدود وهوه مش موجود ودخلتوا فيه قاعات وعملتوا مؤتمرات وكلام ..وخد وهات أصدرتم بيانات بيانات بالاولوفات تأييد وإدانات وناس تروح وتعود وخلقتولوا وجود وهوه مش موجود بانيتولوا المجالس درستوه في المدارس ورسمتوه في الأطالس وعملتوا دوشه خالص وهوه مالوش وجود أصلا ومش موجود وكنتوا في كل صيف تسافروا وترجعوله وقال إيه تشتاقوله ...ومسمينه دوله وقال عملينله عمله ومن أقوي النقود وهوه مش موجود وفعيدكم القومي بتقلقوا نومي خطب كتير وكلام ودعايا بالافلام مليانه بالاعلام وحشود وراها حشود أوهام وعشتوا فيها زاد العرب آيه...وهم أيش ينقص العرب في رأي حتة فهم وتحجيم للشهود مخ العرب ضلام ودربهم مسدود أمه كلام في كلام قرب ياكلها الدود نهايتكو محتومه يا أمه من مرضي حكايتنا مفهومه حكايتكو ليه فوضي هذا البلد أوهام تافهة وأكذوبه والأمه دي أغنام في النصر مغلوبه أما البلد ده كلام وكلمه مكتوبه هاشيلها بما فيها بالعربي هالغيها هافكها فليلتين طوبه ورا طوبه الحسبه كلتها في دماغي محسوبه هاينزلوا العسكر ويطلعوا العسكر تلاقيها منهوبه تلاقيها مخروبه وأقولكو معاشتش لأنها ماكانتش واضحك وأقول معليهش إنتوا اللي ماشيين لي بخريطه مقلوبه آدي الخريطه آهيه فين ما توهمتوه هوه النظر كداب يخدع كتير ويتوه هيألكو مره وهم إنكم رأيتوه وإنكم شوفتوه مع إنه ما كانش هنا مدينه برج ولا كان فيه ميدان ولا سوق كبير عمران ولا ريحة السكان إنتوا عيونكم عرج كان عالخريطه تراب مشينا فوقها الكم دي مش الكويت يا عبيط دي الكاظميه الأم أنا عندي دبابه بتحرت الغابه خرايطنا هي الصدق خرايطكوا كدابة وعندنا فتوات حيطان لها شنبات وعندنا صوارخ مشحونه كيماويات وعندنا تيران مقطعه الحبال تهجم علي النسوان وتموت العيال بعد إذنكم أدوسكو ياكويته بفلسكو لا يهمني واشنطن ولا باريس ولندن ولا بون ولا موسكو لا يهمني سوريا ولا التعيسه مصر دي بلاد هأزأزها وانا بحتفل بالنصر زهقنا من لعبة نقطع الهدوم ودخلنا عصر نقطع الأوصال إذا أخدنا الدار برضه جميل وإذا خطفنا اللقمه مش بطال وعندنا ما يكفي من خبرا ومن علوم نعيد صياغة البلاد في يوم ناويين نأدب أي عضو لئيم ننزل كما الليل البهيم نفتحوا الخزنات وناخدوا القرشينات ونفضوا التلاجات ونغتصب الحريم كده يكون للحزب خط سليم والنصر فعلا يبقي نصر عظيم نهديه لزعيمنا المهيب الحكيم كده يكون النصر له علامات وإنت ابوك السقامات تحت الحصار البلاد واقفه بتستنظر كاميرا جديده امريكاني مثبته المنظر يقول له هأموتك..يقوله بتهزر وحيرتي في الهم وحداني وماشي أقول إمتي يا شعب الكويت قضيتك تنظر إمتي يدوب الجليد علي شفة الأطفال إمتي تعود النهيبه ويهرب المحتال والقي نيرون منطرح في صفحة الجرنال جبنا بطل بالإيجار لكنه نايملي i shallأو i will ولو سألته يقول إكتم أنينك وغطي الأمه بتيابها أمه بتقتل صديقها وتحمي كدابها حنت لجزم الغريب تاني علي ترابها الأمه لـما يكون مالهاش كبير ياناس تنتظروا مين عالذنوب تاني يحاسبها آدي الألم في الفؤاد سهران بيعصر عصر أنا مجرم القرن ده ولا شهيد العصر خايف يعود تاني صيف نلقي الكويته فمصر شوفت الأمم كلها بتاخد طريق النور وأنا بتهزم في الهزايم واتهزم في النصر قاعد أنا عالجسر في القياله الرحمه من قلب اللهيب متشاله بطل علي حالي وقلبي ساقية حزن سياله بغني ما عرف مغني ولا عديد زي إفتكار الميتين في العيد بعاني وحداني.. شياطيني لابساني والأمه قدامي مفرقاني يارب ما ترجعني أعشق ضحكة إخواني ولا دعا أمي وهيه بتصلي وبتسمي يا رب كرهني في أوطاني يارب كرهني في حلاوة اللقمة وطهارة الكلمة .. وكل شيء طيب وإنساني قاعد أنا والشمس كلها غل بيستخبي تحت توبي الضل أجتر همي بشكل حيواني يارب ما ترجعني أعشق خل نشف عروق الود في صوتي وإكتب بإيدي تذكرة موتي إلا الهوي العربي يا رب يعل إلا عروبتي هيه أكفاني يارب كرهني في شهامة الرجال والصبر عالأحمال قربت من كتر الملل أنسي أمل ياللي خلقت الأمه من غير قلب ..من غير حضن وخلقتها ما تحترمش الحزن مأساتي إني حزين أحزان من اللي ماهيش رفاهيه ودموعي مش ميه وضلوع عنيدة بتتكي بالجرح عالسكين أنا الحزين إبن الحلال أنا الغبي في الخالدين أنا اللي بأحزن لي لما بكون حزين مابأجرش عينيه وأقول أحزن لمين كتفي الحنون إتخلق تسند عليه راسك ساعة الشدايد وغير ده تهني حراسك علي الحدود أتصلب تضربني بمداسك عمرك ما فكرت في إحساسي ولا ثانيه ضاع مني إحساسي خوفا لاجرح إحساسك القلب يعوي..عارفني الليل بنباحي مراكب الهم ترسي ليلاتي في جراحي علي الأميرة أم الشعور السودا والتباريح ترقص علي ماء الخليج الاسود رقص الغزال الذبيح بدوية الصوت..والعيون فناجين سمارها بن السهر وخمرة العاشقين في رقصها رقصت ستاير المخمل مهرة أذا بس تصهل تفلت سدود الحنين وتلوع العاشقين ياويلي من ده لضي روح ياويلي من دي نيران نوح ياويلي من صورة تبكي الميتين نازلة الأميرة من أعالي القصور بشعرها المنكوش وقلبها المعصور العطرفي وسط النيران بيفوح والموت بيرقص عالرمال مايكف لزق القميص من العرق مفزوعة..يفلت من قدمها الخف كتم الإهات..الموت بلا اكفان يارب هانفر انت زيدني إيمان بتوسع الرقعة وتنقص الأوطان واحد...ورا واحد مراكب الهم ترسي ليلاتي وانا مليت يا دوب هايرجع مالسفر لبنان يادوب هاننسي في الأسي فلسطين ....................راحت الكويت وعبد العال يقول والله العراق إنسان بيخاف علي الأنسان لو كوموا العرب كلاتهم في الميزان يغلبهم العراق ويزيد عنهم كمان الأوله ندهوني من داري سافرت أنا اللي عمري ما هاجرت بعت الشجر والجلد خدت المره والولد وكرموني.. إدوني كام فدان وفرحوا بيّه تمام وزارة التموين ..ووزارةالشئون ..ووزارةالأعلام وهيصوا لي ياخال وأنا لابس السروال ورابطه بالحزام والحزب ..والعسكر ، ومواطنين تسكر ومزيكات الجيش تضرب لنا سلام كأن يوم العيد ..وأنا البطل أبو زيد..في حربة الأعجام قمنا عانقنا بعض يوم ما إستلمت الأرض مجاني ..من غير كام أنا قلت دي الأمه..وفرحت بالأوطان وادوني الميكرفون.. هتفت عاش صدام الحس في الراديو..والصورة في الجرنان ............ودخت يومها تمام وكنت بالعربي .. فخور عشان عربي وشفت لك صدام أعلي الأهرام الدنيا في مداسه.. والشمس فوق راسه ومعايا عقد الأرض وعليه تسع تختام ولا حد قال لي هات .. ولا حد قال لي بكام ...........حاجه ولا الأحلام والليل وأنا ومرتي قاعدين بنتسامر وأحنا فوق الفرش عارفة يامبروكه أنا سعيد عشان عبد الناصر مامتش الأمة صبحت فل والفجر بكرة يطل أرض العرب للكل قالت لي طيب كل عارفة يا مبروكة ياريتني جبت أمي وحسين ولد عمي قالت لي طب سمي وكل لقمة أنا قلت ياحرمه هل انت نكديه إنت ما فهماشي..ماهو أمر مش ساهل صدام ده عوضنا عن عمنا الراحل بدال ما ناكل بعض في سوهاج يامبروكه إدانا دار وأرض ومواشي وديوكه ما حلمنا بيها في حلم حتي يامبروكة وجابلنا معدات.. وصرف لنا دينارات وأنا أصلي راجل جد عمري ماأصدق حد لو كان مالوش شنبات وعنيكي لو بصوا وش الزعيم نصوا متداري في الشنبات تعي نكتبوا جوابات ونجيب زعيط ومعيط ونطاطين الحيط يسيبوا عيشة الفقر ويهربوا من مصر يجوا هنا قوام هنا العروبه فعل مش حاجة أي كلام لا يهم موت جدي ولا أمي ولا والدي أتا ليّه أب خلاص إسمه الئيس صدام وربنا باعته لأمة الأسلام هوّ الزعيم الجد والباقي أي كلام ومرت الأيام وإحنا فتبات ونبات البور صبح جنة والصخر بقي جنات وأنا والمرة الأثنين صدام صبح عيننا بقينا عراقيين وهمّ بقوا منا لا حد عكننا ولا حد حسسنا ببعد أو غربة ولا حد قال كلمة ولا وجه الإهانات وفي الأحتفال كنا أنا ومبروكة نجوم الإحتفالات ممثلين سيما ونطلع في الإعلانات نمشي في وسط الزينات اللي من كل لون وصورنا مش بتفارق شاشات التلفزيون وأنا بتلقي التهاني من رفاقي العزاز كأنهم طبعوني علي الشاشه القزاز ومرت الأعوام..العام يجر العام وكل يوم قلبي يوسع عشان صدام يدخل في قلبي ياناس يفرش حصير وينام لحد مافي يوم الشمس جات م الغرب ......هلت ليالي الكرب وصحينا علي غفاليق وزعيق وبمب وضرب إيه الحكاية ياناس ؟ قالوا ياعبد العال دخل العراق الحرب وإسودت الدنيا والكون صبح دخان وأول مرة فحياتي أسمع كلمة إيران وإتغيرت النفوس وراحت الولاد.. تدخل سوق الجهاد وما تجيش بالسلامة وسافرت الإبتسامة وما رجعتش البلاد عبد العال الحويط...عمري ما كنتش عبيط فهمي صحيح علي قدي .تعليمي بسيط لكن بعرفأشوف بلا مصلحة ولا خوف وبوصل للحقيقة مهما كانت الظروف أنا فلاح وإبن نيل وليّ باع طويل أعرف أزرع نخيل وقطن وشعير وتيل ولو حد يضايقني أحاربه بالمواويل وما عرفت ف حياتي عدو غير إسرائيل دي اللي قتلت ولادي وبهدلت بلادي..وخلت خلقي ضاق واللي خلتني آهاجر ..يمكن واجي العراق وموتت شبابنا.. وطولت عذابنا كأن الحرب دايما واقفة لنا خلف بابنا ساعات الأمة تعطف وساعات علي حسابنا ونسينا بدري نبكي علي موت الرجال وعلي هدم المنازل وتعطيل الكنال والمصريين خلقهم ربك للإحتمال كل العراق في الكاكي والحرب خلاص بتوعر وولعتها بتسعر تفاصيل..إنذار يوماتي وناس كتير تهاتي والضاحك يصحي باكي ويوماتي الراديو ينعر والشعرا ..الحرب لما ولعت خلتهم أشعر في الليل مبروكه تصرخ وجسمها يقشعر بعدين يامبروكه القلب فيه شوكه الدنيا مقلوبه ودماغي مركوكه أنا ناوي عالفراق ماليش في مين غلطان آكل خبز العراق أبقي ضد الإيران ما ينكر اللقمه الا إبن الحرام كل الدنيا تحارب وأنا قاعد أنام مادام عربي وعراقي يبقي خلص الكلام تصوتي،تنوحي ،قررت والسلام فليسقط المجوس يحيا الرئيس صدام ولقيتني وسط الزحام للحرب بتطوع وأنا إتولدت بفاس ما شفت يوم مدفع أو حاجه رشاشه الا علي الشاشه ودخلت في الطوابير أربع ليلات ونهار ولقيت نفسي أسير وركي بينزف نار ولا قادر أسير والإيرانين كتار كنا أربعه صعايدة عرفنا مافهاش فايدة شالوني عالكتاف في الليل كأني لحاف إبن الصعيد م الموت عمره ياناس ما يخاف ما يخاف غير م النيون ومن الناس اللطاف عرفنا نتسرب ...عبر الحدود نهرب نمشي ف جبال ودروب إذا شفنا إيرانيين نتخبوا في حفرة ووصلنا للبصره عرفنا نتسرب...ومن العدو نهرب وكان ساعتها الموت..من جلدنا أقرب لكن عرفنا نعود..زهو ربك الموجود كاتب لنا ناكل وكاتب لنا نشرب قابلوا أخوك بالورد والبسكويت والبيبس ورقدت لك في الجبس شهرين إذا إتحركت الجسم يتكهرب من يومها مبروكه تهزني في النوم بقلقها بالكوابيس وكلام مش مفهوم وماتوا مصريين.. مالهم عدد ولا حصر في الصحرا منفيين.. أو إنتهوا في الأسر وماتوا مصريين ..فدا للعراقيين لا مصر باعتنا..ولا تعرف إحنا مين ومدام دي قوميه..وقضيه عربيه ومدام طلع لينا بوابه شرقيه ومدام دي قادسيه..والفرس أعدائنا وقصدوا إيذائنا ..يبقي ماتسألنيش أنا ماخونش العيش ..والدمع ..والحسرة والرمي عالبصرة كل العراق بقي جيش صبح العراق وطني ووطن غيره ماليش وفي داهيه ياجلامجه ولا الشيطان ينجي من الكيماويات هيا الي الجهاد..عالفرس والأكراد والقتلي بالألوفات ويطلع الزعيم ..ويقول كلام عظيم وأنا أصفق له..أمال ماصفقلوش صدام عليه شناب تخوف الوحوش وليه عيون مخيفه..زي الزناتي خليفه ومصدقه..أنا لو غيره ماصدقهوش الشهدا طوابير موت..والبوم سكن البيوت وبنحمد ربنا عاليوم اللي يفوت وف يوم الحرب وقفت ..ماأعرفش ليه..كده بمساعدة الشقاقة..ومساندة ده وده بخبرة المصاروة قالوا فلوس الكويت وقفت لكن العويل صاحي في كل بيت اللي مامتش إنكسر سألوني في الإحتفال..مين اللي إنتصر؟ وزنا مش من طبعي أرغي وأقول وأعيد كلام وأعرفكم أدري مني بالحرب وبالسلام لكن أول مارجعوا عساكر الزعيم لقوا المصاروة طبعا إتجوزوا الحريم ماهو حتي للرجال الوحدة موحشه وبتشجيع الحكومه..دي بتتجوز بده أمال إزاي هانبقي أمه متوحدة وبدا سلوك الوحوش ويختفي صديقك فجأة ماتلقاهوش اللي متجوزينهم..واللي ماتجوزوش وبديت علي مصر تزحف طوابير النعوش وبذيت مبروكه تصرخ..ياعبد العال حاسب ياستي لا أنا متجوز منهم ولا مناسب أنا عذبتك معايا ..وكافي شري خيري لا تبعت الغوايا ولا نمت في فرش غيري وهب طب يابا ..وبعدو ما بهدلونا كلوا قرشيني الغلابة.وفضلما يعذبونا شربوا عرق السنين ..وزرع الفدادين وباعوا في المزاد وراكي المكسورين ولقيتني لـمصر راجع..أعرج والقلب دامع ومبروكه ف يدي بتإن من المواجع أنا قلت يامبروكه أكيد صدام ماحسش خبوا عنه الحكايه..عارف؟ أبدا ماظنش وحكومتي ف الحاجات دي إتعودت تطنش مش لأجل هيّ غاويه إني أدوق الذل لأ ..بس تضحي بيّ لاجل الأمة ككل ومصر ياما ضحت بشباب مصر الجميل فديه لكل عربي في الحرب مع إسرائيل وإحنا إتعودنا ذلك ..وأمتنا كذلك كأننا إتخلقنا للغلب وللمهالك ياأمه ياللي دايما غاويه تاكلي عيالك وف يوم ماننبهوكي عاوز نسيبك في حالك صحيح وإنت مالك..لا بتضحي بإبنك ولابتضحي بمالك ولا كإن إبني كان بيحارب بدالك تموتي ف طحن عمري وغاويه تاكلي أجري وعاوزه في أي متعه تستمتعي لحالك وتحبي تشوهيني وزنا بخلق جمالك ولميت خلقاتي وسبت له الفدان وخسرت قرشيناتي ضاعت سنين حياتي ..ولا جبت لمراتي حلق ولا كردان والله العراق إنسان بيخاف علي الإنسان ولولاه يمكن ماخدنا فكره عن الأوطان روحت العراق بتوبي..ورجعت وأنا عريان مبروكه سامحيني..الدنيا مش فلوس وإوعي تصحيني ..ف الليل ساعة الكابوس نايم أنا مشنوق..وفي القليب غصه بكره العراق هايفوق ويفهم القصه ويدلي فلوسي كلاتها مش ناقصة لسه العراقي خيي..بكرخ يعس علي يبعت لحد الدار..حقي دينار بدينار معقوله كله كلام دانا يامبروكه بحلم في كل منام بشنب كبير خالص مكتوب عليه صدام معقول يامبروكه حتي الشنب ده كلام واتقبلوا زعماهم..واتقابلوا زعمايا وبكلمتين فارغين..طلعوا لي بحكايه ورئيسي لامنا إحنا.. قال كلنا صايعين كل اللي كانوا هناك ناس مش كتربيين ورحنا اللي نشذنا في سلوكنا ويا الناس لا بنحترموا العباد ..ولا قوانين البلاد وانا يا عبد العال لاهربت يوم بمال ولا بعت مخدرات..وتاجرت ف ممنوعات ولا نمت في الطرقات.. ولا أعرف الا الفاس سمـــــــــــــاح؟....سمــــــــــــــاح كلمه وغلبت الحكمه وطنشوا الحكومات لاتنين عالقرشينات قعدت كده كام شهر وبدأ ياملني الصبر وأنا لو خالي شغل أحس إني ف قبر همي تقيل خالص وقلبي مش خالص رجعنا من تاني طلع لنا صدام بلون غير اللون وبصوته المش جميل ..صرخ في وش الكون هاهزم نص إسرائيل يعني أكدب..فرحت وحياة ربي ندمت وزعلت من نفسي عاللي زعلت زمان لما خدوا فلوسي تغور فلوسي وأنا ومبروكه فدا الأوطان أتاري أبو عدّي..بيدبر للي جاي هايحارب إسرائيل..دفاعا" عن قطر والسعوديه ودبي حسيت يومها بعار وقلت لإمتي هاتفضل يا عبد العال حمار لإمتي مش هاتفهم مخ الزعما الكبار سامحني يابو عدي ...يا راجل لا ينام ماعرفش إنك مبيت نية الإنتقام من ضرب المفاعل النووي ياصدام وفين تروح فلوسي ف هدف سامي عظيم وإنت عاوز تخلص أمتنا وتفني قوة عدونل القديم أموت أنا في الزعيم..لما يكون لئيم قلت الفلوس حرام..وأكل العيش حرام أسقط أنا ومبروكه ويحيا الئيس صدام ساعتها روحي هديت..مرتاح البال غفيت وحسيت ليّ أمة وليّ وطن وبيت وحسيت ليّ قائد..وإني من تكريت وإني مع الزعيم..علي خط مستقيم وإن الأمه بزعيمها أبدا" مش راح تضيع من بغداد العروبه..هايطلع الربيع وصدام المظفر بيشتم الجميع طُليان ....المان.....يونان وبريطان........وامريكان في حكاية الماسورة...والمدفع الأسطوره ووراه شتمنا الكل المدفع من ماسورته ..فجر العرب هايطل ونهزم إسرائيل...وده أقل القليل المدفع غول خرافي..ده غير ما هوه خافي دانا أشيله علي كتافي..من هيثرو للكوفه أنا كتفي يشيل عماره...ودي حاجه معروفه فلتسقط إسرائيل واللي جابو إسرائيل وهانرفع الرايات..في النصره وف إيلات خلف زعيمنا الهمام ردي ورايا يا مبروكه يحيا الرئيس صدام..يحيا الرئيس صدام ساعتها روحي هديت..مرتاح البال غفيت وحسيت ليّ أمة وليّ وطن وبيت وحسيت ليّ قائد..وإني من تكريت وصحيت لاقيت البصرة بترمح ف الكويت أقولكوا إتجنيت..أقولكوا إتهزيت أقولكوا إني روحت ومن يومها ما جيت بيني وبين جنوني ..أرفع من أي خيط من حقكوا تسموني عبد العال العبيط وجيت أبكي ضحكت..وجيت أضحك بكيت يظهر نقلوا إسرائيل يا مرتي للكويت ولما الشمس طلعت خجلت واداريت أمه بتاكل دراعها أمّ بتعشق ضياعها أمه بيزعجها خالص.....قوتها وإتساعها ومدام أنا لسه باقيهنا فانا عراقي عراقي بفلسي طبعا" وبطعامي ومائي أروح فين يارفاقه من مذبحة الشقاقه والحزن المخ ديه مش حاجه للعياقه لو قالوا يالله حارب ..هاخاف زي الأنارب لكن دم الشقاقه.....؟ أنا في الحقيقه لايص وضايع في الهجايص صدام نيلني خالص مبروكه أظن نادر أنا لو خلفت تاني ولو خلفت حتي بكره إبن العبيطه يورث مني جناني ويومها خرمت وداني الزغاريد العراقي وزعقات التهاني وإتسمرت ف مكاني شفت عصابات شيكاغون في السيما الأمركاني إستولوا عالفنادق ..وخشوا عالمباني حبسوا النسا فأودهم عملوا كاني وماني سرقوا حتي الصواني دهب الحريم وخزنة البنك المركزاني هدا إيش؟..ده المستشفي الفلاني يا رب ياللي شايف ثبت عقلي وميزاني قتلوا الطفل اللي لسه مولود مافيش ثواني خطفوا الحضّانه منه وقالولوا رد تاني ده إبني يابو خالد والا إبن أم تانيه وإبن أب تاني وغيروا الإذاعه وبدلوا الأغاني دخلوا قصور المدينه وقلعوا رخامها وإنداروا عالقيشاني وفهمت من الإذاعه إن ده حاصل عشاني شعب الكويت هايفني لاجل اللي زيّ يفني وينتهي زمانهم ....ويبتدي زماني شعب الكويت هايفني ..وده إنتصار مس محنه يتعلم المرفه زيّ الأمه يعاني وجيت كلي عمومي..هجيت بره هدومي الموت يارب راحه ..من وسع الإستباحه قلت يامبروكه قومي..يحرم عليه نومي وإشتغلت المناحه علي السكك المتاحه يا سكة الرويشد نارك مسلياني ومبروكه اللي ساكته دموعها معرياني والجتت اللي ف طريقي..بموتها ببل ريقي بعفنها مونساني وأفكر في الجريمه.. واحلامي القديمه وأقول دي أمه سيما بتعرض فيلم دامي أمه ف حاجه ماسه لزعيم يكون حرامي والعسكر العراقي لا مهتم بقعادي..ولا مهتم بفراقي هامه حلق مراتي وإذا كان فيه أكل باقي وسط الجثث مشينا.....مبروكه ليه حزينه؟ مبروك إن نجينا من الوز العراقي..ولينا عمر باقي والأردنية يابا..دي الأردن ولا غابه يارب ليه خالقنا في أمه من الديابه مابينلهاش سلامه معقول يوم القيامه يسيبوا المسترح ..ويعذبوا الغلابه مبروكه إتطلعت لي وأنا شايل السخام وأنا شايف الكون ضلام وقالتلي في الزحام يا عبد العال ماتهتف وتقول يعيش صدام بصيت بنص عين ....نزلت دمعتين...وهتفت مرتين مره أقول صدام......ومره أقول حسين قالت فيه حاجه فينا يا عبد العال حرام مش فينا وبس إحنا ....ده ف أمة الإسلام الأمه اللي بتكذب اكتر من الكلام الأمه اللي بتنجب واحد شبه صدام وأوعوا تفتكروني ناسي الأجنبي أنا اللي من غضبي الشديد عامل غبي الأجنبي ماجاش من الخارج بطيارات ودبابات وبوارج عشان نقوله أخرج يقوم خارج وأنا اللي باطي والنجوم بأكل الفقرا كلام وأحصر حياتهم ف الهدوم وبحايل الأيام عايش كده بالشكل شديد قوي بالشكل هاخوض حروب الناس والا حروب الأكل بلد عايش بدون ووحلان ف الديون وبيسمح بالآهات أما اللي كان بيغضب الراجل بدري مات اللي كان له كلام حتي ساعة السكات واللي زاح م الكويت عراق الستينات كان لازم يا صديقي يدخلها الأجنبي يدخلها يا صديقي وأنا أعمل غبي وأمريكا وأوربا يتنازعوا ف ملعبي وياكلوا مكسبي وإنت عايزني أغضب وأبكي بير الزيت ومش عاوزني أغضب وأبكي شعب الكويت كاره حزني وسروري...وقرفان من قصوري عاوزني أرمي الكويتهوأنساهم ضروري وأتفرغ للحاجات دي وأنساهم ضروري لم جيشك في إسرائيل..يعني..مثلا"..ياريت لهج وراكوا حافي ولا مره ولا بيت واسقي جنودك بكفي ولو يجف حلقي أحس إني إرتويت وآسميك الزعيم..وأقول عليك عظيم لكن إنت في الكويت لا يازعيم إنت غاصب..إحساسك بينا غايب خوفك عالأمه غايب ولسانك في البذاءة متربي في الزرايب وحتي لو رجعت ...حتي لوإنسحبت مش راح نكون حبايب لعيال عيال عيالنا سهمك في الحلق صايب دمع الطفل الكويتي والأم اللي ولدها موته فتت كبدها واللي إغتصبوا بناتوا وإتخلص من حياته في الليل الدم يعوي يبكي البلد السليبه والأم اللي بتنعي وهي ف بلد غريبه عربيه لكن غريبه حتي ف بلد النبي ضايعه في زحام عربها شرقي ومغربي اللي بيعلن سروره..واللي بيختبي واللي شامت بيهمس ياأمه جربي الأم اللي بتبكي وتداري في الصبي إديني إنت كلام ..أقول لها يامدام إنسي صدام حسين وإفتكري الأجنبي يا عنكبوته كملي عشك لا حد هايزيحك ولا يهشك لمي مهاجرينك ..وثبتي دينك إتمطعي وخدينا في وشك بلاد بلا عزة..ممكن تجيبي أجلها من هزه بلا ضفه بلا غزه بلا قدس بلا أردن بالدم رشي اللي بماء رشك وكملي عشك لمي مهاجرينك ولو ملايين يا عنكبوته إحنا مش فاضيين مدي الخيوط خيط خيط وإملي كل الحيط نامي ف أمان وتمطعي ف فرشك من وشنا ما بنسمعوش وشك مي مهاجرينك وتعالي لي لا هم تباريري وتعاليلي أنا في الخلا أنفخ شعاليلي واظم قوافيه وتفاعيلي وما تلقنيش ساعة يعوزني الفعل أغش نفسي وعمري ما أغشك يا عنكبوته كملي عشك أنا زي ما بعت السنين الخرس ودبحت شعبي تحت باب الفرس مجاني هاوهب لك عيون القدس مين اللي سألك تتركي عرشك لأ دحنا خدامك..في النوم بنوحي لك بأحلامك وإحنا اللي بنحققها قدامك ف إتربصي بينا ولا يهمك دمانا فدا دمك ولو تحاصرك الأمم ويكتفوكي بالتهم إحنا سبيلك للخلاص في الكون لما يضيق الحال دايما" بيطلع مننا مجنون يهتف يعيش صهيون ونغش بعضينا ولا نغشك بالعكس بندلع وبنهشك ناكل في بعض ف يتملي كرشك وقرشنا ف ثانيه يصير قرشك يا عنكبوته إنسي أصواتنا وزعيقنا وصواتنا ودم أحيائنا وأمواتنا وكملي عشك لا حد هايزيحك ولا يهشك ويارفقتي مادام أجد الأحداث تقطع الأنفاس....وتلون الكلام ومدام ماعدش لا حكم ولا إحتكام فلتختلف علنا" أمام الناس لإن فيه غلطه مبوظه الخارطه ولا بد ما نطلع أنا وانت م الوارطه إذا الكويت رجعت ليه إنت بايت مبتسم شامت وليه الكوايته بيسبحوا ف دمعي مبللين الملابس....مطاردين بالهواجس ليه إنتو حاسين وأنا مش حاسس أو إنتو مش حاسين وأنا حاسس لو الكويت رجعت ولابد من هدمه قصاد عيني وعلي مرمي من سمعي ليه إنتوا بايتين تشربوا نخب إنتصارتكم وليه أنا مهزوم كده وبنعي ليه الكويت ساكنه معايا مش مفارقه البيت...ولا مفارقه البال بنات نسا أطفال إزاي نكون أصحاب وإنتو إنتشيتوا بخمرة الإجتياح وإنتو سكرتوا بصرخة الإغتصاب يا إخوتي أنا ف عشق الظلم أخيب ما يكون والغدر مش طبعي ليه إنتوا فرحانين وأنا بنعي وإذا كنتوا حررتوه لأبناءه ليه الكوايته بالوجود ضاقوا شجر المحبه بينفض أوراقه ليه هربوا زي الخوف في وش الريح ليه حسوا بالقسوه إسمع أنين الطفل والنسوه هل التعاطف مع الأوطان بالرشوة القلب يتأجر مفروش بالساعه والعين تطنش في نظير ساعه عربيه..... ولاعه هاتدفعوا....هانشفعوا في الزنقه ننفعوا تسرق...أقول قديس تقتل....أقول عادل ألون التدليس وآحلل الباطل أما الشعار أهوه نحقق الثورة...نوزع الثروة نوحد الأمه لو ننزع الفروه وإن يصرخوا المتضررين والدم في وش الدبيحه غاض "نرفع شعارات "التطهر بالأنين "أو "الألم ساعة المخاض حبة ضحايا لاجل ما نسعد ملايين الكدب في عشق الغوايه باض قانون جديد للمجرمين نفعني وإستنفع باكتر ما تتوقع الإنتهازيه سلاح العصر أنا أشتم الأردن وإنت تشتم مصر ماهو في سباق المصالح يبقي اللي فاسق صالح إنت أداة إسرائيل وأنا الكلب العميل والأمة تبقي لونين...عربين ...غريمين والإسلام إسلامين الماء عذب ف شفتك في شفتي مالح الحظ جاي ف سكتي من سكتك رايح يسكن مابينا البين وإلا ليه فهمني ...مش قادر أفهمك ليه اللي الهمني ماهوش نفس اللي الهمك ليه إنت صاعدللعلا بملابس العسكري ليه بائن واقول عليك مفتري يابو الحذاء الميري ما تبعد الجزمة دايسه علي ضميري يا مرمل الوليه ..ياقاتل الولد يامطربق السما علي راس البلد قائد جيوش السلب ياناشر الغمه وياكلب يابن الكلب صدقت فيه أمه وصدقت كلمة شعب الله يجازيك ياعم عبد الناصر الليل مليل والألم عاصر لسه اللي بيبيع أمته كسبان وكل يوم أطلع أنا الخاسر الله يجازيك ياعم عبد الناصر أما أنت خميت مصر دي خمه يوم ما ناديت بالعشق للأمه ورطنا نعشق خريطه عبيطه وبشر مانعرفهاش وبلاد مابنزورهاش إلا فواعليه....وبنايين ....وسواقين...وخدامين بلاد أسافرها سعيد أرجع حزين حبيتها زي ما قلت لي واكتر عالأجنبي ماستكترتش....عليّ تستكتر عالأجنبي مااتزنطرتش ...عليّ تتزنطر عالأجنبي ماإتنقورتش...عليّ تتنقور تطمع في دمعي وفي تعاسة راتبي ملهم أنا وأعمل غبي وآدي الألم ياعم عبد الناصر زاحف وبيحاصر وآدي الجميع خاسر السالب الأمه مع المسلوب وآدي فجر أمتنا الجميل مغلوب وإنتحار الأمه بالمقلوب وأنا غريب الدار لابسني توب العار ساكن في وطني بالإيجار عايش في أمه ما تحترمش الحزن أدي الكويت مقتوله في الشارع والدمع لامع فوق لظي الأسفلت آدي الكويت ..هاعمل مانيش سامع وهازيد عمي مع مرور الوقت لا ليّ فيها إبن.. ولا ليّ فيها بيت ولاالكويته عمقوا صلتي بكلمة الكويت فلا زرعنا سوا ولا قتعنا سوا ولا إتقاسمنا المعاناه ولا الهوي ولاحاربنا ومتنا متعانقين ولا إذا غبنا بنحس بالحنين ولا بينا إلا طلاء إسمه اللغه والدين الحمد لله ال ما تكوتت وهازيد طرش مع مرور الوقت فلا ناضلنا سوا ولا جوعنا مرة سوا ولا إتقاسمنا عذاب آدي الكويت مقتوله عالرصفان لا مزرعه...لا فيللا...لا بساتين آدي الكويت منزوعة الشريان وقاتلها واقف يلحس السكين جندي تعيس وبينتشي بالدم يقتل شباب الأمه لا يندم قوم يابني من نومك إسرق حلق أمك..وأرض ولد عمك وقفل الشارع..وإنقل السكان وإنهب الواجهه... وبدل الالوان وإعمل ولا سامع خللي جميع المعقولات تتلخبط وإن يسألوك ساعة الجواب أستعبط يستعبطوا إنت إعمل الأعبط ما تخافش...عندك جيش من اللي بياكلوا العيش وإذا عزت اللقمه ..جدعان ياكلوا الخيش بيخافوا من ضلك..ويقبلوا الأقدام ويهتفوا بفضلك..من الرعب ف الأحلام ويخلدوا إسمك بكل فعل حرام ويهتفوا بإسمك ...مع إن ذكروا حرام ما أخيبك أمه...ما أتعسك أمه لا عمل ولاهمه لا مصدقه فعلك..ولا تحفظي كلمه أمه تدور وتلف تقيله مش حاتخف بليده مش بتشف حماسيه..وحماسها بكتيروا ساعه يجف أمه بتتخابط....أمه بتتعابط أمه ومالهاش لا زابط ولا رابط ولا كبير عيله..ولا قرابة دم وفكره وهميه ما تورث الا الهم ...............ما تحل عني يا عم إحنا ورثنا كلام إحنا تاريخنا كلام علشان ده لما تقول علي طول أقول ...وبكام؟ ماهو حب ...دبرني وتاريخ...فكرني وطريق....نورني ومصير بصرني ده أنا بقيت عربي من قبل مالقي اللي يمصرني أنا إنتمائي لأمتي ممسخرني محسوبه في الأحزان عليّ في الفرح تنكرني ياللي إنت لا أمه ولا إنت أم فيه أم ماتعرفش ساعة الألم تضم أنا في القمار هاستغبي واتجاسر واقف مع الخاسر تتحل سلمي تتحل علمك علمي تتحل نار ..تاكل أسامي وضفاير إخوتنا والضحكه في صدورنا وفي بيوتنا اللحظه عبثيه..زمن قصير النظر والموت المنتظر وإحنا بنتوسل للإستعمار وندفعولوا إيجار علشان يحميها من أهاليها برجال وعده وعدد وجيوش مالهاش عدد وإقامه مالهاش مدد مدد..ياصدام..مـــــــــــــــدد وساعات وأنا في الضهر مدهول أقول صيف السنه من أكفر الفصول والصيف عدمني في غياب العقل والجدوي ياريحة البترول لما إنتشر في الأرض كالعدوي طلعت بشر ....نزلت بشر صبح الدولار القبله والقدوة صوت الحكمه إنخفض صوت الدولار علي ناس بتمول أُميه...وناس بتمول عتي وياهلي ...............ياهلي..............ياهلي طلعت بشر......نزلت بشر بترول وهل علينا زي القدر اللي إفتقر ..إفتقر واللي إقتدر ....إقتدر بلاد تحوش صره...وبلادبتحلم تشتغل بره بيحبنا الأجنبي علي قد ريحة الغاز والحب بين الأخ واخوه صبح ألغاز اللي إتصرف في الهايفه كان كفيل يشد ضهر النيل لكن بلادنا بتعشق التجميل وتحب لمل تموت...تموت في ترومبيل ماركة .......كذا وأعذروني إذا شفتم لساني طويل الإنتحار أعلي قوايم الموت النتحار في الكدب والإنتحار لما نخبي الصوت ومبنقاتلش العدو يانعيش نقاتل بعضنا...يانموت الحزن أتقل من حجارة الصبر والهم أوسع من فراغ القبر وأنا الحزين ....الحزين وأغبي الخالدين لكن يا إخواني آنا اول المؤمنين بعودة الصغار يبوسوا باب الدار ويحضنوا النهار مؤمن بإن المعادن تتجلي بالنار وإن الجديد أجمل من القديم -مازال علي الأرض شاعر مالبسش توب العار ولا مد إيده السمرا في الأسواق ماقبضش دينار من الكويت ولا أكل خبز العراق
----------------------------
مشاهدة جميع مواضيع albasher_2010 |
#2
|
|||||
|
|||||
![]()
بلد عايش بدون
ووحلان ف الديون وبيسمح بالآهات أما اللي كان بيغضب الراجل بدري مات اللي كان له كلام حتي ساعة السكات واللي زاح م الكويت عراق الستينات كان لازم يا صديقي يدخلها الأجنبي يدخلها يا صديقي وأنا أعمل غبي وأمريكا وأوربا يتنازعوا ف ملعبي وياكلوا مكسبي وإنت عايزني أغضب وأبكي بير الزيت ومش عاوزني أغضب وأبكي شعب الكويت كاره حزني وسروري...وقرفان من قصوري عاوزني أرمي الكويتهوأنساهم ضروري وأتفرغ للحاجات دي وأنساهم ضروري لم جيشك في إسرائيل..يعني..مثلا"..ياريت لهج وراكوا حافي ولا مره ولا بيت واسقي جنودك بكفي ولو يجف حلقي أحس إني إرتويت وآسميك الزعيم..وأقول عليك عظيم لكن إنت في الكويت لا يازعيم إنت غاصب..إحساسك بينا غايب خوفك عالأمه غايب ولسانك في البذاءة متربي في الزرايب وحتي لو رجعت ...حتي لوإنسحبت مش راح نكون حبايب
----------------------------
مشاهدة جميع مواضيع albasher_2010 |
#3
|
|||||
|
|||||
![]()
بلد عايش بدون
ووحلان ف الديون وبيسمح بالآهات أما اللي كان بيغضب الراجل بدري مات اللي كان له كلام حتي ساعة السكات واللي زاح م الكويت عراق الستينات كان لازم يا صديقي يدخلها الأجنبي يدخلها يا صديقي وأنا أعمل غبي وأمريكا وأوربا يتنازعوا ف ملعبي وياكلوا مكسبي وإنت عايزني أغضب وأبكي بير الزيت ومش عاوزني أغضب وأبكي شعب الكويت كاره حزني وسروري...وقرفان من قصوري عاوزني أرمي الكويتهوأنساهم ضروري وأتفرغ للحاجات دي وأنساهم ضروري لم جيشك في إسرائيل..يعني..مثلا"..ياريت لهج وراكوا حافي ولا مره ولا بيت واسقي جنودك بكفي ولو يجف حلقي أحس إني إرتويت وآسميك الزعيم..وأقول عليك عظيم لكن إنت في الكويت لا يازعيم إنت غاصب..إحساسك بينا غايب خوفك عالأمه غايب ولسانك في البذاءة متربي في الزرايب وحتي لو رجعت ...حتي لوإنسحبت مش راح نكون حبايب
----------------------------
مشاهدة جميع مواضيع albasher_2010 |
#4
|
|||||
|
|||||
![]()
الله يجازيك ياعم عبد الناصر
الليل مليل والألم عاصر لسه اللي بيبيع أمته كسبان وكل يوم أطلع أنا الخاسر الله يجازيك ياعم عبد الناصر أما أنت خميت مصر دي خمه يوم ما ناديت بالعشق للأمه ورطنا نعشق خريطه عبيطه وبشر مانعرفهاش وبلاد مابنزورهاش إلا فواعليه....وبنايين ....وسواقين...وخدامين بلاد أسافرها سعيد أرجع حزين حبيتها زي ما قلت لي واكتر عالأجنبي ماستكترتش....عليّ تستكتر عالأجنبي مااتزنطرتش ...عليّ تتزنطر عالأجنبي ماإتنقورتش...عليّ تتنقور تطمع في دمعي وفي تعاسة راتبي ملهم أنا وأعمل غبي وآدي الألم ياعم عبد الناصر زاحف وبيحاصر وآدي الجميع خاسر السالب الأمه مع المسلوب وآدي فجر أمتنا الجميل مغلوب وإنتحار الأمه بالمقلوب وأنا غريب الدار لابسني توب العار ساكن في وطني بالإيجار عايش في أمه ما تحترمش الحزن أدي الكويت مقتوله في الشارع والدمع لامع فوق لظي الأسفلت
----------------------------
مشاهدة جميع مواضيع albasher_2010 |
![]() |
|
![]() |
||||
الموضوع | كاتب الموضوع | المنتدى | مشاركات | آخر مشاركة |
قصيدة حب في الشعر العربي | ميدوكيمو | الادب المنقول | 3 | 2014/04/15 06:21 PM |
قصيدة اسلامية رائعة لابي العتاهية : اليأس من الدنيا | السنيورشريف | الشعر و الخواطر | 2 | 2013/05/20 12:14 AM |
شاهد الان على قناة دوهك كأس الاتحاد الاسيوي دهوك - العراق // ظفار - عمان بالتعليق العربى | w_202055 | القنوات الرياضية و القنوات الناقلة للمباريات | 7 | 2013/04/11 12:03 AM |
أحلى 20 قصيدة حب في الشعر العربي | مصطفى طرابية | الشعر و الخواطر | 1 | 2011/07/15 08:23 PM |
روائع الخط العربى اكثر من رائعة | سيف ال | الفكاهة و الغرائب و الطرائف و الصور | 2 | 2011/03/10 01:26 AM |