[snakeeyes_rg]

تليفزيون سامسونج سمارت ue46es8090s اتحاد اوروبي وتحديداً ألمانيا

مشكلتي معاه في عدة نقط , يمكن ألاقى معاكوا الحل أو غيرى ميشترهوش

أنا اشتريتة من حوالي شهر وملقتش فية لغة عربي وطبعاً الكي بورد كمان مفهاش عربي , ولما راسلت شركة سامسونج في ألمانيا قالولي انة مش بيدعم اللغة العربي ومبينزلوش لغة علية , ومش عارف أعمل اية ؟

الحاجة التانية ودى تركيبة على بعضها وهية , app سامسونج على التليفزيون عبارة عن بحث في اللي هوة حاطهولك وبس , يعني مش بيبحث عن طريق النت على app جديدة حتى لو متاحة على النت , يعني من الاخر بيبحث بحث داخلي فقط , على سبيل المثال قناة الجزيرة لما احاول ابحث عنها يقولى مش موجودة , ولما سألت سامسونج قالي انها غير متاحة على الاصدار الاوروبي لانها قناة غير مهمة بالنسبة للإتحاد الاوروبي , اما بالنسبة للإصدارات الاخرى في الدول العربية متاحة ودة طبعاً لانها قناة مهمة بالنسبة للعرب , ولما انا حاولت اتزاكي وادخل انزل app بنفسي من على موقع الجزيرة , التليفزيون طلعلي رساله ( الجهاز غير متصل ) جهاز اية مش عارف ؟

الامر الاخير : الجهاز مبيدخلش على الايميل ولا على أى موقع فية باسوورد , ودة كان بردو رد سامسونج علية , ان دى حماية للعميل لان التليفزيون غير مؤهل للدخول على المواقع اللي فيها باسوورد منعاً للسرقة , وكمان اصدار الفيس بوك بتاعة زى الزفت وكمان مفهوش شير .

أرجوا إني اكون فيدتكم , بس ياريت لو حد عندة حل للمشاكل اللي انا قولتها يبقى بجد خدمنى

ولو مفهاش غلاسة لو ممكن اللينكات المباشرة لقنوات النايل سات بجدودة عالية إن امكن وطبعاً سرعة النت ممتازة ومفهاش مشاكل وانا محتاج اللينكات المباشرة علشان للأسف مفيش امكانية تسطيب برامج .

[عماد رياض]

اخى الفاضل عليك بلاتصال بوكيل الجهاز او مركز الصيانة او الذهاب الى اماكن بيع الشاشة وافهم من اى مسئول على الطبيعة مع احترامى لاى راى عضو هنا

[snakeeyes_rg]

المشاركة الأصلية كتبت بواسطة عماد رياض

اخى الفاضل عليك بلاتصال بوكيل الجهاز او مركز الصيانة او الذهاب الى اماكن بيع الشاشة وافهم من اى مسئول على الطبيعة مع احترامى لاى راى عضو هنا

انا اظاهر كلامي مكنش واضح ، انا حضرتك راسلت شركة سامسونج نفسها مش وكيل ولا بياع ، واللي انا حكيتة دة كان رد الشركة نفسها عليا ، وانا اللي حكيتة دة علشان ، يا اما اللي عايش في اوروبا وعاوز يشترية يبقى فاهم عيوبة اية ، أو اني الاقي حل مع عباقرة مصراوي سات ، وبشكرك جداً على اهتماك وسرعة ردك .

[sss888]

اخى الفاضل يمكنك الدخول على القائمه السريه للجهاز وتعديل اسم الدوله الى دوله فى الشرق الاوسط او دوله اوربيه متاح استخدام امكانيات التليفزيون فيها وعمليه تغيير اسم الدوله عمليه صعبه نوعا ما تتطلب ريموت سامسونج الاصلى او بطريقه اخرى صعبه ولذا عليك بأحد من بتوع صيانه سامسونج ممكن يعمل لك هذه العمليه

[snakeeyes_rg]

المشاركة الأصلية كتبت بواسطة sss888

اخى الفاضل يمكنك الدخول على القائمه السريه للجهاز وتعديل اسم الدوله الى دوله فى الشرق الاوسط او دوله اوربيه متاح استخدام امكانيات التليفزيون فيها وعمليه تغيير اسم الدوله عمليه صعبه نوعا ما تتطلب ريموت سامسونج الاصلى او بطريقه اخرى صعبه ولذا عليك بأحد من بتوع صيانه سامسونج ممكن يعمل لك هذه العمليه

اخى الفافضل جزاك الله حيراً
انا معايا الرموت الاصلي للتليفزيون وكمان الماوس الاصلي وكمان الكى بورد الاصلي ، فلو ممكن تقولي الخطوات علشان اعمل التغيير اللي انت بتقول علية ، بس للأسف بالنسبة للأمر التاني إني اشوف متخصص في انواع سامسونج فدة غير متاح لاني مقيم في ألمانيا ولو اتيح ودة صعب فأكيد هاتكون التكلفة باهظة ، واخيراً اشكرك على اهتمامك .

[snakeeyes_rg]

انا وصلت للجهاز الجديد دة من سامسونج Smart Evolution Kit بس للأسف انا بحثت عنة في الدول العربية ومقدرتش اوصل لحاجة , اتمنى لو في حد عرف عن الجهاز دة حاجة وهل هوة ممكن يحل المشاكل اللي ذكرتها قبل كدة , زى اللغة والـ APP وتحديث الفيس بوك علشان اقدر اعمل شير من علية , واضافة قنوات عربية زى قناة الجزيرة مثلاً , ياريت لو نقدر نفيد بعض .