[وحيد العشرى]

الرسيفر كان قاطع باور تم الإصلاح والرسيفرشغال تمام الصورة ظاهرة بس الرسيفر قاطع صوت
تم تغيير الباور وتنظيف البوردة بالتنر نفس المشكلة قاطع صوت عند إستخدام كابل الأشباح رجل الأى سى WM 8521 رقم 3 الصوت عالى جدا بوطى من الرسيفر وبكتم الصوت عالى جدا
هل الأى سى WM 8521 تالف وهل له بديل ولا موجود بالسوق بإستخدام كابل الأشباح مش لاقى أى نقطة صوت خلف الأوديو فيديوولا حول أى سى الصوت WM 8521 النقطة اللى لاقيها الرجل رقم 3 من أى سى الصوت WM 8521 والصوت عالى جدا ومشوشر ومش واضح لما أوطى الصوت من الرسيفر الصوت عالى جدا ومش واضح
مرفق صورة الرسيفر والبوردة الرجاء الرد ولكم جزيل الشكر

[وحيد العشرى]

صورة البوردة الرئيسية

[وحيد العشرى]

تم تجربة أى سى WM8761 من بوردة تقطيع رسيفر أسترا 9000 الأى سى بيسخن
هل يوجد بديل للأى سى
ولكم جزيل الشكر

[WALID85AYA]

بتفحص المقاومة الشبكية 101والتى تعنى 100أوم، لو سليمة غير ايسى الصوت
وهو متوفر اونلاين وفى الاسواق باب اللوق والعتبة
وسعره لا يتعدى ال 50ج.م

[وحيد العشرى]

المقاومة الشبكة 101 القياس تمام ١٠٠ أوم
للعلم تم تغييرها الرسيفر قاطع صوت
الرجل رقم 3 من أى سى الصوت WM8521
مخرج صوت عالى ومشوشر مش بيوطى
هل كده الأى سى تالف
الرجاء الرد ولكم جزيل الشكر

[Moh-elkzaz]

القط له اربع رجول كذلك الارنب اربع رجول
لكن القط قط والارنب ارنب
مثال جات تكحلها عميتها

اخلع اللى انته ركبته
انت مركب الخرج مكان الدخل وظائف البروسيور راكبه على الايسي مش فى ماكنها
متعرفشي مين مع مين
كده مش هيطلع صووت يغالى كده هيبقي بومب بتاع رمضان فى البورده
هات ايسي نفس الرقم يغالى
المشكله فى لايسي نفسه حاجه اسمها OUT DAC فى الايسي مش شغاله
مات كده

[وحيد العشرى]

شكرا على الرد

[Moh-elkzaz]

المشاركة الأصلية كتبت بواسطة وحيد العشرى

شكرا على الرد

لا شكر على واجب
بس لو بالك طويل وفاضى وموركشي حاجه وعاوز تتسلي

اعمل 14 كوبرى اسلاك غير معزوله زي سلك التليفون
ولزقه دبل فيس علشان تلزق الايسي على البورده
وبص للداتا شيت فووق الصوره اللى انا رفقتها ووصل والحم الكبارى فى مواضيعها الصحيحه

اسمع وبعد ماتخلص هاتسمع صووت

[وحيد العشرى]

بشمهندس الأطراف NC فى أى سى 8761 مش هنوصلها واستفسار أخر أى سى 8521 به طرفين أرضى والأى سى 8761 به طرف أرضى نلحم طرفين الأرضى الخاص ب 8521 ونوصلهم بطرف أرضى 8761 ولا يكتفى بطرف أرضى واحد والطرف LRCLK هو نفسه LRCIN وأيضا BCLK هو نفسه BCKIN
الرجاء الرد ولكم جزيل الشكر

[Moh-elkzaz]

المشاركة الأصلية كتبت بواسطة وحيد العشرى

بشمهندس الأطراف NC فى أى سى 8761 مش هنوصلها واستفسار أخر أى سى 8521 به طرفين أرضى والأى سى 8761 به طرف أرضى نلحم طرفين الأرضى الخاص ب 8521 ونوصلهم بطرف أرضى 8761 ولا يكتفى بطرف أرضى واحد والطرف LRCLK هو نفسه LRCIN وأيضا BCLK هو نفسه BCKIN
الرجاء الرد ولكم جزيل الشكر

والطرف LRCLK هو نفسه LRCIN وأيضا BCLK هو نفسه BCKIN
الرجاء الرد ولكم جزيل الشكر

دولا دخول الاشاره بيانات من البروسيسور بتعدي الاشاره علي مقاومه 100 اوم الاول

والايسهين طرف ارضي طرف واحد بس رقم 7 في الايسهين ومفيش 2 ارضي
وطرف الباور بتاعه اسمه AVDD أو VDD اخرك عليه 7 فولت

[Moh-elkzaz]

لو وصلت زي الطريقه دي الجهاز هيشتغل
زي ما انا كاتب كده

التلات أطراف دولا دخول من البروسيسور

Lrcin معدل وسعه الصوت
Din دخول بيانات الصوت مهم
Bckin سعه الصوت 12bit و 24bit

دولا المهمين

CAP خروج الصوت
VDD طرف تغذيه الايسي
GND الارضي بيكون متوصل دائما مع ارضي البروسيسور
FROMAT وصله مكانه علشان لانه له عامل ضرورى مع BCKIN

[وحيد العشرى]

شكرا جزيلا لحضرتك
على المعلومات القيمة
بإذن الله هجرب وأرد على حضرتك

[Moh-elkzaz]

المشاركة الأصلية كتبت بواسطة وحيد العشرى

شكرا جزيلا لحضرتك
على المعلومات القيمة
بإذن الله هجرب وأرد على حضرتك

Yes do it
ركب ووصل بقلب من حديد خليك جاحد
امسك المكواه نظف سنها حضر الفليكس والقذدير
خلي الدماغ تحضر
وانا معاك للنهايه

[تامر مسعد]

اخى الكريم
ركب نفس رقم الاصلى لاختلاف فولت التغذية اى تعديل هيتلف علطول

[وحيد العشرى]

تم التعديل كما أشار البشمهندس فى الصور المرفقة الأى سى بيسخن قوى
ايه سبب السخونية
مع العلم إنى موصل الأطراف صح زى اللى فى الصورة الرجاء الرد ولكم جزيل الشكر