[m elsayed]

الدش عندى اوروبى سنتر وناسل سات على مسطرة
المشكلة ان النايل سات الاشارة عالية على كل الترددات وحتى الضعيفة منها ومع ذلك يوجد نتش فى قنوات كتير حتى المستقر منها زى روتانا سينما
ياترى المشكلة فين ؟؟

[حوده العالمي]

أخي الكريم المشكله تنحصر في أكثر من شيء أولاً شوف الدايزك يعني جرب من غيره ووصل السلك العمومي في النايل مباشر لو إشتغل تمام يبقي تغيره على طول أو شوف السلك نفسه جرب بسلك قصير لو كده يبقا غير السلك لو نفس الكلام يبقي تحاول تقوي الاشاره من الطبق او بالتحديد عدسة النايل سات أو غير القطعه غير كده مفيش
تقبل تحياتي وبالتوفيق يا غالي

[السيد الوحش]

ل

و حضرتك متأكد ان الاشاره عند عاليه
هيكون المشكله فى اتنين

الديزك (القسام) وده الاحتمال الاكبر
او الرسيفر وده بعد القسام

[السيد الوحش]

المشكله فى الديزك لو السلك كان هيكون فى تقطيع فى الاوربى

جرب بسلك متر وانت بجوار الطبق وخلصه المشكله

[ahmed hassn2012]

فعلا عادة بتكون المشكلة من الدايزك وممكن تجرب بسلك تست جنب الطبق او غير مدخل النايل سات فى المدخلين التاليين فى الدايزك

[m elsayed]

جربت بسلك تست مباشر مافيش تقطيع
وجارى تغيير الدايزك ولو التقطيع مازال هغير السلك
وهوافيكم بالنتيجة واشكركم

[السيد الوحش]

قربت توصل موفق ان شاء الله
احتمال كبير مشكله ديزك لان لو سلك الاوربى كان هيقطع

[ahmed hassn2012]

قبل ما تغير الدايزك ممكن تغير مدخل النايل سات فى الدايزك لان ساعات مدخل بيكون بايظ والثلاثة التانيين شغالين

[m elsayed]

الاساتذة الكبار
غيرت الدايزك وبردو فى نتش لما بقلب لاى قناة
لما بقلب بس وبعدين الصورة تبقى عادية
وغيرت السوفت ومازالت نفس المشكلة

[محمد ياسـين]

ممكن الرسيفر القسم المخصوص بالاشارة التيونر هو اللى بيقلل الاشارة اللى جاية من الطبق جرب رسيفر اخر وشوف لو السلك تمام والدايزك تحياتى