[علشانك يارب]

ده أول موضوع ليا في المنتدي الكريم

وعاوز أقول كلمتين
ويايت يا إخواني تاخدوا كلامي بصدر رحب ..

أنا كنت بحبث عبر جوجل عن قناة للشيخ فارس عباد ودخلت القسم ده

ماشاء الله فيه في القسم مواضيع جميلة

يعني ترددات قنوات إسلامية وقنوات قرآن
ماشاء لله بارك الله فيكم

لكن عندي حاجه عاوز أقولها

يا أخي يا اللي نشرت تردد قناة قران أو قناة خطب
أبشر بكل الخير فـ أجر هذا العمل في ميزان حسناتك

يعني تخيل مثلا أنا شوفت تردد قناة زي الرحمة ونزلتها
وشغلتها ولقيت فيها درس بيتكلم مثلاً عن الصلاة وأنا مكنتش بصلي وإما سمعت الدرس ده أتأثرت وبقيت بصلي
أنا بقول مثلا

تخيل بقي أن أجر الصلاة دي هيبقي في ميزان حسناتك أن شاء الله ولو أني علمت أخويا الصلاة أو أي حد تاني وصلي هوا كمان هيبقي أجري وأجره كله في ميان حسناتك أنت وأنت نايم أو في الشغل

مش النبي صلي الله عليه وسلم قال في الحيث الصحيح



يبقي أنت بتآخد حسنات العمل اللي أنا بعمله وأنت مش تعبان في أي حاجه غير أنك نشرت تردد لقناة إسلامية مش أكتر ..

في الحديث قال صلي الله عليه وسلم فيما معناه أنك لو ربنا هدي بسببك شخص واحد خير لك من حمر النعم




لكن أحذر



فرضا أنت دلوقتي نشرت تردد قناة غير إسلامية أغاني أو أفلام أو... أو ...

هيبقي حسابك عسيييييييير

والنبي صلي الله عليه وسلم قال في الحديث


طيب الضلالة هنا معناها أيه؟؟
هوا كان علي ايام النبي فيه ستالايت ولا منتديات علشان يتكلم عنها

أنا أقول لك

الضَّلالة : الضَّلال .
و الضَّلالة سلوك طريقٍ لا يوصِّل إِلى المطلوب .
وضلالة العمل : بطلانه وضيَاعه .

وإحنا إيه اللي عاوزينه في الدنيا غير الوصول للجنة

طيب أنت عمرك سألت نفسك هوا أنا وأنا بحط تردد قناة أغاني أو أفلام هيا القناة دي هتدخلني الجنه ؟؟

ما أظنش !! :confused_smile:

فيا أخي بالله عليك

أحذر أن تموت وعداد سيئاتك شغال



طيب هقول لك حاجه عن أجدادنا الصحابة

أنت تعرف مين هوا أول سفير في الإسلام
إيه ده سفير أيام زمان
أيون
عارف مين هوا
تمام زي ماقلت دلوقتي
مصعب بن عُمير رضي الله عنه

إما النبي بعته المدينة يعلم الناس أمور دينهم ويعلمهم الصلاة والناس أتعلمت بفضل الله

تخيل هوا هيبقي معاه حسنات قد ايه ؟
وتخيل أنت هيبقي معاك سيئات قد إيه ؟؟


يعني تخيل حبيبي في الله
أنت دلوقت حطيت تردد قناة أفلام لاقدر الله
وواحد نزلها وشغلها وبتفرج جت لقطة مش كويسه في الفيلم
فـ أخونا الشيطان لعب بدماغه وقام أتصل بواحده هوا بيكلمها وقرر أنه يخرج معاها ووهوا خارج من البيت أمه مكانتش عاوزاه يخرخ فقام زاققها لاقدر الله وخرج معاها وحصل اللي حصل ووقع في الزنا معاها

تخيل أنت هتبقي خدت نفس الذنوب بتاعته كُلها

مع أنك ما أتفرجتش علي فيلم ولا كلمت بنت ولا عقيت أمُه
ولا حتي زنيت !





يعني شايف فيه صخرة واحدة فوقه اللي هيا بتاعته والباقي بتوع اللي هوا أضلهم .. اللي وزع عليهم أغاني وعلمهم شرب السجاير وغيره





وطبعاً الكلام ينطبق علي الفيس بوك








تذكر أن كُنت تريد أن تموت هكذا


في الصورة الشخص مات ساجداً والناس كان بيبصوا له وبيقولوا يا بخته ويا حظه


وتذكر











فإتقِ الله أخي في الله

وأنشر ما سيفيدك في حياتك وبعد مماتك


وما كان من توفيق فمن الله وحده, وما كان من خطأ أو سهو أو نسيان فمني أنا ومن الشيطان, والله ورسوله منه براء .

والسلام عليكم ورحمة الله وبركاته

يرجي عدم نقل الموضوع إلي أي قسم آخر

[السيد عبدالله الهوارى]

معاك حق اخى الكريم تسلم للنصيحه اخى الغااااالى وربنا يجعلها فى ميزان حسناتك ومشاركه اولى بس راااااااائعه أهلا بك فى منتدى الجمال والاخلاق بين الرفااااق
ولنا لك عتاب واحد وهو العنواااان\\وقد يحمل على انه لجذب الانتباه فقط ولكن يجب توخى الحذر فى ذلك اخى الغااااالى

[a-s-h]

بارك الله فيك ونفعنا بنصيحتك وأثابك عليها

[top sat]

شكرا لك اخى الفاضل على النصيحة جزاك الله كل خير

[elsaid_eng]

شكرا لك اخى الفاضل على النصيحة جزاك الله كل خير

[خالد 1]

موضوعك مهم جدااا اخي الكريم...

بارك الله فيك وجعله في ميزان حسناتك...

[مستر زيد2000]

بارك الله فيك

[العضو العنيد]

جزاك الله تعالى خير الجزاء

[alaa020]

بارك الله فيك وجعله في ميزان حسناتك

[Ahmed403]

بارك الله فيك ...............

[mido1972]

بارك الله فيك اخى الكريم وجعل هذا الكلام في ميزان حسناتك

[شادي1980]

معلومات جدا قيمة ومفيدة
أتمنى أن تعم الفائدة للجميع
بارك الله فيك ويعافيك الرحمن

[مان لوك]

اللع يبرقلك

[DODO_136]

منقول للقسم الفضائي العام

[بيبو1]

جزاك الله خيرا