[nortonmacai]

خدمة **** تحتاج سرعه نت ما بين 1 ميجا الى 4 ميجا وده يكلف اشتراك نت ما بين 140 جنيه الى 380 جنيه شهري( ده غير اشتراك خدمة التليفون ) يعني بالسنه حوالي 1680 جنيه الى 4560 جنيه ده غير وجع قلب النت فصل ، الجهاز بطئ .... الخ
يعني اشتراك رسمي تكلفته تقريبا 1100 جنيه ارحم من وجع القلب
بدل التنطيط من قمر لقمر وملف قنوات فيه الباقات المطلوبه على النايل سات والجري ورا انواع الرسيفرات الأفضل !!!!
اللي خلاني اقول كده هو التعب من السؤال اي جهاز الأفضل ، وكمان افضل خدمة ***** مين بيقدمها ، والسيرفر بيقطع ، والمجاني ولا الأشتراك ، وكمان مافيش كسر لباقات النايل سات وتحس كده ان احنا اتيتمنا من القنوات الرياضيه او بالأحرى المعلقين العرب وفاقد عنصر من اهم عناصر اللعبه ( المعلق )
اما انك تقول ما احنا بنشوف على اموس او w3 وبناقص القنوات دي ( لو فعلا بناقص ما كنتش تجري ورا الراديو تسمع صوت المعلق العربي وورا الأموس وتشوف الصوره )
انا زهقت لآني ماعنديش جهاز يشغل **** لآن معنديش القدره على دفع اشتراك نت 2 او 4 ميجا ، ومافيش ثقه ان وصله النت اللي عندي تشغله ومعنديش نفس اسمع من غير تعليق عربي
يا ترى انا وحدي كده ؟؟؟

[كيمو 1980]

انا بسمع على دهوك
قمة الروعه
صوره ممتازه

[el_kafrawy2]

انا كمان زيك زهقت من البطوله دى اللى فقدت متعتها لعدة اسباب منها
اولا: المواعيد السيئة لبعض المباريات
ثانيا :التشفير وعدم قدرتنا على المتابعه وصعوبتها وتكلفتها
ثالثا :مشكلة انقطاع الكهرباء المتكرر
انا قررت انى انفض للبطوله دى ونعمل اسعداداتنا للبطوله القادمه فى 2018ههههههه

[nortonmacai]

المشاركة الأصلية كتبت بواسطة el_kafrawy2

انا كمان زيك زهقت من البطوله دى
ثانيا :التشفير وعدم قدرتنا على المتابعه وصعوبتها وتكلفتها

كلامك جد والمشكله مش ف كاس العالم بس هتلاقيها في التنطيط من قمر للتاني علشان الدوريات الأوربيه اللي هاتبدأ في شهر 8 ودوري ابطال اوربا وبطولة افريقيا وتصفيات امم افريقيا يعني الموضوع مطول

[nortonmacai]

المشاركة الأصلية كتبت بواسطة كيمو 1980

انا بسمع على دهوك
قمة الروعه
صوره ممتازه

على فكره انا ف المنيا ومش عارف ممكن التقطها ولا لاء وكمان قناه اتش دي وانا اصلا محتار اشتري اي جهاز نضيف

[حمادة ونور]

ليها حل : تركيب طبق متحرك 180 سم بموتور وهات القمر اللى يعجبك