[الصعيد الجوانى]

امتلك شاشة hp بها مدخل dvi
حجم الشاشة 19 بوصة
قمت بشراء وصلة كونفرته تحول dvi الي hd
وتم توصيلها بالترومان توبوكس
وظهرت الصورة بعد الضغط علي زر v format
وجعل الدقة 720p
تظهر الصورة ممتازة
لكن بعد شبك كابل الاشارة بالريسيفر
تأتى صورة القناه لمدة ثانية ثم تختفي
ما العمل في ذلك
علمأ بان السوفت هو السوفت الأخير جولدن ميديا 84

[Dr. Hazem Tamim]

قلل الدقة خليها 576 هتلاقيها اشتغلت
دي مشكله مالهاش حل لان معظم الحاجات دي اللي بتحول الإشارات بتكون انالوج والدقة من اول 720 مش بتشتغل عليها وده اللي بيحصل ان اول ما الريسيفر يستلم الإشارة بيبث الإشارة ديجيتال

[الصعيد الجوانى]

اى دقة غير 720 مش بتشتغل عليه سواء 480 او 576
المشكلة ان علي 720 لما بتركب سلك الاشارة والصورة ابتاعت القناه تظهر ثانية ثم تختفي
فعلاً مشكلة كبيرة

[Dr. Hazem Tamim]

انا أسف لأَنِّي ما خدتش بالي من الاول
لان الوصلة دي انا جربتها قبل كده وما جابتش اي حاجة وعشان كده مشغل الكمبيوتر علي Dvi ومشغل الرسيفر علي vga

[dr_abusaber]

للاسف متتعبش نفسك كان عندى البريمير والتوب بوكس ومشتغلوش ع الكونفرتر للاسف مع انى جربت رسيفرات كتير ووشغاله زى الفل على ريزليوشن 1080 كمان

[الصعيد الجوانى]

المشاركة الأصلية كتبت بواسطة hazem tamim

انا أسف لأَنِّي ما خدتش بالي من الاول
لان الوصلة دي انا جربتها قبل كده وما جابتش اي حاجة وعشان كده مشغل الكمبيوتر علي Dvi ومشغل الرسيفر علي vga

كيف مشغل الريسيفر علي مدخل vga
؟؟!!!!

[Dr. Hazem Tamim]

عندي وصله hdmi to vga وبعدها مركب فيها كابل الشاشة

[الصعيد الجوانى]

المشاركة الأصلية كتبت بواسطة hazem tamim

عندي وصله hdmi to vga وبعدها مركب فيها كابل الشاشة

لكن الوصلة دي صورتها كويسه ولا رديئة (hdmi to vga)
وتمنها كام
وبتتباع فين في سوهاج يا بلديات
؟؟؟

[Dr. Hazem Tamim]

والله يا بلدياتنا انا قاعد بره مصر بس اسمع انها موجودة فى القاهرة مع انى ما شفتهاش الاجازة اللى فاتت وعلى فكره انا من مركز طما محافظة سوهاج بس انا بنزل هناك اسبوع اشوف والدتى وامشى فبصراحة مش عارف انا هرفعلك صورتها ودور عليها وبالنسبة للصورة ممتازة وبتشغل كل الدقة العالية لكن شاشة الكمبيوتر عندى لانها مش full hd ظبطت على 720p




وفيها ميزة انها ممكن تاخد منها وصلة الصوت وفيه منها نوع كمان من غير وصلة الصوت

[احمد محمود عبد العاطي]

المشاركة الأصلية كتبت بواسطة hazem tamim

قلل الدقة خليها 576 هتلاقيها اشتغلت
دي مشكله مالهاش حل لان معظم الحاجات دي اللي بتحول الإشارات بتكون انالوج والدقة من اول 720 مش بتشتغل عليها وده اللي بيحصل ان اول ما الريسيفر يستلم الإشارة بيبث الإشارة ديجيتال

معلش يا استاذي حضرتك بتجيبها منين انا عندي شاشة 19 بوصة سامسونج led باللمس تاتش وضحلي الله يكرمك علشان انا مركب tv box وفيه اشارات مش فاتحه حاسس انها من الشاشة والله اعلم وشكرا مقدما

[الصعيد الجوانى]

طيب تمام التمام والله
عامله كام بالتقريب
وانت من وين من طما
اوعى تكون شطورى هههههههههههههههههههههه

[Dr. Hazem Tamim]

المشاركة الأصلية كتبت بواسطة الصعيد الجوانى

طيب تمام التمام والله
عامله كام بالتقريب
وانت من وين من طما
اوعى تكون شطورى هههههههههههههههههههههه

عاملة هنا ما يعادل 65 جنيه مصرى
ويا عمنا انا من قاوغرب لان شطورة دى تبع طهطا مش طما