[رمضان ربيع]

المشاركة الأصلية كتبت بواسطة asharif

حمدلله علي سلامتك
كل عام وحضرتك بخير
تابعت معظم الصور ، الإشارات صعب إستقبالها من قمر أسترا بمستوى مثل 18db كما فى الصور فى محافظه كفر الشيخ إلا إذا كانت هذه المحافظه تتبع دوله أخرى
أكبر إشاره أمكن إلتقاطها علي طبق أمريكى 240 وعدسه فوجى أصليه كانت 16.5db من بعض القنوات الإسرائيليه الموجهه للشرق الأوسط
قمر النايل سات علي نفس الطبق الأمريكى الأصلى لاتزيد إشارته علي 15db وذلك لأن النايل أفقى ورأسى والإسرائيلى رأسى فقط موجه للمنطقه
الموضوع بالشكل ده كابتن اسامه هو موضوع إبهار وتعجيز وشغل سحر لا يفيد كما يفعل بنا بعض أعضاء المنتدى من نشر صور تعجيزيه لا تصدق .
لو عايز تفيد مجتمع الهواه فى مصراوى دعك من الصور وعليك بالآتى
أولا : ماهى التركيبه التى تستقبل بها بمعنى قطر الطبق ، العدسه ، الريسيفر ولو أنه ظاهر فى الصور أنه دريم HD
ثانيا: ماهو الجديد فى هذه التركيبه الذى جاء بهذه المستويات العاليه من الإستقبال
ثالثا : ماهو إجتهادك فى ذلك وماهى الإضافه التى تنصحنا بها حتى نستقبل نفس المستوى

او لا ازيك يا اخ اشرف ثانيا مش كل اللى فى المنتدى هواه زى مانتا ما زكرت المنتدى فى ناس جامده بس مش ظاهره فى الصوره او مش عايزه تظهر نفسها ثالتا انا معاك فى النقطه اللى انا لسه قايلها للاخ اسامه ان لازم موضعه يكون مكتمل بالشرح كى نستفاد اى توضيح طريقه الاستقبال

[الحاج شريف]

المشاركة الأصلية كتبت بواسطة رمضان ربيع

او لا ازيك يا اخ اشرف ثانيا مش كل اللى فى المنتدى هواه زى مانتا ما زكرت المنتدى فى ناس جامده بس مش ظاهره فى الصوره او مش عايزه تظهر نفسها ثالتا انا معاك فى النقطه اللى انا لسه قايلها للاخ اسامه ان لازم موضعه يكون مكتمل بالشرح كى نستفاد اى توضيح طريقه الاستقبال

أهلا بيك أخ رمضان كل سنه وانت طيب
أنا ماقلتش كل اللى فى المنتدى هواه فأنا دقيق فى كلامى وماأحبش أزعل حد أنا قلت مجتمع الهواه فى مصراوى لأن الأساتذه مش محتاجين نصائح لامنى ولا من الكابتن أسامه ولا من غيره وانت عارف إن كل منتدى فيه الهواه والأساتذه والمحترفين وأغلبيه ومعارضه ومن كل المستويات والأعمار والثقافات
المنتدى زى المدرسه كده فيها ناظر واساتذه ومدرسين وتلاميذ وعمال وفراشين وطوائف أخرى

[lemon]

ياريت الشرح اسماء العدسات وانواعها التى تم الاستقبال بها وحجم الطبق؟؟؟

[خالد الغمراوى]

يخرب عقلك يااسامة دانتى يابنى نصيبة فى استقبال السوبر داناهاسميك جعيدى بالسوبر

[hassan_zein]

شكرا لك يا كابتن أسامة (جعيدي) علي اسهاماتك ولكن الرجاء عمل موضوع مميز ومدعوم بصور القنوات للترددات السوبر لجميع الاقمار صعبة الاستقبال في مصر
مع ذكر الادوات المستخدمة في الاستقبال من طبق وقطعة وريسيفر وموتور وتعديلاتك علي هذه القطع
بلدياتك حسن زين من مركز فوه واتمني التواصل مع حضرتك لو امكن
وحمدالله علي سلامتك والبقاء لله

[غبور 7]

الرجاء عمل موضوع مميز ومدعوم بصور القنوات للترددات السوبر لجميع الاقمار صعبة الاستقبال في مصر

[abougouda78]

اشكرك اخ جعيدى على اسهامك المتميز وارفع لك القبعة احتراما لهذا الاستقبال المتميز
وخصوصا هذا التردد



فانت اول شخص اقابلة فى جمهورية مصر العربية يستقبلة بعد التغييرات الاخيرة

ولى ملحوظة بسيطة جدااا

بلو جين السات سكان هو بلجنز تجريبى ويشوبة بعض اخطاء التى تخضع للتطوير
وخصوصا قياسة قوة الاشارة بال db

فبرجاء ارفاق صور الاشارة مثل ما المرفق فى هذة المشاركة

تحياتى اليك واستقبال موفق باذن الله ولا تنسى صورة الطبق والقطعة ودع التنسيق علينا ان كنت لا تملك وقت او معرفة كافية لذلك

[eldiknawy]

تجميعه لكل ملفات الموضوع














































































أرجوا أن يقوم الأخ أسامه بشرح بعض الصور اللتى لم أستطع أن أفهمها لأنى متلقى ولست هاوى او محترف

[خالدقدافى2]

اعتزر ليك ياجعيدى

[eng_anwar_1979]

أرجوا أن يقوم الأخ أسامه بشرح بعض الصور اللتى لم أستطع أن أفهمها لأنى متلقى ولست هاوى او محترف

هلا وغلا اخبارك ايه يعم الحج عيد سعيد ..بالنسبة لاستفسارك عن الصورة
الرسم البيانى الاولى هذا عبارة عن مستوى قوة الاشارة داخل ترددات القمر
عبارة عن بولج ياتى من ضمن الصور الخاص بالفيو بلاس او يتم تركيبو يدوى ... تحياتى الك

[كيموا]

عجز الكلام عن استقبالك المبهر والمزهل والرائع والمتميز اخى جعيدى انت اول واحد مصرى يقوم بهزا الحدث العظيم لك مني كل التقدير والاحترام برجاء ارفاق صور للعدسة والطبق تقبل خالص تحياتى اخوك الاصغر كيمو

[جعيدي]

السلام عليكم احبائي الافاضل رواد منتدي مصراوي سات مجمع القلوب علي كل ما هو خير ومفيد في البدايه اعتز ر لكم جميعا عن قله مشاركتي ودلك لظروفي الصعبه والثاني لا نشغالي لا ن لي اصحاب كثير محتاجه نفس الشغل ده فاعمله لهم.............. في البدايه اود ان انوه لجميع الاخوه الافاضل انا في بدايه كلامي قلت استقبال باقات سوبر وهناك من قال ان اسامه بيعجزني وان محافظه كفر الشيخ من كوكب اخر يا غالي انا لا اعجز احد ولا شيء ما اقوله وارفع له صور بالمنتدي كله صدق مائه بالمائه ولا استعراض هدا العمل والمجهود نتاج شغل وتعب ومند سنوات يعني من 17 سنه تقريبا يعني انا مش لسه باركب طبق 70 سم ولا 80 ولا مسطره ثانيا لو تعرف كم التجارب والقطع اللي انا غير تها هتقول النتيجه دي عاديه كل ما تشتغل كتير هتشوف كتير وهتغلط كتير وهتكتسب خبرات كتير وهتكون محترلإ بمعني الكلمه لكن لازم يكون شغلك بمبني علي اساس علمي مع ان الاجنهاد مطلوب المهم اردت ان اوضح فانا عبد فقير ولا استعرض ولا غيره وادا اراد الجميع رويه دلك فانا تحت امرهم بيتي مفتوح للجميع نحن تعلمنا من مصراوي سات المصداقيه ثانيا انا بانقل صوره من حقك تصدق ومن حقك لا علي العموم .................................................. .................................................. .................................................. .................................................. .................................................. .................................................. الادوات المستخدمه الطبق 240 برفكس اتحدي قطعه واحده بدون لحام وده صعب الحصول عليه لان له قصه ساحكيها في ايام قادمه ..........................
ثانيا العدسات المستخدمه حاليا نوعين الاولي ستارجولد فوجي وجاءت معي بنتائج مزهله والثانيه البلاك برو وان كنت مقتنع بها الي 5 ايام فقط بانها افضل قطعه الي ان ركبت الاستار جولد فوجي وتفوقت عليها في باقات قمر الثور وبعض باقات الا سترا مثل باقه اب سات وهي قنوات الاكشن اتش دي ومعامل الترميز لها 27900 وكنت قد عانيت بعض الشيء في استقبالها لانني لا اهتم الا بقنوات الاتش دي وكما تعرف ان معظم قنوات الاسترا فيه منها الاتش دي ونفس القنوات عادي اي اس دس .................................................. ......
اجهزه الضبط المستخدمه جهاز السات فيندر موديل elcomax وهو نوع محترم واتش دي وبه اشياء جباره من قياس حزمه الباقه والشعاع من القمر وقطر الطبق المناسب وقوه الا ان ي واشياء اخري وسارفق بعض الصور لكم وسامحوني علي الاطاله عليكم في الحلقه القادمه سارفق لكم فيديو لشكل الطبق والقطعه واشياء اخري

[جعيدي]

شكرا لك اخي الفاضل كيمو هناك من هو افضل مني بكثير وهناك من هو بالمنتدي من افضل مني وانا متاكد من دلك لكن ليس عنده صبر المحاوله

[محمد شعيكه]

فى انتظار الجديد منك اخى جعيدى او اسامه كما علمنا

[جعيدي]