[WALID85AYA]

التردد 10873 عندي علي النايل سات لا توجد اشارة عليه خالص مع العلم جميع الترددات شغالة وقوية ..بما فيها التردد 11555 والتردد 11595 يعني من الآخر كل الترددات شغالة ماعدا التردد المذكور سابقاً ...ومع العلم ايضا الطبق مضبوط مية الميه وليس به أي انحرافات والقطعة LNB تمام ميه الميه وقطر الطبق 100 سم . وغيرت أيضا الطبق نفسه بطبق جديد . والسلك جديد ...وتبقي المشكلة كما هي دون حل ...أفيدوني أهل الخبرة بتلك المشكلة العجيبة .......................

[ابو حبيبه]

هل جربت اخى جهاز اخر على نفس الطبق الزى به المشكلة
جرب ومتابع معاك ان شاء الله

[a_usa_102]

المشكلة فى الجهازفعلا وذلك عن خبرة

[WALID85AYA]

لا لا إخواني الكرام جربت مش جهاز ولا اثنين ولا ثلاثة ...جربت 5 أجهزة من ماركات مختلفة منها استرا ... ومنها الفيجا ومنها الصيني ومنها الهليوتك .... أنا خلاص هتجنن وعلي فكرة بمجرد ما أنقل الطبق إلي الجار اللي ساكن جانبي بيشتغل التردد وميه ميه وكمان انا السطح بتاعي مفيش اي عائق امامه للاشارة من اشجار او مباني او غيره

[DreAmO]

غريبة فعلاً

[سعد دش]

حاول نقل الطبق الى مكان اخر على نفس السطح

[حماده نوح]

المشاركة الأصلية كتبت بواسطة سعد دش

حاول نقل الطبق الى مكان اخر على نفس السطح

كان عندى نفس المشكلة مع التردد ده و لما نقلت اتلطبق فى مكان اخر على نفس السطح اشتغل تمام
ممكن حد يفيدنا عن السبب العلمى فى اللى بيحصل ده

[ahmedanter]

فى بعض الاحيان يحدث تداخل بين ترددات الاقمار وشبكات المحمول فلا تستطيع استقبال الترددات

[amigosky]

ع فكرة أول شئ بعمله قبل ما أركب الطبق بجرب المكان اللى هحطه فيه لو لقيت فيه اشارة بعمل القاعدة لأن صحيح ان ف تداخلات ف الإشارات ف أماكن وأماكن لأ
استفسار هام

[سعيد ايهاب]

اخي الكريم انا فني تركيبات وحدث معي نفس العيب وبعد مارحت للعميل اكترمن مره مع العلم اني انا اللي ركبت الطبق وكل حاجه كانت شغاله وبعد كده قطع قناه ازهري نفس التردد اللي عامل عندك المشكله وكان السبب غريب جدا ان العماره منخفضه عن العماره الي في اتجاه الطبق وده كان موجودطبعا من الاول ولكن اللي مكنش موجود هو طبق ركب جديد قطع الاشاره عن هذا التردد فقط طبعا انت مش هاتقتنع غير مكان الطبق وخليه في مكان مفيش حاجه اعلي منه امامه وهايشتغل ان شاء الله هذا التردد علي قمر اطلانتيك بيرد يعني لازم الطبق يكون بينه وبين النايل سات

[elel]

شكرا لتلك المتداولات الفنيه بين الفنيين ليستفيد من تلك الخبرات فنيين جدد - بارك الله فيكم جميعا واسعدنى جدا تلك المتداولات الفنيه

[AMD_DSL]

فعلا غريبة جدا بس تفسير الاخوة الافاضل منطقى نسبيا

[cammon_cammon]

الف شكر أخى الكريم

[ناصر الشرقاوى]

اكيد يا اخى لو نقلت الطبق فى مكان تانى هيشتغل التردد معاك تمام اكيد فى شبكة محمول قريبة منك ماثرة على الطبق جرب نقل الطبق و بالتوفيق

[عبدالغني قمر]

مع قبول تحياتي لجميع الاعضاء...