[الحاج شريف]

المشاركة الأصلية كتبت بواسطة osmangoogle

اسم تيش دا ما وردش علينا خالص والله....
ولو رحت لواحد وقلتله عايز تيش الله أعلم هيجرالك
إيه بسبب الكلمه الغريبه دى..هههههههه....
..الستاير أهم فى البيت من الطبق..
خليك حريص فى التعامل مع الصاج..
عموما تشرفت بمرورك ودعمك بإضافة اسم المسطره
أو المسمار زى ما بيقولو عندنا..
شكرا لك وتحيتك مقبوله على رأسى ياغالى..

ماهو لازم كل يوم تسمع حاجه جديده وإلا بقيه العمر يبقى هدرومالوش لازمه
الكلمه مش غريبه ولا حاجه متداوله عند الصنايعيه وخصوصا الميكانيكيه فيه تيش الاسكاترا وهو الذى يوصل نظام توجيه السياره "steering" بالعجل الأمامى له نفس الشكل علشان تضبط بيه زاويه العجل بتطويله وتقصيره حسب الحاجه ، والتيش عموما سيخ حديد مجلفن مقلوظ بالكامل بمقاس الصاموله اللى بإسمه ، ويباع فى السوق القطعه مترين وبعدين أخى عثمان أنا دايما صادق معاك ومش ممكن أورطك مع البياعين كمان أنا معلوماتى مش سماعيه إن ماكنتش متأكد ومجرب مااتكلمش
أكرر تحياتى وإعجابى بجديد أفكارك

[ahmed_cafamol]

قناة idman فاتحة ازاى يا أخى ؟؟
لو سمحت لو فيه سوفت كام او حاجة لباقة الديجى ترك ترفقه ليا و شكرا :)

[osmangoogle]

المشاركة الأصلية كتبت بواسطة asharif

ماهو لازم كل يوم تسمع حاجه جديده وإلا بقيه العمر يبقى هدرومالوش لازمه
الكلمه مش غريبه ولا حاجه متداوله عند الصنايعيه وخصوصا الميكانيكيه فيه تيش الاسكاترا وهو الذى يوصل نظام توجيه السياره "steering" بالعجل الأمامى له نفس الشكل علشان تضبط بيه زاويه العجل بتطويله وتقصيره حسب الحاجه ، والتيش عموما سيخ حديد مجلفن مقلوظ بالكامل بمقاس الصاموله اللى بإسمه ، ويباع فى السوق القطعه مترين وبعدين أخى عثمان أنا دايما صادق معاك ومش ممكن أورطك مع البياعين كمان أنا معلوماتى مش سماعيه إن ماكنتش متأكد ومجرب مااتكلمش
أكرر تحياتى وإعجابى بجديد أفكارك

ماتفهمنيش غلط يا أشرف..كنت بهزر معاك..أصل إحنا متعودين على أسماء معينه ومتداوله وعلى رأيك كل يوم تسمع جديد...تشرفت جدا جدا بمساهمتك وأنا سعيد جدا بأخلاقك العاليه وتواضعك فى الحوار ياغالى...

[osmangoogle]

المشاركة الأصلية كتبت بواسطة ahmed_cafamol

قناة idman فاتحة ازاى يا أخى ؟؟
لو سمحت لو فيه سوفت كام او حاجة لباقة الديجى ترك ترفقه ليا و شكرا :)

شغاله ببرنامج Digiturk EMU فى المشاركه دى
أحمد كمال جاد الله
ولازم الرسيفر يكون يدعم خاصية SSSP علشان تشغلها بالكابل..

[ahmed_cafamol]

لازم sssp مينفعش twin share ؟؟

[modasab]

شكراً أ أشرف لإسم المسمار كنا محتارين فيه

رأي أشرف دائماً مقنع و ينم عن انسان فاهم

بس هو عثمان مفهمش غلط ولا حاجة هو بيهظر معاك عادى يعنى

عموماً شكراً و بحب دايماً أشوف ردودك لانها بتفيدنى شخصياً


يا لعبك يا عم عثمان الامهات مش هيحبوك

لان الناس هتهجم على علب السمنة و تفضيها عشان تاخد الفارغة تعمل بيها فلانشة

و انت السبب

[عزيزموسى]

الله عليك شغل عالى بجد تسلم ايدك

[osmangoogle]

المشاركة الأصلية كتبت بواسطة ahmed_cafamol

لازم sssp مينفعش twin share ؟؟

لازم ياغالى SSSP...أما التوين بروتوكول
خاصه ببرامج الشيرنج والتى لا تعمل عليها باقة الديجى تورك....

.

[osmangoogle]

المشاركة الأصلية كتبت بواسطة modasab

شكراً أ أشرف لإسم المسمار كنا محتارين فيه
رأي أشرف دائماً مقنع و ينم عن انسان فاهم
بس هو عثمان مفهمش غلط ولا حاجة هو بيهظر معاك عادى يعنى
عموماً شكراً و بحب دايماً أشوف ردودك لانها بتفيدنى شخصياً
يا لعبك يا عم عثمان الامهات مش هيحبوك
لان الناس هتهجم على علب السمنة و تفضيها عشان تاخد الفارغة تعمل بيها فلانشة
و انت السبب

أخيرا كله هيدخل المطبخ ويدور على علب السمنه
ويفضيها ويطير بالعلبه على السطح

[osmangoogle]

المشاركة الأصلية كتبت بواسطة عزيزموسى

الله عليك شغل عالى بجد تسلم ايدك

تشرفت بمرورك ياعزيـــــــــــز....

[الحاج شريف]

المشاركة الأصلية كتبت بواسطة modasab

شكراً أ أشرف لإسم المسمار كنا محتارين فيه
رأي أشرف دائماً مقنع و ينم عن انسان فاهم
بس هو عثمان مفهمش غلط ولا حاجة هو بيهظر معاك عادى يعنى
عموماً شكراً و بحب دايماً أشوف ردودك لانها بتفيدنى شخصياً

أولا شكرا لرأييك فى ثانيا أنا الحاج شريف مش أ أشرف إسم أشرف ماكانش طلع علي أيامى
وبعدين أنا طبعا عارف إن عثمان بيهزر لكن المشكله يجييلك واحد تانى إعتمادا على تعليق عثمان يلبس سعيد صالح فى مدرسه المشاغبين ويقولك أنا عارف بيجيبولنا الأسامى دى منين ، ومره واحد فى المنتدى ده قاللى المعلومات دى مالهاش أصل انت بتروج إشاعات وبتهيج علينا الزباين ، وناقص يقوللى بطلوا الهباب اللى بتتعاطوه ، علشان المعلومات كانت غريبه عليه وقعدت اشرح له اسبوع لغايه ماقالى معلش كل سنه وانت طيب ، الكلام ده كان فى رمضان اللى فات
مافيش مشكله أخى محمد شويه هزار وشويه جد إحنا هنا إخوه ، المهم فى الآخر المعلومه توصل
تحياتى لك ويسعدنى دائما الحوار معك

[modasab]

الشرف لى حاج شريف

الاسمين وراهم انسان محترم و عارف هو بيقول ايه

بالفعل الناس دول كتير موجودين لكن طالما احنا جوه عالم النت يبقا لازم نفتح صدورنا لاستقبال الوحش قبل الحلو عشان نقدر نواصل

اتمنى لك دوام التوفيق و السداد

و بالمناسبة انا أحمد العدوي 32 سنة و محمد ده اسم أبويا

[modasab]

عثمان

لازم الفكرة الجاية تكون فى مسألة الفيد هورن و العدسات المعدلة و الحاجات دى

ركز فيها شوية انا شوفت عدسة لـ أ ( عادل عامر ) مركب لها مراوح بتاعت كومبيوتر

اتحرك يا أخ عثمان الناس سبقونا بمراحل

[osmangoogle]

المشاركة الأصلية كتبت بواسطة modasab

عثمان

لازم الفكرة الجاية تكون فى مسألة الفيد هورن و العدسات المعدلة و الحاجات دى
ركز فيها شوية انا شوفت عدسة لـ أ ( عادل عامر ) مركب لها مراوح بتاعت كومبيوتر
اتحرك يا أخ عثمان الناس سبقونا بمراحل

ههههههههههه...مين اللى سبقونا ياعم انت؟
والله بالنسبه للتعديل والكلام ده بصراحه صعب عليا نظرا لعدم الخبره الكامله فى هذا المجال ولكل شخص موهبه يمتلكها وربك بيقسم العباد..
شكرا لك ونظرتك للموضوع زادتنى شرفا يا كبير...

[osmangoogle]

المشاركة الأصلية كتبت بواسطة modasab

الشرف لى حاج شريف

و بالمناسبة انا أحمد العدوي 32 سنة و محمد ده اسم أبويا

كمان من بنى عدى!!!!!!يا أهلا بيك ياعدوى...