[hazzuma]

أعتقد فى موديلات مختلفة من lg بمصر ،لأنى شفت من كام يوم محل عارض شاشات lg ولاحظت ان شكل الكرتونة مش ، شيك ،فدققت النظر،وجدتها صنع بمصر، فهل الشاشات الرائعة التى تتحدثون عنها،صناعة مصرية،أم كورية مثلا؟ تحياتى

[mostafa dddr]

المشاركة الأصلية كتبت بواسطة bebo606

دي وجهات نظر

لكن افضل السامسونج عن lg

عندي شاشة سامسونج 40 بوصة ونوعها H5100 الشاشة روعة في كل شيء ونقاء في الصورة تفوق صورة ال جي بمراحل وكنت شاريها من حوالي سنة بـ 4200 جنيه

وعندي ال جي 32 بوصة كنت شاريها من حوالي سنتين

السامسونج يكسب

دي وجهة نظر ليس إلا

تحياتي لحضراتكم

بالطبع هى وجهات نظر لكن الـ بيشترى لأول مرة اكيد هينحاز للأفضل
وانا من خلال بحثي قبل ما اشترى شاشتى لقيت ان LG افضل
وحتى من خلال التجربة
شاشة Samsung عندي مفيهاش مخرج صوت ومعظم شاشاتها كدا
ولو قارنت ما بين شاشتين عندي smart & 3D
شايف ان LG افضل بمراحل
وبعيداً عن جودة الصورة , LG فيها مزايا افضل من samsung
وبتطور نفسها كل سنة
لكن المقارنات مينفعش تبقى على اساس شاشة و شاشة وخلاص
لازم حجم الصورة يكون ولو متقارب لأن مثلاً لو حبيت تقارن
شاشة samsung 40 بوصه مش هتلاقى LG نفس الحجم
عشان تقارنها بيها لأن LG خلت الشاشات 42 و 43 بدلاً من 40
خواص اساسية تكون موجوده فـ الشاشتين الـ هنقارن ما بينهم
زى smart بس او smart & 3D او من غير
وطبعاً فـ النهاية نشوف السعر
وبالنسبالي رغم انى مجرب الـ samsung فـ الموبايلات و الشاشات
الا انى كنت بقارن وبشوف الانسب ليا واخترت LG
لأن مواصفات الموديل مثلاً LG LF6500
بحجم 42 بوصه بسعر 4500 جنيه
مش هتلاقى شاشة Samsung فيها المواصفات دى بنفس السعر
يكفى ان معظم شاشات samsung مفيهاش مخرج صوت
دا فـ حد ذاته عيب كبير جدا ً لأن صوت سماعتها بيضعف مع الوقت

[mostafa dddr]

المشاركة الأصلية كتبت بواسطة hazzuma

أعتقد فى موديلات مختلفة من lg بمصر ،لأنى شفت من كام يوم محل عارض شاشات lg ولاحظت ان شكل الكرتونة مش ، شيك ،فدققت النظر،وجدتها صنع بمصر، فهل الشاشات الرائعة التى تتحدثون عنها،صناعة مصرية،أم كورية مثلا؟ تحياتى

اولاً هى مش بشكل الكروتونة , اينعم دى حاجه تافهة ولو عملوا الكرتونة
بشكل شيك وكويس مش هيخسروا حاجه وكمان المنظر من برا كدا
هو الـ بيوحي للواحد ان كان المنتج كويس ولا لأ
انما دا مش مقياس
فـ مثلاً دى كرتونة شاشة من LG عاديه خالص
لكن الشاشة نفسها اسأل عنها كتير هتلاقى الكل بيشكر فيها
ويمدح فيها لغاية ما تزهق منها


وصناعة الشاشات كلها تقريباً فـ مصر دلوقت

[lordshady]

انا عن نفسى لو هاشترى اشترى الشاشة السامسونج ال 4k يكفى ان جودة الصورة بها أربعة اضعاف ال full hd هي غالية شويه بس تستحق وهى مسطحة وليست curved
لأن الغير مسطحة ممكن تنكسر سهل
http://cairosales.com/ar/tvs/3861-sa...-40ju6000.html

[mostafa dddr]

المشاركة الأصلية كتبت بواسطة lordshady

انا عن نفسى لو هاشترى اشترى الشاشة السامسونج ال 4k يكفى ان جودة الصورة بها أربعة اضعاف ال full hd هي غالية شويه بس تستحق وهى مسطحة وليست curved
لأن الغير مسطحة ممكن تنكسر سهل
http://cairosales.com/ar/tvs/3861-sa...-40ju6000.html

بالفعل الـ 4K افضل لكن فين القنوات الـ بتبث 4K ؟؟
او حتى منين هتقدر تحمل فيديوهات 4K ؟
فيديو ممكن دقيقتين يعمل مساحة نص جيجا ومن اليوتيوب
الـ هو بالأساس بيضغط الفيديوهات
يعنى حجم الفيديو الاصلى ممكن يتعدي الـ 8 جيجا !
قرأت عنها وشوفت ناس هنا ركبت شاشات 4K لعملاءهم
وقالوا انها سيئة , ومقالات تانيه كتير لو شوفتها هتحذرك
من شراء الشاشات دي فـ الوقت الحالي
هى كـ تكنولوجيا فـ جودة الصورة لا خلاف عليها وحاجه مبهرة
لكن لا النت بتاعنا يسمحلك بتحميل فيديهات
ولا هتلاقى قنوات بتبث بالجودة دي
ولا اساساً فى فيديوهات كتير 4K متاحه
يعنى بترمي فلوس فـ الارض
حتى الآن جودة الـ HD مبقتش مدعمة من كل القنوات
ونظرة ع النايل سات هتلاقى عدد القنوات قليل جدا ً
لما يبقى فى قنوات ع الاقل وقنوات تستاهل وقتها تشتريها
ع الاقل هيكون جودة التصنيع و المزايا و خواص الشاشة اتحسن

[bebo606]

المشاركة الأصلية كتبت بواسطة mostafa dddr

بالفعل الـ 4K افضل لكن فين القنوات الـ بتبث 4K ؟؟
او حتى منين هتقدر تحمل فيديوهات 4K ؟
فيديو ممكن دقيقتين يعمل مساحة نص جيجا ومن اليوتيوب
الـ هو بالأساس بيضغط الفيديوهات
يعنى حجم الفيديو الاصلى ممكن يتعدي الـ 8 جيجا !
قرأت عنها وشوفت ناس هنا ركبت شاشات 4K لعملاءهم
وقالوا انها سيئة , ومقالات تانيه كتير لو شوفتها هتحذرك
من شراء الشاشات دي فـ الوقت الحالي
هى كـ تكنولوجيا فـ جودة الصورة لا خلاف عليها وحاجه مبهرة
لكن لا النت بتاعنا يسمحلك بتحميل فيديهات
ولا هتلاقى قنوات بتبث بالجودة دي
ولا اساساً فى فيديوهات كتير 4K متاحه
يعنى بترمي فلوس فـ الارض
حتى الآن جودة الـ HD مبقتش مدعمة من كل القنوات
ونظرة ع النايل سات هتلاقى عدد القنوات قليل جدا ً
لما يبقى فى قنوات ع الاقل وقنوات تستاهل وقتها تشتريها
ع الاقل هيكون جودة التصنيع و المزايا و خواص الشاشة اتحسن

كلام محترم من حضرتك وكلام سليم ميه في الميه

وقلت الكلام دا من زمان لان فعلا القنوات hd على النايل سات اللى معظم المصريين بيكتفوا بيه قليلة جدا جدا

وللاسف احنا بيضحك علينا من الجميع لان شاشات 4k ممكن نستفيد منها تقريبا بعد 20 سنة مش اقل

وعلى فكرة معظم القنوات hd فقط وليست full hd يعني احنا مش بنستفيد من الشاشات اللى عندنا رغم انها full hd

زي خاصية 3d هل حد بيستفيد منها هل فيه قنوات 3d طبعا لا

يعني شاشة hd عاديه تؤدي الغرض وزي الفل الى ان يتحول النايل سات بقنواته الى full hd و 4k وكمان 3d

لكن دي ارزاق

تحياتي وتقديري واحترامي لحضرتك

[م.احمد جمال الدين]

موضوع رائع وفعلا شاشة lg شاشه راااااائعه
ومريحه جدا جدا
تسلم علي طرح الموضوع المميز اخي الحبيب

[mido_star99]

عايز اعرف مقاسات الlg فوق ٤٣ بوصه واسعارها كام وكافاتها من النت ٠٠٠٠٠٠٠الخ واقرب موزعين معتمدين

[PRO WAEL]

موضوع متاز وشكرا لارائكم المفيدة

[محمود رجب عبدالقادر]

طب بالنسبة ل‎ TOSHIBA ‎اخبارها إيه
والاسعار

[mostafa dddr]

المشاركة الأصلية كتبت بواسطة bebo606

كلام محترم من حضرتك وكلام سليم ميه في الميه

وقلت الكلام دا من زمان لان فعلا القنوات hd على النايل سات اللى معظم المصريين بيكتفوا بيه قليلة جدا جدا

وللاسف احنا بيضحك علينا من الجميع لان شاشات 4k ممكن نستفيد منها تقريبا بعد 20 سنة مش اقل

وعلى فكرة معظم القنوات hd فقط وليست full hd يعني احنا مش بنستفيد من الشاشات اللى عندنا رغم انها full hd

زي خاصية 3d هل حد بيستفيد منها هل فيه قنوات 3d طبعا لا

يعني شاشة hd عاديه تؤدي الغرض وزي الفل الى ان يتحول النايل سات بقنواته الى full hd و 4k وكمان 3d

لكن دي ارزاق

تحياتي وتقديري واحترامي لحضرتك

هى وجهات نظر برضه
وشايف ان شاشه Full HD & 3D فـ الوقت الحالى كويسه
مش عشان تتفرج ع قنوات HD النايل سات المحدودة الآن
وانما عشان تقدر تحمل فيديوهات HD وتشوفها ع شاشة
زى دى افضل من عرضها على شاشة عادية
وبعيداً عن جودة الصورة . كمان بيبقى فى مزايا تانيه كتير
مثلاً ميزة smart بالنسبالى مهمة عشان كابل النت
بوصله بهارد خارجي كبير وباخد منه الميديا وبعرضها ع الشاشة
انما لو شاشة عاديه . هقعد كل شويه املى الفلاشة واتفرج
وارجع تاني اشوف هتفرج ع ايه
فـ حالياً شاشة Full HD مع 3D كافية جداً جداً

[mostafa dddr]

المشاركة الأصلية كتبت بواسطة mido_star99

عايز اعرف مقاسات الlg فوق ٤٣ بوصه واسعارها كام وكافاتها من النت ٠٠٠٠٠٠٠الخ واقرب موزعين معتمدين

نصيحة ابعد عن شاشات اكبر من 43 بوصه
لأن جودة الصورة عليها هتبقى مش كويسه خالص
انت كدا محتاج يكون عندك كل القنوات الـ بتتفرج عليها Full HD
اما اى قناة عادية SD مش HD يعني فـ دى انسى تتفرج عليها
عشان مش هتشوف حاجه وجودة الصورة هتبقى سيئة
اكتر حاجه ممكن تشتريها هى 43 بوصه
فى LG موديل LF6300 بحجم 43 بوصه
Smart TV يعنى فيها مدخل Lan و واى فاى
هتلاقيها عند اى موزع LG بـ 4150 وع النت هتلاقيها بـ 4350
والموزعين : اى حد بيبيع اجهزة كهربائية حاطت يافطة LG
ومكتوب عليه موزع , ومقدرش افيدك فـ اقرب واحد ليك
لأن الموزعين كتير ومنتشرين فـ كل مكان , مش صعبة يعني
خصوصاً LG

[mostafa dddr]

المشاركة الأصلية كتبت بواسطة محمود رجب عبدالقادر

طب بالنسبة ل‎ TOSHIBA ‎اخبارها إيه
والاسعار

دا لو عايز حاجه تمشيه حال
انما توشيبا مش كويسة زى زمان
عايز شاشة محترمة
اما Sony او LG او Samsung
وحالياً انصحك تبعد عن Samsung

[abuzhra]

الكل مششششششششششكور على الاراء

[ام فرح]

والتوشيبا بعد LG