[miro123123]

بس فى ملاحظة انا شارى من سنة تقريبا شاشة 32
موديل 6520
وبنفس سعر الوكيل بدمياط
اشتريتها 3490
من القاهرة للمبيعات والنقل مجانا وكانت معاها هدية اخترتها نظارتين للالعاب
يعنى القاهرة للمبيعات كويسه مش حرمية

[mostafa dddr]

المشاركة الأصلية كتبت بواسطة ™MIZO

عندى موديل lb6520 موديل 2014 نفس الشاشة بنفس المواصفات بس 4 نظارات و 2 ريموت . بس بنظام web os مش web os 2 والشاشة الحمدلله كويسة جدا شاريها من 5 شهور

اه عارفها وناس كتيرة شكرت فيها
بس خلى بالك بتفرق فى حاجه احنا مش بناخد بالنا منها
ولا بنبحث عنها من ناحية سرعة معالج الشاشة والرامات
والشاشة معاها 2 نضاره من LG زى ما موضح فى محتويات الكرتونة
لكن انا اخدت نضارتين ببلاش كمان من الراجل الـ اشتريت منه
وبالنسبالى مش بحس بحوار الـ 3D دا وكأنك بتتفرج عادي
ما ييجي على تعب عين الواحد وهو باصص فـ الشاشة
واتفرجت ع افلام كويسه المفروض من ناحية الحركة لكن مش بحس
بأختلاف .. لكن انا اشتريتها 3D عشان يبقى فيها كل المزايا بالمرة
بالأضافة ان المعالج والرامات بيبقوا افضل واكبر فـ الموديلات الـ 3D
وجودة الصورة كمان بتفرق

الف شكر لمرورك والـ اعرفه انك تقدر تحدث نظام التشغيل عندك
والله اعلى واعلم

[mostafa dddr]

المشاركة الأصلية كتبت بواسطة elneklawy

هى فيها رسيفر داخلى

لأ
شاشات Smart معتقدش ان بيبقى معاها رسيفر داخلى خالص
انما شاشة عادية مفيهاش Lan ولا 3D بيبقى احياناً بعض الموديلات
فيها , حالياً الشاشة الـ فيها رسيفر دى سعرها 2500 جنية
ومن غير الرسيفر 2200 جنيه بحجم 32 بوصه لكن مش فاكر الموديل

[hazzuma]

ما هى خاصية convert 2D to 3D ؟ وألف مبروك

[mostafa dddr]

المشاركة الأصلية كتبت بواسطة hazzuma

ما هى خاصية convert 2D to 3D ؟ وألف مبروك

معنى خاصية 2D to 3D ان الفيديو العادي 2D
تقدر تحوله لفيديو 3D بدل ما تقوم بتحميله من النت 3D مرة أخرى
يعنى لو عندك فيلم عادي ( ثنائى الابعاد )
تقدر تحوله لـ 3D ( ثلاثي الابعاد ) اى مجسم
فـ الشاشات

[miro123123]

جربت اخى عليها استقبال البث الارضى بتاع الاريال؟؟؟
وهل جيد؟
لانى ملاحظ فى الصور انها فى الخلف وصلة ار اف مختلفة عن موديل 2014
وانه عايز صامولة الريسيفر مش جاك ار اف كموديل 2014؟؟
وانا كنت شايف على النت ان موديل 2015 به بوستر داخلى لتحسين صورة استقبال القنوات الارضيه من الاريال؟
هل صحيح لاحظت قوة استقبال الارضى؟؟

[mostafa dddr]

المشاركة الأصلية كتبت بواسطة طارق رفعت محمد

انا شارى 6300 سمارت نت فو اتش دى روعة الروعه موديل 2015 شهر 6

كنت ناوى عليها والله لكن قولت اشترى حاجه 3D بالمرة

[هانى عنانى]

المشاركة الأصلية كتبت بواسطة mazen_coco

ده االمنتدى الفضائى مش منتدى الشاشات ياغالى
بشكر حضرتك على مجهودك بس ده مش مكانه الصحيح
كل عام وحضرتك بخير

وايه المانع الراجل بيعمل خدمه للى بيفكر يشترى شاشه وبيحكى تجربته لكى يستفيد الجميع شكرا لك صاحب الموضوع على الشرح الوافى لهذه الشاشه

[adel513]

الف مبروك اخى الكريم على اقتناء تلك الشاشة وربنا يباركلك فيها
الحمد لله اننى قمت باقتناء تلك الشاشة وبيتثبت لى ان الله وفقنى فى اختيارها
لانى شوفت شاشات اخرى لموديلات اخرى وتاكدت انها الافضل
فانا عن تجربة انصح من هو قادم لاقتناء موديلLF6500 3d
لانه امكانياته عاليه من ناحية الوضوح والصوت وحاجات تانية كتير
ولى تجربة مع القاهرة للمبيعات هم رافعين السعر 190جنية عن التوكيل
ولكن هم مقدمين هدايا ممتازة حاليا وهو عدد6نظارات اضافية خارج الكرتونة
وحامل حائط ممتاز عن تجربة ومش موجود بالسوق وسعرة لو لقيتة مش هيكون اقل من150جنيه وكمان فلاشة 8جيجا وكمان نضارت جيمز يعنى تفوق فرق السعر اللى موجود وبالنسبة لى انا اشترتها منهم فى شهر خمسة اول مانزلت واعطونى الهدايا فلاشة والحامل وفوجئت بانهم مبعتوش النظارات ولكن قمت بالاتصال عليهم وقالوا سيتم ارسالها لما تتوفر وفعلا صدقوا وارسالوا عدد4نضارات وده كان عرضهم فى الوقت ده ولم اتكلف مليم فى الشحن
هم مشكلتهم ممكن يتاخروا حوالى اسبوعين
وشكرا

[hazzuma]

المشاركة الأصلية كتبت بواسطة mostafa dddr

معنى خاصية 2D to 3D ان الفيديو العادي 2D
تقدر تحوله لفيديو 3D بدل ما تقوم بتحميله من النت 3D مرة أخرى
يعنى لو عندك فيلم عادي ( ثنائى الابعاد )
تقدر تحوله لـ 3D ( ثلاثي الابعاد ) اى مجسم
فـ الشاشات

يعنى أسجل أى حاجة من الدش على فلاشة وأقوله يحولها لثرى دى، ولا لازم فيلم أجنبى مثلا ولا إيه،وبلد الصنع إيه؟كوريا ولا الصين ولا تقفيل مصرى؟ تحياتى

[FAIR]

والله انت راجل محترم انك تفيد الناس بالمراجعة الممتازة دي ربنا يبارك لك فيها وتقضي بها اوقات طيبة وممتعة وياريت اي حد له تجربة مع اي جهاز يرفعها عشان الناس تشوف وتقارن قبل ما تشتري وبالتالي تقتني الافضل .. محتاجين جدا ثقافة التعاون وعدم كتم المعلومة وربنا يكتر من امثالك

[mostafa dddr]

المشاركة الأصلية كتبت بواسطة ase92110

الف مبروك ==== الشاشة ممتازه انا عندي نفس الموديل بتاع حضرتك بس 32 بوصه في ميزه في الريموت السحري اللي بيجي مع الشاشة انك تقدر تتحكم في الريسيفر من نفس ريموت الشاشة كائنه ريموت الريسيفر

اول مرة اعرف المعلومة دى منك
وجربتها لكن منفعتش
هل فى اعدادات معينه الواحد يعملها ؟

[adel513]

دى المشاركة التى تعتبر المرجع الشامل لمحبى اقتناء الشاشة Lg. LF6500
وكل صاحب تجربه من الاخوة الاعضاء
وقام عليه ناس محترمة افادو الجميع فارجوا الاطلاع عليه
http://www.masrawysat.com/vb/showthread.php?t=1489817

[mostafa dddr]

المشاركة الأصلية كتبت بواسطة miro123123

جربت اخى عليها استقبال البث الارضى بتاع الاريال؟؟؟
وهل جيد؟
لانى ملاحظ فى الصور انها فى الخلف وصلة ار اف مختلفة عن موديل 2014
وانه عايز صامولة الريسيفر مش جاك ار اف كموديل 2014؟؟
وانا كنت شايف على النت ان موديل 2015 به بوستر داخلى لتحسين صورة استقبال القنوات الارضيه من الاريال؟
هل صحيح لاحظت قوة استقبال الارضى؟؟

لأ نفس الشكل العادي ع فكرة
لأن الصورة الخاصة بالمخارج والمداخل للشاشة من النت
مش انا الـ صورتها عشان تبقى بشكل افضل
وعلى اى حال تجربة الموضوع هيحتاج كابل وشغلانه
وكدا كدا مفيش قنوات اساساً تستاهل
انما جربت كدا من غير كابل مجبتش الشاشة اى قنوات

[نبيل لطيف]

ما هى اخى الكريم عدد سنوات الضمان لهذه الشاشة