[فني تركيبات]

المشاركة الأصلية كتبت بواسطة ياسر عرفة 2000

وعايز تطلعنى انا ألى مش فاهم الفرق بين

الموضوع بتاعنا وبين التشويش

انت تعرف عنى كده ياحاج ياسر
عموما حصل خير استاذ ياسر

[ياسر عرفة 2000]

المشاركة الأصلية كتبت بواسطة ابوافنان

انت تعرف عنى كده ياحاج ياسر
عموما حصل خير استاذ ياسر

انت محترم واستاذ كبير
وحصل خير ونتمى من الله
الكل يفيد ويستفيد
وانت عارف انى بقدرك ازاى واحناا خوات

[فني تركيبات]

المشاركة الأصلية كتبت بواسطة ياسر عرفة 2000

انت محترم واستاذ كبير
وحصل خير ونتمى من الله
الكل يفيد ويستفيد
وانت عارف انى بقدرك ازاى واحناا خوات

اكرمك الله استاذ ياسر
واسف لشخصك الكريم
اذا كنت اخطأت لك

[hamadasat96]

يابخت صاحب الموضوع
موضوعك اغلب الردود فيه من العمالقة الكبار
ده حتي محدش منهم عزم علينا بكوباية شاي او قالي اتفضل
بس انا هرخم وهتحشر في الموضوع لانكم استاذتنا طبعا وده شرف وفخر لينا
بس انا بقه ليا اضافة بسيطة واتمني متكنش رخامة مني
سامعك ياللي بتشتم ها هههههه
في بداية الموضوع صاحب الموضوع قال انه غير القطع اكتر من مرة
وثانيا مقالش ايه نوع القطعة وحالة السلك
لان ليا وجهة نظر اتمني تتقبلوها وتردوا من غير ضرب بس
حالة السلك ايه لان عليه عامل كبير وانواع القطع ايه ال اتغيرت وال موجودة وهل مركبهم
بترتيب في القطعة يعني مخرج واحدواتنين ولا ولا مدققتش في دي لازم نعرف تفاصيل شوية عشان تاخد اجابة مفيدة
لان كما ذكر فيما سبق كلها اجتهادات
مش نروح لدكتور ومطلوب منه يعالج وخلاص من غير مايعرف تفاصيل المرض ايه
تفصيل مناسب = اجابة انسب
ولكم مني جميعا ارق التحيات

[ياسر عرفة 2000]

اخى حمادة وحشنى والله العظيم يا اخى
هو ده بالظبط ألى انا بقوله الاخ السائل لم يدلى بالتفاصيل اللازمة
لمعرفة العطل فين وعشان كده انا وجوهر حطينا كل الاحتمالات
وذاد علينا الاستاذ الكبير ابو افنان بموضوع الرسيفر وطبعا كلامه صح 100%
ولكن انا بقول ان الرسيفر سبب من ضمن الاسياي وليس كل الاسباب
وطبعا اختلافنا لا يعنى اى شئ ألا اننى اكن لآخى ابو افنان كل الود والحب والاحترام لانه فعلا محترم وبعدين يا اخى احنا عشرة كبيرة اوى مش كده ولا ايه

[جوهركامل]

أولاتحياتى
أخى ياسرعرفه وأخىhamadasat96(ألجيل ألجميل وألأصيل)
مفيش أى خلاف أخى ياسر مابين ردى وردك وردأستاذأبراهيم
لأن جميعهابالفعل صحيحه وكلها عن تجربه

لكن حابب أقول نقطه
من ضمن أسباب هذه ألمشكله (مستلزمات ألدش ألرديئه)

وهقول مثال صغيروهوأثبات
لوفرضنا أنناركبنامثلاقطعه بمخرج واحدعلى طبق مستقل
وركبناقطعه آخرى بطبق آخرمستقل
(طبعاأللى هيحصل كل طبق هيشتغل لوحده بدون أى مشكله)

طيب هناليه ألقطعه أل2مخرج أوألأربعه مخرج بتعمل مشكله
مع ألعلم أن ألمفروض أل2مخرج يطلع منها 2أشاره مستقله ل2ريسيفر
كده نقدرنقول ألقطعه أل2مخرج فيهاعيب تقنيه من ألداخل مثلامثلا
وممكن نشك فى ألسلك أونشك فى أى شئ مرتبط بالمنظومه

من ألتجارب أللى مرت عليا أومرت على ألبعض
فى مره كنت بركب طبق نايل سات طبق70سم قطعه مخرج واحد
ظبط وكله تمام على ألسطح
نزلت تحت عندألعميل لقيت ألأفقى مش شغال
دخلت على ضبط ألهوائى لقيته مظبوط
دخلت ضبط مصنع فى ألريسيفروبحثت ألقنوات نفس ألمشكله
ألمهم طلعت ألسطح تانى لقيت كله تمام على ألريسفرعندى
قلت للعميل معلش هات ألريسفربتاعك ألمهم جربته على ألسطح
لقيته شغال تمام قلت خلاص تبقى ألمشكله فى ألسلك يمكن فى قطع أوبايظ
سحبت ألسلك من عندألعميل وجربته لقيته شغال
وعلشان ماطولش عليكم عارفين ألمشكله كانت فين(فى ألسلك ههههه)
ألسبب أن ألسلك كان نازل من ألسطح ومتلامس مع سلك ألجيران
وألله هذاحصل لماجربت أبعدألسلك عن مجموعةألسلوك أللى نازله من ألجيران
أشتغل ألسيستيم طبيعى ولماأقرب ألسلك من سلك ألجيران تحصل ألمشكله
وللعلم ألسلك كان سليم ولايوجدبه أى قطع

دائماألسلك من ألأسباب ألرئيسيه لمشاكل ألمنظومه
لأن ألسلك هوألمتلقى أوألوسيط
مابين ألقطعه للدايزك للريسيفرأومابين ألقطعه وألريسيفر

فى حالةألأخ ألسائل من بدايةكلامه قال
غيرألقطعه وجرب ريسيفرآخردون فائده
أناعايزأقوله أبعدألسلك عن بعضه دون أى تلامس لأى سلك عندك أوعندألجيران
وجرب تلف شيكرتون من عندألأف كونكتورألخارج من ألمخرجين لكل طرف
لف شيكرتون بقيمةنصف مترلكل طرف حتى نتلاشى أى تلامس

كلمه أخيره أخى ياسرعرفه
وأنت عارف معزتك عندى
وربناشاهدعلى كلامى ويحاسبنى
أستاذأبراهيم أبوأفنان(هوألسبب ألرئيسى لوجودى ألدائم وحبى للقسم)
وبعديين ياحاج ياسرأنت فى غنى عن ألتعريف
فين أيام زمان ياعم ياسرلماكنا بنطلع تركبتين ولا3تركيبات متحرك فى أليوم

[ياسر عرفة 2000]

اولا انا بشكرك على الكلام الجميل ده
ثانيا انا كمان بعزك ويعلم ربنا انك غالى عندى
ثالثا كل الكلام ألى انت قلته صح 100%
رابعا انا مقلتش اكتر من كده انها هدة اسباب وليس سبب واحد
خامسا وده المهم انا انا والله العظيم بحب وقدر ابو افنان جدا
ولم اقصد اى شئ سوى توضيح وجهة نظرى المتواضعة
ولكن انا اسف ان كان حدث منى شئ تجاه ابو افنان
والله العظيم انا لا اقصد الاساءة ابدا ولكن اقصد الافادة لغيرى
وبعدين ابو افنان ده كلامه على دماغنا كلنا ده حبيبى هههههههههههههه

[فني تركيبات]

المشاركة الأصلية كتبت بواسطة ياسر عرفة 2000

ولكن انا اسف ان كان حدث منى شئ تجاه ابو افنان
والله العظيم انا لا اقصد الاساءة ابدا ولكن اقصد الافادة لغيرى
وبعدين ابو افنان ده كلامه على دماغنا كلنا ده حبيبى

حبيبى استاذ ياسر
وانا استحاله ازعل منك ياغالى
يكفى انك من الزمن الجميل

[ياسر عرفة 2000]

مش بقولك محترم

طب والله يا عم مش بجاملك

[mr.mohamedsaid20155]

انا عندي نفس المشكله. دلوقتي فاعمل اية يا شباب وهل اللي كاتب المشكله اتحلت ازاي ؟؟؟

[الباشا وليد]

المشاركة الأصلية كتبت بواسطة mr.mohamedsaid20155

انا عندي نفس المشكله. دلوقتي فاعمل اية يا شباب وهل اللي كاتب المشكله اتحلت ازاي ؟؟؟

الموضوع من 2016 وصاحب الموضوع لم يرد بالنتيجة
جرب الحلول المقترحة من السادة المشرفيين
بالتوفيق لك

[فني تركيبات]

موضوع قديم
مغلق