[midomorad222]

انا عملت الاداة اللى فى الصور بالضبط وطلعت اقيس مع العلم انا مستقبل المدار من 31غرب حتى 70شرق ولم استقبل اورتم على 31غرب وبين سبورت على استرا 11260 عمودى وبالقياس وجدت زاوية ميل البولار 30 والمفروض 54 وزاوية ميل الحلة 35 والمفروض 59 ما الحل

[الكينج علي]

ارجو الاهتمام من زو الخبره لاني عملت
زاوية القياسه ال رفعها اخي في بدايه الموضوع
ومش عارف طريقة القياس الصحيحه
والمدار مطلع عنيا
ومش عارف اظبطه

[الحاج شريف]

المشاركة الأصلية كتبت بواسطة midomorad222

انا عملت الاداة اللى فى الصور بالضبط وطلعت اقيس مع العلم انا مستقبل المدار من 31غرب حتى 70شرق ولم استقبل اورتم على 31غرب وبين سبورت على استرا 11260 عمودى وبالقياس وجدت زاوية ميل البولار 30 والمفروض 54 وزاوية ميل الحلة 35 والمفروض 59 ما الحل

الإختلاف أخ ميدو ناتج من إختلاف القياس
حضرتك بتقيس الميل ع الأفقى وده بالضبط يساوى خط العرض اللى حضرتك أقمت الطبق عليه إذا وقفت علي قمر المنتصف "عربسات 30.5"
يضاف إليه زاوية الديكلينيشن "الميل أو التصحيح "
حضرتك علي خط عرض حوالى 31.2 تضيف 5 درجات تصحيح أو ديكلينيشن فتصبح 36.2 من الأفقى ، 53.8 من الرأسى
وقياسك صحيح

والأستاذ أحمد بيقيس من المحور الرأسى كما تفعل كل المواقع
كما أن الموقع الذى يشرح عليه فى أسيوط ، بينك وبينه 4 درجات
ومن هنا كان اللبس

ملحوظه هامه عن زاوية الديكلينيشن هى هامه ولكن ليست بهذه الخطوره ، حضرتك بتضبط الطبق علي أفضل إشاره فى الإتجاه الرأسى علي قمر المنتصف
سواءا كان ال يو يتضمن زاوية التصحيح أم لا
وأصل زاوية التصحيح هو أنه نظريا لو حضرتك علي خط الإستواء يكون مدار الأقمار فوقك مباشرة ويكون وضع طبقك ع الطبيعه نفس وضعه ع السفره
لكن كلما إتجهت شمالا وجب عليك إمالة الطبق ليظل مواجها مدار الأقمار بنفس مقدار خط العرض لموقعك
لكن هناك ملاحظه أن زوايا خط العرض محسوبه من على سطح الأرض ، أما الأقمار فميلها يكون من مركز الأرض
وبالتالى كلما إتجهت شمالا زادت الزاويه علي سطح الأرض عنها من مركز الأرض ومن هنا جاء مفهوم زاوية الميل أو التصحيح
ويمكن حسابها لو لديك معرفه بسيطه بحساب المثلثات لكن هناك جداول جاهزه مثل التى أوردها أخى أحمد جمال

[المهندس/احمد جمال]

استاذ شريف متابعه ممتازه لموضوع مهم رفعتلك احدثيات مكانى من برنامج جوجل ارث
ممكن شرح عليه لو امكن

[عبده نصر]

بانتظار رد الاستاذ /شريف كل الشكر والتقدير

[midomorad222]

شكر على الاطلالة اللى مشرفنا بينها الحاج شريف

[شوشة]

ممنوع وضع اى رابط دعائى لمنتدى آخر
مصراوى سات يتم النقل منه ولاينقل
وارجومن حضرتك الالتزام فيمابعدبقوانين المنتدى
الرجاءعدم التكرارحتى لاتعرض نفسك للايقاف

[waleed omar]

المشاركة الأصلية كتبت بواسطة شوشة

للإفادة شرح فديو للموضوع
?v=

الفيديو فيه دعاية لمنتدى اخر

[abdo awni]

شكرا للشرح الوافى وتقريبا الموضوع ده اتى فى وقته لأن انا من يومين بس حليت طبقى 180 ستار بورت ecc وحليت البولار بالكامل مسمار مسمار ولاقيت حاجة غريبة فى حرف u فيه ناحية طويلة عن التانية يعنى الفتحتين اللى بيبات فيهم المسمار مش قصاد بعض ومش فاهم ليه مع ذلك كنت استقبل المدار من 30 غرب الى 68 شرق وذلك لوجود مبانى يمين ويسار الطبق فقررت اضبط الفتحات ديه وفعلا ظبطا قصاد بعد عند الحداد مش عارف ده هيأثر فى الطبق ولا لأ ولسه ماركبتش الطبق لدلوقتى

[الحاج شريف]

المشاركة الأصلية كتبت بواسطة 00ahmedgamal

[CENTER][SIZE="7"][I]

استاذ شريف متابعه ممتازه لموضوع مهم رفعتلك احدثيات مكانى من برنامج جوجل ارث
ممكن شرح عليه لو امكن

الصوره أخى الكريم ليست لموقعك بالإسكندريه
هذه صوره لموقعك بالإسكندريه
من برنامج dishpointer

فى الصوره تجد إحداثيات الموقع
خط العرض 31.2 درجه
خط الطول 29.9 درجه
ومنه نستنتج أن أقرب قمر للمنتصف هو عربسات 5 علي 30.5 أى أقرب قمر إلى خط الطول وهو ما يتجه إليه الخط الأخضر فى الصوره

كيفية حساب زاوية الرأسى "Elevation "
زاوية الرأسى فى المواقع عامة تحسب من الإتجاه العمودى علي الطبق كما فى الصوره التاليه



ولحساب الزاويه نتابع هذه الصوره



ومنها تلاحظ لو أن موقعك P على سطح الأرض فتكون الزاويه C فى مركز الأرض هى نفسها زاوية خط العرض بالدرجه
ولكن زاوية الرأسى Elevation علي سطح الأرض أكبر من زاوية خط العرض بمقدار صغير عند رأس المثلث s أى موقع القمر
ومن الهندسه العاديه مستوى إعدادى فى المثلث spc الزاويه الخارجه عن المثلث P تساوى مجموع الزاويتين الداخلتين S,C
أى أى زاوية الرأسى الحقيقيه علي سطح الأرض تساوى زاوية خط العرض زائد زاويه الديكلينيشن أو التصحيح
نحن لدينا زاوية خط العرض للإسكندريه وهى 31.2 درجه
من جدول حساب زاوية الديكلينيشن نجد ما يقابل هذه الزاويه حسب الصوره التاليه وهو حوالى 5.1 درجه
لو جمعنا زاوية خط العرض 31.2 زائد الديكلينيشن 5.1 تصبح زاوية مستوى الطبق من الأفقى 36.3 درجه
ونفس الزاويه فى الإتجاه العمودى علي الطبق تساوى 90-36.3 أى 53.7 درجه وهى نفس الزاويه التى أعطاها برنامج ال dishpointer تقريبا



الخلاصه
لو حضرتك وضعت المنقله مثل ما فعل الأخ ميدو فستقيس زاوية مستوى الطبق وتتكون من جزئين زاوية خط العرض زائد زاوية الميل أو التصحيح ديكلينيشن
لكن فى المواقع كما فى أول صوره ستجد أن الزاويه المذكوره هى زاوية العمودى علي مستوى الطبق مع الأفقى ، أى الزاويه المتممه لزاوية مستوى الطبق
فى الأطباق المصريه لا تشغل بالك بزاوية الديكلينيشن فقد ضمنها صانعو الأطباق فى حرف اليو فجعلوه أطول من الخلف عنه فى الأمام ليصنع 5 درجات تقريبا كمتوسط
وفى هذه الحاله يمكنك ضبط المحور الذى يدور حوله الطبق على زاوية خط العرض عندك بتقريب معقول فى الدلتا والإسكندريه
قد يفرق معاك درجه عند أسيوط ودرجتان عند أسوان

[المهندس/احمد جمال]

ممكن استاذ شريف مشرفنا الغالى
تعمل جدول للاغلب المحافظات
ارتفاع وش طبق كام
وزاويه ميل بولار كام
واكيد هتكون مرجع شامل للتركيب
لان شغل هندسه صعب علينا ههههه

[المهندس/احمد جمال]

واكيد هتكون ادق من الموقع
لاكن موقع مش جايب كل محافظات

[عبده نصر]

بانتظار رد المهندس/ شريف بعمل زاويه الميل للطبق لكل محافظه على الاقل وشاكرين له على المجهود العظيم

[عصام باشا2012]

وياريت طريقة وضع الزاويه علي البولر وعلي الطبق الطريقه الصحيحه ياريت بالصور

[الكينج علي]

طريقة وضعه الزاويه ازاي لكي تعطيك قياس صحيح