[biko_73]

المشاركة الأصلية كتبت بواسطة asharif

اهلا بيك اخى الكريم سؤالى الحقيقه ماكانش عن خطوات العمل ولو انها مفيده للمتابع
سؤالى هل أفادت التعديلات فى ثبات الطبق بمعنى هل مازال يمكن تحريكه باليد فضلا عن الرياح هذا ما كنت أسأل عنه
وفى الأخير تحياتى لحضرتك

نعم / حاج شريف أفادت بنسبه 85 %
في يوم عاصف مثل اليوم الاشارة تتأثر بشوية اهتزاز في حدود 4 - 6 درجه
قبل تركيب أذرع التقوية كانت الاشارة تتذبذب الي الصفر
الآن ليس هناك تقطعات في الصورة
تحياتي لحضرتك

[™Mohamed Badr™]

المشاركة الأصلية كتبت بواسطة biko_73

شكراً جزيلاً لكل الاخوة الكرماء الذين تفضلوا بالرد والمشاركة بمقترحاتهم وبالأخص الحاج / شريف
دايماً صرح مصرواي لا يبخل بالمعلومة والإفاده بالمعرفه
الحمد لله تم تنفيذ أقتراح الحاج / شريف

والاستعانه بفكره ا / علاءدش101 بأستعمال عود حامل الرفوف

وتم ايضاً ملئ الماسورة بالحصى والاسمنت

حضرتك عملت الفكره دي بنفسك ولا روحت لحداد مثلا او حد يعملها؟ بالنسبه ليا انا عندي طبق متر بريفيكس هل المقاسات بتكون نفس اللي حضرتك كاتبها كده ولا بتتغير؟ ارجو الرد من حضرتك وشكرا مقدما

[biko_73]

المشاركة الأصلية كتبت بواسطة ™Mohamed Badr™

حضرتك عملت الفكره دي بنفسك ولا روحت لحداد مثلا او حد يعملها؟ بالنسبه ليا انا عندي طبق متر بريفيكس هل المقاسات بتكون نفس اللي حضرتك كاتبها كده ولا بتتغير؟ ارجو الرد من حضرتك وشكرا مقدما

اخي الكريم / محمد بدر
قمت بشراء عودين حامل الارفف
وقمت بتركيبهم بدون احتياج لحداد وده اللي قامت عليه الفكرة عدم الاحتياج الحداد من خلال خامة جاهزة
- الطبق بتاعي متر النوع بريفكس انشاء الله نفس الأبعاد والاطوال

[™Mohamed Badr™]

المشاركة الأصلية كتبت بواسطة biko_73

اخي الكريم / محمد بدر
قمت بشراء عودين حامل الارفف
وقمت بتركيبهم بدون احتياج لحداد وده اللي قامت عليه الفكرة عدم الاحتياج الحداد من خلال خامة جاهزة
- الطبق بتاعي متر النوع بريفكس انشاء الله نفس الأبعاد والاطوال

اولاً شكرا لحضرتك جدا ع الرد ثانيا ازاي اخرم الطبق من الجنب كده ب شنيور ولا ايه بالظبط؟ وتوسيع الفتحه بتاعت حامل الارفف عشان تبقي ع قد صاموله الدش ازاي بردو؟

[biko_73]

المشاركة الأصلية كتبت بواسطة ™Mohamed Badr™

اولاً شكرا لحضرتك جدا ع الرد ثانيا ازاي اخرم الطبق من الجنب كده ب شنيور ولا ايه بالظبط؟ وتوسيع الفتحه بتاعت حامل الارفف عشان تبقي ع قد صاموله الدش ازاي بردو؟

الاخ الكريم / محمد بدر ربنا يبارك فيك تحت امرك
- بالنسبة للتثبيت بالطبق اشار الحاج / شريف الي عمل فتحة بالشنيور بمسمار 10 من كل جانب مع وردة زنق وصاموله ولكني استسهلت بتركيب مسمار برمة صاج وهي المسامير الصيني السوداء ذات سن قوي
بالضغط عليها مع الربط ستثقب الصاج الخاص بالطبق من الجانب
- بالنسبة لتوسيع الفتحة الخاصة بالعود بواسطة الشنيور بنطة 10 بس ثبت العود كويس علشان ما يتحركش وقوم بتوسيع الفتحة حتى تسمح بدخول مسمار 13 من ناحية الماونت .

[جوهركامل]

ماشاءالله عليك ياحاج شريف بارك الله فيك
موضوع مهم ومفيد
وبعداذنك يستحق التثبيت
مثبت

[biko_73]

شكراً للمشرف المميز بقسم التركيبات و الدش المركزى ا / جوهركامل
على التثبيت
جعله الله في ميزان حسنات كل من افاد بمعلومه للمساعدة

[afndy100]

ما شاء الله مجهود رائع وتبادل خبرات وشرح مميز لموضوع قيم جدا
جزاكم الله عنا خير

[zendo]

الحل فى تثبيت القاعده جيدا باسمنت وملىء الماسورة من الداخل باسمنت هى اهم عوامل ثبات الطبق بداء من المتر وما فوق الاساس هو قاعده الطبق ثبتها جيدا تنتهى المشاكل

[احمد محمود عبد العاطي]

المشاركة الأصلية كتبت بواسطة جوهركامل

ماشاءالله عليك ياحاج شريف بارك الله فيك
موضوع مهم ومفيد
وبعداذنك يستحق التثبيت
مثبت

اشكرك علي تثبيت هذا
الموضوع الهام والذي يعتبر مرجع
لكل من يحتاج معرفة تفاصيله
و بارك الله فيك
وارجو ان يثبت لاطول فترة ممكنة
ملحوظة انا الي الان لم اعمل هذة الفكرة الممتاز
لكن قريبا لما الجو يتحسن باذن الله وشكرا مرة اخري

[aaa111]

عمل ممتاز ربنا يوفق

[العقرب الملكي]

شكرا وموضوع محترم ومجهود رائع جدا

[ashmawy1901]

فكره ممتازه
وعمل ممتاز ومفيد في الوقت الحالي ... الرياح شديد وتحتاج الي تثبيت جيد للاطباق
شكرا

[محمد ياسـين]

اهم حاجة فى التركيب انك تركب كل مسامير الطبق بالورد فى الطبق من الامام لازم تركب 4 وردة كبيرة فلافل كبيرة لمنع الاهتزاز فى الهواء وورد متوسطة لباقى المسامير ثم ملى ذراعLNBبالاسمنت او على الاقل الجزء الاسفل من الذراع اللى هو بيتاكل من الدوران ثم ملى القاعدة بالاسمنت بس بدون جبس بعد التثبيت طبعا بالشنيور انا عن نفسى بركب كدة وانسى الطبق فى الشتاء والهواء تحياتى لكم

[الحاج شريف]

للأسف بعض الإخوه يستهينوا بتأثير الرياح على الأطباق الصغيره ذات الخامه الرقيقه
فى الأطباق الكبيره ذات الخامه السميكه لا نلاحظ أى تأثير للرياح على الطبق طالما مثبت بعنايه ومربط بدون أى بوش
لكن فى الأطباق الصغيره مهما فعلت لتثبيت الإستاند فإن الطبق يهتز حول محوره يمينا ويسارا لأى سبب
وأى فنى جيد يتأكد من كفاءة الضبط بالضغط بإصبع واحد على إتجاهات الدش الأربعه ليعلم أنه توجيهه مضبوط تماما
أقول بإصبع واحد وهو مالا يستطيع فعله مع الطبق الكبير كما نعلم
وحتى أوضح وأقارن بين الضغط على الطبق الصغير بالأصابع وقوة ضغط الريح أذكر ما يلى
تحسب قوة ضغط الريح بضرب مربع سرعة الريح (متر/ ثانيه) × وزن المتر المكعب من الهواء×معامل التسطح × 0.5
وكمثال عملى ريح متوسطه سرعتها 36 كيلومتر /ساعه أى ( 10 متر /ثانيه ) ، وطبق من نوع متر برفكس مساحته الفعليه نصف متر مربع
قوة الريح المؤثره على الطبق عند سرعة 36 كم / ساعه
= 100(مربع سرعة الريح) × 1.25(وزن متر الهواء) × 1.2(معامل التسطح لطبق مقعر)×0.5 ×0.5 (مساحة الطبق بالمتر المربع) =37.5 كجم
لكن لو تضاعفت السرعه عند العواصف فأصبحت 72كم / ساعه أى 20 متر / ثانيه فإن النتيجه تتضاعف 4 مرات لتصبح 150 كجم

هنا قارن حضرتك بين الضغط بإصبعك الذى يحرك الطبق وبين ضعط الريح فى حالة العواصف الذى يصل ل 150 كجم

لو قدر لأحدكم رؤية الطبق الصغير عند الريح الشديد أو العواصف لوجد أن الطبق مش بيهتز بل بيرتعش ولا يثبت على حال
ارجو أن أكون قد أوضحت ويمكنك للجميع المناقشه والإعتراض والله أعلى وأعلم