[™Mr.Mahmoud™]

موضوع رائع وشرح وافي حاج شريف

تحياتي لك ياغالي

[alamogy]

المشاركة الأصلية كتبت بواسطة asharif

أهلا أخى علاء مرحبا بك
بالنسبه لسؤالك هل الحلقات المدمجه الأصليه هى الأفضل على كل الأطباق
الإجابه لا لا توجد حلقات بعددها ومكانها تناسب كل شىء فهذه من طبائع الأمور لكن يمكن تغيير مكانها إن إحتجنا إلى ذلك ولكن لا أؤيد تكبيرها

أما ماهو أفضل مقاس للتعديل فهذا سؤال غير مفهوم
أفضل مقاس لإستقبال أى حزمه من الترددات ؟ أنت تعدل الزور لتحصل علي ماذا ؟
إذا كان المقصود هو رفع كل الترددات فهذا والله أعلم من رابع المستحيلات ومن يدعى ذلك فهو واهم
لكن إذا صادف تعديل ما حزمه الترددات التى ترغب فى إستقبالها فهو تعديل جيد ولكنه ليس التعديل الوحيد
وهذا يشبه سؤال ما أفضل مقاس فى الثياب ستجد أن الإجابه لكل شخص هى المقاس الذى يناسبه
وأضرب لك مثالا عمليا : توجد حزمتان من الإرسال التليفيزيونى هما VHF , UHF ولا يمكن إستقبالهما بكفاءه علي ايريال واحد لكن يجب إستخدام إيريال لكل حزمه علي حده
بالرغم من أن الفرق بينهما ليس كبيرا فحزمه VHF تبدأ من حوالى 74 ميجا إلى حوالى 230 ميجا وتغطى قنوات من 4-11 فى بعض الأنظمه ومن 5-12 فى أنظمه أخرى
وحزمه UHF تبدأ من حوالى 470 حتى حوالى 870 ميجا وتغطى قنوات من 21-69
وكما ترى الفرق بين الحزمتين حوالى 240 ميجا
لكن فى حالتنا نحن نستقبل علي نفس العدسه كما ذكرت من 10700 حتى 12750 ميجا بفرق يتجاوز 2 جيجا ؟؟
فلا يمكن لأى عدسه علي الإطلاق أن تستقبل هذا المدى الواسع بنفس الكفاءه ولذلك نلجأ للتعديل لتقويه مناطق بعينها
وأذكر أنى ذكرت لك من قبل أن شركه نورسات حلت هذه المشكله بأن قسمت المدى الترددى إلى 3 حزم
من 10950-11700 ومن 11700-12250 ومن 12250-12750 وبذلك سهلت تصميم عدسات تناسب كل باند
وهناك مثال واضح لفشل العدسات الجيده فى إستقبال كل الترددات
وهو فشل عدسه البرفكس اللبنى الشهيره وعدسه الإنفرتوبلاك ألترا
فى إستقبال الZDF الألمانيه علي الأسترا 1 بدون تعديل
ويمكنك مراجعه موضوع الأخ حوده Hoda 1000 فى إستقبال الأسترا 1
لكن يمكن بعد التعديل إستقبال هذه القناه لكن بالطبع علي حساب ترددات أخرى
وانا لى إقتراح عند حضرتك فى موضوع تكوين قاعدة بيانات للتعديلات
أنه يجب أن تشمل البيانات بالإضافه إلى مقاسات الطبق ونوع العدسه ومقاس تعديلها ،
أن تشمل أيضا ماهى حزمه الترددات المستهدف تقويتها وكيف كانت نتيجه التعديل بالنسبه لها

وأنا يا أخى العزيز هدفى من هذا الموضوع بيان كيف يعمل التعديل وأنه لا يحسن كل الإشارات
وكيف يمكن ضبطه لإستقبال الترددات التى نريدها
حياك الله يا أخى الكريم

شكرا على ردك اخى الحاج شريف
بالنسبه لعدسه بريفيكس سؤالى هل توجد ماركه عالميه اسمها بريفيكس؟
ام انها ماركه ابتكرها ابو العزم؟
وبخصوص البريفكس اللبنى ماهو سبب توقف انتاجها؟
وهل كانت مجرد (لفت نظر) للسوق المصرى لوجود هذه العدسه ولرخص ثمنها قررت الشركه وقف انتاجها؟
وبخصوص فشل العدسات فى استقبال zdf
انا اشبه التعديل بعمليه الفيمتو لزيك
قبل العمليه المريض يعانى من قصر النظر مثلا ولا يستطيع القياده ليلا او رؤيه العلامات الارشاديه للطريق وبعد العمليه يستطيع القياده بدون نظاره
وهذا هو التعديل
قبل التعديل العدسه ترى جزء من الطبق لانها فى الاساس مخصصه لاطباق ال offset وبعد تعديل وبالغاء الجزء الامامى من العدسه (البوق) الذى يحجب رؤيه الطبق بالكامل نستطيع رؤيه الطبق بالكامل
وفى اعتقادى التعديل الصحيح هو ضبط ال beamwidth للعدسه حتى تناسب ال f/D للطبق
وبالتاكيد سوف نستقبل قنوات لم نكن نستطيع استقبالها قبل التعديل
اى تردد بالذات اى حزمه بالذات؟
مش مهم
المهم اننا عملنا العمليه والعدسه باءت تشوف من غير نظاره هههههه
وللتاكيد على كلامى عندما قامت شركه انفاكوم بعمل الفيد ذو الحلقات المتغيره لم توزع كتالوج مثلا انه عند ضبط الحلقات على بعد معين سوف تستقبل تردد معين او حزمه معينه
نفس الشىء بالنسبه للعدسه اللى جايه من المصنع بها فيد مدمج ذو حلقات ثابته
لا ياتى معها كتالوج ان هذه العدسه سوف تستقبل تردد معين او حزمه معينه
لم يحدث

[فني تركيبات]

استاذ الشريف
اتقنت فأبدعت فأنجزت
لا يوجد مايقال بعد ذلك
بارك الله فى صحتك واولادك

[المهندس كرم ستالايت]

المشاركة الأصلية كتبت بواسطة alamogy

مجهود ممتاز اخى الحاج شريف
بالنسبه للصوره الاولى اللى على اليمين اسمه conical feedhorn او فيدهورن مخروطى مخصص للاطباق ال offset
الصوره اللى فى المنتصف بنقرب الحلقات من زور العدسه لان f/D للطبق اكبر من الصوره اللى على الشمال اللى وهو طبق غويط f/D صغير بنبعد الحلقات عن الزور
دلوقتى فى مقوله شهيره الناس بتقولها ان العدسه اللى جايه من المصنع فيها فيدهورن مدمج نتائجها حتميا ممتازه على جميع الاطباق ال Prime focus
هل الكلام ده صحيح؟
وتعليقى على العدسات التى اعطت نتائج بعد التعديل سؤالى عن العدسه بريفيكس
من فضلك تقولنا التعديل على 7.5 سم لطبق قطره وعمقه كام سم
لان الاخوه الكرام عبده مرسى وقاهر قاموا بالتعديل على 9.5 سم واحصلوا على نتائج ممتازه

وياريت كمان بالنسبه للانفرتو بلاك الترا التعديل كام سم والطبق المستخدم

نعم اخى الموجى افضل تعديل لقطعة بريفكس كانت 9.5سم
تقبل تحياتى

[alamogy]

المشاركة الأصلية كتبت بواسطة قاهر2

نعم اخى الموجى افضل تعديل لقطعة بريفكس كانت 9.5سم
تقبل تحياتى

اشكرك اخى قاهر وتم اضافه هذا التعديل فى الموضوع
تحياتى لك

[ayaayatalaa]

مجهود كبير وعمل رائع

[الحاج شريف]

المشاركة الأصلية كتبت بواسطة hoda1000

موضوع رائع وشرح وافي حاج شريف

تحياتي لك ياغالي

شكرا لك أخ حوده بارك الله فيك

[ahmednabih21]

انا عندى قطعة ستاربورت وحلقات فوجى وطبق180 ecc ,ومكانى البحيرة وقناة vox مش بتيجى ولما بتظهر صباحا بتقطع عايز اعدل القطعة الاستار بورت ومش عارف ارجو المساعدة؟؟؟؟؟؟؟؟؟؟؟؟؟

[حماد]

تم التثبيت اخى شريف وذالك للفائدة بارك الله فيك.............

[المهندس كرم ستالايت]

المشاركة الأصلية كتبت بواسطة alamogy

اشكرك اخى قاهر وتم اضافه هذا التعديل فى الموضوع
تحياتى لك

بارك الله فيك اخى الموجى

[الحاج شريف]

المشاركة الأصلية كتبت بواسطة محمد ناصرر

ربنا يزيدك من علمه ياحاج شريف

ربنا يتقبل دعاءك بارك الله فيك : أخبار مشروعنا إيه ؟

[الحاج شريف]

المشاركة الأصلية كتبت بواسطة alamogy

شكرا على ردك اخى الحاج شريف
بالنسبه لعدسه بريفيكس سؤالى هل توجد ماركه عالميه اسمها بريفيكس؟
ام انها ماركه ابتكرها ابو العزم؟
وبخصوص البريفكس اللبنى ماهو سبب توقف انتاجها؟
وهل كانت مجرد (لفت نظر) للسوق المصرى لوجود هذه العدسه ولرخص ثمنها قررت الشركه وقف انتاجها؟
وبخصوص فشل العدسات فى استقبال zdf
انا اشبه التعديل بعمليه الفيمتو لزيك
قبل العمليه المريض يعانى من قصر النظر مثلا ولا يستطيع القياده ليلا او رؤيه العلامات الارشاديه للطريق وبعد العمليه يستطيع القياده بدون نظاره
وهذا هو التعديل
قبل التعديل العدسه ترى جزء من الطبق لانها فى الاساس مخصصه لاطباق ال offset وبعد تعديل وبالغاء الجزء الامامى من العدسه (البوق) الذى يحجب رؤيه الطبق بالكامل نستطيع رؤيه الطبق بالكامل
وفى اعتقادى التعديل الصحيح هو ضبط ال beamwidth للعدسه حتى تناسب ال f/D للطبق
وبالتاكيد سوف نستقبل قنوات لم نكن نستطيع استقبالها قبل التعديل
اى تردد بالذات اى حزمه بالذات؟
مش مهم
المهم اننا عملنا العمليه والعدسه باءت تشوف من غير نظاره هههههه
وللتاكيد على كلامى عندما قامت شركه انفاكوم بعمل الفيد ذو الحلقات المتغيره لم توزع كتالوج مثلا انه عند ضبط الحلقات على بعد معين سوف تستقبل تردد معين او حزمه معينه
نفس الشىء بالنسبه للعدسه اللى جايه من المصنع بها فيد مدمج ذو حلقات ثابته
لا ياتى معها كتالوج ان هذه العدسه سوف تستقبل تردد معين او حزمه معينه
لم يحدث

أهلا بيك أخى علاء ومرحبا دائما
بالنسبه لبرفكس وأبو العزم الحقيقه لا أعلم ولم أبحث فى ذلك
أما إن تغيير البوق لعدسه أوفست بحلقات مثل حلقات البرايم فكلامك صحيح تماما وإحنا كده متفقين
بمعنى إنك إذا ركبت حلقات فى مكانها الصحيح المناسب لطبقك فحتشوف الطبق كله فقط ومش حتلم ضوضاء من حول الطبق وحتحسن كل الترددات
زى اللى عنده قصر نظر وركب نضاره أو عمل ليزيك زى مابتقول كان بيشوف خيالات وأصبح بيشوف أفضل لكن ده الجزء الأول من التعديل
تعديل الزور بيديك إمكانيه تحسين بعض الترددات المطلوبه وطبعا بيضعف غيرها وأحيانا بيديك مسافه تركب عليها الحلقات أرجو أن نكون متوافقين علي هذا الجزء أيضا

[الحاج شريف]

المشاركة الأصلية كتبت بواسطة قاهر2

نعم اخى الموجى افضل تعديل لقطعة بريفكس كانت 9.5سم
تقبل تحياتى

أهلا بيك أخى قاهر 2
الحقيقه أنا متلخبط إنت مين هل أنت كرم او كيمو اللى هو عمرواحمد21 بتاع طنطا برضه ؟ أم كيمو ثانى فى جميع الأحوال مرحبا بك
أنا كنت لسه بقول فى نفس المداخله اللى إنت رديت عليها الرد ده إنه لما نقول أفضل تعديل يبقى يلزمنا نحدد معيار الأفضليه
أفضل فى ماذا ؟
حضرتك لما بتشترى عربيه فى معايير للتفضيل بتشترى علي أساسها
مثل السعر ،السعه اللتريه ، بلد المنشأ ، التكييف ، ناقل السرعات ، الكاسيت ، الإنذار ، الفرامل ، سعه الصالون ، سعه الشنطه،إستهلاك البنزين ، قطع الغيار ، خدمه ما بعد .........
لكن فى التعديل لما نقول التعديل ده أفضل لازم نكمل أفضل فى إستقبال إشارات أسترا 1 الضعيفه مثل البين سبورت أو غيرها
لكن أفضل كده من غير تفصيل كل واحد ممكن يقول علي تعديله الأفضل لأنه حقق له إستقبال القنوات اللى هو عايزها
كده مافيش معيار نقارن بيه بين التعديلات
لكن إن كان قصدك إنه أفضل فى كل الترددات فهذا مستحيل ولم يقل به كل من قاموا بالتعديلات بالتأكيد عدد الترددات التى تضعف أكثر من التى تقوى
ثم إنى لم أزعم أن التعديل علي 7.5 للبرفكس اللبنى أفضل فى أى شىء أنا قلت بعض الإخوه عدلوها علي كده وأفادت فى ZDF والأفقى فى نهايه الباند وكذلك البين سبورت
كذلك المطلوب من حضرتك لما تقول الأفضل علي 9.5 تقولنا أفضل فى أى ترددات
مع تحياتى لحضرتك

[الحاج شريف]

المشاركة الأصلية كتبت بواسطة ayaayatalaa

مجهود كبير وعمل رائع

شكرا ليك أبو آيات بارك الله فيك

[الحاج شريف]

المشاركة الأصلية كتبت بواسطة ahmednabih21

انا عندى قطعة ستاربورت وحلقات فوجى وطبق180 ecc ,ومكانى البحيرة وقناة vox مش بتيجى ولما بتظهر صباحا بتقطع عايز اعدل القطعة الاستار بورت ومش عارف ارجو المساعدة؟؟؟؟؟؟؟؟؟؟؟؟؟

التعديل يا أخى يلزمه قياس أبعاد القطعه الخمسه كما ذكرت فى أول الموضوع ثم تحديد الترددات المطلوب تحسينها
وعلشان أفصل ممكن حضرتك تجيب مسطره بلاستيك وتقصها لأول التدريج وتقسمها نصين بالطول وتقيس بيها هذه الأبعاد ، وتحدد الترددات المطلوبه
لكن مش هو ده الهدف من الموضع المعروض هنا ، الهدف إنك تتعلم الطريقه صح على أساس علمى دقيق
تطبيقا لسياسه المنتدى المعلنه فوق الصفحه: إن المنتدى للأغراض التعليميه فقط