[elfox]

يا اخى الغالى انا كنت باركب الطبق المتر من اول ما طلع من حوالى اكثر من 10 سنين كان ب30 جنيها النهاردة المفروض لا يقل عن 50 جنيها مع ارتفاع الاسعار

[ELShehawy SAT]

انا عن نفسى تركيب النايل سات 50 ج وتركيب 4 اقمار اوربى + يوتلسات 7 شرق و9 شرق بعدسة واحدة + النايل سات + البلغارى او اى اربعة اقمار مطلوبة على الطبق المتر ب200ج

[sherif2010]

سؤال بسيط
حضرتك وانت بتشترى الطبق والجهاز قدرت تفتح بوقك مع صاحب المحل عرفت تنزل منه جنيه
طبعا لا
طب ليه جيت على الفنى اللى هيصب ويركب ويوصل ويرتب والدنيا وقفت والجنيه بقاله سعر
اقولك ليه
لان حنابك جيت على الحلقه الاضعف فى الموضوع كله وعايز تاكل وتشرب وتغمس عرقه كمان
20 ايه و30 ولا حتى 50 ايه اللى بتكلم فيها هو مفروض الفنى يراعى ظروف الناس لانهم غلابه والفنى ده ملياردير ماشى يرمى فلوسه شمال ويمين
الفنى راجل شغال بدراعه وصحته وبرضه الدنيا داقت عليه والاسعار عليت وعايز ياكل ويشرب ويصرف على بيته زى بقيت الناس

[amirtato]

اقسم بالله انت راجل برنس وجبت من الاخر

[7amodo]

المشاركة الأصلية كتبت بواسطة sherif2010

سؤال بسيط
حضرتك وانت بتشترى الطبق والجهاز قدرت تفتح بوقك مع صاحب المحل عرفت تنزل منه جنيه
طبعا لا
طب ليه جيت على الفنى اللى هيصب ويركب ويوصل ويرتب والدنيا وقفت والجنيه بقاله سعر
اقولك ليه
لان حنابك جيت على الحلقه الاضعف فى الموضوع كله وعايز تاكل وتشرب وتغمس عرقه كمان
20 ايه و30 ولا حتى 50 ايه اللى بتكلم فيها هو مفروض الفنى يراعى ظروف الناس لانهم غلابه والفنى ده ملياردير ماشى يرمى فلوسه شمال ويمين
الفنى راجل شغال بدراعه وصحته وبرضه الدنيا داقت عليه والاسعار عليت وعايز ياكل ويشرب ويصرف على بيته زى بقيت الناس

انا قولت ان الاسعار كلها متقاربه و مش باجى على حد و لا ده قصدى القصد عدم الاستغلال ليس اكثر و انا عن نفسى حتى فى شراء القطه لشخصى بشترى المستعمل

[abdallh samy]

تركيب نايل سات 100جنيه نايل واوروبي 175جنيه والصيانه 75 بضمان شهر مدينه نصر واللي مش عاجبه يركب بره

[tmorgan]

انا كنت عايز واحد يجي يعيد تظبيط مدار طبق240 متحرك واحد طلب 250 جم و في واحد تاني طلب 150 جم ولسة مجبتش حد بس عايز واحد حريف الصراحة عشان الاقمار الضعيفة ...

[م/محمد صالح]

الشغلانة باظط من زمان والناس لا تميز بين الفنى والهاوى والكل بيضرب فى الكل

[سامى شمس]

بصراحة موضوع ممتاز وياريت الناس تستفيد من النصيحةوتتعلم حاجة تفيدها علشان الموضوع مش كيمياء .

[abdallh samy]

طب ماتيجي نقيس شغلنا مع شغلانه تانيه انا جبت سباك غيرلي شطافه الحمام عايز 100 جنيه في 5 دقايق وجبت نجار علشان يظبطلي دولاب المطبخ وكام مسمار هيتربطوا مش هياخد في ايده ربع ساعه لقيته بيقولي عايز 350 جنيه هو في ايه والنبي ارحمونا من المواضيع اللي ملهاش لازمه

[darsh]

المشاركة الأصلية كتبت بواسطة abdel salam

نرجوا من السادة المشرفين والاداريين غلق الموضوع ده لانه سوف يؤدى الى صدامات نحن فى غنى عنها ومنتدانا الغالى ارفع من كده بكتير

اى صدامات العضو المحترم
الناس بتتكلم معى بعضها بكل احترام

[محمد الكينج 11]

فى الشرقية
تركيب نايل سات 50 ظبط 20 وعلى حسب الزبون والحالة
نحياتى