[فني تركيبات]

المشاركة الأصلية كتبت بواسطة عادل عامر

انا مش معاك ابو افنان ودى صور ترددين فى نفس الوقت تورينا ان الانيجما بتظبط اداء التيونر
الاشارة على الاسبارك 100% اما على الانيجما الاشارة مظبوطة تماما
بل وقللت من الاشارة مش زودت الاشارة

خلاص ياجميل
انا مصدقك والله وكمان الترومان افضل من الفيوبلص

[عادل عامر]

الفيو كمان
احنا مش قد الاجهزة الغالية خلينا فى المتوسطة والرخيصة

[amrlion]

طبعا اراء اساتذتنا لا تقدر بثمن

ولكن لى رأى صغير بسيط كده


غير ان الاجهزه دى سعرها عالى

ماننساش ان الاجهزه الكيوماكس المختلفه اللى سعرها من 250 ل350 بالكتير

عليها اشتراك ***** يعتبر الاقوى والاكبر فى العالم لمدة سنه ونص تقريبا وبعض الاحيان سنتين

يعنى الاشتراك نفسه اغلى من تمن الرسيفر


ثانيا لما ******* يخلص وتحب تبيع الجهاز لو بعته ب150ج مش هتبقى خسران حاجه


انما الترومان والدريك طبعا اجهزه عاليه بس سيرفرتها سيئه جدااا وبتضطر انك تشترك فى ***** مدفوع محترم ولو حبيت تغير الجهاز هتخسر فيه كتير


ده غير ان انا وناس كتير كل سنه تقريبا بيحب يغير الرسيفر ويحدث بحاجه احدث ودعم اكبر وامكانيات اعلى


تقبلوا تحياتى

[عبدالله مجاهد]

الأخوة الأفاضل / ابراهيم مصراوي وعادل عامر مع احترامي لحفظ الألقاب - انا بدات بابراهيم احتراما لأبجدية الأسماء لأني لم اعرف من منكم الأكبر سنا -- انا تعاملت مع هذين الجهازين -- الترومان بريمر 1 والدريك 7500 من خلال تعاملي معهم بالدعم الفني ( السوفت وير ) الجهازان من ناحية الهارد وير فهما ممتازان وان كان الترومان اعلي شوية في الهارد وير لأن شركة الترومان لها باع طويل في مصر -- اما من ناحية الأوبشن والأسكنز وجمال القوائم فالدريك اعلي شوية من الترومان -- اما من جهة السعر فهما الجهازان المناسبان للسوق المصري فهما فعلا الأعلي سعرا فهما يعملان بالأنيجما ( اللينوكس ) ولكن الكيرنل بهما مختلف عن الدريم بوكس والفيو بلص

[اشرف محمود سيد]

بصرحه ربنا انا جبت الترومان ورجعته وربنا كرمنى ولقيت كيوماكس vhD2 احسن بكتير من الترومان وده راى بس للاسف مش ها تلقى منه التيونر بتاع الكيوماكس ده اعلى من الترومان

[عادل عامر]

السلام عليكم اخى اشرف امتلك الترومان بريمير بلس 1 وامتلك ايضا كيوماكس vhD2
وعملت من فترة مقارنة بينهم على قمر PakSat 1R @ 38° Eas
الكيوماكس لم يلتقط الترددين الذى التقطهم الترومان على السى بند

[عادل عامر]

السلام عليكم اخى اشرف امتلك الترومان بريمير بلس 1 وامتلك ايضا كيوماكس vhD2
وعملت من فترة مقارنة بينهم على قمر PakSat 1R @ 38° Eas
الكيوماكس لم يلتقط الترددين الذى التقطهم الترومان على السى بند

[amrlion]

وبالنسبه للكيوباند أ/عادل هل نفس الموضوع؟

طب هل الكيوماكس لسه عندك؟
لو لسه موجود ممكن نجيب اى تردد ضعيف ونحرك الطبق شويه لغاية ما بتدأ الصوره تتكسر ونركب الكيوماكس ونشوف هل القناه ثابته ام لا تستقبل او نفس تكسر الترومان؟ لان ده هيبقى اختبار حقيقى جداا

[الصعيد الجوانى]

اهلا استاذ عادل واستاذ ابراهيم
انا معايا ترومان توب بوكس2تيونر ومعايا سترونج 4920a
الاسترونج افضل من الترومان
من ناحية الدعم والسهوله وسرعه التنقل والشفرات وكتابة السرفر
وسرعة التعامل مع ********* المدفوعه
التيونر اعتقد لهما نفس التيونر

تحياتى

[satytree]

كم سعر الاسترونج 4920a

[الصعيد الجوانى]

المشاركة الأصلية كتبت بواسطة satytree

كم سعر الاسترونج 4920a

مش هتلاقيه غير في الصعيد
انا دورت عليه لواحد صاحبى في باب اللوق وملقتهوووش

[romany merzik]

عايزين مقارنه بين تيونرات الاجهزة دي
الترومان بريمير 1+ و دريك v3 و وسترونج 4920a و جهاز كيوماكس HD و ياريت يكون معاهم جهاز دريم بوكس و فيو بلس ....

وانا جهازى جاهز للتجربه Drake7500hd v3

[عادل عامر]

طيب يارومانى هنعمل التجربة ازاى
واخى عمرو محتاجين كل الاجهزة دى تكون موجودة عند واحد يجربهم فى نفس الوقت
والشخص دة الاخ ابو جودة
عندة الفيو والترومان بريمير والاتش 5
لو يقدر يعملتا التجربة دى ممكن نقف على الافضل
من بين هذة الاجهزة

[amrlion]

لنكن عمليين برضه يا جماعه لازم تتكلم على الواقع


الاسترونج 4920a غير موجود نهائى ولا يختلف اثنان على قوة صورته وتيونره ولكن لا اثر له فارجو اخراجه من المنافسه

البريمر بلس 1 وجوده نادر جدااا والافضل منه التوب بوكس واحدث
بالااضافه الى ******* بتاعه متوسط الاداء والجهاز بطىء فى حركته وريموته وتمت مقارنة تيونره مره عندى بالكيوماكس الجوكر v1 وكان تيونر الجوكر افضل

فتيونر الترومان ليس سيىء ولكنه ليس الافضل

الرسيفرات الصينى فيها تيونرات جباره وفيها تيونرات زبااله


عندى رسيفر صينى ب75 ج تيونره له حساسيه ودقه وقوه رهيبه

واغلب اجهزة الكيوماكس تيونراتها جيده حتى لو كانت القرائه خاطئه او معكوسه ولكن الحساسيه والقوه جيده جدا


اخيرا

الجهاز يتم تقييمه كله على بعضه


يعنى جهاز بتيونر عالى ب1000ج وسيرفر سيىء ودعم قليل اسوء فى نظرى من جهاز ب275ج عليه اشتراك سنه ونص على اقوى ***** فى العالم زى الجى شير وله تحويلات عديده واشباه عديده يعنى لو خصمنا تمن ******* يبقى الجهاز بدون مقابل مادى



فلازم المقارنه تكون شامله ايضا للسعر والامكانيات

لانه طبيعى جدا جهاز زى الدريم بوكس مثلا باسعاره الباهظه لازم يكون تيونره خارق

فاحنا بنحاول نوصل لافضل المتاح باقل الاسعار

وشكرا

[abougouda78]

المشاركة الأصلية كتبت بواسطة عادل عامر

طيب يارومانى هنعمل التجربة ازاى
واخى عمرو محتاجين كل الاجهزة دى تكون موجودة عند واحد يجربهم فى نفس الوقت
والشخص دة الاخ ابو جودة
عندة الفيو والترومان بريمير والاتش 5
لو يقدر يعملتا التجربة دى ممكن نقف على الافضل
من بين هذة الاجهزة

طيب ينفع التدبيس دا يعنى يا حج عادل هتزعل مننا الناس الحلوة عموما علشان بس انت طلبت الراى للامانة فاليكم الاتى وهى تجربة واحدة فقط على السى باند و على الكيو لل فيو بلص دو1 و الترومان برمير 1 بلس والاتش 5 كيوماكس

اولا التجربة على السى باند
القمر الباكستانى
الفيو بلص 68 قناة فقط ولم يلتقط قنوات اخرى غير ذلك توصيل بسلك نحاس مباشر وملف ترددات محدث ولا يوجد بية البحث الاعمى

الترومان برمير بلس واحد للاسف لم يدعم البحث الاعمى على المدى سى باند واعتقد لابد من ملف قنوات محدث حتى تتم التجربة ولكن خاصية البحث الاعمى تعمل على المدى كيو ولا اعرف السبب جيدا

الكيوماكس اتش 5 شكلا وحجما متحبش اصلا تشيلة فى بيتك لكن بالشغل الحقيقى كانت اكبر مفاجاءة وصاعقة لى

استقبلت القمر الباكستانى بالكامل ما يقرب من 100 قناة ودعم ممتاز وسريع لفك ******* يدويا وبالريموت ويحث اعمى هو الافضل حتى الان فى جميع الاجهزة التى جربتها

وصورتة اصبحت ممتازة مع السوفت 1.26 المحول الية و سرفر بالفعلا جبار يقارع 3 سرفارات مدفوعة لدى هى الافضل فى مصر والوطن العربى

ولا يوجد تهنيج مثلما قيل لى قبل الشراء وبدون مروحة تبريد


التجربة على المدى الكيو القمر استرا1

الفيو بلص رقم 1 بلا نزاع فى حساسية التيونر وجودة الاستقبال

الترومان بريمير لابد من تحديث ملف ترددات الاقمار وعن البحث الاعمى ياتى بنتائج غير مظبوطة وقنوات وترددات خاطئة ولابد من سلك قوى ومحترم حتى يجدى مع التيونر الخاص بة بنتائج مرضية نفس اداء الاسترونج 4930 الاتش دى لما كان عندى


الاتش 5 ممتاز جدااااااااااااا وسريع فى البحث الاعمى متفوق فى السرفر كالعادة صورة الاتش دى ممتاز ولكنها اقل درجة من البريمير والفيو بلص دو1حساسة التيونر اعلى من الترومان برمير بدرجة وتقارب من الفيو الاغلى عشرات الاضعاف فى السعر بالطبع


خلاصة التجربة واتمنى لا اجد من يصدم من كلامى

الفيو بلص لم يهوى الشكليات
الترومان بريمير لمن يهوى بث شبكة قنوات داخلية
الاتش 5 الفول والطعمية بتاعت مصر سرفر جبار صورة ممتازة تيونر جيد سرفر **** ملوش حل وكل دا بثمن سرفر وبالنسبة لى هو ملك السى باند

تحياتى الى الجميع واتمنى محدش يزعل من تجربتى