[denasat]

لا يوجد به مدخل روف ولكن اخى الكريم الشاشة ممتاز جدا جدا جدا والسعر اليوم 1200

[nader1117]

فين الصور مش باينة خالص

[yousif20000]

المشاركة الأصلية كتبت بواسطة nader1117

فين الصور مش باينة خالص

الصورة وضعتها علشان تفضل

مركز تحميل

مركز تحميل

[rabah_youssef]

لو سمحتم الإخوة الكرام

حد عارف معدل التحديث refresh rate الخاص بالشاشة دى كام على ريزوليوشن 1920*1080

لأن ده ضرورى جدا فى تشغيل أى حاجة 3d

لو 120 Hrtz أو أعلى تبقى تشغل 3d

[DreAmO]

لا يا باشا الشاشه مش بتشغل ال 3d .. والمعدل بتاعها 60

معلومة لك : مش شرط ان شاشة المعدل بتاعها 120 تبقى لازم تشغل 3d

لازم الشاشة يكون فيها الخاصية كمان ..

[ahadi]

المشاركة الأصلية كتبت بواسطة raulegy

يا اخ حمادة انا مش ناسى انى مصرى بس انا مشفق على مصر وعلى شعب مصر من الى حاكمين مصر

ولو مزعلك التلفزيون اروح ابيعه من بكرة

ياعم مش هنزعل من بعض علشان شاشة - انا كمان في السعودية وبحب وبموت في مصر واهلها ودي طبيعي علشان دي بلدي .
وكمان عندي شاشة 40 سامسونج فل اتش دي وتليفزيزن وراديو وكمبيوتر وكل حاجة - وسعرها بالمقارنة من مصر اغلي - ولكن هقول لك حاجة - حسب دخلك الشهري - ياتري دخلك زي دخل مثيلك في مصر .
وتحياتي للجميع
احمد - جدة

[rabah_youssef]

المشاركة الأصلية كتبت بواسطة dreamo

لا يا باشا الشاشه مش بتشغل ال 3d .. والمعدل بتاعها 60

معلومة لك : مش شرط ان شاشة المعدل بتاعها 120 تبقى لازم تشغل 3d

لازم الشاشة يكون فيها الخاصية كمان ..

مشكور أخى الكريم على التوضيح

ولكن بخصوص خاصية ال 3d لو بتتكلم على شاشات تيليفزيون يبقى فعلا لازم خاصية ال 3d تكون موجودة

ولكن لو شاشات كمبيوتر فبمعدل التحديث المذكور مع كارت شاشة قوى وحديث وستيريوسكوبك كوديك وطبعا الفيلم ال 3d والنضارة هترى صورة 3d وده عن تجربة شخصية بدءً من الشاشات القديمة crt الى ال

lcd

[sherif_cg]

ياعم الحمد لله ده احنا احسن من غيرنا بكتييييير - ذى اللهم صلى على النبى اسمها ايه دى قول معايا - اه اسمها بالانجليزى egypt عارفها !!!!؟
وبلاش ظلم بقى دى فى القاهرة ب1150 ومعاها صب هدية وسمعت ان فيه منه ب 950 ج
بس على فكرة يا ريت تخليك فى التلفيزيونات احسن ولو قلت معاك فى البوصة يعنى 1200ج ممكن تجيبلك تليفزيون 22بوصة محترم والاسعار رخصت اليومين دوول
وانا شايف ان سامسونج 32بوصة كويس وسعره 2700ج وفيه usb بتشغل كل حاجة حتى hd

[cairodode]

احنا بعد كده منقولش الي

يحيا شعب تونس

رفع راس كل العرب امام العالم

علشان احنا في مصر منعرفش نعمل حاجه الي الكلام والشكوي

بس

وعلي العموم الشعب كله بيتكلم برحتوا
اهم من الكلام هو الفعل

وصدق المثل الي قال

الكلاب تعوي والقافله تسير

[DreAmO]

المشاركة الأصلية كتبت بواسطة rabah_youssef

مشكور أخى الكريم على التوضيح

ولكن بخصوص خاصية ال 3d لو بتتكلم على شاشات تيليفزيون يبقى فعلا لازم خاصية ال 3d تكون موجودة

ولكن لو شاشات كمبيوتر فبمعدل التحديث المذكور مع كارت شاشة قوى وحديث وستيريوسكوبك كوديك وطبعا الفيلم ال 3d والنضارة هترى صورة 3d وده عن تجربة شخصية بدءً من الشاشات القديمة crt الى ال

lcd

انت شكلك بتكلم عن النظام بتاع الصورة لونين ازرق واحمر .. والنضارة اللي عدسة زرقه وعدسه حمرا

النظام دة يشتغل على اي شاشة .. والنضارة انا بعملها على ايدي

لكن انا بكلم على استفسارك الخاص بمعدل الهيرتز وال 3d .. واللي هو مقصود بيه النظام بتاع الشاشة مقصومه نصين زي ما كانت قناة الجزيرة عاملة

الشاشة نفسها بيبقى فيها زرار تتنقل بين تلات اختيارات

1- صورة عادي ( ازالة التقسيم )
2- صورة مدمجه متداخلة ( تلبس النضارة تشوف الدنيا مجسمه )
3- صورة مقسومه اتنين زي ما كانت في الاصل

[sherif_cg]

انا ممكن اضيف شئ
اظن ان شركة سامسونج طرحت تليفزيونات 32 بوصة led وسعرها 4000ج
بس مش بالمعنى لانها كانت عينات وخلاص مش هتنزل منها تانى
اول مقاس من led هو 40 بوصة وده كلام كان من الموكلين ومندوبى البيع فبلاش التسرع فى موضوع led علاشان ابو جد حاجة تانية خالص
وافضل تليفزيونين للموضوع ده باناسونك وده سعره فايت
وبعدين سامسونج ب9000ج
وشكرا لكم

[goldi5days]

ياريت صورة للشاشة

[محمد ثابت]

بمناسبه الكلام على شاشه سامسونج 32 بوصه من يريدها عليه اليتوجه الى باب اللوق وهناك هيلاقيها بسعر 1250 جنيه بس ولو تسمح الادراة اقول اسم المحل او حتى رقم التليفون

[محمد ثابت]

اسف اقصد 23 ههههههههههههههههههههههه ال 32 ب1250 والله تبقى لقطه هههههههههههههه

[DreAmO]

المشاركة الأصلية كتبت بواسطة محمد ثابت

بمناسبه الكلام على شاشه سامسونج 32 بوصه من يريدها عليه اليتوجه الى باب اللوق وهناك هيلاقيها بسعر 1250 جنيه بس ولو تسمح الادراة اقول اسم المحل او حتى رقم التليفون

الشاشة السامسونج اللي الموضوع عليها ب 1200 جنيه حالياً في اي مول كمبيوتر .. لأن هي شاشة كمبيوتر اصلاً

انا كنت جايبها ب 1300 من 6 شهور