[arnoob2009]

انا اشتريت جهاز satlink 7009se جهاز من الاخر تطلع فوق السطح بيه 5 دقائق وتنزل امكانياته جباره ظبط الاطباق وظبط البث الديجتال وظبط كاميرات المراقبه ولا تتعب نفسك في شيل تليفزيون ولا سلك ولا حاجه من دي ودا بالنسبه للفنيين لازم هيحتاجوه في مصر لما يبدأوا يغيروا البث الارضي القديم لبث الديجتال قريب مرفق صوره للجهاز

[هلال]

المشاركة الأصلية كتبت بواسطة ابراهيم مصراوى

للاسف هذا الموضوع لن يفيد كثيرا
لان به عيوب كثيره بعد التجربه الفعليه
طبعا التوصيل بيبقى على جهاز الزبون
1 - بعض اجهزه عند توصيلك السلك لجهازك انت بيحصل رسترا للجهاز مع العلم السلك سليم
2 - فى منتصف شغل التضبيط او التركيب الريسيفر الخاص بك فجأه يبقى على رقم 0
3 - عند قطع الكهرباء طبعا سيادتك هاتفضل قاعد على السطح حتى تأتى الكهرباء
4 - وده الاهم اى غلطه بسيطه فى تلامس الشعر والنحاس عندما يتم تركيب السلك لجهازك
اضمن ان الجهاز اما قطع رأسى او افقى او لمبه حمراء
مع احترامى وتقديرى لصاحب الموضوع

مع احترامى الكامل لحضرتك
اولا-اى رسيفر انت شغال عليه صينى كبير اوصغير باى طريقه بيحصل تلامس فى السلك يقطع قضبيه
ثانيا - لو السلك بتاع الزبون فيه مشكله طيب هيه هيه يعنى لو حضرتك بتركب باى طريقه كان وبعد ماخلصت الصيانه واصبح الطبق ميه ميه
وجيت توصل ولقيت مشكله فى السلك سوف يتم تغيره عادى صح هيه هيه
حضرتك بتكلم على انقطاع الكهرباء طيب ما هو الحل عند حضرتك اعمل ايه اجيب بطاريه طب انهى بطاريه تنفع ما عدا بطاريه الموتوسيكل لانها ثقيله جدا هل فى حل رخيص عملى
والمهم ايه وجهه النظر فى هزا الموضوع
ياسيدى الفاضل الصيانه اصبحت ضعيفه ولازم تكون سريعه يعنى علشان
اعمل صيانه سريعه هى ده الطريقه السريعه ولاتنزيل سلك كهرباء وانت عارف المشاكل دى تنزيل السلك وبعدين تسحبه ولازم الزبون يكون معاك
والحل الاخر هو جهاز الاشاره وانت عارف طبعا سعره كام

[alamogy]

المشاركة الأصلية كتبت بواسطة alamogy

وبدل ماتستخدم خرج الريسيفر هتشترى ادابتور زى ده وتركبه فى الفيشه عندك فى الشقه وتمشى ال 12 فولت لحد السطح عن طريق كابل الدش

طيب حد جرب الطريقه دى؟؟
سيبك من ريسيفر الزبون خالص!!!
خليك فى كهربه الزبون
لا مش تكهرب الزبون !!
انت هتاخد الادابتور بتاعك تقصه نصفين
النصف الاول اللى فيه الترانس توصله بالكهربا اللى فى شقه الزبون
وتوصل سلك الادابتور فى سلك الدش بتاع الزبون تاكد الاول انك فاصل سلك العدسه من السطح
تطلع على السطح ومعاك الريسفر بتاعك توصل الريسفر بتاعك بسلك الدش اللى ماشى فيه الكهربا من شقه الزبون
كده يعنى



حد جربها!!

[فني تركيبات]

المشاركة الأصلية كتبت بواسطة هلال

اجيب بطاريه طب انهى بطاريه تنفع ما عدا بطاريه الموتوسيكل لانها ثقيله

وليه بطاريه الموتوسيكل الثقيله ياغالى
انا شخصيا مركب عدد 2 بطاريه الشاحن على نفس الجهاز
ويتم الشحن عن طريق الكهرباء مثله مثل السات فيندر

[/COLOR]

[هانى خليل]

المشاركة الأصلية كتبت بواسطة ابراهيم مصراوى

وليه بطاريه الموتوسيكل الثقيله ياغالى
انا شخصيا مركب عدد 2 بطاريه الشاحن على نفس الجهاز
ويتم الشحن عن طريق الكهرباء مثله مثل السات فيندر

[/COLOR]

ممكن استاذ ابراهيم طريقه التوصيل بالصور لانى محتاجها جدا

[الحاج شريف]

المشاركة الأصلية كتبت بواسطة هلال

مع احترامى الكامل لحضرتك
اولا-اى رسيفر انت شغال عليه صينى كبير اوصغير باى طريقه بيحصل تلامس فى السلك يقطع قضبيه
ثانيا - لو السلك بتاع الزبون فيه مشكله طيب هيه هيه يعنى لو حضرتك بتركب باى طريقه كان وبعد ماخلصت الصيانه واصبح الطبق ميه ميه
وجيت توصل ولقيت مشكله فى السلك سوف يتم تغيره عادى صح هيه هيه
حضرتك بتكلم على انقطاع الكهرباء طيب ما هو الحل عند حضرتك اعمل ايه اجيب بطاريه طب انهى بطاريه تنفع ما عدا بطاريه الموتوسيكل لانها ثقيله جدا هل فى حل رخيص عملى
والمهم ايه وجهه النظر فى هزا الموضوع
ياسيدى الفاضل الصيانه اصبحت ضعيفه ولازم تكون سريعه يعنى علشان
اعمل صيانه سريعه هى ده الطريقه السريعه ولاتنزيل سلك كهرباء وانت عارف المشاكل دى تنزيل السلك وبعدين تسحبه ولازم الزبون يكون معاك
والحل الاخر هو جهاز الاشاره وانت عارف طبعا سعره كام

الفكره أخ هلال فيها ذكاء وألمعيه وحسن تصرف
لكن ممكن تستخدمها وقت الطوارىء لمخاطرها
ممكن جهاز الزبون مايستحملش سحب الريسيفر بتاعك وتحصل فيه مشكله
ممكن زى ماقال الأستاذ إبراهيم تحصل قفله ويتعرض جهاز الزبون للتلف
وممكن السلك يكون طويل ومايديكش الفولت المناسب لتشغيل جهازك
فكره الإستاذ علاء بأنك تحط الأدابتور بتاع جهازك تحت وتستغل سلك الزبون بدل سلك الآدابتور أأمن
لكن مازال ممكن يكون السلك طويل ومايديكش الفولت الكافى لتشغيل جهازك
والحقيقه أنا لو زبونك مش حاوافق علي التوصيله دى وحافكر فى فنى تانى على طول
كمان أنا مش متصور إنه فنى رايح يضبط جهاز عند زبون رايح طرزان من غير عده فين البريستيج أستاذ هلال وحيبقى شكلى إيه وأنا باحاسب الزبون
لكن لو معايا جهاز محترم أو حتى توليفه زى بتاعت الأستاذ إبراهيم ساعتها حيكون شكلى باشمهندس بجد وحينظر لى نظره تانيه
لكن هذا كما قلت ف الأول لا يمنع من عبقريه الفكره عند الحاجه إليها لكن ماتكونش أسلوب عمل لفنى يحترم شغله
شكرا لفكرتك الجميله بارك الله فيك

[samr386]

فنانين ولكنها مخاطره بجهاز الزبون

[ابوعلاء1]

اوزين صور او فيدي

[فيوتشر مان]

حل اسهل من كده ممكن نأخذ من اى سلك طبق شغال فى السطح والاطباق كتيره

[alamogy]

زى ماقلت الفكره ليست جديده الفكره هى فكره توصيل جهاز ال satfinder
كما بالصور اللى ارفقتها
والحاج شريف بيتكلم مظبوط بالنسبه لنظره الزبون بس الزبون ليه الناتج النهائى وخلاص
كمان انا معنديش زبون لان انا مش فنى
انا بقول فكره توصيل الادابتور لنفسى وكمان اى حد عنده صعب يعرف يوصل كهرباء فوق السطح
هل حد جرب فكره الادابتور ولو نفعت يقولنا العماره كام دور ولو منفعتش يقولنا برده
دلوقتى محدش رد عليا ليه
مفيش جهاز HD بيبين الاشاره بالارقام وسعره كام؟

[الفارس الاوحد]

انا عن نفسى شغلت ريسفير ببطارية 12 فولت تمام

[mr_elsheikh]

ياريت صور للتوضيح

[ابواياد عبدالله]

يا ريت صور

[الفارس الاوحد]

من غير صور ريسفير 12 فولت وبطارية 12 فولت وجاك الادديبتور الموجب مع الموجب والسا لب مع السا لب

[يوسف_20]

بعد اذنك يا استاذنا المحترم
طيب الكهرباء ال 12 فولت لتشغيل و عرفناها طب و بالنسبه للامبير يعني هيشتغل فولت بس من غير امبير ولا ايه مش فاهم قصد حضرتك