[محمود احمد89]

وجزاكم الله كل خير

[الحاج شريف]

طبيعى لو حضرتك الصاموله عاديه ( بدون لوك بلاستيك ) كنتر عليها بصاموله تانيه علشان ماتهويش وضع قبل الصاموله الأولى وردة زنق

أو ضع بعد الذراع ورده عاديه ثم وردة زنق ثم صاموله بلوك بلاستيك كما بالصوره

[محمود احمد89]

بالفعل أستاذى المسمار به نفس الصاموله وأيضا حاطط وردة زنق ورابط على الصاموله بصاموله عاديه ونفس المشكله بتحصل
فهل بهذا أحتاج الى تغيير الصواميل القديمه
وجزاك الله كل خير

[فني تركيبات]

بعد اذن الاستاذ شريف
ممكن صوره واضحه للمسمار اخى محمود

[الحاج شريف]

المشاركة الأصلية كتبت بواسطة ابوافنان

بعد اذن الاستاذ شريف
ممكن صوره واضحه للمسمار اخى محمود

منور مشرفنا الكبير ابو افنان
من غير صوره أنا ممكن أخمن إن الأخ محمود عنده مشكله فى بليه العروه ، ممكن تكون قافشه ومحجره وبالتالى مهما ربط عند حركة الموتور المسمار حيلف لأن معدن الدراع طرى وحيسمح له بكده

هو صحيح مش مرتب الصواميل صح يعنى المفروض يحط الأول ورده عاديه ثم وردة زنق ثم صاموله عاديه والآخر صامولة بلوك بلاستك

ونصيحتى للأخ محمود إنه يحاول يلين بلية العروه بمزيل صدأ أوبجاز او بزيت فرامل اللى يقدر عليه
لو ما أمكنش يبقى يفك العروه لوحدها أو الموتور كله ويسخنها ع النار من الخارج لغاية البليه ماتسيب ويشحمها أو يغطيها بمزيل صدأ

كمان لازم تحت البليه بينها وبين الدراع لازم دبله سمكها اسم علشان تعطى حرية حركه للدراع بحيث إنه يتحرك يمين وشمال وفوق وتحت من غير مايحمل علي المسمار
تحياتى مشرفنا الكبير وتحياتى لصاحب الموضوع الأخ محمود

[محمود احمد89]

المشاركة الأصلية كتبت بواسطة ابوافنان

بعد اذن الاستاذ شريف
ممكن صوره واضحه للمسمار اخى محمود

حاضر أستاذى الفاضل هصور الوضع بمجرد رجوعى للمنزل

[محمود احمد89]

المشاركة الأصلية كتبت بواسطة asharif

منور مشرفنا الكبير ابو افنان
من غير صوره أنا ممكن أخمن إن الأخ محمود عنده مشكله فى بليه العروه ، ممكن تكون قافشه ومحجره وبالتالى مهما ربط عند حركة الموتور المسمار حيلف لأن معدن الدراع طرى وحيسمح له بكده

هو صحيح مش مرتب الصواميل صح يعنى المفروض يحط الأول ورده عاديه ثم وردة زنق ثم صاموله عاديه والآخر صامولة بلوك بلاستك

ونصيحتى للأخ محمود إنه يحاول يلين بلية العروه بمزيل صدأ أوبجاز او بزيت فرامل اللى يقدر عليه
لو ما أمكنش يبقى يفك العروه لوحدها أو الموتور كله ويسخنها ع النار من الخارج لغاية البليه ماتسيب ويشحمها أو يغطيها بمزيل صدأ

كمان لازم تحت البليه بينها وبين الدراع لازم دبله سمكها اسم علشان تعطى حرية حركه للدراع بحيث إنه يتحرك يمين وشمال وفوق وتحت من غير مايحمل علي المسمار
تحياتى مشرفنا الكبير وتحياتى لصاحب الموضوع الأخ محمود

تمام أستاذى الفاضل بعد قرأة مشاركه حضرتك طلعت للطبق ولقيت إن مفيش بلى راكب لا فى عروة الموتور ولا فى أول القصبه اللى فى أول الموتور
وعندى موتور أخر سليم بالبلى هركبه اول مارجع للطبق وهوافى بحضرتك بالنتيجه
وألف شكر لحضرتك وجعلله الله فى ميزان حسناتك

[محمود احمد89]

تفضلو أساتذتى صورة المسمار القديم والجديد وأسف على التأخر فى الرد بسبب العمل
وضع المسمار على الموتور القديم
[IMG][/IMG]
وضع المسمار على الموتور الجديد
[IMG][/IMG]
والمشكله الحمد لله اتحلت لأن الموتور الجديد فيه بليه عند عروة الموتور وبليه عند اول قصبه الموتور بيتحركو بسلاسه مع حركه الموتور والمسمار ركبتله وردة عاديه ثم وردة زنق ثم صامولتين عاديين ثم صاموله بلوك بلاستيك ومبقاش يهوى

وفائق إحترامى وتقديرى لأساتذتى الأفاضل على المساعدة

[الحاج شريف]

فى الحقيقه إحنا اللى لازم نشكرك علي
اولا عنوان يصف المشكله بدقه ،
عرض جيد وتفاعل مع الإشراف
ولغتك الجميله بدون أخطاء تذكر ماعدا كلمه واحده تقريبا وفى ظنى أن حضرتك قارىء جيد للقرآن الكريم

ولو زينت الموضوع بصوره فى أوله كما نصح بذلك ابو افنان كبير مشرفينا لكان عرض الموضوع نموذجيا مفيدا لكثيرين لا ينتبهون للمشكله إلا بعد تآكل الجلب وعدم ثبات الإشاره
تحياتى أستاذ محمود وتمنياتى باللقاء فى موضوعات أخرى

[محمود احمد89]

أسف على الخطأ الأملائى الغير مقصود
وهتعلم اخلى الأستفسارات بالصور حتى يسهل المساعدة
مرة أخرى فائق إحترامى وتقديرى لحضرتك وأستاذى الفاضل ابوافنان