ممكن حد يفهمني الموضوع فيه إيه؟ أنا مخنوووووووووق

[mido_912]

السلام عليكم ورحمة الله

انا عندي مشكلة ومش لاقي حد يساعدني هنا خالص لأني قاعد في الرياض وكنت في مصر من حوالي أسبوع وسمعت عن موضوع الدنقل ورحت أشتريته بس مش راضي يشتغل ومش عارف أشغله، أنا اشتريت من المحل رسيفر دونجل من نوع باركليبس الأسود واشتريت رسيفر كيومامس999 والراجل برمجهولي وقاله انه شغال على التركيب على طول، لما جيت هنا ركبت دش جديد 110 سم وجبته على قمر يوتلسات دبليو 3 وحطيت السلك بتاعه في الدونجل، وركبت سلك النايل سات في رسيفر الكيوماكس ووصلت كابل الداتا بين الرسيفرين، وعملت سيرش لقتاوات الجزيرة بس القنوات المشفر مش عايزة تشتغل برضو مش عارف أعمل إيه؟؟

ياربت حديساعدني في الموضوع ده لأني بجد قاعد مضايق وحاسس اني فاااااااااشل هههههههه

مستني ردود الناس الكبيرة

شكراً جزيلاً وجزاكم الله ألف خير

ملاحظة: أنا قعدت أقلب في المنتدى بس مفهمتش حاجة، لأني حاسس ان الكلام كبيرة قوي وفي أدوات مش فاهم هيا بتاعت إيه، ياريت حد يشرحلي بالصور.
patch_lov-

[ahmeddija]

رقم السوفت كام بتاع الدونجل ؟

[mido_912]

شكراً على مساعدتك، بس ممكن تقلي منين أعرف رقم السوفت بتاع الدنجل؟؟ معلش اصل انا لسه جديد في الموضوع ده

[احمد العصير]

يا استاذ احمد الراجل بيقولك الراجل اعطاة الدونجل ومجهزة على التركيب
يا اخى حدث الدونجل باخر سوفت لة وخلاص وتاكد جيدا من اشارة الايتلووسات
والاكيد تاكد من تفعيل الكيوماكس على التوين برتكول
اضغط انفو من الريموت ثم رقم 9 هتظهر رسالة اختار منها خاصية توين برتكول واضغط اوكة
وان شاء الله هتنجح وتتشرف بنفسك امام نفسك
دى دعابة من اخ لاخوة

[mido_912]

يا استاذ احمد الراجل بيقولك الراجل اعطاة الدونجل ومجهزة على التركيب
يا اخى حدث الدونجل باخر سوفت لة وخلاص وتاكد جيدا من اشارة الايتلووسات
والاكيد تاكد من تفعيل الكيوماكس على التوين برتكول
اضغط انفو من الريموت ثم رقم 9 هتظهر رسالة اختار منها خاصية توين برتكول واضغط اوكة
وان شاء الله هتنجح وتتشرف بنفسك امام نفسك
دى دعابة من اخ لاخوة


حبيبي أستاذ احمد العصير ياباشا، ولا يهمك هزر زي مانت عايز إحنا كلنا هنا أخوات.

على فكرة انا عملت زي مانت قلت دوست على انفو وبعدين رقم تسعة واخترت توين بروتوكول، بس ماظهرتش القنوات برضو مش عارف إيه القصة، بجد نفسيتي تعبانة قوي.
على فكرة أنا اتصلت بالراجل اللي اشتريت منه الجهاز وقالي هات قنات أفلام واحد واقف عليها دقيقة أو 5 دقايق وهيا هتشتغل على طول، بس انا اديلي اكتر من 3 ايام وانا واقف عليها ومحصلش حاجة patch_rir--

على فكرة صاجبك أبيض خالص، ممكن تقلي واحدة واحدة أعمل أبديت بالسوفت إزاي؟؟ بجد الكلام الكبير ده في المنتدى بيحسسني إني جااااااااااااهل
مع إني كويس قوي في الكمبيوتر.patch_rir--patch_rir--patch_rir--

[mido_912]

طيب إيه؟؟ محدش هيعبرني؟؟ يعني خلاص أعلن فشلي؟؟؟؟patch_galc--


حد يرد عليااااااااااااااااااااااااا

[hasbo25]

اخى الغالى الدونجل لمبة حمرا فقط ام لمبة حمرا ونقطتين

ممكن توضح

[hasbo25]

اين انت يا استاذ ارجو المتابعة معايا

[mido_912]

معلش ياباشا والله كنت مشغول شوية
الدونجل بتاعي باراكليبس بينور لمبة حمرا واحدة بس (ياترى خير يادكتور؟؟)

مش عارف ينفع نتكلم مع بعض عن طريق الشات ولا إدارة المنتدى تمنع؟؟

ويارب نتفرج على ماتش حلو قوي النهاردة ويكون الفوز للفريق الأحسن في الملعب

[hasbo25]

مش عارف ينفع نتكلم مع بعض عن طريق الشات ولا إدارة المنتدى تمنع؟؟



ممنوع اخى الغالى

انت بتعرف تنزل السوفت للدونجل ثوانى وهبعتلك الفلاشة الخاصة بلمبة حمرا فقط

[hasbo25]

اخى الغالى اولا افتح اللودر ثم اضبط اعدادات اللودر ثم اختار الفلاشة من جهازك ثم اضغط على كلمة داونلود

ثم وصل الدونجل بالكهرباء هتلاقى سحب فى الدونجل ومنتظر منك الرد بعد التجربة



اللمبة الحمرا فقط
(http://www.masrawysat.com/vb/attachment.php?attachmentid=42234&d=1292326480)

يوجد الفلاشة والصورة واللودر

[mido_912]

ياباشا انا عندي دونجل لمبة حمرا بس ، مش لمبة حمرا ونقطتين

[hasbo25]

يا باشا انا بعتلك فلاشة لمبة حمرا فقط وانا متابع معاك اخى الغالى

بتمنى تكون بتعرف تنزل السوفت هو سهل زى ما انا شرحت

[mido_912]

اخى الغالى اولا افتح اللودر ثم اضبط اعدادات اللودر ثم اختار الفلاشة من جهازك ثم اضغط على كلمة داونلود

ثم وصل الدونجل بالكهرباء هتلاقى سحب فى الدونجل ومنتظر منك الرد بعد التجربة



اللمبة الحمرا فقط
(http://www.masrawysat.com/vb/attachment.php?attachmentid=42234&d=1292326480)

يوجد الفلاشة والصورة واللودر

والنبي كلموني بطريقة ابسط من كده شوية :( والله ماعرف إيه اللودر ده ولا افتحه منين، قلي افتحه منين وانا اكمل الباقي، وإزاي اوصل الجهاز بالكمبيوتر؟ بكابل داتا؟ والجهاز لازم يكون موصل بالكهربا وقت ما اعمل الداونلود ولا لأ؟
معلش خليك معايا واحدة واحدة علشان افهم، بس بجد ربنا يباركلك الله يكرمك يارب

[hasbo25]

اولا انت حملت الفلاشة يعنى انت ضغط على اللمبة الحمرا فقط


وحملت المطلوب

بعد كدة فك الضغط هتلاقى ثلاث اشياء وهى صورة ( خاصة باعدادات اللودر )

وهتلاقى اللودر ( GxDownloaderIII V2.004 )
واخر حاجة هتلاقى الفلاشة على شكل ميديا

كدة تمام

هتفتح اللودر

هتلاقى فى الاعلى قدام كلمة com1 ايقونة اضغط عليها
هتفتح صفحة من الصورة الموجودة اضبط اعدادات اللودر

بعد كدة نختار من الايقونة الموجودة قدام كلمة file الفلاشة اللى انتة حملتها دلوقتى اللى على شكل ميديا
طبعا انت هتوصل الدونجل بالكمبيوتر عن طريق وصلة الكوم الموجودة حيث توجد فتحة فى الكمبيوتر لهذه الوصلة
بعد كدة بعد ضبط اعدادات اللودر واختيار الفلاشة المناسبة لجهازك اضغط على كلمة download
كل هذه الخطوات قبل ان توصل الدونجل بالكهرباء

بعد ضبط اعدادات اللودر واختيار الفلاشة المناسبة لجهازك اضغط على كلمة download
ثم وصل الدونجل بالكهرباء هتجد سحب فى اللودر انتظر حتى يصل الى 100 %

ثم وصل الجهاز بالريسيفر ومبروك عليك ولا تنسى تفعيل التوين بروتوكول

[hasbo25]

انا غير مسئول عن اى شىء يحدث لجهازك نتيجة خطأ منك

تقبل تحياتى

[mido_912]

انا مش مصدق ان في ناس بتحب تساعد بالشكل ده، انتو فعلاً شباب محصلتش ربنا يباركلكم.

انا فهمت لحد ماختار الفلاشة واوصل الرسيفر بالكمبيوتر وبعد كده أعمل داونلود، بعد مايخلص الداونلود افصل الرسيفر عن الكمبيوتر واوصله بالكهربا؟ ولا أوصله بالكهربا وهو واصل في الكمبيوتر بنفس الوقت؟؟

على فكرة انت خوفتني لما بتقولي انك غير مسئول عن اي حاجة تحصل؟ هو إيه اللي ممكن يحصل؟؟a213--

[mido_912]

انا بس عايز أفهم، هو انا بعد ماأعمل داونلود للسوفت، اوصل الدونجل بالكهربا وهو موصول بالجهاز؟ ولا أفصله من الكمبيوتر وبعد كده أوصله بالكهربا؟؟؟؟؟
انا خايف اعمل خطوة غلط يقوم الجهاز يتحرق ولا حاجة

[امام سليمان]

http://img194.imageshack.us/img194/5087/14112010085701copy.jpg

http://img143.imageshack.us/img143/2125/14112010085834copy.jpg


الفلاشة (http://www.masrawysat.com/vb/attachment.php?attachmentid=41307&d=1291807263)

والموضوع من هنا (http://www.masrawysat.com/vb/showthread.php?t=103297)

[mido_912]

شكراً يامستر أمام على المشاركة الممتازة، بس انا لسه برضو عايز أعرف، هو لازم يكون الدونجل متوصل بالكهربا بعد ما أعمل الداونلود ولا لأ؟؟