إلي متابعي التلفزيون القدامي تعالوا نسترجع الذكريات ونشوف مين فاكر [الأرشيف] - الصفحة 2

rwhe1000000

2015/02/28, 12:22 AM

اجمل ايام فى حياتى يا راجل مكنتش اعرف معنى كلمة احتكار .
ايام القناة الثانية مباريات الدورى الساعة 3 عصرا والكاميرا فى الملعب على القناة الثالثة فى المساء فين ايام عصام صيام والحمصمى ههههههه ومحمد حسام جول وجول وجول ههههههههه والله ايام جميلة كنت بهرب من المدرسة ايام فترة الظهر علشان اشوف مباريات الاهلى .

ولسة فاكر تاكسى السهرة واخترنا لك حلقات ماجيفر ونافذه حول العالم ومواقف وطرائف وعالم الحيوان والبحار ونادى السنما واوسكار وخلف الاسوار هههههههه .

خالد ستار

2015/02/28, 12:23 AM

موضوع رائع جدا ياغالى وانت رجعتنا لأيام الزمن الجميل

طيب مين يفتكر برنامج تزكرتين سينما على القناه الاولى يوم الاربعاء وسهره مع فيلم حصرى

وعلى نفس القناه برنامج نادى السينما يوم السبت وفيلم اجنبي

ويوم الاحد كان برنامج الليله سينما واختيار فيلم من 3 افلام لنجم مميز

ويوم الاتنين كان برنامج بين الواقع والخيال ويليه فيلم البرنامج

يوم الجمعه وبعد الصلاه مباشره مين يتزكر برنامج ايام وليالى على القناه الثانيه

والمذيعه اللى بتعرض افلام الاسبوع كلها الاجنبي والعربي على القناه .

وبرنامج سينما للجميع كان يوم الاحد على القناه الثانيه وفيلم عربي واسفل القناه

كانت توجد امراءه تتحدث بالاشاره للصم والبكم ..

محمدسالم بكر

2015/02/28, 12:27 AM

كان فيه برنامج جميل جدا أسمه العلم والايمان للدكتور مصطفى محمود...وفالاذاعة برنامج مايطلبه المستمعون يوم الجمعة الساعة عشرة قبل صلاة الجمعة وبرنامج الغلط فين وبرنامج على الناصية ....ومين فاكربرنامج كان بيقدمه جلال علام أسمه مواقف وطرائف وكمان طارق حبيب كان بيقدم برنامج بس مش فاكر اسمه.....

rwhe1000000

2015/02/28, 12:49 AM

موضوع رائع جدا ياغالى وانت رجعتنا لأيام الزمن الجميل

طيب مين يفتكر برنامج تزكرتين سينما على القناه الاولى يوم الاربعاء وسهره مع فيلم حصرى

وعلى نفس القناه برنامج نادى السينما يوم السبت وفيلم اجنبي

ويوم الاحد كان برنامج الليله سينما واختيار فيلم من 3 افلام لنجم مميز

ويوم الاتنين كان برنامج بين الواقع والخيال ويليه فيلم البرنامج

يوم الجمعه وبعد الصلاه مباشره مين يتزكر برنامج ايام وليالى على القناه الثانيه

والمذيعه اللى بتعرض افلام الاسبوع كلها الاجنبي والعربي على القناه .

وبرنامج سينما للجميع كان يوم الاحد على القناه الثانيه وفيلم عربي واسفل القناه

كانت توجد امراءه تتحدث بالاشاره للصم والبكم ..

اصلى patch_lov- اكيد فكرة اجمل ايام فى حياتنا

lipo

2015/02/28, 12:50 AM

يااااااااااه فكرتني بايام تحفة كنت بلقط قناة tvland بتاعت الشوتايم بايريال التلفزيون كل يوم من الساعة 9 ودوري الابطال اللي كان بييجي على القناة التانية وامم اوروربا

abood22

2015/02/28, 12:50 AM

مين فاكر مسلسل القناة الثانية الساعة 6 وربع ومسلسل القناة الاولى الساعة 8 وبعديه حديث الروح وبعد كده نشرة الساعة 9 .
مين فاكر مسلسل غدا تتفتح الزهور ومسلسل الفجالة ومسلسل سوق العصر .
مين فاكر احمد عبدالعزيز فتى الشاشة الاول :)
وفى رمضان برنامج بدون مونتاج وحوار صريح جدا وكلام من دهب .
وكاس العالم 2002 لما كانت الماتشات الصبح .
وبرنامج يوم مع بابا يوم الجمعة بتاع سامح الصريطى

م ريان

2015/02/28, 01:19 AM

يوم السبت نادي السينما
يوم الأحد تاكسي السهرة
يوم الاثنين فيلم اجنبي
يوم الثلاثاء بانوراما فرنسية
يوم الاربعاء اخترنا لك
يوم الخميس مسرحية(اليوم المفتوح)
يوم الجمعة (سينما الأطفال الشعراوي فيلم عربي
ماما نجوى مسلسل الساعة 8 حديث الروح
هرقليز الساعة 9 فيلم اجنبي الساعة 11 أحداث 24 ساعة)

شكرى المنياوى

2015/02/28, 01:22 AM

وصلت مرة انا واحد مات فى بلد جنب بلدنا قالو فى المكرفون الدفنة بعد مسلسل زئاب الجبل والله حصل عندنا فى قرية بجوارنا

patch_rir--patch_rir--patch_rir--patch_rir--

محمود عزت ابو محمد

2015/02/28, 01:23 AM

موضوع جميل بارك الله فيك

رجعتنا لايام زمان كانت ايام جميله

احمد محمد 81

2015/02/28, 01:49 AM

وممين فاكر برنامج
فؤاد المهندس كلمتين وبس
وهمسة عتاب
و5لقلبك

abdalla tartor

2015/02/28, 01:54 AM

موضوع رائع جدا فكرتنا باحلى ايام العمر

Troy07

2015/02/28, 01:56 AM

مين فاكر برنامج تكتولوجيا على القناة الثانية الساعة 6
و جولة الكاميرا بعد مسلسل الساعة 7

محمود عزت ابو محمد

2015/02/28, 02:01 AM

وممين فاكر برنامج
فؤاد المهندس كلمتين وبس
وهمسة عتاب
و5لقلبك

ايوة والله ياغالى كانت احلى ايام وكانت ايام كلها خيروانشاء الله مصر كلها خير الى يوم الدين

hazzuma

2015/02/28, 02:29 AM

ازاى تنسوا الراديو
****قل ولا تقل
انتا تسأل والكمبيوتر يجيب
****بالسلامة يا حبيبى بالسلامة
طبعا الكلام دا كان قبل صباح الخير يا مصر

على محمد نور

2015/02/28, 02:30 AM

موضوع جميل بارك الله فيك

رجعتنا لايام زمان كانت ايام جميله

alaaamma

2015/02/28, 02:35 AM

كلو كوم واعلانات زمان كوم تاني خالص

السنيور

2015/02/28, 03:50 AM

طيب فكرين برنامج نهايه الاسبوع بتاع المرحوم احمد سمير يوم الجمعه على القناه الاولى ولا حديث الروح قبل نشره الساعه 9 بخمس دقائق ولا امانى واغانى ولا برنامج فتوى و احكام عايزنا نرجع زى زمان قول للزمان ارجع يازمان

allam125

2015/02/28, 04:19 AM

ايام روعه
نسيتوا حفلات ليالى التلفزيون
واضواء المدينه

محمدصبحى ابراهيم

2015/02/28, 04:22 AM

عفووووووووووووا نحن الان فى زمن الاحتكار يعنى على قد فلوسك حتشوف معكش فلوس شوف برامج الضغط والامراض المزمنة رحم ايام التلفزيون القديم وبرامج زمان المحترمة اكتر حاجة كنت بحبة زمان هى لمتنا على فيلم يوم الخميس وكمان الفيلم الهندى اللى كان بيجى كل عيد الساعة 3 صباحا

kareka20

2015/02/28, 10:33 AM

يا راجل انت زى العسل وكلامك كله عسل عيشتنى كام دقيقه زى العسل