تسجيل الدخول

مشاهدة النسخة كاملة : إلي متابعي التلفزيون القدامي تعالوا نسترجع الذكريات ونشوف مين فاكر

الصفحات : 1 2 3 [4] 5 6
hany yasser
2015/02/28, 06:56 PM
يااااااااااه فكرتني بايام تحفة كنت بلقط قناة tvland بتاعت الشوتايم بايريال التلفزيون كل يوم من الساعة 9 ودوري الابطال اللي كان بييجي على القناة التانية وامم اوروربا

وأنا كمان كنت بلقط قناة من الشوتايم بالإريال :)
hany yasser
2015/02/28, 06:57 PM
ازاى تنسوا الراديو
****قل ولا تقل
انتا تسأل والكمبيوتر يجيب
****بالسلامة يا حبيبى بالسلامة
طبعا الكلام دا كان قبل صباح الخير يا مصر

حد يقدر ينسي الراديو أكيد فاكرينه
hany yasser
2015/02/28, 06:58 PM
عفووووووووووووا نحن الان فى زمن الاحتكار يعنى على قد فلوسك حتشوف معكش فلوس شوف برامج الضغط والامراض المزمنة رحم ايام التلفزيون القديم وبرامج زمان المحترمة اكتر حاجة كنت بحبة زمان هى لمتنا على فيلم يوم الخميس وكمان الفيلم الهندى اللى كان بيجى كل عيد الساعة 3 صباحا

هنعمل ايه بقي الإحتكار ده أفسد حاجات كتير حلوة
hany yasser
2015/02/28, 06:59 PM
مين فاكر مسلسل القناة الثانية الساعة 6 وربع ومسلسل القناة الاولى الساعة 8 وبعديه حديث الروح وبعد كده نشرة الساعة 9 .
مين فاكر مسلسل غدا تتفتح الزهور ومسلسل الفجالة ومسلسل سوق العصر .
مين فاكر احمد عبدالعزيز فتى الشاشة الاول :)
وفى رمضان برنامج بدون مونتاج وحوار صريح جدا وكلام من دهب .
وكاس العالم 2002 لما كانت الماتشات الصبح .
وبرنامج يوم مع بابا يوم الجمعة بتاع سامح الصريطى

فكرتني بكأس العالم 2002 كوريا واليابان كنت بصحاله الصبح والكل نايم واقعد اتفرج لوحدي :)
hany yasser
2015/02/28, 07:00 PM
يا راجل انت زى العسل وكلامك كله عسل عيشتنى كام دقيقه زى العسل

الف شكر ليك وده هدفي من الموضوع ^_^
hany yasser
2015/02/28, 07:02 PM
موضوع غاية فالروعة ومايعرفش انه موضوع جميل غير اللى عاش جزء من الزمن الجميل ده...زمن لما كانت العيلة بتجتمع مع بعض علشان تتفرج على مسلسل بعدالعشاء او دورى أبطال اوربا على القناة التانية ولاكاس العالم ....ولالما كنا نستنى اليوم المفتوح يوم الأحد ....ومين فاكر مسلسل اوراق الورد ...بحق زمن الفن الجميلة لا وزمن كل حاجة فيه جميلة ....

شكرا لك وفعلا محدش هيحس بيه غير اللي عاشه أو عاش جزء منه
hany yasser
2015/02/28, 07:04 PM
قول للزمان ارجع يازمان انت بقي فاكر قنا النايل تي في الزرقا كانت معظم برامجها انجليزي وفرانساوي بس كانت بتجيب مسلسل مصري كل يوم الساعه 6 وكمان فاكر النشره اللي باالفرنساوي الوحيده الساعه 6علي القناه 2
وطب وفاكر لما كانت ام بي سي قناه واحده وكانت بتجيب دوري ابطال اوروبا بتعليق الكابتن حماده امام
وكانت كل خميس في التلفزيون المصري حفلات اضواء المدينه وليالي التلفزيون بث مباشر من مارينا
وكانت بتجيب اعتاه نجوم الغناء
واتحاد ازاعات الدول العرابيه لما كان بيشتري البطولات ويوزعه علي القنوات العربيه الفضائيه والارضيه
زمان التلفزيون الجميل فتك به علم التشفير واالحقوق التلفزيزنيه والحصريات وضاعات حلوة التلفزيون زمان يا عرب

النايل تي في لسه موجودة وبجيبها ساعات أشوف أفلام ومسلسلات عربي مترجمة انجليزي وبتنفع في تعلم اللغة
وطبعا محدش يقدر ينسي حفلات ليالي التلفزيون
والتشفير فعلا أسوأ حاجة حصلت للتلفزيون
hany yasser
2015/02/28, 07:06 PM
انتم جداد اوى يا جماعه
طيب مين فاكر فوازير شريهان
والف ليلة وليلة بتاعت حسين فهمى
طيب مين فاكر التلفزيون الابيض والاسود
طيب مين فاكر الراديو باب واحد اللى كان بيجى من دول الخليج ( ناشيونال )
طيب مين فاكر الجرايد كانت ب 15 قرش وعلبة السجاير 25 قرش
طيب مين فاكر ال6 بيضات كانوا 25 قرش
طيب مين فاكر الجنية ابو 12 بريزة والفرخة ام 3 رجول

احنا بنفتكر قديم وجديد مع بعض :)
خالد99
2015/02/28, 07:06 PM
ياااااااااااااااااااااااااااااااااااااااااه الله يكرمك كانت ايام حلوة والوقت كان فيه بركه الايام دى الوقت بيعدى بسرعه صدق رسول الله صلى الله عليه وسلم القائل لن تقوم الساعه حتى يتقارب الزمان فتمر السنه كشهر والشهر كجمعه والجمعه كيوم واليوم كساعه ربنا يستر
hany yasser
2015/02/28, 07:08 PM
طيب فاكر انتا ايام رمضان وسلسل السندباد وقت السحور ومسلسل ابو زيد الهلالي بعد العشاء وكمان فاكر فلم القناه التانيه يوم السبت الساعه عشره الصبح وفلم يوم الجمعه الساعه 3 قبل العصر علي القناه الاولي وفلم يوم الثلاث الشاعه 4.30 علي القناه السابعه وفلم شمس الزناتي لما كان بييجي علي القناه الاولي مبيكونش في حد في الشارع

فعلا موضوع مكانش في حد في الشارع وقت لما يكون التلفزيون بيعرض حاجة مهمة أو مشهورة كان بيحصل كتير سواء في رمضان أو في الأيام العادية
انما دلوقتي مع الإعادات والنت وكثرة القنوات والبرامج معتش بيحصل الكلام ده
كيمو 1980
2015/02/28, 07:28 PM
حد فاكر بوجى وطمطم
وعم شكشك
وبرنامج تاكسى السهره
نادى السينما
hgo01012
2015/02/28, 07:40 PM
ومسلسل لا اله الا الله كان بييجي متأخر في رمضان ونستناه

نجوي ابراهيم وبقلظ وفكر ثواني واكسب دقايق واخترنالك - نجوي ابراهيم في لقاء ليها مع اسعاد يونس قريب كانت بتقول كانوا بيعلمونا في التليفزيون لما نظهر علي الشاشة كان لازم نظهر ووشنا في الارض عشان منجرحش الناس اللي في البيوت لحد ما يبدؤا ينتبهوا . والراديو - كلمتين وبس فؤاد المهندس - وكتيرررررررررررر

سبحان الله
zohny
2015/02/28, 08:01 PM
وكفاية الناس كان عندها أخلاق والصغير بيحترم الكبير والناس بتساعد بعضها وحاجات كتير كويسة

والله الخلاصه فى الموضوع دة هو ردك زمان كان فى اخلاق دلووقتى اخلاق الناس بقت فى الحضيدد
hany yasser
2015/02/28, 08:12 PM
حد فاكر بوجى وطمطم
وعم شكشك
وبرنامج تاكسى السهره
نادى السينما

طبعا بوجي وطمطم وطماطم وعم شكشك وزيزي وزيكا وزيكو وطنط شفيقة :D
هالة فاخر والله يرحمه يونس شلبي
وتاكسي السهرة ونادي السينما وبانوراما فرنسية و اخترنا لك
عــادل محمد
2015/02/28, 08:26 PM
الكرة فى اسبوع يوم الاثنين مع فايز الزمر
...........
ماهرعمر
2015/02/28, 08:28 PM
طيب يا جماعة
نرجع بالزمن الجميل
زماااااااااااااااااان شوية
فاكرين القناة الثانية
لما كانت بتعرض الافلام الهندى
فقط فى العيد
وكان فيلم العاشرة صباحا
وفيلم بعد الساعة الواحدة ليلا
ونفضل مستنية ولا
لم تعاصروهذة الزمن االجميل
طيب فاكرين
برنامج على الناصية
بعد ظهر الجمعة
طيب فاكرين حدودة ابلة فضيلة
الساعة عشرة صباحا يوميا
مسلسل بقلظ
طيب فاكرين ايام الفضائية الاولى
مسلسل الكابتن ماجد ايام ما كان يجرى مسافة عشرين كيلو
وفى الاخرهدااااااااااااااااف
طيب فاكرين

ليالي الحلمية
قبل ظهور القنوات الخاصة وتعدد أعمال الدراما التليفزيونية المنتجة، كان لدينا مسلسلا أو اثنين رئيسيين، وكان «ليالي الحلمية» من أكثر روائع الدراما الملحمية التي استمرت وامتدت لأربع أجزاء ممتعه وجسدت مصر لاربع عصور متتاليه للرائع الراحل اسامه انور عكاشه واسماعيل عبد الحافظ الثنائى الشهير
osmangoogle
2015/02/28, 08:31 PM
ولا يروح حاجه كل ده فى المفاجأه دى طبعا
شغل التسعينــــــــــــــــــــــــــــــات ياشباب
http://www.shy22.com/upfiljpg/ieb48012.jpg
ماهرعمر
2015/02/28, 08:34 PM
ولا يروح حاجه كل ده فى المفاجأه دى طبعا
شغل التسعينــــــــــــــــــــــــــــــات ياشباب
http://www.shy22.com/upfiljpg/ieb48012.jpg

افتح يا مازنجر ههههههههههههههههه
الجو برد يا ماهر
طبعا الجملة من عندى هو مقلش الكلام دة
osmangoogle
2015/02/28, 08:47 PM
افتح يا مازنجر ههههههههههههههههه
الجو برد يا ماهر
طبعا الجملة من عندى هو مقلش الكلام دة

دا خاص بمواليد الثمانينات فقط
يعنى العواجيز اللى زيناa056--a056--
ماهرعمر
2015/02/28, 08:58 PM
دا خاص بمواليد الثمانينات فقط
يعنى العواجيز اللى زيناa056--a056--

صدقت والله الواحد عايش من زماااااااااااااااااااااان يعنى
قول من اوائل السبعينات