تطوير فنى الدش

[Youssef moh]

الحمد الله

[سيجما]

تصدق انك راجل محترم وبتطور نفسك..
وده شئ مهم جدا..
تحيه كبيره ليك

[qassem]

الشغلانة فعلا في طريقها للموت ,, الناس اغلبها بقت تظبط اطباقها ,, المكسب في الصيانة

[mando010]

طيب أنا هنقل كلام من بوق واحد صنايعى أتعرفت علية حكالى حكايتة كان شغال ووقع من فوق السطح ظهرة أتكسر وقاعد يتعالج 3 سنين وهو متجبس
جالة مرض جلدى من التسلخ وماشى الوقت على عكاز
قالى أنا هنصحك بنصيحة أوع تطلع فوق أى سطح وتاخد أقل من 50 جنية ولو شغلانة خطر أوع تشتغلها مهما الزبون هيدفعلك
طيب أنا مرة روحت أشتغلت عند واحد ركبت طبق وعلقت شاشة وحطتلها مشترك من معاية ب 7 جنية لقيت صاحبنى بيدنى 20 جنية ويقولى أجرتك
قولتلوها لما تحاسب كويس أبقى تعاللى بعد فرحك المحل ومن يومها مشوفتش وشه
طيب أنا أستفدت أية
طيب زبون تانى قصة طويلة عايز يركب طبق كبير ركبتهولة
وكان واخد منى بضاعة وعاز سلك راح جبلى سلك طلعت اللفة بايظة أنا قولتلة لفة السلك بتاعتك بايظة أتجنن علية أخدت حق البضاعة بس كأنى بشحت منة أنا أستفدت أية
زبون غيرة رسيفر ترومان ب صغير ب 450 أشتغل أسبوع وبعد الأسبوع باظ
وطبعا حولت أصلح الرسيفر فى أشهر مراكز الصيانة مفيش
حولت أغيرة من التاجر الكبير مفيش بعتلى رسالة أنة هيشتكنى بتهمة النصب والأحتيال هل أحنى صنايعية الرسيفرات أحنى المسئولين عن صمان الرسيفرات والمستوردين الكبار بيهربو من الاسترجاع وميعرفنوش
غيرة رسيفر ب 200 جنية بايظ من الكرتونة وطبعا المستورد مبيردش يرجع هو ولا التاجر مع العلم أنى عارف التجار وبيحولو يسعدونى علشان الحمد لله بشترى بضاعة كتير أنا أستفدت أية
زبون غيرة روحت ظبط الطبق وبعدين السلك بايظ وقولتلة عايز سلك جديد قلى أنسى بأسلوب زبالة وكدة قولتلوة أنا مش هطمع فى سلك ب 15 جنية

أيوة ياجدعان أحنى مهندسين وفنين صيانة ومفيش زينى وبنطلب حقنى
يعنى لو شاشة علقتا لواحد ووققعت بأى طريقة أو أنت عملت غلطة والغلط وارد بأى طريقة حد هسيمحك والله العظيم أنا مرة أخدتها ماشى من كوبرى طلخا رايح جاى لما
نادى السماد علشان 15 جنية أنا أستفدت أية شوفو الدنيا من حولين ماشية الزاى

[mando010]

طيب خدو التقيلة بقى أنا من أشهر الصنايعية ومحلى الحمد لله من أشهر المحلات
وهو موقف شخصى بس هحكية اجل محترم أتعرفت علية من بلدى وباقى زبون وقالى أنا
كلمت فولان علشان تخطب بنتة
لقيت صحبنى جيلى المحل وأنا كنت بقفل ورايح شغل رجعت معاة وكان عايز ريموت
وريتة كذا نوع المهم قعدنى نفاصل من هنا لهنا فى 3 جنية تخيلو 3 جنية
والخطوبة باظت على كدة علشان أنا مش بعامل الزباين كويس
وعلى فكرة صحبنى حتى أستخسر يومها يشترى الريموت
أتصلت براجل قالى الراجل بيقول عليك كذا وكذة وبعدين قفلت الموبايل جالى أنهيار عصبى يومها
كسرت الموبايل وضربت أيدى فى أزاز المحل وروحت البيت وأنا مش رجلى مش قدرى تشلنى وقولتلهم شوفولى دكتور ورجعت الى فى بطنى وفضلت نايم طول الليل
وتقولى 100 جنية حرام
ومرة روحت لواحد البيت وفتح علية مطوة سيبت البيت وطلعت جارى وقبلنى فى الشارع وفتح المطوة تانى ومرجعش غير لما عرفتة أدبة وخليتة جزمة أنا أستفدت أية
وقصص قصص وقصص
على العموم كل واحد عارف قمتة وقيمتة شغلة وفعلا 100 جنية قوليلة أحنى نستاهل أكتر من كدة والله أيام كأس العالم كنت بشتغل بأكتر من كدة وأيام الدنجل
وفية زباين بتجى تشتم فى المحل وقلة أدب ووسخة
وكل دوة ومنكسبش من الشغل بتاعنى
طب فين عمرنا الى ضاع والله أنا أبتديت بيومية 5 جنية
والى مش عارف معنى الكلام دوة أيدى لرسيفر ملف قنوات غلط وخلى الفلاشة تضرب وشوف الزبون هيسمحك ولا لا
على العموم الى عارف الكلام دوة عارفة
والى مش عارفة مهما ننصح فية
يعنى كمثال أنا كنت بتقل على زبون وجانى فى مجيتة واحد صنايعى وخسارة فية كلمة صنايعى قام الزبون قلة تعال معاى طلع جرى معاة علشان خاطر 10جنية ولا 20
جنية على الرغم من أنى كنت قاعد أنصح صحبنى بكل النصايح دى
بس الى أتقرص من الشربة ينفخ فى الزباين من بردة أوقات بروح عند ناس بيدونى 10 جنية بس طبعا معتش بروحلهم تانى علشان الى مش عارف قمتى ميلزمشى

الى عايز يتنصح أهلا وسهلا والى مش عايز ميلومش غير نفسة

[ابومختار]

اولا تركيب الدش كان هوايه وبعد كده اصبح احتراف واحتراف حقيقي
انت من تقرر هتاخد كام وعايز ايه لو انت متمكن من شغلتك
الان الوضع اتغير بعد تركيب الاطباق الصغيرة من 2007 حتي يونيو 2014 كان فني الدش في هذه الفترة بياخد اللي فيه النصيب علشان الزبون في تركيب النيل سات بيلاقي ان الفني ركبه في دقائق فهو بيري ان الموضوع ميستحقش ال 50 جنيه
الان بعد البين سبورت ما غيرت نظامها والقنوات الخارجية بقيت مطلب رجع سوق الاطباق الكبيرة حتي المتر وغليت التركيبة والزبون ميقدرش يتكلم علشان هو اللي طالب التركيبة دي وهيدفع يعني هيدفع
الموضوع كله ده انا مش عارف المستفاد منه ايه هل ان حضرتك بتحكي حكايتك مع الزبائن ولا بتفضفض عن ما بداخلك ولا ايه بالظبط
اخر حاجة مفيش نقابة للدشات علشان تحمي فني الدشات من جشع الزبائن
الموضوع عرض وطلب ولو ان الفني كفاءة هيضع شروطه وهو قاعد رجل علي رجل
والمنتدي هنا مش هيجيب حق للفني من الزبون
زمان كان موضوع الدش مكلف وكان الايسي ب 10 قروش ف الجملة وكانوا بيصلحوا الريسيفر ب 100 جنيه وكان الصنايعي بياخد فلوسه كاش ومحدش كان يقدر يفاصل معاه ولا يقدر ينزل جنيه واحد من المبلغ اللي قاله
موضوع الفلوس معروف الفني بيقول 100 جنيه علشان ترسي علي 75 ولا حتي 50 وبيكون كسبان من الزبون حتي في بيع الريسيفرات كده وفي كل حاجة كده بيضرب مبلغ علشان ترسي ع المبلغ المطلوب وبيكون صاحب الحاجة كسبان
انت عايز تطلع اهلا وسهلا مش عايز تطلع براحتك والموضوع عرض وطلب
الفني المتطور مفيش زبون يقدر يتحكم فيه
ياما نوادر وحكايات الواحد شافها في التركيبات لكن الزبون ما كنش يقدر يفرض شروطه
كله بيلعب علي كله والفني هو اللي يقدر يضحك ع الزبون لو فكر في مرة انه ينصب عليه وياكل حقه
موضوع الدشات مبقيش زي زمان

[فتحى عبدالفتاح]

كلامك صح يا ابو مختار

[اواوتكتك]

لكل مجتهد نصيب والله كلام سليم اخي الغالي

[mando010]

أهو أحنى نستفيد من خبرات بعض

[مزازيك]

كلامكم مسكر ومفيد جدا والله وحوار شيق وممتع الصراحة الواحد بيستفيد منكم جدا شكرا لصاحب الموضوع ولكل الاساتزة والفنين الزين ابدو بارائهم التى تعلمت منها الكثير شكرا لكم جميعا

[mando010]

أنا بكتب الكلام دوة علشان نكون فى أيد بعض ونعرف الدنيا ماشية الزاى
محدش يضحك على حد
وأنا لسة عندى كلام كتير قوى
بس أنا النصايح دى من يوم ماشتغلت بها والدنيا كويسة معاية

[mando010]

أهم حاجة الصبر فى الشغلانة ووجهتك محلك

[richard2006]

أولا تحياتي ليك يا غالي وثانيا مشكور لطرح الموضوع وبالفعل هوا موضوع كويس وحوار شيق ومفيد وشكر لكل من شارك وأبدئ رأيه في الموضوع

[sukhoi35]

الاخ صاحب الموضوع ,
الناس اللي بتقول عليهم معفنين كل شويه " الزباين" ممكن مرتبه ميعديش ال 2000 جنيه يعني يوميته 66 جنيه لما يديك 10 هو كده كتير بالنسبه له لو شلت من ال50 جينه الباقيين مصاريف بيته وعياله , من غير الناس اللي بتقول عليهم معفنين مش هتشتغل .

حضرتك عايز تظبط الطبق ب 50 جنيه ,, مرتب المهندس بيبدا من 1200 جنيه يعني اليوم ب 40 انت عايز يومية مهندس في 10 دقايق واقفهم علي السطح .

اتقوا الله في الناس الموضوع مش محتاج فن عشان طبق يتظبط انتوا بتاكلوا عيش عشان من ورا الناس متدبحوهمش .

[mando010]

حكايتى مع تعلم صيانة الدش
أنا أبتديت المشوار وكنت عايز أتعلم صيانة الدش
روحت أتعلم فى كذا محل وصاحب محل أشتغلت عندة بدون يومية
وكمان لقيت نفسى مش بستفيد روحت أخدت دورة
ب 1000 جنية يومها مكانش فى جيبى غير المبلغ دوة
وبعدين كان بيجلى الرسيفرات أودها مراكز صيانة
قولت أنا مش بتاع صيانة كمبيوتر
وقاعدت أحاول مكنتش فاهم حاجة خالص
لما دلوقت عقدت بصلح الحمد لله
على فكرة أنا بطلب حسابى مش على الى عملتة بطلب على الى معملتوش
يعنى قصة
رسيفر كاون أديتة ملف قنوات غلط والغلط وارد طبعا
الرسيفر قفل والزبون معاية
أقعدت أحاول ساعتين وهو متبت
لدرجة زبون كان جيبلى رسيفرين معرفتش أشوفهم زهق
وقال لصحب الرسيفر طالما هو معصلج سيبوة وتعال بعدين صحبنى متبتت بردة
بعد 3 ساعات لقيتة بيقولى الرسيفر خلص
سيبت المحل ومشيت والناس قاعدة
المهم رجعت بعد شوية
اخوى قالى الراجل هيجى بكرة
سهرت فى الرسيفر ساعتين بالليل مفتحش بردة
قولت الصبح هروح أشحنة طبعا مشوار المنصورة واللف على المحلات
يوم ضايع وهتدفع 50 شحن طالما صاحب المحل مش متأكد أنك بتصلح
ولو روحت وديتة لتاجر من الى أنا عارفهم وقاعدت أتحيل علية وشغلانة واليوم أكيد هيضيع
المهم جهزت نفسى ولبست وخلاص هروح المنصورة قولا أجرب شوية
الحمد لله الرسيفر أتعمل أخدتة المحل لقيت ابن الراجل واقف على الباب
وعايز الرسيفر قولتلة نص ساعة وعملت الرسيفر وأخدت 10 جنية بعد أكتر من 5 ساعات شغل
يعنى الموضوع بتعنى مش سهل
من كام يوم كنت بعلق شاشة لواحد ومسمار قطم غلط منى -والغلط وارد-
الحمد لل الشاشة خفيفة قوى وتتعلق على مسمار
واحد
وضبط الموقف والراجل معرفش حاجة والشاشة أتعلقت تمام

ياترى غلطة ذى دى لو أتعملت قدام زبون هيسمحك
وعلى فكرة أنا بطلع أشتغل بأخد 10 جنية ومش ببقى رادى
بس عادى
بس لعرفكم أن محدش هيسامحنى علشان كدة أنا بطلب مش على الى عملتة بطلب
على الغلط الى معملتوش

[mando010]

أكيد المهندس الى يوميتة 2000 جنية مش قوليلين علية علشان هو أتعلم وكدة
بس المهندس لو سافر برة شوفو هيكون رتبة كام
ولما يتقدم لوحده بيقولو دى مهندس
بس لو حد يجبلى شغلانة ب 2000 جنية سبتين أنا هسيب الشغلانة بتاعتى من الصبح
أنا مرة جالى زبون المحل فى رمضان وأتحيل علية روحت معاة والشغلانة كانت صعبة جدا بيت على قدامة والطبق صغير وقديم والسلك مقطع
وراح يجيب جبس وأسمنت المهم خلصت الشغلانة وسمعت باقى عن أدن الفجر ساعة
وخلاص الادن هيدن
بعدين طلع الرسيفر بتاعة بايظ بيقولى أجى معاك المحل أمال أنا جيبك لية
ولسة عن الفجر نص ساعة أتخنقت من الراجل ومحسبنيش أخدت نفسى ومشيت
أنا أستفدت أية بقى
الى بيقول الفنى كتار علية يبقى يجى يشتال شنطة العدة بتاعتى رايح جاى
ويدنى 30 جنية أنا رادى بيهم والله العظيم أنا عايز أشتلاى عربية علشان بخزى من شنتطى
وياريت يقرء الموضوع بتاعى وقصة الانهيار العصبى علشان القصة دى بقصصى كلها

[mando010]

مهنة صيانة الرسيفرات مهنة رفاهية وهو دوة المبدء الأساسى الى بلف وأدور علية فى الموضوع
يعنى الى مش هيظبط الطبق مش هيموت
وأحنى مصدر الدخل بتعنى مش سابت يعنى لو تعبتت محدش هيصرف عليك
ولو غلطت فى شغلك محدش هيسمحك
يعنى أنا علر الرغم من سنسن عمرى فى المهنة لو يرجع بى العمر أو ألقى البديل
مش هشتغل فيها
علشان أنا عايز أقعد على مكتب ذ ى المهندس وأخد 2000 جنية
على فكرة الألفين جنية مش قوليلن وأنا صعب جدا أجمع مبلغ ذى كدة أو أكتر من الشغلانة
أنا ياريت أخد 2000 جنية سبتين بدل البهدلة دى وقلة الأيمة

[mando010]

بردة الدكتور الى كشفة 100-150 جنية وبيخدهم فى 10 دقايق
وبيكتبلك على شوية دوة هو حفظهم وطبعا متوظف فى مستشفى وبيتقلة دكتور والناس كلها بتحترمة
أحسن بكتير من مكسبنى من مهنة صيانة الدش

وأكيد أحنى موصلناش لكدة من غير تعب وسهر وخبرة وكفاح واسرار
والله العظيم أنا كنت شغال والى بيعلمنى كان بيقولى قبلنى لو عرفت تركب طبق فى يوم من الأيام
أنا شايف السعر المعقول كالتالى
1 أنا معلق يفططين صغيرن على المحل برمجة كمبيوتر 10 جنية
يدوى 20 جنية
2 تركيب الطبق من 30-50
40 جنية كويسين
شاشة وكدة 80 جنية أو 100 جنية
على حسب نوع الشاشة وعلى فكرة تركيب الشاشات أصعب من الطبق علشان دايما الزبون عايزها على المسطرة
3 صيانة الطبق
30جنية أو 40 أو 25 كويسين
20 جنية تمشى الحال أقل من كدة شوفو شغلانة تانية
على حسب تعبك فى الشغلانة يعنى لو تعبت جامد فى الشغلانة ومش 10 دقايق ذى ما الأستاذ بيقول 3 ساعات ولا حاجة
والله أنا مرة قعدت أظبط طبق يجى 5 ساعات
عمارة وكدة

فى المدينة 50 جنية وش
على فكرة
هى 50 جنية سابتة
ذى نصيحة صحبى الى ظهرة مكسور