تطوير فنى الدش

[mando010]

مساء الخير ياأهل مصراوى سات
أنا كنت كاتب موضوع من حوالى سنتين ونص على موقع مصراوى
http://www.masrawysat.com/vb/showthread.php?t=673796
أية أخر أخبار المهنة وذكريتم
أنا عندى26 وسنة ومشاور مع عالم الرسيفرات
أبتدى من حوالى 10 سنين
أتعلمت كتير وطورت نفسى مع الشغلانة


من سنتين مكنتش بعرف أصلح رسيفرات دلوقتى الحمد لله اتعلمت الصيانة وبقت مصدر دخل جديد لية
واتعرفت على صاحب محل فى المنصورة بقيت أشتغل معاة
أتعلمت تركيب شاشات العرض والحمد لله بقت مصدر جديد
لية
عالم الصيانة عالم جميل قوى
لزما الفنى يدخلة علشان يحسن دخلة
ويحسن من ط ريقة تفكيرة فى الحاجات الجديدة
ان شاء الله هبتدى أتعلم صيانة شاشات العرض وأحول أدخل المجال وة


دوة الجديد

برستجات المهنة الى اتعلمتها
1-متحسش الزبون انك محتاجلة

2 فنى الدش مش بيشتغل للناس كلها لية زبونة الحلو بس
3 الشكل والمظهر مهم جدا فى الشغلانة

أن بفكر ان شاء الله أشترى عربية
4الشغلانة الى ممكن تتعب جسمك أو زبونها مقرف بلاش منها

5 الصبر الصبر الصبر
أنا وارث الشغلانة دى من أيام الطبق المتحرك والحمد لله أتشهرت فيها
وبيجلى ناس كتير
أعرف قمتك الزبون هيعرف قمتك والقاعدة من غير فلوس
أحسن متقل بقيمت عند زبون يديك 10 ولا 15 جنية

لزما الفنى يكون مفتح

محل (بيع وشراء)
برمجة رسيفرات
تصليح رسيفرات
يعنى تكون ملم بالشغلانة من الألف للياء
أنا عندى ذكريات كبيرة لو حد حابب أكتبها ماشى

هشوف كام متابع للموضوع وأنا معاكم

هى كدة وعلى فكرة
لو حد سألك أنت بتشتغل أية قولة
فنى الكترونيات أو صاحب محل

هو دوة المسمى بتاعتى
والندى علينى ياباشا مهندس
من غيرنا محدش هيتفرج
معانا مش هتقدر تغمض عنيك

[ابو اسلام باشا]

الزباين بقت تمرض

[ميدورخا]

والله كلام سليم اخي الغالي

الحمد الله

[بودى سات]

أين يمكن لنا أن نتتعلم صيانة شاشات العرض لانها المستقبل

[mando010]

أبتدى من موضوع الصيانة والله أنا الراجل الى شغال معاة بتاع تلفزيونات وبتحايل علية بقالى سنة
أخيرا وافق وعايز 500 جنية
أنا هديلة الى هو عايزة بس أتعلم

[mando010]

أما بالنسبة لحكاية الزباين الى تمرض أولا علشان تعمل لنفسك وضع عايز محل
من غير محل ملكش وضع لزما الزبون يجيلك يغيط عندك الزبون الى بيجلى المحل
بقولة عايز تعمل أية يوقلى ضبط وكدة أولة أنا بضبط ب 30 جنية يأستاذ وأوقات بقول خمسين
على العموم أقل حاجة دلوقت 20 جنية لو فى الريف فى المدينة 50 جنية
التركيب فى الريف بين 30-50لو شاشة وكدة بطلب 100 جنية
فى المدينة التركيب من 50-100
النهاردة مثلا جالى زبون أظبطلة الطبق طلع معفن أدنى 10 جنية معتش هروحلة
جاى بعدها بساعة واحد تانى ادنى 40

فى الريف أتفق ٌقبل متطلع
أنا ببتدى يومم الساعة 12 مش بطلع غير لو تركيب جديد
الشغل من بعد العصر
أنا ربنى كرمنى برسيفر عايز يصلح
غيرت البور وأن شاء الله هطلب من الزبون 50 جنية
أول مجب الرسيفر قالى بمجة لقيتة مهرب اشارة جية تانى
قولتلة عايز يصلح هيعملة من 30-50 جالى وأنا بجرب وكان عايز يخد الجهاز لما لقنى شغال اتحرج قالى هجيلك بكرة وصلحت الرسيفر والحمد لله
والله العظيم بيطلع أشكال معفنة فى الشغلانة بس المعفن فى طلب الفلوس معفن بردة فى شغلة أهم حاجة للاستمرار فى الشغلانة
أنا روحت لزبون من كام يوم أوربى ونايل سات طلبت 100 جنية الزبون ادنى 80
بعتلى بعدها علشان يركب الرسيفر ويشغل ptv
وقالى حات وصلت hd معاك روحت ومعاى للوصلة محبنيش تانى بس خدت تمن الوصلة 50 جنية هههههههههههه
خليكم أذكية ياجدعان
ونصيحة بلاش تعملو علاقات صداقة مع الزباين والزبون يبقى عارف لو محسيش حلو متروحش تانى والأرزاق على الله والله الحمد لله من يوم مكتبت فى الموضوع الأولنى للنهاردة وأنا شغال كويس

التصليح التصليح
المحل المحل
ويكون عندك كل أنواع البضاعة الحمد لله
فى بلدى أنا أشهر محل للرسيفرات السواق ناين ماشى
بس أنا بجيب جميع أنواع الريموتات والرسيفرات الأطباق حتى لو متبعتش أنا خلاص أدمنتت الدش ولكل مجتهد نصيب

[halme_88]

لكل مجتهد نصيب والله كلام سليم اخي الغالي

[السيد المداح]

لكل مجتهد نصيب

[م / وليد هانى]

كل متحب شغلك هتلاقى شغلك يحبك
وهى نصيحة لو صونت عملك هيعطيك كل خير
ولو اهملته بردو هيعطيك بس على دماغك
تسلم يا غالى على روحك الجميلة

[qassem]

والله يا اخوة تجربتي الشخصية ;
بفضل الله محترف تركيبات من اول ما عرفت الدش ووقتها مكنش فيه نت ولا مصراوي للتركيبات ولا اي شئ ,,لكني عشقت اكتشاف الفضاء ووصلت لمرحلة متقدمة وخبرة جيدا جدا ووقت قياسي في تركيب اطباق ,, كنت بسهر الليالي علي السطح اخترع,,,
لكن للاسف مش ليا في الصيانة ,,
عندنا محل تحت الدار قلت افتحه واسترزق ,,تركيب وملفات قنوات وكده ,, لكن للاسف زباين تعبانة جدا فكريا وماديا ,, مرة ركبت لواحد طبق علي تلفزيون ابيض واسود قالي ,,يعني اجيب رسيفر وطبق وفي الاخر تطلعلي الصورة ابيض واسود ,,, كرهوني في الشغلانة اللي بعشقها ,,,
مش عارف اعمل ايه المحل مقفول وانا داخل علي جواز ومش عارف ادبرها منين ,,
موضوع التركيب مش نافع لوحده والصيانة عاوزة دورات كتير,,
تنصحوني بايه

[حمدى مندى]

طيب واللى بيروح يركب ويبرمج ويعمل سوفتات مجملات والله العظيم مجملات وعمرى ما اخدت فلوس على حاجه عملتها فى الشغلانه دى خالص بس الصراحه انا واخدها هوايه ومش متفرغلها يعنى هى مش اكل عيشى ولا حاجه انا بروح لحد من اخواتى من جيرانى فى الشارع حد معرفه وعلى حسب ظروفى يعنى

[mando010]

عم عاشم مات ولو عملت مشكلة للزبون مش هيسمحك يعنى أول متعلمت برمجة الرسيفرات روحت لزبون شلت جهازة وحطيت جهازى لقيت الاشارة تمام بركب الرسيفر بتاعة تانى مشتغلش الزبون جية معاى المحل أخوى معرفش يعملة الزبون قالى مليش فية أخدت الرسيفر وأقعت أحاول لما شغلتة

لو حد فنى عمل حاجة غلط محدش هيسمحة
لو جرحت شاشة ب 5 ألف جنية محدش هيسمحك
والله العظيم أنا روحت شغلانة تعبت منها ورعظم رجلى وجعنى فضلت أتعالج
3 شهور
نصيحة أتنصحت بها
أوع تطلع فوق أى سطح أقل من 50 جنية
أنا عامل رسيفر لزبون من كام يوم جابوهلى تانى
غيرت كذا دايرة بور مفيش حل وكل دايرة تبوظ وخسارة غى خسارة والزبون ملوش فية
بس الشغلانات السهلة بتشيل الشغل الصعب

[mando010]

طب أية رأيكم أنا هسأل سؤال وهستنى الرد من أى حد يقرأ الموضوع
لو روحت تظبط طبق هل تخد فية ذى التركيب ولا أقل
يعنى لو روحت لزبون ولقيت الكنوكتر طالع من القطعة تطلب كام يعنى

[mando010]

أنا مرة لما روحت المحل لقيت 3 رسيفرات أم تك عايزين يتبرجم ولالى معاى فى المحل اتفق على 30جنية
أيامها كانت الترددات أتغيرت 6/5
ولزما أقعدى على كل قناة
واحد قريبى جالى وأنا شغال قولتلوة أستنى شوية
فضل يستعجلنى ويفولى أنت مش معبرنى وكدة
عملت ال 3 رسيفرات استعجال
روحت عند الباشا الطبق مدمر
قولتلوة طبق جديد قاعد يفاصل معاية
ويلف ويدور علشان يخد الطبق بجملتوة وعايز يدنى 15 جنية شغل يقولى ضربها فى بعض
وبيموت فى الفاصل طبق أروح أجيب طبق من المحل الى جمبى
وأديك 10 جنية حلوة
طب طب ويلف ويدور ويبرم علشان أنا عارفتة ان الطبق بايظ ومن أستخسارة عايز هو يجرب يركبة
فى الأخر يغلط فية وأنت شكلك مش عايز تشتغل بعد ساعة
لك
يعنى أنا يومها مدخلش جيبى على ما أفتكر غير ال 30 جنية دول

كل واحد مش عايز غير مصلحتة
الى عايز يجامل فى الشغل يجامل
بس لو عملت غلطة عند الزبون وهزقك هتعرف ان محدش بيرحم حد

والله العظيم الناس الى بتشتغل بسغر قليل حرام عليهم نفسهم والصنايعية زاميلهم

[mando010]

أنا عن نفسى فى تاريخ المشاركة النهاردة ركب طبقين ورسيفر برمجة يدوى
اليدوى 20 جنية
تانى طبق طلبت من البون 70 جنية ادنى 50
الى بعد كدة شاشة عرض صغيرة وطبق طلبت 100 أدنى 50 جنية بالعافية وكان عايز يدنى 30 جنية

رجعت المحل رجعلى رسيفر كنت مصلحة جربت متصلحش 2 دايرة بور خسارة
وأكتر من 4 ساعات شغل فى الفاضى وطبعا هدى للزبون فلوسة
بس عادى أنا أوقات بغير مكثف بس ب 50 جنية
وقطع جمب 40 جنية

لما تكون فى الشغلانة دى مهندس والناس تجرى وراك أوتكون متسول ولى الناس ترمية

[mando010]

أتفق مع الزبون أول متطلع معة وأوعى تتغر فى لبسة لو لبس بية وتفتكروة هيديك الى
انت عايزة ولو الصنايعة كتير -على فكرة الصنايعة فى الدش بيقلو مش بيزيد -
فالزباين أكتر والشغل مابيبطلش طو ل مأنت بتطور من نفسك .
أنا هحكى لكم قصة سقوط صنايعى
الباشا فتح محل دش وهو شغلة الأساسى تصليح رسيفرات
البية أخدت محلين ب 300 جنية أيجار
عمل التركيب بالمجان لو أنت شارى من عندة والبرمجة ب 5 جنية وضر السوق علية
وأنا محلى جمبة بس الحمد لله أنا كنت شغال بردة
المهم أنا قولت الراجل دوة مش هيطول أكتر من 3 سنين وفعلا البية بطل شغل ومحدش بيروحلة صاحب المحل رفع علية الأيجار ساب المحل أنا الحمد لله أخدت محل جديد وأكبر من الأولنى ورزق زاد وطورت من نفسى وأى واحد فى بلدى عنه شغلانة صعبة بيجلى أنا علشان عارفنى أن أجرتى غالية بس بخالص أى حاجة ومفيش حاجة بتوقف علية الحمد لله

يعنى الرخيص فى السوق السوق بيكلة والى ثابت نفسة وعارف قيمة نفسة
الزبون بيعرف قمتة
والله أنا واحد بقدر نفسى شغال أكتر من 10 سنين يعنى مش هيبق شغلى ذى الى طالع فى المقدر جديد
كنت عارف واحد صنايعى شغال فى تركيب الدش وأقدم منى ورتبة زاد معدش بيشتغل ويبعتنى أوقات شغل مكانة

مش هتعرفو قيمة الكلام دوة الوقت للصنايعة الجداد بس المظهر المظهر المظهر
والبرستيج وتقدير النفس والثقة أهم صفات فنى الصيانة والله العظيم أنا أوقات الناس بتتحايل علية ويجولى أكتر من مرة ويتصلو بية علشان أشتغل عندهم
تخايل كدة لو أنت شايل الشنطة بتاعتك وروحت عملت شغل وهدومك أتوسخت جامد
بصة الناس عليك بيكون شكلها عامل الزاى
أنا مرة روحت أتقدم لوحدها
وكنت باين جاى من الشغل تعبان وهدومى **** والشخص دوة جالى المحل
يقول للى مودنى هدومة وشكلة ويتكلم تخيلو بقى
الى بيشتغلو ببلاش نصيحة يروحو يقعدو فى بيتهم أو يشوفو سفر برة البلد وميقلوش من أمتهم
علشان أحنى فى شغلانة لتكون مهندس لتكون عربجى
والى تختار يابرنس
وقمتك فى محلك وسلحك صبرك لو الشغلانة دى مش مكفياك أشتغل فى حاجة تانية
ومتتعبش نفسك لو مش هتقدر تحسن من نفسك متتعبش نفسك
لو مش هتصبر مش هتوصل لحاجة
شتيمة وتهزيق وبهدلة
والله العظيم يعنى يوم ذى النهاردة جايب مبلغ كويس أنا أبتديت المهنة ب 5 جنية
أيام الطبق المتحرك وكنت لسة بطلع أساعد الصنايعية
ومكنت أعرف حاجة فى أى حاجة وصبرت لما أتشهرت
أنا دلوقت بعلم الناس وأنا والرسيفرات حتة واحدة والناس الى ماشية فى الشارع بتوقفنى وتطلب منى رقمى علشان شغل ويبعتونى لمعرفهم ومعارف معارفهم
وروحت المدينة وأخدت دورات ولسة مش رادى عن مستواى افنى وطمعان فى أكتر من كدة والله العظيم أنا بروح من المحل الفجر علشان أتعلم بقى طريقة
علشان عارف لما هتعب هلقى
نصحتى للى عايز يتشهر المحل المحل المحل
أوأتعرف على حد شغال فى الصيانة
أنا نزلت المنصورة أكتر من مرة علشان أدور على صنايعى أشتغل معاة
بعد 3 سنين تدوير واحد عارفنى على صاحب محل وأول شغلانة صاحب المحل بعتنى فيها
كنت هموت وقولت مش هعرف أشتغل فى المدينة وصعبة علية بقيت أرجع من هناك الفجر لما الناس عرفتنى الراجل ساب الى معاة وبقى يبعتنى أنا

أنا أوقات كان بيجلى أنهيار عصبى من الشغلانة وأوقات كنت ببقى عايز أعيط
وأوقات الزباين كانت بتاكل فلوسى وأوقات وأوقات
على فكرة أنا عمرى 26 سنة يعنى من أصغر الناس فى المجال ومن أشهر الناس
علشان كفحت أقرئو الموضوع الأولنى وشوفو من كام سنة
وشوية هبطل أكتب فى الموضوع دوة وأرجعلة بعد كام سنة
بس ان شاء الله السنة الجاية هكون أحسن من السنة دى وأفضل وهظبط نفسى
مع روتانا سينما مش هتعرف تغمض عنيك
بس الأول أفتح محفظتك للصنايعى الى جايلك
علشان أحنى ملوك الجو وأحنى الى وكلين الجو
وأحنى الأساس وعلمنى الناس

[احمد محمد 81]

ارزاق مقسمها الخلاق
لن تاخد اكتر من المقسوم لك

[السنيور]

على فكره اكثر شغلانه فيها كذب وغش هى الشغلانه دى الاخ بيقول ذكاء يعنى شغل دماغك يعنى مختش اللى انا عاوزه فى التركيب اخده فى حاجه تانى وده حرام واستغلال هتقول العيشه والغلا محدش ضربك على ايدك شوف شغلانه تانى هتركب اوروبى ونايل سات طلبت 100 جنيه الزبون اعطاك 80 وده كتير على التركيبه والكل عارف كده اهم حاجه البركه 50 جنيه فيهم بركه افضل من 200 جنيه مفيهمش بركه اتقوا الله فى الزبون علشان ربنا يبارك

[mahmoud_zahran]

رضينا بالهم والهم ما رضيش بينا
كلوا عيش يا اخوانا ما تتبطروش علي النعمة أحسن ما تزول من وشكم
مش تقعد تحط رجل علي رجل وتتشرط علي الزباين
وبعدين يعني اما اروح لمحل دش واقوله عايز اغير سوفت ويركب فلاشته ويطلب 50 جنية وتبقي مش عاجباه كمان ايه الهم ده

[محمد_saper]

الشغلانه ماتت خلاص ربنا يبارك فى صيانة الشاشات