محمود يوسف 1974
2015/06/28, 10:58 AM
انا من زمان وانا عاوز اكتب فى الموضوع ده بس قولت استنى شوية لحد ما اشوف دهوك هتعمل ايه
والمشكلة ببساطة انا كمصرى وايا كان انتمائى الكروى نفسى اشوف فريقى المفضل وهو بيلعب فى افريقيا وع المباشر واتفرج ع الماتش بتاعه وانا جالس فى بيتى معزز مكرم والموضوع ده كان بيحصل فعلا فى التسعينيات ولكن من ساعة ما بدأت القنوات تتشفر ورفع شعار (ادفع تشاهد ) واحنا فى غلب الصراحة بدأتها قنوات الايه ار تى واشترت حقوق البث من دور الثمانية ولا تذاع الا عن طريق الكارت قلنا مش مشكلة فلوسهم وعاوزين يلموها واصبحت زى الاحتراف .. تجارة يعنى ... وسألنا على الدش بتاعهم وسعره لقيناه ب 30 جنيه فى الشهر بس المشكلة ان القنوات اللى انت عاوزها ليها سعر تانى وكانوا بيذيعوا متشات الاندية فى الدول العربية التانية على قناة 1 و 2 اللى ع الباقة ماعدا متشات الاهلى والزمالك فى افريقيا بيتذاعوا على قنوات الابطال ( مش عارف ابطال على مين ) وابتديت اتفرج ع القهاوى وما ادراك ما القهاوى الكرسى كان بخمسة جنيه وبعشرة جنيه غير المشاريب والقاعدة كانت بتلم الصراحة .. لحد ما جه نظام وصلة الدش واشتركنا فيها الصراحة وكانت ايام حلوه الصراحة وكان الواحد عنده تخمة من كتر الماتشات اللى بيشوفها ع الوصلة بس الحلو مبيكملش وكانت الدولة واجهزة الامن بتحارب نظام وصلات الدش وكانوا مطاردين فعلا مع طبعا تأنيب الناس ان اللى بيشارك فى الوصلة بياكل نار فى جسمه ومشارك مع السارق ( راجع الاستاذ عمرو خالد ) ومشيوا من المنطقة من عندنا واللى عاوز يتفرج يرجع تانى للقهاوى لحد ما جت المدعوءة اللى اشترت من الايه ار تى حق الماتشات وذاعتها عندها ونفس النظام حصل مع رفع الاشتراك لحد ما لقينا متنفسنا الوحيد فى حكاية النت والسيرفر والريسيفر اللى بيفتح الشوتايم والايه ار تى والجزيرة قلنا خلاص الدنيا احلوت واشتريت الريسيفر اللى بيفتح جت تانى وقفلت قنواتها قبل كاس العالم ع ******* (يادى النيلة ) وعاوز تتفرج ادفع تمن الجهاز و 1000 جنيه فى السنة اشتراك (ياخى 1000عفريت لما يركبكوا) ..
ومن ساعتها والواحد دايخ على وسيلة يتفرج فيها ع الماتشات الافريقية ومش لاقى وظهرت فى الافق انفراجة فى قناة دهوك وقلت هتذيع الماتشات الافريقية برضه مذاعتش حاجة حتى نهائى ابطال افريقيا ونهائى الكونفيدرالية مذاعتش حاجة منهم وفضلت عليهم ماتشات من دوريات اوروبا .. ولغاية دلوقتى مفيش قناة افريقية ظهرت بتذيع الماتشات الافريقية على طول من غير زفت تشفير ... دا حتى اشتروا حقوق التصفيات المؤهلة لكأس الامم الافريقية وكأس العالم
انا مش فاهم هيعملوا معانا ايه تانى انا مش عارف ...... ارحمونا بأه
على فكرة الموضوع ده للفضفضة مش اكتر فياريت محدش ياخد على خاطره منى من الكلام اللى قلته وياريت القائمين على المنتدى يسامحونى لو كان فيه تجاوز
وشكرا
والمشكلة ببساطة انا كمصرى وايا كان انتمائى الكروى نفسى اشوف فريقى المفضل وهو بيلعب فى افريقيا وع المباشر واتفرج ع الماتش بتاعه وانا جالس فى بيتى معزز مكرم والموضوع ده كان بيحصل فعلا فى التسعينيات ولكن من ساعة ما بدأت القنوات تتشفر ورفع شعار (ادفع تشاهد ) واحنا فى غلب الصراحة بدأتها قنوات الايه ار تى واشترت حقوق البث من دور الثمانية ولا تذاع الا عن طريق الكارت قلنا مش مشكلة فلوسهم وعاوزين يلموها واصبحت زى الاحتراف .. تجارة يعنى ... وسألنا على الدش بتاعهم وسعره لقيناه ب 30 جنيه فى الشهر بس المشكلة ان القنوات اللى انت عاوزها ليها سعر تانى وكانوا بيذيعوا متشات الاندية فى الدول العربية التانية على قناة 1 و 2 اللى ع الباقة ماعدا متشات الاهلى والزمالك فى افريقيا بيتذاعوا على قنوات الابطال ( مش عارف ابطال على مين ) وابتديت اتفرج ع القهاوى وما ادراك ما القهاوى الكرسى كان بخمسة جنيه وبعشرة جنيه غير المشاريب والقاعدة كانت بتلم الصراحة .. لحد ما جه نظام وصلة الدش واشتركنا فيها الصراحة وكانت ايام حلوه الصراحة وكان الواحد عنده تخمة من كتر الماتشات اللى بيشوفها ع الوصلة بس الحلو مبيكملش وكانت الدولة واجهزة الامن بتحارب نظام وصلات الدش وكانوا مطاردين فعلا مع طبعا تأنيب الناس ان اللى بيشارك فى الوصلة بياكل نار فى جسمه ومشارك مع السارق ( راجع الاستاذ عمرو خالد ) ومشيوا من المنطقة من عندنا واللى عاوز يتفرج يرجع تانى للقهاوى لحد ما جت المدعوءة اللى اشترت من الايه ار تى حق الماتشات وذاعتها عندها ونفس النظام حصل مع رفع الاشتراك لحد ما لقينا متنفسنا الوحيد فى حكاية النت والسيرفر والريسيفر اللى بيفتح الشوتايم والايه ار تى والجزيرة قلنا خلاص الدنيا احلوت واشتريت الريسيفر اللى بيفتح جت تانى وقفلت قنواتها قبل كاس العالم ع ******* (يادى النيلة ) وعاوز تتفرج ادفع تمن الجهاز و 1000 جنيه فى السنة اشتراك (ياخى 1000عفريت لما يركبكوا) ..
ومن ساعتها والواحد دايخ على وسيلة يتفرج فيها ع الماتشات الافريقية ومش لاقى وظهرت فى الافق انفراجة فى قناة دهوك وقلت هتذيع الماتشات الافريقية برضه مذاعتش حاجة حتى نهائى ابطال افريقيا ونهائى الكونفيدرالية مذاعتش حاجة منهم وفضلت عليهم ماتشات من دوريات اوروبا .. ولغاية دلوقتى مفيش قناة افريقية ظهرت بتذيع الماتشات الافريقية على طول من غير زفت تشفير ... دا حتى اشتروا حقوق التصفيات المؤهلة لكأس الامم الافريقية وكأس العالم
انا مش فاهم هيعملوا معانا ايه تانى انا مش عارف ...... ارحمونا بأه
على فكرة الموضوع ده للفضفضة مش اكتر فياريت محدش ياخد على خاطره منى من الكلام اللى قلته وياريت القائمين على المنتدى يسامحونى لو كان فيه تجاوز
وشكرا