ارحمونا بأه .......

محمود يوسف 1974 · #1 2015/06/28, 10:58 AM

انا من زمان وانا عاوز اكتب فى الموضوع ده بس قولت استنى شوية لحد ما اشوف دهوك هتعمل ايه
والمشكلة ببساطة انا كمصرى وايا كان انتمائى الكروى نفسى اشوف فريقى المفضل وهو بيلعب فى افريقيا وع المباشر واتفرج ع الماتش بتاعه وانا جالس فى بيتى معزز مكرم والموضوع ده كان بيحصل فعلا فى التسعينيات ولكن من ساعة ما بدأت القنوات تتشفر ورفع شعار (ادفع تشاهد ) واحنا فى غلب الصراحة بدأتها قنوات الايه ار تى واشترت حقوق البث من دور الثمانية ولا تذاع الا عن طريق الكارت قلنا مش مشكلة فلوسهم وعاوزين يلموها واصبحت زى الاحتراف .. تجارة يعنى ... وسألنا على الدش بتاعهم وسعره لقيناه ب 30 جنيه فى الشهر بس المشكلة ان القنوات اللى انت عاوزها ليها سعر تانى وكانوا بيذيعوا متشات الاندية فى الدول العربية التانية على قناة 1 و 2 اللى ع الباقة ماعدا متشات الاهلى والزمالك فى افريقيا بيتذاعوا على قنوات الابطال ( مش عارف ابطال على مين ) وابتديت اتفرج ع القهاوى وما ادراك ما القهاوى الكرسى كان بخمسة جنيه وبعشرة جنيه غير المشاريب والقاعدة كانت بتلم الصراحة .. لحد ما جه نظام وصلة الدش واشتركنا فيها الصراحة وكانت ايام حلوه الصراحة وكان الواحد عنده تخمة من كتر الماتشات اللى بيشوفها ع الوصلة بس الحلو مبيكملش وكانت الدولة واجهزة الامن بتحارب نظام وصلات الدش وكانوا مطاردين فعلا مع طبعا تأنيب الناس ان اللى بيشارك فى الوصلة بياكل نار فى جسمه ومشارك مع السارق ( راجع الاستاذ عمرو خالد ) ومشيوا من المنطقة من عندنا واللى عاوز يتفرج يرجع تانى للقهاوى لحد ما جت المدعوءة اللى اشترت من الايه ار تى حق الماتشات وذاعتها عندها ونفس النظام حصل مع رفع الاشتراك لحد ما لقينا متنفسنا الوحيد فى حكاية النت والسيرفر والريسيفر اللى بيفتح الشوتايم والايه ار تى والجزيرة قلنا خلاص الدنيا احلوت واشتريت الريسيفر اللى بيفتح جت تانى وقفلت قنواتها قبل كاس العالم ع ******* (يادى النيلة ) وعاوز تتفرج ادفع تمن الجهاز و 1000 جنيه فى السنة اشتراك (ياخى 1000عفريت لما يركبكوا) ..
ومن ساعتها والواحد دايخ على وسيلة يتفرج فيها ع الماتشات الافريقية ومش لاقى وظهرت فى الافق انفراجة فى قناة دهوك وقلت هتذيع الماتشات الافريقية برضه مذاعتش حاجة حتى نهائى ابطال افريقيا ونهائى الكونفيدرالية مذاعتش حاجة منهم وفضلت عليهم ماتشات من دوريات اوروبا .. ولغاية دلوقتى مفيش قناة افريقية ظهرت بتذيع الماتشات الافريقية على طول من غير زفت تشفير ... دا حتى اشتروا حقوق التصفيات المؤهلة لكأس الامم الافريقية وكأس العالم
انا مش فاهم هيعملوا معانا ايه تانى انا مش عارف ...... ارحمونا بأه
على فكرة الموضوع ده للفضفضة مش اكتر فياريت محدش ياخد على خاطره منى من الكلام اللى قلته وياريت القائمين على المنتدى يسامحونى لو كان فيه تجاوز
وشكرا

kimo1111 · #2 2015/06/28, 11:08 AM

مع ان كل الدول حولينا بتفرجوا على ماتشاتهم بدون ادنى مشكله
احنا بس اللى مشحتفين
ليه ...ما اعرفش

محمود يوسف 1974 · #3 2015/06/28, 11:13 AM

اقتباس:

المشاركة الأصلية كتبت بواسطة kimo1111

مع ان كل الدول حولينا بتفرجوا على ماتشاتهم بدون ادنى مشكله
احنا بس اللى مشحتفين
ليه ...ما اعرفش

مهو ده اللى قصدى عليه والله

اسماعيل عمر · #4 2015/06/28, 11:23 AM

ملخص الموضوع التلفزيون المصرى فاشل ولا يحترم المشاهد

alkholy · #5 2015/06/28, 11:38 AM

اقتباس:

المشاركة الأصلية كتبت بواسطة اسماعيل عمر

ملخص الموضوع التلفزيون المصرى فاشل ولا يحترم المشاهد

تمام

™Mr.Mahmoud™ · #6 2015/06/28, 01:43 PM

استاذ محمود
الموضوع عرض وطلب وبين سبورت معاها وبتشتري البطولات
ودهوك اصلاً عمرها ما نقلت بطولات افريقيا

موضوع حضرتك ليس في قسمه الصحيح
كما ان عنوانه لايدل علي محتوي الموضوع

اسف لحضرتك سيتم غلق الموضوع

مغلق

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
من فضلكم ارحمونا من الاعلانات ا	حماده رمضان	كيوماكس 999 HD ( H1, H2, H3, H4, H5, H6, H7, H8 ,H9,H10)	1	2016/03/27 09:39 PM
ارحمونا يا خبراء ارحمونا ياعالم من سوبر ماكس	yafgm	ريسيفرات المعالج صن بلص ( Sunplus 1506 HD )	4	2013/10/26 12:20 PM
ارحمونا من اجهزة عبد العال	hany2020	كيوماكس 999 HD ( H1, H2, H3, H4, H5, H6, H7, H8 ,H9,H10)	2	2013/10/17 04:50 PM
ارجوكم ارحمونا احنا اخوتكم في مصر	coto2012	المنتدى الفضائى العام	4	2013/04/08 05:54 PM