تسجيل الدخول

مشاهدة النسخة كاملة : حكايه ريسفر .... اليوم مع vu+ solo se v2 اصلي

الصفحات : 1 2 [3]
Mr.HeRo
2016/04/28, 06:58 PM
هههه يعني احنا بنبيع هوا يا ريس ....
طبعا توكيل رسمي لا . لان القانون المصري لا يتيح اما الاسعار فهي حره للنقاش لا مشكل

بس مش عايز الناس تقارن واحد شايل جهاز في ايده وجاي

بناس بتشتري بشحن وجمارك . وغيره .....

يعني لو انت تقدر تشتري بايدك .. ليه هتجيلي اصلا ... ما خلاص اكيد هتشتري .
ااما اتهمنا بقي بالجشع والغلاء الغير مبرر .... وبدون نقاش حتي تسمع
ولا الناس تحاول تفهم انه الضرايب بقت 40 في الميه رسمي
http://www.shy22.com/upfiljpg/9b360326.jpg


اكيد مش هنزعل بس كل شئ بالعقل

لا يافندم انا وضحت وبالصورة ان سعر الجهاز vu plus solose v2 dual tuner بالشحن والجمارك لمصر 2380ج مش 3800ج فبعد اذنك بلاش تغيير للكلام
mostafa osman
2016/04/28, 07:00 PM
انا كل كلامي نصيحة للي عايز يشتري ... في مكانين بيبعو المنتج
مكان كذا سعره كذا ومكان كذا سعره كذا
فلما اقول ان ده ارخص من ده بالدليل والصور مينفعش تقولي بتكلم بدون اساس او بدون اثبات

الناس ليها الحق والحرية في اختيار يشتري منين ... انا عند كلمتي اللي قلتها في اول رد .. اللي عايز يشتري جهاز محترم ونضيف مش هيستعجل وهيشتريه بسعره اللي الشركة اللي صنعته بتبيعه بيه ... اللي مستعجل بيدفع زيادة عشان محتاج الجهاز بسرعه وده طبيعي

انا قلت في رد تاني ان توكيل مصر ماهو الا موزع للتوكيل الاصلي في دبي .. وده مبرر لزيادة الاسعار .. الموزع طبيعي بيبيع باسعار اعلى عشان يكسب .. كون ان في مبرر او لأ مش هيفرق معايا انا كمستهلك .. انا اللي يفرق معايا خرج كام من جيبي عشان اشتري الجهاز .. بس كده

اسمحلي حضرتك كده بتلف وتدور ...
حضرتك قلت نصا ... وراجع ردك
توكيل دريم بوكس مصر بيبع باسعار غير مبرره .. وغاليه كده واحتكار واستغلال ....


هل انت شايف ده حقيقي ....؟

هل انت شاي اننا بنجيب اجهزه بدون شحن او جمرك او حتي مصاريف شحنه للزبون او حتي احتساب هامش ربح علي الاقل 10 في الميه ؟؟؟؟
Mr.HeRo
2016/04/28, 07:04 PM
اسمحلي حضرتك كده بتلف وتدور ...
حضرتك قلت نصا ... وراجع ردك
توكيل دريم بوكس مصر بيبع باسعار غير مبرره .. وغاليه كده واحتكار واستغلال ....


هل انت شايف ده حقيقي ....؟

هل انت شاي اننا بنجيب اجهزه بدون شحن او جمرك او حتي مصاريف شحنه للزبون او حتي احتساب هامش ربح علي الاقل 10 في الميه ؟؟؟؟

توكيل مصر بيبيع باسعار غالية وغير مبررة ؟ اه قلت كده وما زلت مصمم على كده
هل ده احتكار واستغلال ؟ طبعا لانه هو الموزع الوحيد في مصر ... لو قال ان ال zero ب 3 الاف بكرة مفيش حد هيقوله بتعمل ايه ولا هيخاف من سعر تاجر منافس فيقلل سعره ... ده تعريف الاحتكار والاستغلال حضرتك

حضرتك بقى بتجيب اجهزة وتشحنها لمصر وتدفع زيادة وكل الكلام ده على راسي من فوق .. انا اعتراضي على هامش الربح .. اعتراض ممكن يعدي عادي يعني ومتشغلش بالك بيه اوي كده لأن الزبون والمستهلك ليه حرية الاختيار

انت محسسني اني مثلا بقول للناس تعالو اشترو مني او انا شغال موزع لامازون مثلا
mostafa osman
2016/04/28, 07:04 PM
تمام ... كده يبقي حضرتك تمام ... ياريت توثق المعلومات . دي في صوره شرح للناس اللي حابه تستفيد ..ده حقك ...
لكن من فضلك اذا ذكرت اسمنا او تكيلنا يكون بكل خير بدون الدخول في تفاصيل
انا ااحترمت حضرتك . وحاولت اتناقش معاك برغم انك اتهمتنا اتهام باطل بالجشع والاستغلال...

لكن لكل رائيه وتوجهه ......
كل عام وانت بخير تحياتي
Mr.HeRo
2016/04/28, 07:14 PM
تمام ... كده يبقي حضرتك تمام ... ياريت توثق المعلومات . دي في صوره شرح للناس اللي حابه تستفيد ..ده حقك ...
لكن من فضلك اذا ذكرت اسمنا او تكيلنا يكون بكل خير بدون الدخول في تفاصيل
انا ااحترمت حضرتك . وحاولت اتناقش معاك برغم انك اتهمتنا اتهام باطل بالجشع والاستغلال...

لكن لكل رائيه وتوجهه ......
كل عام وانت بخير تحياتي
والله لم اتهم بالباطل .. اتهامي بالباطل يعني اني اغير في حقائق او اقول ان الجهاز رخيص مثلا في مكان كذا وهو غالي او ان يكون مفيش فرق سعر كبير فعلا

عموما تحياتي ليك جدا ... ويعلم الله اني كنت من اكثر الناس فرحا وانتظارا لموزع مصر ولكن صدمت بالاسعار
عموما اعتقد ان الهدف واحد من النقاش وهو المصلحة العامة ويعلم الله ايضا صدق نيتي
mostafa osman
2016/04/28, 07:24 PM
الاحترام متبادل .... طبعا
لكن ليعلم الله انا خارج ما تظن
واننا ندفع الاتي
100 درهم اماراتي بسعر الصرف الحر واخر شحنه بتاريخ امس ب 2.92
جمارك تقدر ب 40 في المئه رسميا ولان اجهوتنا عالميه فعمروف اسعاره في الفواتير ...

واليك حسابات الاجهزه كما تقول

الفيو

550 +100 = 650 درهم في 2.92 = 1898
مبلغ غير ثابت للضرائب يترواح من 250 الي 400 حسب تقدير مامور الجمرك
يصل الي ما بين 2100- 2300
تكلفه شحنه للعميل تقريبا 50 .. وسيرفر هديه وووو

هتقولي مش معقول بتكسب 200 ولا 100 هقول اه ... لاني مش بجيبه بسعر البيع بجيبه تجاري ...

لكن هامش الربح لا تعدي 15 في الميه باي حال .. وطعا ليك حريه تصديق ذلك ام لا

===
solo se v2
750 درهم و100 شحن يبقي 850 درهم يساوي 2482 جنيه مصري
+
500 الي 650 جمرك ...
تقريبا 3000 .... طبعا باشتريه اقل شويه ... لكن برضه هامش الربح لا يتعدي 15 في الميه
===============

الاتنين تيونر اللي حضرتك اديته مثال

950+100 شحن بيساوي 1050 درهم بالمصري يكون 3066
ونفس جمرك السنجل تيونر ...

وهكذااا ...


====================================\

طبعا كلامي هيكون اكتر اقناع لو قارنت منتجنا بمنتجات تانيه زي العربيات والموبايلات و و و و و

مصر غاليه جدا في الجمارك ... وكمان الشحن ..... لاحظ كمان اننا مش مؤسسه معلنه يعني حكوميه .. كان ممكن نكون لينا ضريبه معينه او غيره ...

باختصار .... موضوع فرق السعر بينا وبين الخارج ... امر منتهي منه

فقط ما ندافع عنه هو سمعتنا ....

تحياتي
mostafa osman
2016/04/28, 07:34 PM
دافعا عن مصداقيتنا قدام الناس وهثبت لحضرتك ...
http://www.shy22.com/upfiljpg/9rh64785.jpg


شوف تاريخ الصوره دي والاسعار كانت ازاي ....؟؟ وكانت اقل قبل كده ...

القفزه دي راجعه لعاملين تموا مع بعض في نفس الللحظه ... قفزه هايله للدولار .... ارتفاع جمارك .....


اتمني تكون الصوره وضحت للجميع
Mr.HeRo
2016/04/28, 07:57 PM
يا باشا والله كل ده واضح ومعروف وبغض النظر عن اي أسباب متفرقش مع المستهلك... المهم بالنسبه لينا السعر كام؟ هشتري من هنا بكام ومن هنا بكام؟ بس... زياده السعر مبررة او لأ متفرقش كتير

Sent from my Nexus 6P using Tapatalk
abomody
2016/04/28, 08:05 PM
مساء الخير يا جماعه .. ده رد الاستاذ احمد حبيب الوكيل
==== السلام عليكم =====

تحيه طيبه وبعد ...
جزيل الشكر والامتنان لجميع الاخوه الذين يتابعون وجود الاجهزه . ونشكرهم شكرا جزيلا علي هذه الثقه الغاليه
اما بخصوص الشكوي من الاسعار .. فالسبب الرئيسي في ذلك هو عدم درايه حضراتكم بتفاصيل عمليه الشراء والاسعار التي ترون انها مبالغ فيها .....

وفيما ذلك شرح بسيط جداااااااا

1- سعر الدرهم يا جماعه مش 2 جنيه والله ... الموضوع ده خلص من زمااااااان ... الدرهم في البنك 2.50 واحنا بنشتري سوق سوده لانه مفيش دولار ابدا او درهم ف البنوك وبيوصل ل 3 جنيه ووصل 3 و 10 قروش

2- سعر الشحن من دبي لهنا واللي بيتكلف اكثر من 100 درهم للقطعه الواحده ..

3- سعر الجمارك ال بقيت 40 في الميه في مصر رسمي ...

كل دي اسباب لارتفاع الاسعار (اللي بحسبه بسيطه هي اقل من المتوقع )


وتعالوا نسحب مع بعض تكلفه شراء جهاز فيو زيرو

الجهاز
550 درهم +100 شحن +100 جمرك ..= 750 درهم
اضرب حضرتك في 3 جنيه يساوي تقريبا 2250 ....

لا اعتقد انه 10 في الميه ده شئ كتير كربح ...
=============================
طيب تعالي اشتريه من دبي
550 درهم تمنه + 120 شحن ( سعر الشحن في موقع دبي )
خش بقي علي تلات ايام من السواد في الجمرك
اول يوم تروح تصرف 300 فتح شهاده في الجمرك وتخليص ورق
تاني يوم تروح ماسبيرو
تالت يوم ترجع المطار تدفع الجمارك والارضيات ... وتستلم ..

ده طبعااااااا اذا استلمت ولو وافقوا

كمان محسبت ليك عموله تحويلك المبلغ للامارات اللي بتكون تقريبا لوحدها حكايه
من الاخر هتخش في 3000 جم ....



طبعا ده رد تفصيلي احتراما لعقول الناس ليس الا
واشكركم جميعا

احمد حبيب

رد كافى ووافى patch_lov-
bebo606
2016/04/29, 01:48 AM
اساتذتي الكرام المبجلين / لحضراتكم كل الود والحب والاحترام والتقدير

وجهة نظري المتواضعة في هذا النقاش المحتدم بين أحبائي المحترمين والذي يصب في النهاية في مصلحة المواطن المصري :-

أولا : عن نفسي في غاية الفرح والسرور بوجود مكان في مصر يبيع هذه الأجهزة الرائعة التي لا أعرف قيمتها الحقيقية لاني لا املك جهاز من هذه الأجهزة .

ثانيا : عملت جمعية بمبلغ : 2000 جنيه مصري وكان ممكن المبلغ يوصل لـ 2500جنيه لكي اشتري جهاز من هذه الأجهزة تقريبا الكلام دا السنة الماضية 2015م .
المهم وصيت إنسان محترم في باب اللوق كنت بتعامل معاه وكل شويه اكلمه يقولي اصبر معظم الأجهزة هنا طبعا مش اصلية وكمان مضروبة وانت زبوني ومينفعش اشتريلك جهاز ويطلع فيه مشكلة . وظل هذا الموضوع حوالي شهرين او اكثر الى ان ضاع المبلغ في احتياجات الحياة المختلفة .

ثالثا : انا لا عندي خبرة بالتعامل مع مواقع اجنبية ولا لي قريب في دولة عربية لكي اشتري من خلالهم احد الاجهزة .

رابعا : ارجو من القائمين على بيع هذه الأجهزة المحترمة في مصر ان يراعوا المصريين بعض الشيء مع تقديري لما يتكبدوه من تعب ومشقة واجراءات كثيرة معقدة
وطبعا لابد من مكسب معقول لتقديم هذه الخدمة المتميزة

خامسا : عن نفسي اشتري من هنا بفرق في السعر معقول احسن من المواقع او من دبي او غيرهما والسبب ان لو فيه اي حاجه في الريسيفر هيكون سهل عليا الاتصال بأبناء بلدي واكيد هيساعدوني في حل مشكلة الجهاز مثلا او مش عارف حاجه في الجهاز او محتاج اي معلومة هقدر اتواصل معاهم بسهولة

سادسا : اتمنى ان نسير على مقولة : الخلاف في الرأي لا يفسد للود قضية .

واخيرا : وأسف للإطالة : رجاء من السادة المحترمين اللى وفروا هذه الاجهزة الجبارة الرائعة مراعاة السعر على قدر الامكان لأني واحد من الناس اللى بيتمنى يملك جهاز محترم من هذه الأجهزة

وعلى فكرة : اشتريت اكثر من جهاز من أنواع مختلفة وكنت ابيعه بربع ثمنه لأنها اجهزة سيئة جدا جدا ولو حسبت ما خسرته من بيع وشراء هذه الاجهزة وبدون مبالغة

كان زماني اشتريت جهاز VU+solo 4K

تحياتي وتقديري واحترامي لحضراتكم
shtiger
2016/04/29, 12:18 PM
نهاية الحوار

الاخ هيرو جزاه الله خيرا وضح 3 طرق لشراء االاجهزه بسعر اقل من شراءه في مصر

والاخ مصطفى بيوفر الجهاز بردو بضمان + ***** + **** بسعر طبعا اعلى عشان دي تجاره

والزبون ليه حق اختيار ومصلحته هي الاهم

وربنا يديم الخير على الجميع
Adelinooo
2016/09/08, 07:26 AM
أنا إشتريت الجهاز ده من حوالي شهرين ....الجهاز تحفة و سريع و هناك فرق كبير بينه و بين الأجهزة العادية ....المشكلة الوحيدة ان الترجمة و الحروف العربى لا تظهر عندى و أنا منتظر الدعم من الوكيل اللى دايما معانا و بيدعمنا بأحلى صور و باكاب ...فى النهاية أجهزة +Vu تستحق الإقتناء
Adelinooo
2016/09/08, 07:29 AM
بالرغم أنى أمتلك جهاز أصلي +Vu Solose v2 و لكن عندى سؤال هل الجهاز ده فيه منه صينى و كيف أفرق بين الأصلي و الصينى ؟؟