تسجيل الدخول

مشاهدة النسخة كاملة : حكايه ريسفر .... اليوم مع vu+ solo se v2 اصلي

الصفحات : [1] 2 3
mostafa osman
2016/04/24, 01:56 AM
http://store2.up-00.com/2016-03/145765870037731.gif

http://store2.up-00.com/2016-03/145765870049812.gif


بعد التحيه ...
اليوم موعدنا مع حكايه ريسفر .. سلسه حكايات للتعريف بريسفرات الجيل التالت

وبدايه الحكايه النهارده مع العملاق ....
http://www.shy22.com/upfilpng/tqf55601.png

ريسفر عملاق بكل ما تحمل الكلمه من معني ....

السعر .. 3300 جم
مكان الشراء ... توكيل دريم ملتي ميديا مصر
dreamboxegypt.com

النوعيه . اصلي

الامكانات ...
http://www.shy22.com/upfiljpg/khk55693.jpg


النتيجه .... ريسفر قوي جدا يتعامل مع جميع انواع الصور .....

امكانيه تشغيل جميع انواع الشيررنغ ...

تحياتي
ممدوح حسين صادق
2016/04/24, 04:46 PM
دى سعر خالى 3300 اه فى الاول والااخر ريسفر دى الوحد يشتر هابير 2000 ويقعد يجدد السرفر بعد الانتهاء 15عام ههيهههههههههههههههههههههههههههههههههه
مكتب مريم
2016/04/24, 04:48 PM
دى سعر خالى 3300 اه فى الاول والااخر ريسفر دى الوحد يشتر هابير 2000 ويقعد يجدد السرفر بعد الانتهاء 15عام ههيهههههههههههههههههههههههههههههههههه

وليه كدة مشترك فى البين احسن 3سنين
mostafa osman
2016/04/25, 01:30 AM
امتنعوا عن الرد .. افضل ان كنت لا تعلمون هههه

يا حبايب دي حاجات اورجنال

كل سنه وانتوا طيبين
Mr.HeRo
2016/04/25, 08:57 AM
3300ج!!! ده اكتر من ضعف سعره الرسمي حرفيا
ده سعره 170 يورو يعني ميوصلش 1900ج كمان
توكيل مصر للأسف بيبيع بأسعار خرافيه بدون مبرر منطقي... ده بيبيع ال Zero ابو 1200ج ب 2500ج

حضرتك لو اشتريت ال SoloSE v2 Dual Tuner كمان مش Single Tuner من بره وشحنته لمصر ودفعت شحن وجمارك وكل حاجه مش هيوصل سعره 2500ج
بس احنا اتعودنا على الاحتكار والاستغلال للأسف

Sent from my Nexus 6P using Tapatalk
Mr.HeRo
2016/04/25, 08:59 AM
وعلى فكرة توكيل مصر مجرد موزع للتوكيل الرسمي الوحيد في الشرق الأوسط واللي مكانه دبي... ادخل شوف الأسعار الرسمية هناك وفي كل الدنيا كام وهنا كام!!!

Sent from my Nexus 6P using Tapatalk
adawya
2016/04/25, 01:12 PM
الأجهزة الموجودة فى السوق المصرى حاليا أى كلام وتستنزف فلوس الغلابة باللعب على نغمة ******* وبصراحة الأجهزة الأصلى لا يعلى عليها وجهاز vu+ solo se v2 ممتاز جدا والحمدلله ان فيه توكيل فى مصر اشتريت منه هذا الجهاز السريع جدا وصورته ممتازة جدا ونصيحة من مجرب لأنى تعاملت مع تجار فى باب اللوق والعملية نصب فى نصب واحمدوا ربنا ان التوكيل أصبح فى مصر وبالتحديد فى بلقاس ورفع ثمنه من 2100 الى 2675 الى 3000 ثم أخيرا 3300 جنيها بسبب ثمن الدولار ومشاكل فى ميناء سفاجا وعل العموم كل واحد وزوقه تشترى جهاز وتحتفظ به لمدة طويلة ولا تشترى جهاز كل سنة مع نهاية *******
Mr.HeRo
2016/04/25, 01:59 PM
يا باشا مفيش اختلاف اصلا على الجهاز نفسه .. انا بتكلم في الاستغلال وزيادة الاسعار بحجة الجمارك .. بقول حجة لان حضرتك او اي حد لو اشترى الجهاز اونلاين من اي مكان في العالم و اتشحن له لحد باب بيته مش هيدفع المبلغ الخرافي ده

في نفس الوقت انا أتفهم جدا اللي بيشتري ريسيفر عادي ب 500ج بيأدي الغرض اللي هو عاوزه بالضبط كريسيفر بيستقبل قنوات ويفتح قناتين تلاته بيتفرج بيهم على ماتشات فريقه وشكرا خصوصا لما تبقى مش موفر ليه البديل الكويس غير بسعر خرافي مبالغ فيه جدا جدا و كمان لما يبقى كل اللي بيتكلم عن مميزات ال Vu plus وال Dreambox لا يذكر اي مميزات تميز الجهازين فعلا .. ولا يذكر انه مش مجرد ريسيفر وخلاص .. لأ ده جهاز multimedia متكامل
hamdy1959
2016/04/25, 02:04 PM
تشترى جهاز وتحتفظ به لمدة طويلة ولا تشترى جهاز كل سنة مع نهاية *******
هذا هو السؤال
Mr.HeRo
2016/04/25, 02:29 PM
ده من وجهة نظرك .. من وجهة نظره هو هيجيب ريسيفر ب 500ج وهيجدد له ******* اللي مكفيه جدا كذا مره ومش هيحس انه ناقصه حاجة اصلا
بطريقة تانية .. ال Vu plus وال dreambox مش مجرد ريسيفر وخلاص واللي بيشتريهم عشان اخره يستخدمه كريسيفر كان أحسن له واوفر يشتري اي ريسيفر تاني بربع الثمن و يكون محترم ونضيف وأصلي ومن التوكيل بتاعه بردو

ال Vu plus و ال dreambox ما ينفعش تقارنهم بالريسيفرات دي مش عشان الريسيفرات التانية وحشة بالعكس في منهم ممتاز في الحاجة اللي بيعملها مجرد استقبال وعرض للقنوات ده اللي معظم المستخدمين عاوزينه

انما ال Vu plus مثلا بالاضافة لكونه ريسيفر من اهم المميزات فيه ال transcoding وال open webif و امكانيات ال dual tuners الكتير جدا وال hbbtv ده غير الكم المهول من ال plugins وال extensions و امكانيات ال Enigma2 نفسها وصورها وحاجات تانيه كتير
Mr.HeRo
2016/04/25, 02:33 PM
نرجع بقى للنقطة اللي انا اصلا معترض عليها .. انا معترض على السعر مش على الريسيفر ... انا لو مش مقتنع بالريسيفر مكنتش اشتريته اصلا

انا اعتراضي على السعر
ال vu plus zero مثلا سعره الرسمي في كل حتة في الدنيا في التوكيل من 1000ج ل 1300ج هنا ب 2500ج بدون مبرر منطقس واحد وانا مش بتكلم كلام مرسل وخلاص انا بتكلم عن تجربة شراء ل لل vu plus zero وال vu plus soloSE v2 Dual Tuner
adawya
2016/04/25, 02:39 PM
mr.hero كان معايا فلوس الدريم بوكس بتاريخ 1-7-2015 dream box 800hd se v2 وذهبت لباب اللوق لأشترى الصينى لأن الأصلى غالى جدا وقعت فى يد أحد التجار حيث دفعت له 3200 جنيها ولم أحصل على الجهاز وحضرتك عارف تصريح الاذاعة والتليفزيون وجمارك وتعقيدات أخرى المهم التاجر أخبرنى ان الجهاز رجع من المطار وبكدة خسرت فلوسى وكأنى لعبت قمار والخلاصة اننى كنت عاوز أشترى جهاز ممتاز ومعى ثمنه ولكنى لم أستطع شراؤه وعلى العموم التوكيل وجوده كويس فى مصر يعنى مفيش نصب ثانى وفلوسك تتضيع ولو حبيت تشترى الجهاز الأصلى هتلقيه وان حبيت تشترى الفلصو اللى مالوش لازمة انت وكيفك مش كدة ولا ايه
شادى صلاح
2016/04/25, 02:40 PM
نرجع بقى للنقطة اللي انا اصلا معترض عليها .. انا معترض على السعر مش على الريسيفر ... انا لو مش مقتنع بالريسيفر مكنتش اشتريته اصلا

انا اعتراضي على السعر
ال vu plus zero مثلا سعره الرسمي في كل حتة في الدنيا في التوكيل من 1000ج ل 1300ج هنا ب 2500ج بدون مبرر منطقس واحد وانا مش بتكلم كلام مرسل وخلاص انا بتكلم عن تجربة شراء ل لل vu plus zero وال vu plus soloSE v2 Dual Tuner

صح الكلام ده
Mr.HeRo
2016/04/25, 02:44 PM
mr.hero كان معايا فلوس الدريم بوكس بتاريخ 1-7-2015 dream box 800hd se v2 وذهبت لباب اللوق لأشترى الصينى لأن الأصلى غالى جدا وقعت فى يد أحد التجار حيث دفعت له 3200 جنيها ولم أحصل على الجهاز وحضرتك عارف تصريح الاذاعة والتليفزيون وجمارك وتعقيدات أخرى المهم التاجر أخبرنى ان الجهاز رجع من المطار وبكدة خسرت فلوسى وكأنى لعبت قمار والخلاصة اننى كنت عاوز أشترى جهاز ممتاز ومعى ثمنه ولكنى لم أستطع شراؤه وعلى العموم التوكيل وجوده كويس فى مصر يعنى مفيش نصب ثانى وفلوسك تتضيع ولو حبيت تشترى الجهاز الأصلى هتلقيه وان حبيت تشترى الفلصو اللى مالوش لازمة انت وكيفك مش كدة ولا ايه

لا طبعا انا مقلتش خالص ولا عمري نصحت حد انه يشتري تقليد او اي حاجة مش اصلية
وجود التوكيل للاسف بدل ما كان هيبقى مصلحة لينا ويساعدنا بأسعاره عقد الدنيا علينا اكتر ومش مبرر اطلاقا انه يبيع ليا جهاز بضعف سعره عشان هو المكان الوحيد اللي بيبعه !!!
عن نفسي بنصح كل اللي عاوز يشتري يشتري من بره .. اي حد من معارفه او صحابه جاي من بره يجيبله الجهاز وهو جاي مصر لو مش هيعرف يشتري اونلاين مباشرة انما انه يستعجل ويشتري بضعف التمن يبقى حرام بصراحة
smsm752008
2016/04/26, 03:25 AM
كلامك صح اوى يا اخى فعلن السعر عالى اوى انا كنت ناوى اشترى الجهاز بس لمة سعرة زاد اوى كدة اولت بلاش كدة استغلال اوى بصراحة لان فى التوكيل بتاعة اقل بكتير والسعر مبالغ فية اوى ديى وجهدى نظرى محد يزعل من كلامى لان مش كل الناس معاها فلوس تشترى الغالى ى
shtiger
2016/04/27, 02:27 AM
Mr Hero

كنت عاوز رايك انا ناوي ان شاء الله على جهاز VU+ Solo SE V2
من الموقع ده

https://www.satshop.tv/VU-Solo-SE-V2-Full-HD-1080p-Linux-Dual-Receiver-Black

الموقع امان بيتعامل بالباي بال وفيها توصيل DHL
هل هيتحجز في الجمارك ولا DHL هتخلص الموضوع

استفسار صغير :

عندي جهاز بريمير +1 وعليه انيجما 2 بلاك هول

هل هحس بفرق كبير بينه وبين الفيو في السرعه ولا مش اوي
mostafa osman
2016/04/28, 03:59 AM
مساء الخير يا جماعه .. ده رد الاستاذ احمد حبيب الوكيل
==== السلام عليكم =====

تحيه طيبه وبعد ...
جزيل الشكر والامتنان لجميع الاخوه الذين يتابعون وجود الاجهزه . ونشكرهم شكرا جزيلا علي هذه الثقه الغاليه
اما بخصوص الشكوي من الاسعار .. فالسبب الرئيسي في ذلك هو عدم درايه حضراتكم بتفاصيل عمليه الشراء والاسعار التي ترون انها مبالغ فيها .....

وفيما ذلك شرح بسيط جداااااااا

1- سعر الدرهم يا جماعه مش 2 جنيه والله ... الموضوع ده خلص من زمااااااان ... الدرهم في البنك 2.50 واحنا بنشتري سوق سوده لانه مفيش دولار ابدا او درهم ف البنوك وبيوصل ل 3 جنيه ووصل 3 و 10 قروش

2- سعر الشحن من دبي لهنا واللي بيتكلف اكثر من 100 درهم للقطعه الواحده ..

3- سعر الجمارك ال بقيت 40 في الميه في مصر رسمي ...

كل دي اسباب لارتفاع الاسعار (اللي بحسبه بسيطه هي اقل من المتوقع )


وتعالوا نسحب مع بعض تكلفه شراء جهاز فيو زيرو

الجهاز
550 درهم +100 شحن +100 جمرك ..= 750 درهم
اضرب حضرتك في 3 جنيه يساوي تقريبا 2250 ....

لا اعتقد انه 10 في الميه ده شئ كتير كربح ...
=============================
طيب تعالي اشتريه من دبي
550 درهم تمنه + 120 شحن ( سعر الشحن في موقع دبي )
خش بقي علي تلات ايام من السواد في الجمرك
اول يوم تروح تصرف 300 فتح شهاده في الجمرك وتخليص ورق
تاني يوم تروح ماسبيرو
تالت يوم ترجع المطار تدفع الجمارك والارضيات ... وتستلم ..

ده طبعااااااا اذا استلمت ولو وافقوا

كمان محسبت ليك عموله تحويلك المبلغ للامارات اللي بتكون تقريبا لوحدها حكايه
من الاخر هتخش في 3000 جم ....



طبعا ده رد تفصيلي احتراما لعقول الناس ليس الا
واشكركم جميعا

احمد حبيب
mostafa osman
2016/04/28, 04:03 AM
Mr Hero

كنت عاوز رايك انا ناوي ان شاء الله على جهاز VU+ Solo SE V2
من الموقع ده

https://www.satshop.tv/VU-Solo-SE-V2-Full-HD-1080p-Linux-Dual-Receiver-Black

الموقع امان بيتعامل بالباي بال وفيها توصيل DHL
هل هيتحجز في الجمارك ولا DHL هتخلص الموضوع

بخصوص السعر فهو عشان تكون عارف 200 يورو في 12 ونص سعر اليوم ...ده غير عموله الباي بال ( تقريبا ..2650 ) بالعموله

1- هيتم حجزه في المطار لانه بيحتاج تصريح من الاذاعه والتليفزيون وتكلفه دخول اي جهاز بجمركه بتخش في 650 ال 700 جنيه ..


عندي ليك بقي مفااجاه في الاخر
انه ده سعره من غير الشحن او الضرايب وده سعره النهائي
Total sum: 398,00 EUR
including 19% VAT.: 63,55 EUR




استفسار صغير :

عندي جهاز بريمير +1 وعليه انيجما 2 بلاك هول

هل هحس بفرق كبير بينه وبين الفيو في السرعه ولا مش اوي


الفرق رهيب ........ الي حد لا يمكنن تتخيله
mostafa osman
2016/04/28, 04:13 AM
نرجع بقى للنقطة اللي انا اصلا معترض عليها .. انا معترض على السعر مش على الريسيفر ... انا لو مش مقتنع بالريسيفر مكنتش اشتريته اصلا

انا اعتراضي على السعر
ال vu plus zero مثلا سعره الرسمي في كل حتة في الدنيا في التوكيل من 1000ج ل 1300ج
السعر في توكيل دبي او اون لاين ثابت ( 550 دهم )
يعني 1650 جنيه مصري في مكانه
بدون
شحن وكاننا هنضغط علي زرار يجي هنا
جمرك
هامش ربح




هنا ب 2500ج بدون مبرر منطقس واحد وانا مش بتكلم كلام مرسل وخلاص انا بتكلم عن تجربة شراء ل لل vu plus zero وال vu plus soloSE v2 Dual Tuner

بخصوص تجربه شراء حضرتك دي ياريت تشرحها وتعممها للناس عشان تستفيد ... انا ولا مستر احمد ضد استفاده اي حد
والدليل انه مستر احمد كان بيبع باسعار اقل من اي حد لكن ارتفاع مستمر للدولار والدرهم من 2.30 ال 2.42 ---- لغايه ما النهارده ب 3 جنيه

====
Mr.HeRo
2016/04/28, 08:14 AM
الافضل ان يكون في حد تعرفه في اي مكان بره مصر وراجع اجازة... هتشتري الريسيفر من المكان اللي هو فيه. وليكن دبي مثلا... سعر الريسيفر ال Vu plus zero هناك في توكيل دريم ملتيميدا 550 درهم يعني 1350ج بس.. و قريبك او صاحبك يجيبه معاه مصر
طب لو قريبك في دولة مفيش فيها توكيل ل دريم ملتيميدا.. بسيطة... تشتريه اونلاين من امازون المانيا مثلا وتشحنه مباشره على عنوان قريبك وهو يجيبه معاه وهو نازل مصر.. سعره على امازون 103 يورو يعني 1040ج ( بعد خصم ضريبة ال VAT لأنه هيشحن خارج الاتحاد الأوروبي)

طب لو عاوز تشحنه لمصر مفيش مشكله برده بس هيكلفك زياده مصاريف جمارك ودي امازون بتحددها لك بالضبط وانت بتدفع وهم بيخلصو كل حاجه وبردو بيوصلك لحد البيت وفي حاله ان هم مثلا حددو 300ج جمارك ودفعو 150ج بيرجعولك الفرق طب لو دفعو 400ج مبتدفعش مليم زياده عن اللي اتحددلك وانت بتشتري في الاول وده مكتوب بوضوح في قوانين الموقع

الخلاصة ان كل الطرق دي هتجيب بيها الريسيفر بنص سعره في توكيل مصر للأسف

Sent from my Nexus 6P using Tapatalk